TITUS
Denkard Book 5
Part No. 5
Previous part

Chapter: 5  
Paragraph: 1     abar handarz ī ahlaw zardušt kū hamāg kām ud framān [ī] dādār ohrmazd aziš nāmčišt.

Paragraph: 2     zanišn ī dēwān ud ānāftan ī har ēbgat ālūdagīh ud āhōg ī aziš.

Paragraph: 3     ud mehēnišn ī wisp sūd ud nēkīh ī hāmist weh dahišnān aziš.

Paragraph: 4     niyōšīdārīh ud parwardārīh <ī> bar mādagwarīhā ō mardōmān.

Paragraph: 5     [se] hu-frāyēnīdārīh ī gētīg pad har ēwēnag ēwēnag.

Paragraph: 6     bōxtišn ī ruwān az har ēwēnag anāgīh us rasišn ī pad-iz tan ī pasēn bowandag mizd.

Paragraph: 7     u-š dādestān hangirdīg wāzag ēk ī ast paymān ud pad fradom baxšišn ō dō *bahr pahrēz ud kunišn
Paragraph: 8     pad dudīgar baxšišn ō se hilišn ī +duš-humat ud duš-huxt ud duš-huwaršt kunišn humat ud hūxt ud huwaršt.
Paragraph: 9     pad sedīgar baxšišn ō pēšagān.
Paragraph: 10     pad čahārom ō padān.
Paragraph: 11     pad ham padisār +baxšīhēd tā ō spurrīg parwandišnīh ī čegām-iz xīr u-š *dōgān nimūdār abestāg ud zand.

Page of ed.: 38 
Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.