TITUS
Dadestan-i denig
Part No. 23
Previous part

Chapter: 22  
Paragraph: 1     22-om pursišn ān ī pursīd kū gyān ka az tan ī mardōmān frāz stānēnd čiyōn be šawēd?
Paragraph: 2     pāsox ēd kū pad ān homānāg guft ēstēd čiyōn ka az ātaxš suxrīh ul hanjīhēd čē ātaxš ka sōzišnīg sōxt <ī> a-brāh mānd ka nōg sōzišnīg nē ayābēd <ud> ayāb wizāyišnīg abar rasēd ēg-iš suxrīh garmīh az-iš be šawēd. gyān-iz pad a-tōšagīh andar tan nē ēstēd ham-mānag be šawēd.
Paragraph: 3     ham-passazag dēn dastwarān ēn-iz guft kū margōmandān mardōmān pad dānišn hangām wēnēnd ka mēnōgīhā band-ē ō grīw kunēnd ka-š zamānag frāz mad ēg-iš pad ham-bar rāyēnēd u-š ō ōftišn gyāg ī marg. wihān ī marg: u-š būšāsp abespārēd *wēn u-š tab āšōbēnēd ōš u-š zarmān stānēd nērōg pad ān ī abespārēd *wēn weh rawišn ud tazišn ī abzārān kē-šān zōrēnāg hēnd abāz ēstēd ud čihr kē xwadīg andarōnīg bizešk ast widarag ī rōšn nē ayābēd. u-šān āšōft ōšīh rāy ō čārān *šnāsišn ud šud zōrīh rāy ō čārīg kār rāh bast bawēd. pad agārīh ī abzārān rawēd ruwān ī a-marg tan kadag xwadāy abāg gyān ī zīwēnāg az tan ī agār ud ruwān ī a-marg čiyōn kadag xwadāy ī dānāg az kadag ī awērān ō mān ī hu-pēsīd.
Paragraph: 4     ōh-iz guft pēšēnīg frazānagān kū gyān ast mēnōg zīwēnāg ī andarag ruwān ī tan tā ruwān ham-kadag ī tan zīndagīh dārēd tan widard tan zīndagīh ī ruwān ast.

Page of ed.: 82 
Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.