TITUS
Dadestan-i denig
Part No. 7
Previous part

Chapter: 6  
Paragraph: 1     6-om pursišn ān ī pursīd ēn mardōm be ō gētīg čē rāy dād ēstēd? u-mān andar čē abāyēd kard?
Paragraph: 2     
pāsox ēd pad-iz pāsox ī im pursišn nibišt dām āfurīhist be rāstīh kāmišngarīh ī dādār ud purr wehīhā win(n)ārdan ī ān ī a-kanārag [ud] nēk-rawišnīh ī dāmān kē-š bīm [ud] bēš čiyōn ast fraš(a)gird ī a-brādarōd ān ī win(n)ārišn bawēd az spurr pādixšāyīh ī dādār [ud] a-pādixšāyīh ī druz.
Paragraph: 3     
čiyōn-iš guft pad dēn : andar ān zamān spurr pādixšāy bawēm man ohrmazd hēm [ud] pad čiš-iz pādixšāy bawēd gan(n)āg mēnōg.
Paragraph: 4     
ud abar-iz nēk-rawišnīh ī dām ud dahišnīh ōšmurd : nēk man! ka-m ēdōn dām dād čiyōn man kadār-iz-ē(w) kāmag ō man xwadāyīh Page of ed.: 54  dahēnd xwadāyīh-iz āyēd ka ō kāmišngarīh ī pad-iz mehēnišn ī-š xwadāyīh dād ēstēm.
Paragraph: 5     
u-mān andar gētīg ēdōn abāyēd būd čiyōn-mān rāst-bowandagīh ī xwēš abardom xwadāyīh ī dādār drust-wimandtar dāšt bawēd.
Paragraph: 6     
rāh ī ō ān ī rāst-bowandagīh pad xrad dānīhēd pad rāstīh wābarīhēd [ud] pad wehīh sūdīhēd.
Paragraph: 7     
u-š widarag ī awiš abērtar weh mēnōg rāstīhā pad menišn gāh kardan dānišnīgīhā griftan dānišnīgīhā hištan.
Paragraph: 8     
čiyōn pad dēn gōwīhēd ohrmazd be ō zardušt guft : wahman pad axw ī abēzag abāgēnē kū-š mehmān be *kunē čē ka wahman pad axw ī abēzag abāgēnē kū-š mehmān be *kunē ēdōn rāh be dānē hu-rawišn ud kē-z duš-rawišn.

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.