TITUS
Denkard Book 5
Part No. 4
Previous part

Chapter: 4  
Paragraph: 1     abar wizīdagīh ud pahlomīh ī tōhmag ī ērān kū čiyōn ō dahišn ēbgat āhōg-gumēzišnīh mad fradom andar baxšišn ī mardōmān tōhmag az frazandān ī syāmak abērtar hu-xradīh ud hu-xēmīh ud hu-mihrīh ud hu-spāsīh ud hu-šarmīh us ēmēd-warzišnīh ud rādīh ud rāstīh ud āzādagīh ud weh-dōstīh ud abārīg hunarāwandīh ud xwarrah xwēškārīh ō frawāk andarg +nišast ud abāz waštag ō kustānagān (?).

Page of ed.: 34 
Paragraph: 2     ān ōwōn wehīh ud xwarrah did pad <wi>zīdagīh az bun +gumēzišnīh tā abar madan ī nōg nōg āhōgōmandīh ī az dēwān andar frazandān ī frawāk ō hōšang ud waykard čiyōn hōšang pad abartar-xwarrahīh gēhān xwadāy ud waykard pad dahigānīh gēhān warzīdār ud parwardār būd ušān frazandān ud āwādagān waxšēnīd ān ī dahibedān tōhmag andar ān ī dahigānān zahag.

Paragraph: 3     pad ham šōn ān ōwōn xwarrah pad wehīh andar āwām āwām wizīdagīhā pad mādayān <ī> ham paywand raft ud xadur kustagān spōzīhist ud andar-iz mādayān mādayān būd pad paywand čiyōn taxmurip ud ǰam ud aswiyān ud frēdōn ud ēriz ī ērān niyāg ud manuš ud manušxwārwar ud manuščihr
Paragraph: 4     tā-z ō im bay ī abartar-xwarrah dahibed ud abārīg dahibedān
Paragraph: 5     čiyōn andar-iz ham tōhmag ī wizīdag ī kayān ēdōn-iz andar [kayān] ham ē<d> mādayān ī ōy dahibed.

Paragraph: 6     pad drust dāštan ī ham nāf ud paywand ud xwarrah padiš mehmānīh dādār ohrmazd nēryōsang ī xwēš aštag paydāgēnīd ēstēd. ham handāzag zaruštrōtomīh ud dēn xwarrah az im ud abārīg-iz was čim ī ōšmurišnīg andar abestāg paydāg ud gēhān āšnāg bē hu-tōhmagtom ēr mardōm.

Paragraph: 7     ud ēn-iz guft ēstēd kū ēd ēwēnag wuzurg xwarrah ud wehīh az ham tōhmag +a-wisānišnīg ud nūn-iz wēnābdāg paydāg.

Paragraph: 8     abar čē ud čiyōn grift abāyistan ī awēšān ram ī-šān simrā-iz xwānēnd az amā dēn āgāhīh kū-š ōšmurišn was bē ǰār-ē čand andar ēn zamānag šāyēd
Paragraph: 9     ušān tuwān kunišnud pahrēzišn andar Page of ed.: 36  kunišnān ud pahrēzišnān nāmčištīgtar dād ud ēwēn handāxtan čē az amā waštag ud rāst abāz kardan ud pad hammōxtišn čand tan ī wīrōmand ud +abzārāwand ud ruwān-dōst +frēstādan bowandag awiš pardazišnīhā hammōxtan ud ō ham ōy kē abāyēd hammōxtan ud ka-šān šāyēd zamānīg-iz rad-ē čiyōn mad ēstēd ō ham ram nīdan.

Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.