TITUS
Indian Bundahisn
Part No. 26
Previous part

Chapter: XXVI     XXVI
Page: 64  
IBd Location: 70,13     IBd_70,13
TD1 Location: 189,11     TD1_189,11
TD2 Location: 220,15     TD2_220,15
DH Location: 97,2    DH_97,2

Line: 21     abar čiyōnīh rist-āxēz ud tan <ī> pasēn


Line: 1     Sentence: 1   pad dēn gōwēd kū az ān čiyōn mašī {mašya} ud mašyānē
Line: 2     ka az zamīg abar rust hēnd, nazdist āb ud pas urwar,
Line: 3     pas šīr ud pas gōšt xwarišn xward hēnd; mardōmān-iz
Line: 4     ka-šān zamān ī murdan mad, nazdist gōšt ud pas šīr,
Line: 5     pas az nān xwardan be ēstēnd tā ka be mīrēnd āb hamē
Line: 6     xwarēnd. Sentence: 2      ēdōn-iz pad hazārag ī hušēdarmāh {ušēdarmāh!} nērōg āz
Line: 7     ēdōn be kāhēd, ka mardōm pad ēk pih-xwarišnīh sē rōz\šabān
Line: 8     pad sagrīh ēstēnd. Sentence: 3   pas az gōšt-xwarišn<īh> be
Line: 9     ēstēnd, urwar <ud> pēm xwarēnd, pas az pēm-xwarišnīh
Line: 10     abāz ēstēnd, az urwar-xwarišnīh abāz ēstēnd āb xwar\išn[īh]
Line: 11     bawēnd, pēš pad dah sāl ka sōšyans {sōšāns!} āyēd ō a\xwarišnīh
Line: 12     ēstēnd, nē mīrēnd. Sentence: 4   pas sōšyans {sōšāns!} rist ul wig\rāsē[n]d
Line: 13     čiyōn gōwēd kū zarduxšt az ohrmazd pursīd kū
Line: 14     tan ī wād burd, āb wāzīd, az kū abāz kunēd, rist-āxēz
Line: 15     čiyōn bawēd. Sentence: 5   ohrmazd pāsox kard kū ka-m asmān abē\stūn,
Line: 16     pad mēnōg-ēstišnīh, dūr-kanārag, rōšn, az gōhr
Line: 17     ī xwēn-āhan ka-m zamīg dād kē axw ī astōmand barēd,
Line: 18     u-š dāštārīh ī gētīg nēst, ka-m xwaršēd ud māh ud
Line: 19     stāragān andar andarwāy, rōšn-kirbīhā wazīd hēnd, ka\m
Line: 20     jōrdā dād kū andar zamīg be parganēnd <ud> abāz rō\yēd
Line: 21     pad abzōn abāz bawēd ka-m andar urwar rang dād
Line: 22     gōnag gōnag, ka-m andar urwar abarīg čiš ātaxš dād
Page: 65   Line: 1     a-sōzišnīh, ka<-m> andar burdār <ī> mād pus dād srā\yēnīd;
Line: 2     jud jud pōst, nāxun, xōn, pay, čašm ud gōš a\bārīg
Line: 3     čiš pēšag be dād, ka-m ō āb pāy dād kū be ta\zēd,
Line: 4     abr dād kē ān gētīg āb barēd ānōh kū-š kāmag
Line: 5     wārēd, ka-m way {!} dād kē čašm-dīd pad wād nērōg ēr ō
Line: 6     azabar čiyōn kāmag wazēd, pad dast frāz nē tuwān gri\ftan;
Line: 7     ēk ēk az awēšān ka-m dād padiš duš-xwārtar būd
Line: 8     kū rist-āxēz kardan; čē-m andar rist-āxēz ayārīh či\yōn
Line: 9     awēšān ast. Sentence: 6   ka<m> awēšān kard, [nē būd] bawēd
Line: 10     [az] <nē> būd, abar niger kū ka<m> ān ī nē būd ēg be
Line: 11     kard, [ud] ān ī būd čim abāz nē šāyēd kardan, čē pad
Line: 12     ān hangām az mēnōg zamīg ast, ud az āb xōn, az urwar
Line: 13     mōy, az ātaxš gyān, čiyōn-išān pad bun-dahišnīh padī\rift,
Line: 14     xwāhēm. Sentence: 7   nazdist ast ān ī gayōmart {gayōmarϑ !} ul hangēzēd,
Line: 15     pas ān <ī> mašī {mašya} mašyānē, pas ān <ī> abārīg mardōmān.

