TITUS
Denkard Book 5
Part No. 3
Previous part

Chapter: 3  
Paragraph: 1     abar ān ī az abzōnīgīh ud pēš-xradīh ud purr-nēkīh ī zardušt paydāgīhist ud paydāg ud paydāgīhēd kū aziš +gōwizār čiyōn pērōzīh ī kay wištāsp ud ērān abar arǰasp ud xyōnān ud abārīg anērān an-ōšmār ēwēnag +ēwēnag čiš ī andar ān dar ud abārīg wizīdārīh ī wištāsp ud kišwarīgān andar any <ī> abāyist.

Paragraph: 2     ud ōzad<an> ī tūr ī brādarōrēš ō xwad zardušt ud wirāstan ī srit ī wisarbān (?) rah ud čē andr ān dar.

Page of ed.: 32 
Paragraph: 3     ud nāmčištīg čišān ī andar zamānagīhā ī pas pas mad ud rasēd ī aziš wizendgarān čiyōn aleksandr ud agrēhrat zadār ud markūs ud dahāk ud abārīg wizendgarān ud wurrōyišnwārān čiyōn mašī(h) ud mānī ud abārīg ud āwāmīhā čiyōn +pōlāwadēn ud āhan-abar-gumēxt ud abārīg dēn ārāstārān ud winnārdārān ud āwurdārān čiyōn ardašīr ud ādurbād ud xusraw us pēšyōtan ud ušēdar ud ušēdarmāh ud sōšāns ud abārīgān.

Paragraph: 4     ud rastag ud kunišn [ud] nišānīhā ī andar āwām āwām ō paydāgīh mad ud rasēd ēd čē ǰāmāsp az ān ī zardušt hammōg be guft ud ast ī nibišt ud ǰomā abestāg ud zand ī pad gāw pōstīhā ud zarr nibišt ēstād pad ganǰ ī xwadāyān dāšt.

Paragraph: 5     ud dahibedān ud dastwarān aziš būd ī wēš paččēn kard ud pas ō-z kam-āgāhān ud wināhīdārān-iz aziš ast ī mad būd ī ǰud-dādestānīh ud ǰud-wēnišnīh abar burd.

Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.