TITUS
Dadestan-i denig
Part No. 19
Previous part

Chapter: 18  
Paragraph: 1     18-om pursišn ān ī pursīd kū ruwān ī ahlawān ud ruwān ī druwandān ka be ō mēnōgān šawēnd ēg-išān ohrmazd ud ahreman be abāyēd dīd <ast ī> ayāb nē?
Paragraph: 2     pāsox ēd kū ahreman rāy guft ēstēd kū-š gētīg nēst.
Paragraph: 3     ohrmazd-iz andar mēnōgān mēnōg pad ān ī gētīgīg ud ān-iz ī mēnōgīg šnāyišn[īg] kirb wēnišnīg spurr nē be pad xrad ud zōr hangōšīdag wēnīhēd.
Page of ed.: 74 
Paragraph: 4     <ī> čiyōn guft be ō spitāmān zardušt ka-š *dast-dahišnīh zāyist u-š guft kū: dast ī *mard ī ašō gīr! čē-m pad tō xwēš dēn hu-čašm gīrišnīh <ī> and kū gīrē wēnē ān kē az ān ī man xrad ud xwarrah mehmānīh wēš abar.
Paragraph: 5     ruwān ī ahlawān ud druwandān pad ān ī mēnōgīg sōhišn ān gāh wēnēnd *kū ohrmazd dīd sahēnd ēdōn-iz ān ī ahreman *ham-zamān pad ān ī xrad ī-š dādār abar barēd bārīgīhā be šnāsēnd tā ohrmazd ud ahreman.
Paragraph: 6     ud ān ī ahlawān pad bōxtan ī az ahreman ud madan ī ō ohrmazdīg axwān šād bawēd [ud] ō ān ī ohrmazd xwarrah namāz barēd ud ān ī druwand pad frēbīhistan ī az ahreman ud waštan ī az ohrmazdīg pand bēšīdtar ud pašēmāntar bawēd. zāyišn [ī] āmurzišn xwēšīhēd (?) [ud] pattāy[ēd] dast-grawīh ī-š pad xwēš dast-dahišnīh andar druz az mēnōg ān paywāzišn ī az xwābarān xwābartom rasēd pad rist-āxēz zamānag.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.