TITUS Texts: Codex Assemanianus

TITUS
Codex Assemanianus
Part No. 12

Chapter: 12
Verse: 15

по ӣс҃ѣ ӣдѫ народі мн̄оѕі · ӣ ӣцѣлі ѧ̄ вьсѧ ·
ⱂⱁ ⰻ̄ⱄ҃ⱑ ⰻ̄ⰴⱘ ⱀⰰⱃⱁⰴⰹ ⰿⱀ̄ⱁⰷⰹ · ⰻ̄ ⰻ̄ⱌⱑⰾⰹ ⱔ̄ ⰲⱐⱄⱔ ·

Verse: 16

ӣ ӡапрѣті ӣмъ да не а̄вѣ е̄го творѧтъ ·
ⰻ̄ ⰸⰰⱂⱃⱑⱅⰹ ⰻ̄ⰿⱏ ⰴⰰ ⱀⰵ ⰰ̄ⰲⱑ ⰵ̄ⰳⱁ ⱅⰲⱁⱃⱔⱅⱏ ·

Verse: 17

да събѫдетъ сѧ реченое̄ ӣсаӣе̄мъ п҃рркомъ г҃лѭштемъ ·
ⰴⰰ ⱄⱏⰱⱘⰴⰵⱅⱏ ⱄⱔ ⱃⰵⱍⰵⱀⱁⰵ̄ ⰻ̄ⱄⰰⰻ̄ⰵ̄ⰿⱏ ⱂ҃ⱃⱃⰽⱁⰿⱏ ⰳ҃ⰾⱙⱎⱅⰵⰿⱏ ·

Verse: 18

се о̄трокъ моӣ · е̄гоже ӣӡволіхъ · въӡлюбленъі моӣ · на ньже благоӣӡволі д҃ша моѣ̄ · положѭ д҃хъ моӣ на немъ · ӣ сѫдъ ѧ̄ӡъикомъ въӡвѣститъ ·
ⱄⰵ ⱁ̄ⱅⱃⱁⰽⱏ ⰿⱁⰻ̄ · ⰵ̄ⰳⱁⰶⰵ ⰻ̄ⰸⰲⱁⰾⰹⱈⱏ · ⰲⱏⰸⰾⱓⰱⰾⰵⱀⱏⰹ ⰿⱁⰻ̄ · ⱀⰰ ⱀⱐⰶⰵ ⰱⰾⰰⰳⱁⰻ̄ⰸⰲⱁⰾⰹ ⰴ҃ⱎⰰ ⰿⱁⱑ̄ · ⱂⱁⰾⱁⰶⱙ ⰴ҃ⱈⱏ ⰿⱁⰻ̄ ⱀⰰ ⱀⰵⰿⱏ · ⰻ̄ ⱄⱘⰴⱏ ⱔ̄ⰸⱏⰻⰽⱁⰿⱏ ⰲⱏⰸⰲⱑⱄⱅⰻⱅⱏ ·

Verse: 19

не прѣречетъ ни вьӡьпіе̄тъ · ни о̄услъішітъ никт̄оже на распѫтіӣхь гласа е̄го ·
ⱀⰵ ⱂⱃⱑⱃⰵⱍⰵⱅⱏ ⱀⰻ ⰲⱐⰸⱐⱂⰹⰵ̄ⱅⱏ · ⱀⰻ ⱁ̄ⱆⱄⰾⱏⰹⱎⰹⱅⱏ ⱀⰻⰽⱅ̄ⱁⰶⰵ ⱀⰰ ⱃⰰⱄⱂⱘⱅⰹⰻ̄ⱈⱐ ⰳⰾⰰⱄⰰ ⰵ̄ⰳⱁ ·

Verse: 20

трьсті ськроушенъи ӣ плата вънемъша сѧ не о̄угасітъ · Доӣдеже вьӡведетъ на побѣдѫ сѫдъ ·
ⱅⱃⱐⱄⱅⰹ ⱄⱐⰽⱃⱁⱆⱎⰵⱀⱏⰻ ⰻ̄ ⱂⰾⰰⱅⰰ ⰲⱏⱀⰵⰿⱏⱎⰰ ⱄⱔ ⱀⰵ ⱁ̄ⱆⰳⰰⱄⰹⱅⱏ · Ⰴⱁⰻ̄ⰴⰵⰶⰵ ⰲⱐⰸⰲⰵⰴⰵⱅⱏ ⱀⰰ ⱂⱁⰱⱑⰴⱘ ⱄⱘⰴⱏ ·

