TITUS
Dadestan-i denig
Part No. 9
Previous part

Chapter: 8  
Paragraph: 1     8-om pursišn ān ī pursīd kū ān ī-š az xwāstag ī xwad be ō kas framūd kū-š pad ruwān uzēnag-ē kunēd tā ān kas ōy rāy kunēd az ān xwāstag ud ranj kardan ī xwēš ēk az did juttar ast ayāb nē?
Paragraph: 2     pāsox ēd kū ēk az did juttar čē ān ī az xwāstag ī xwēš framāyēd mādagwartar kū ān kas be az framāyišn ī ōy rāy kunēd.
Paragraph: 3     andar ēwēnag ī kirbag ān mādagwartar ī xwad pad xwēš ranj warzēd ud pas az ān ī az xwēš-iz pad xwēš framāyišn <ē> rawāgēnēd ud pas ān ī xwad pas az xwēš rāy handarzēnēd [ud] framāyēd be ō rawāgīh rasēd ud pastar ān ī kas ōy rāy kunēd.
Page of ed.: 58 
Paragraph: 4     čiyōn-iš ēdōn xwēš ān ī-š pad jād ka kas ōy rāy *andar-iš zīndagīh rāyēnēd ēg-iš gāh abzāyēd [ud] ruwān būzīhēd ka pas az ōy ōy rāy rāyēnēd ēg-iš rāmišn be ō ruwān rasēd ka pad ān kirbag nē ham-dādestān u-š nē pad jād ka-z kas ōy rāy kunēd ēg-iš be ō xwēšīh nē rasēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.