TITUS
Dadestan-i denig
Part No. 22
Previous part

Chapter: 21  
Paragraph: 1     21-om pursišn <i> ān ī pursīd kū ka ān [ī] ahlaw be widerēd kē-š was yazišn ī yazdān ud was kār [ud] kirbag kard ēstēd mēnōg [ī] dahišn mēnōg [ī] yazišn dēn ī māzdēsnān ud āb ud zamīg urwar ud gōspand be ō ohrmazd garzišn kunēnd az be widerišnīh ī ān ī ahlaw u-šān duš-xwār bawēd ka az gētīg be šawēd ayāb čiyōn bawēd?
Paragraph: 2     pāsox ēd kū ān ī ahlaw *ruwān ī pad andar be widerišnīh ī ān ī gētīgīg dard-widār pas-iz az be widerišnīh tā be widašt ī-š pad ān škeft āmār *čēhīdār ud pas az āmār pad ān ī xwēš gāh urwāhm pad ān ī ka-š ham-nāfān ī andar gētīg kē-šān ān ī mēnōgān rāz an-ayāft ud ān ī ōy gāh a-šnāxt gētīg-čihrīhā andar glwhyyk' (?) andōhōmand [ud] abar yazdān a-baxšāyišnēnāg.
Paragraph: 3     mēnōgān mēnōg [ī] dahišn <mēnōg ī yazišn ī> dēn ī māzdēsnān mēnōg ī weh ī andar gētīgīg kē-šān ōy-iz ahlaw andar gētīg stāyīdār ud warzīdār [ud] rāyēnīdār ud pānag ud pahrēzēnāg ud ayār bawēd. abar ān ahlaw ī az gētīgīg pānagīh ō pahrēz ayār-dahišnīh apparīhēd abardar garzišn [ud] abar pādāšn paywandišn ud abar-iš nōg pānag [ud] ārāstār xwāhišn ō dādār kunēnd.
Page of ed.: 80 
Paragraph: 4     dādār [ī] wisp-tuwān paywāzēd ud ō druz wānišn ō ahlawān šnāyišn ō ān ī weh dāmān pānag ud frayādāg baxšēd.
Paragraph: 5     čiyōn guft ēstēd kū: andar har(w) zamānagīhā dēn dastwar ud rāyēnāg ī dām paydāgēnīd kē andar ān ī zamānag dām pānagīh ud yazdān kāmagīh abar rawāgīhēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.