TITUS
Dadestan-i denig
Part No. 18
Previous part

Chapter: 17  
Paragraph: 1     17-om pursišn ān ī pursīd kū ān ī weh ī ka ō murwān dahēnd ayāb čē ēwēnag weh?
Paragraph: 2     pāsox ēd kū pas az sag nimūdan čiyōn-iš čim pad dar ī xwēš paydāg ān ī nasā ī ō kōf ud waxš būm ēwēnagīhā barēnd. ān-iz rāy kū tā sagān ud murwān ān nasā be ō ābōmand warzōmand māništōmand gyāg nē āwarēnd ān ēwēn bastan. ka murwān ī kirb-xwārān ān ī pid ka nē xwarīhēd pūdag winastag xrafstarōmand bawēd.
Paragraph: 3     ān ī pid ī xward bawēd ēg ān ī ast dādīhā be ō astōdān - kē az būm ēdōn abar dāšt ud az abar ēdōn aškōb ēstēd tā pad ēč ēwēnag wārān ō nasā nē wārēd u-š āb ul awiš nē ēstēd u-š nam ul awiš nē dahēd u-š sag ud rōbāh awiš šud nē šāyēnd u-š rōšnīh ō madan rāy sūrag pad-iš kard ēstēd - barēnd abar dastwarīhā guft ēstēd.
Paragraph: 4     ān astōdān ast kandag az ēk sig <ud> u-š nihumbag az ēk sig ī sūragōmand tāšīd<an> passāxt<an> u-š pērāmōn pad sang ud gač hambārēnēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.