TITUS
Dadestan-i denig
Part No. 24
Previous part

Chapter: 23  
Paragraph: 1     23-om pursišn ān ī pursīd kū ka ān ī ahlaw be widerēd ruwān šab ī fradom ud dudīgar ud sidīgar kū gyāg nišīnēd ud čē kunēd?
Paragraph: 2     pāsox ēd kū ēdōn guft ēstēd kū ruwān ī mardōmān xwad mēnōg ī tan pas az be widerišnīh se šab pad zamīg bawēd ud gumān ī abar xwēš gāh andar bīm ī az āmār ud tars ud wišayg ud bīm [ud] čēhag ī az puhl ī činwad *sōhēd ud čēhān nišīnēd ud abar xwēš kirbag [ud] wināh nigerēd.
Paragraph: 3     ruwān ī andar rāh ī ō ham mēnōg ī tan kē-š ham-sōhišn [ud] ham-mārišn ast abar wināh ī-š kard ud kirbag ī-š kam kard čašmagāh bawēd.
Paragraph: 4     u-š fradom šab az xwēš humat dudīgar šab az hūxt sidīgar šab az huwaršt rāmišn ō ruwān hāzēd agar abāg-iz ahlawīh wināh ast ī-š pad bun ēstēd fradom pad tōzišn dušxwaršt pādifrāh ham sidīgar šab rasēd.
Paragraph: 5     ham sidīgar šab andar bāmīg nigāhbed ganjwar ī kirbag čiyōn hu-čihr kanīg-ē be ō padīrag āyēd abāg hambār ī xwēšīg kirbag [abar] frēg čand a-tōxt wināh ud bazag be ō āmār rasēd rāstīhā āmārīhēd ud pad mānd wināh puhl pādifrāh widārēd.
Paragraph: 6     tōxt dušmat duš-hūxt dušxwaršt abāg frayādāg ud rāmēnāg mēnōg ī xwēš humat hūxt huwaršt be ō garōdmān ayāb ō wahišt ayāb ō hamēstagān ī ahlawān ānōh kū-š andar ahlawīh gāh ast awiš franāmēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.