TITUS
Dadestan-i denig
Part No. 8
Previous part

Chapter: 7  
Paragraph: 1     7-om pursišn ān ī pursīd kū ka mard-ē widarān bawēd pas az widerān būdan ī ōy kirbag-ē kas ōy rāy kunēd kē az gētīg be šud ēstēd pad šab ī sidīgar andar bāmīg be ō tarāzūg šawēd ēg-iš čiyōn awiš šawēd ud frayādēd? ēdōn čiyōn ān mehīh ī pad dast ī xwēš kard ēstēd ayāb any ēwēnag?
Paragraph: 2     pāsox ēd kū ka kas ōy ī be widardag rāy pas az be widerišnīh kirbag kunēd agar ōy ī be widardag andar zīndagīh ān kirbag nē framūd u-š nē handarzēnīd ud nē bun kard u-š nē-z pad jād būd ēg-iš be ō tarāzūg nē šawēd ud nē rasēd.
Paragraph: 3     pad-iz hangām [ī] rawāgīhist *nē (?) ka ān kirbag kē-š nē frayādēd nē xwēšīhēd čē ān ī pad jād ī az kas xwēšīhēd [ud ān ī] pad padīrišnīh [ī] az kas xwēšīhēd ka-š nē pad jād ēg-iš nē padīrift bawēd.
Page of ed.: 56 
Paragraph: 4     agar ān kirbag ōy widardag nē framūd ud u-š nē-z handarzēnīd be-š pad jād ham-dādestān būd ān [ī] andar zīndagīh kunīhād ēg-iš pad sedōš be ō abzōn ī gāh rasēd ān ī pas az widardagīh kunīhād nē pad āmār ī sedōš ud tarāzūg be pad hangām ī kirbag rawāgīhēd be ō rāmišn ī ruwān rasēd.
Paragraph: 5     agar ān ī kirbag ī ōy widardag andar zīndagīh ī xwēš framūd ayāb-iš handarzēnīd ayāb bun kardār ud wihān ī ruwān warzīdārīh būd ka pas az be widerišnīh rawāgīhēd ēg-iš be ō rāmēnīdārīh ī-š ruwān rasēd. čē bun ī spās framūdār ud xwēšīg [ī] kirbagīh ēwar.
Paragraph: 6     čegām-iz-ēw kirbag ī rawāgīhēd andar ān ī *anagrān rōšnīhā abāg ōy ī kardār ham-kirbag. u-š pad āmār ī ruwān kirbag abāg ōy kē kard hāwand be ān ī kē-š kirbag pad dast ī xwēš kard az ān ī kē-š framūd ruwān hu-čihrtar ud amāwandtar.
Paragraph: 7     u-š hangōšīdag owōn čiyōn ka mard-ē wastarag-ē dastag ī pad hu-čihr abāyišnīg awiš pad tan dārēd any mard-ē wistarg-ē dastag ī pad ham ēwēnag xwēš pad ganj dārēd ud hu-čihrtar bāmīgtar ud abāyišnīgtar bawēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.