Verse: 21

ӣ на ӣмѧ е̄го · ѧ̄ӡъіци о̄упъваѭ̄тъ ·· · -
ⰻ̄ ⱀⰰ ⰻ̄ⰿⱔ ⰵ̄ⰳⱁ · ⱔ̄ⰸⱏⰹⱌⰻ ⱁ̄ⱆⱂⱏⰲⰰⱙ̄ⱅⱏ ·· · -

Verse: 30

᾽іже нѣстъ съ мноѭ̄ на мѧ е̄стъ · ӣ і̄же не събіраетъ съ мьноѭ̄ растачае̄тъ ·
᾽ⰺⰶⰵ ⱀⱑⱄⱅⱏ ⱄⱏ ⰿⱀⱁⱙ̄ ⱀⰰ ⰿⱔ ⰵ̄ⱄⱅⱏ · ⰻ̄ ⰺ̄ⰶⰵ ⱀⰵ ⱄⱏⰱⰹⱃⰰⰵⱅⱏ ⱄⱏ ⰿⱐⱀⱁⱙ̄ ⱃⰰⱄⱅⰰⱍⰰⰵ̄ⱅⱏ ·

Verse: 31

Сего раді г҃лѭ вамъ · Всѣ̄къ грѣхъ ӣ хоула о̄тъпоустітъ сѧ ч҃лкомъ · А̀ ѣ̄же на д҃хъ хоула не от҃поустит сѧ ч҃лкомъ ·
Ⱄⰵⰳⱁ ⱃⰰⰴⰹ ⰳ҃ⰾⱙ ⰲⰰⰿⱏ · Ⰲⱄⱑ̄ⰽⱏ ⰳⱃⱑⱈⱏ ⰻ̄ ⱈⱁⱆⰾⰰ ⱁ̄ⱅⱏⱂⱁⱆⱄⱅⰹⱅⱏ ⱄⱔ ⱍ҃ⰾⰽⱁⰿⱏ · Ⰰ\ ⱑ̄ⰶⰵ ⱀⰰ ⰴ҃ⱈⱏ ⱈⱁⱆⰾⰰ ⱀⰵ ⱁⱅ҃ⱂⱁⱆⱄⱅⰻⱅ ⱄⱔ ⱍ҃ⰾⰽⱁⰿⱏ ·

Verse: 32

ӣ і̄же коліждо речетъ слово на с҃на ч҃лчъскаа̄го · ѡт҃поуститъ сѧ е̄моу · А̄ і̄же речетъ на д҃хъ с҃тъи · не ѡт҃поуститъ сѧ е̄моу · ни вь сь вѣкъ ни в грѧдѫштиі̆ ·
ⰻ̄ ⰺ̄ⰶⰵ ⰽⱁⰾⰹⰶⰴⱁ ⱃⰵⱍⰵⱅⱏ ⱄⰾⱁⰲⱁ ⱀⰰ ⱄ҃ⱀⰰ ⱍ҃ⰾⱍⱏⱄⰽⰰⰰ̄ⰳⱁ · ⱉⱅ҃ⱂⱁⱆⱄⱅⰻⱅⱏ ⱄⱔ ⰵ̄ⰿⱁⱆ · Ⰰ̄ ⰺ̄ⰶⰵ ⱃⰵⱍⰵⱅⱏ ⱀⰰ ⰴ҃ⱈⱏ ⱄ҃ⱅⱏⰻ · ⱀⰵ ⱉⱅ҃ⱂⱁⱆⱄⱅⰻⱅⱏ ⱄⱔ ⰵ̄ⰿⱁⱆ · ⱀⰻ ⰲⱐ ⱄⱐ ⰲⱑⰽⱏ ⱀⰻ ⰲ ⰳⱃⱔⰴⱘⱎⱅⰻⰹ̆ ·

Verse: 33

ли сътворите дрѣво до҃бро · ӣ плодъ е̄го добръ · лі сътворіте дрѣво ӡьло ӣ плодъ его ӡьлъ · Ѡт҃ плода бо дрѣво поӡнано бѫдетъ ·
ⰾⰻ ⱄⱏⱅⰲⱁⱃⰻⱅⰵ ⰴⱃⱑⰲⱁ ⰴⱁ҃ⰱⱃⱁ · ⰻ̄ ⱂⰾⱁⰴⱏ ⰵ̄ⰳⱁ ⰴⱁⰱⱃⱏ · ⰾⰹ ⱄⱏⱅⰲⱁⱃⰹⱅⰵ ⰴⱃⱑⰲⱁ ⰸⱐⰾⱁ ⰻ̄ ⱂⰾⱁⰴⱏ ⰵⰳⱁ ⰸⱐⰾⱏ · Ⱉⱅ҃ ⱂⰾⱁⰴⰰ ⰱⱁ ⰴⱃⱑⰲⱁ ⱂⱁⰸⱀⰰⱀⱁ ⰱⱘⰴⰵⱅⱏ ·

