TITUS
Dadestan-i denig
Part No. 15
Previous part

Chapter: 14  
Paragraph: 1     14-om pursišn ān ī pursīd kandan ī gyān ud darrēnišn ī sag ud way [ī] pad nasā bawēd az wināh ōgārēnd wināh az bun be šawēd ayāb ?
Paragraph: 2     
pāsox ēd wināh kāhišnīh [ud] kirbag abzāyišnīh az humat hūxt huwaršt az-iz ān saxtīh ud duš-xwārīh ī bawēd ī dēn [ud] ruwān warzīd rāy abar rasēd pad stūrīh andar passāxtīh ud āstawānīh [ī] dēn pānag[īh] ī ruwān ōstīgān dārēnd.
Page of ed.: 64 
Paragraph: 3     
ān ī anāgīh - <ī> ka kirbakkar ī ēd ka bazakkar ud ka tuxšēd ēd <ī> ka tuxšēd ēd ka hunsand ud ēd ka hunsand - pas a-kām u-š ēč wihān ī kirbagīh abāg nēst čiyōn a-kām rasēd spās ud mizd rāy stānēnd.
Paragraph: 4     
ēwar kandan ī gyān abar ahlawān ud druwandān ēw-tom bawēd. har(w) kas mizd stad ēstēd ān mizd zīndagīh ī widard hangām be darrēnišn ī sag ud way abar har(w) kas ud har(w) tan bawēd. juttar kardan šāyēd.
Paragraph: 5     
*az šnāxtan ī kirbag ud [az] xūb pahrēxtan ī nasā ud zūd wardīhistan ī ān ī rēmanīh kāmag ī abar wināh-wizārišnīh rāy widardag tan be ō kōfag waxš gyāg ī ēwēnagīhā barēd handarzēnāg ham-dādestān kū-š az dādīhā gyāgīh sag ud murw darrēnēnd.
Paragraph: 6     
az ān čiyōn ān tars ī dēn-framānīh ud rawāg-kāmagīh rāy tuxšāgīhā ō grīw ī xwēš padīrift ēstēd pad-iš xwēšag pādāšn u-š pad ān rāh rasēd ō wināh nirfsišn [ud] ō ruwān šnāyišn.

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.