TITUS
Dadestan-i denig
Part No. 25
Previous part

Chapter: 24  
Paragraph: 1     24-om pursišn ān ī pursīd kū ān ī druwand ka be mīrēd ruwān šab ī fradom ud dudīgar ud sidīgar kū gyāg nišīnēd ud čē gōwēd [ud] kunēd?
Page of ed.: 84 
Paragraph: 2     pāsox ēd kū ān ī šab se ruwān pad zamīg bawēd [ud] abar menīšn gōwišn kunišn ī ān ī xwēš-tan nigerēd ud gumān ī abar xwēš gāh ud garān bīm ī az āmār meh tars ī az puhl ud škeft bīm ī dušox rāy *sōhēd menišn garān čēhag ud bīm <ī> nimūdār.
Paragraph: 3     ud ruwān [ī] andar rāh <ē> mēnōg ī tan abar kirbag ī-š nē kard ud wināh ī-š kard hangārīdār ud čašmagāh dādār.
Paragraph: 4     fradom šab az xwēš duš-menišnīh dudīgar šab az xwēš duš-gōwišnīh ud sidīgar šab az xwēš duš-kunišnīh awištābōmand be az kirbag ī-š andar gētīg kard ēstēd fradom šab mēnōg ī hu-menišīh ud dudīgar šab mēnōg ī hu-gōwišnīh ud sidīgar šab mēnōg ī hu-kunišnīh be ō ruwān rasēd u-š rāmišnīg ud frayādāg bawēnd.
Paragraph: 5     ud sidīgar šab andar bāmī[g] nigāhbed ī-š wināh pad čarātīg kirb ī sahmgēn [ud] rēman ī āzārdār abāg hanbār ī-š wināh ō padīrag āyēd ud gandag wād ī abāxtarīgīhā be ō padīrag āyēd ud ՚stssstyh՚(?) pad nibēmišnīhā (?) ud a-kām-tazišnīhā be ō āmār rasēd.
Paragraph: 6     pad frēftagīh frēftārīh ud abārōn-dēnīh ud *ašōganīh *zūr-gug[āyīh] hamē weh-gōhr nikōhagīh ud druz-stāyīh freh-wināhīh ēraxtēd ud az puhl ōftēd ō dušox nigūnīhēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.