Verse: 34

῾Ищѧди᾽а Е̄хидьнова · к̄ак̄о можете добро г҃лати ӡьлі сѫще · ѡ̄̄тъ ӣӡбъитъка бо срд҃цю о̄уста г҃лѭтъ ·
῾Ⰻⱎⱅⱔⰴⰻ᾽ⰰ Ⰵ̄ⱈⰻⰴⱐⱀⱁⰲⰰ · ⰽ̄ⰰⰽ̄ⱁ ⰿⱁⰶⰵⱅⰵ ⰴⱁⰱⱃⱁ ⰳ҃ⰾⰰⱅⰻ ⰸⱐⰾⰹ ⱄⱘⱎⱅⰵ · ⱉ̄̄ⱅⱏ ⰻ̄ⰸⰱⱏⰻⱅⱏⰽⰰ ⰱⱁ ⱄⱃⰴ҃ⱌⱓ ⱁ̄ⱆⱄⱅⰰ ⰳ҃ⰾⱙⱅⱏ ·

Verse: 35

Добръіӣ ч҃лкъ ѡт҃ добраа̄го съкровішта ᾽иӡносітъ добраѣ · А̄ ӡьлъиӣ ч҃лкь · ѡтъ лаа̄го съкровіща ӣӡносітъ ӡьлаа̄ ·
Ⰴⱁⰱⱃⱏⰹⰻ̄ ⱍ҃ⰾⰽⱏ ⱉⱅ҃ ⰴⱁⰱⱃⰰⰰ̄ⰳⱁ ⱄⱏⰽⱃⱁⰲⰹⱎⱅⰰ ᾽ⰻⰸⱀⱁⱄⰹⱅⱏ ⰴⱁⰱⱃⰰⱑ · Ⰰ̄ ⰸⱐⰾⱏⰻⰻ̄ ⱍ҃ⰾⰽⱐ · ⱉⱅⱏ ⰾⰰⰰ̄ⰳⱁ ⱄⱏⰽⱃⱁⰲⰹⱎⱅⰰ ⰻ̄ⰸⱀⱁⱄⰹⱅⱏ ⰸⱐⰾⰰⰰ̄ ·

Verse: 36

Г҃лѭ же вам[ъ] · ѣко въсѣко слово праӡдъно · е̄же аще рекѫтъ ч҃лци · въӡдадѧтъ о нем҃ слово · въ ден҃ сѫдънъі ·
Ⰳ҃ⰾⱙ ⰶⰵ ⰲⰰⰿ[ⱏ] · ⱑⰽⱁ ⰲⱏⱄⱑⰽⱁ ⱄⰾⱁⰲⱁ ⱂⱃⰰⰸⰴⱏⱀⱁ · ⰵ̄ⰶⰵ ⰰⱎⱅⰵ ⱃⰵⰽⱘⱅⱏ ⱍ҃ⰾⱌⰻ · ⰲⱏⰸⰴⰰⰴⱔⱅⱏ ⱁ ⱀⰵⰿ҃ ⱄⰾⱁⰲⱁ · ⰲⱏ ⰴⰵⱀ҃ ⱄⱘⰴⱏⱀⱏⰹ ·

Verse: 37

Ѡт̄̄ъ словесъ бо своӣхъ о̄правд̄иші сѧ · ӣ словесъі своӣми о̄сѫдиши сѧ ·· -
Ⱉⱅ̄̄ⱏ ⱄⰾⱁⰲⰵⱄⱏ ⰱⱁ ⱄⰲⱁⰻ̄ⱈⱏ ⱁ̄ⱂⱃⰰⰲⰴ̄ⰻⱎⰹ ⱄⱔ · ⰻ̄ ⱄⰾⱁⰲⰵⱄⱏⰹ ⱄⰲⱁⰻ̄ⰿⰻ ⱁ̄ⱄⱘⰴⰻⱎⰻ ⱄⱔ ·· -

This text is part of the TITUS edition of Codex Assemanianus.

Copyright TITUS Project, Frankfurt a/M, 11.5.2014. No parts of this document may be republished in any form without prior permission by the copyright holder.