Line: 16     Sentence: 8   pad panjāh <ud> haft sāl sōšyans {sōšāns!} hamāg rist wigrāsēnd,
Line: 17     hamāg mardōm abar ēstēnd, kē-iz ahlaw-iz kē-iz druwand.

Line: 18     Sentence: 9   mardōm har kas az ānōh ul hangēzēd kū-šān gyān be
Line: 19     šud. Sentence: 10   <ayāb nazdist ō zamīg ōbast hēnd> pas ka-šān
Line: 20     harwisp axw ī astōmand, tan kirb abāz bawēnd, ēg- {!}
Line: 21     išān ēwēnag be dahēnd. Sentence: 11   ān ī rōšn<īh> abāg xwaršēd,
Line: 22     nēm-ē be ō gayōmart {gayōmarϑ !} ud nēm-ē pad abārīg mardōmān be
Line: 23     <dahēnd. Sentence: 12   pas mardōm mardōm be> šnāsēnd, kū ruwān tan
Page: 66   Line: 1     be šnāsēd, kū ēn ān ī man ast pid, ēn ān ī man ast
Line: 2     mād, ud ēn ān ī man ast brād, ud ēn ān ī man
Line: 3     nārīg, ēn ān ī man ast kadār-iz-ē, ān ī nazdīk pay\wandtar.

Line: 4     Sentence: 13   pas bawēd hanjaman isatwāstarān.

Line: 5     Sentence: 14   paydāg kū mardōm pad ēn zamīg hamāg bē {be} ēstēnd. Sentence: 15   andar
Line: 6     ān hanjaman, har kas nēk-kunišnīh ī xwēš ud
Line: 7     wad-kunišnīh ī xwēš wēnēd; pas andar ān hanjaman,
Line: 8     druwand ēdōn paydāg čiyōn gōspand ī spēd andar ān
Line: 9     syā bawēd. Sentence: 16   andar ān hanjaman ahlaw kē-š pad gētīg
Line: 10     druwand dōst būd, druwand garzēd az ān ahlaw kū čim
Line: 11     [ka] andar gētīg az kunišn nēkīh {!} <ī> xwad warzīd, man
Line: 12     āgāh nē kard. Sentence: 17   agar ān ī ahlaw ōy nē āgāhē\nīd
Line: 13     {!}, ēg-iš pad ān hanjaman šarm ēdōn abāyēd widār\dan.

Line: 14     Sentence: 18   pas ahlaw az druwand judāg kunēnd; pas ahlaw ō
Line: 15     garōdmān ud druwand abāz ō dušox abganēnd; sē rōz\šabān
Line: 16     tanōmandīhā andar dušox pādifrāh kunēnd; pas
Line: 17     andar garōdmān tanōmandīhā ān sē rōz urwāhmanīh wēnēd.

Line: 18     Sentence: 19   čiyōn gōwēd kū pad ān rōz ka ahlaw az druwand judāg ba\wēd,
Line: 19     har kas ars tā zang padiš {!} frōd āyēd, ka pus az
Line: 20     hambāzīh pid, ud brād az ō brād, dōst az dōst, judāg ku\nēnd,
Line: 21     har kas ān ī xwēš kunišn widārēnd; griyēd ahlaw
Line: 22     andar druwand, ud druwand abar xwēš; čē ast kē pid
Line: 23     ahlaw, pus druwand, ast* kē brād-ē ahlaw, ēk-ē druwand.

Page: 67  
Line: 1     Sentence: 20   awēšān kē-šān xwad kunišn rāy kard ēstēd, čiyōn dah\āg
Line: 2     ud frāsiyāb tūr abārīg az ēn ēwēnag čiyōn marg
Line: 3     arzānān pādifrāh widārēnd ēč mardōm nē widārēnd, pā\difrāh
Line: 4     ī tišrām xsafnām xwānēnd. Sentence: 21   andar ān frašagird
Line: 5     kardārīh {!} <ī> ōy, awēšān mardān ī ahlawān ī nibišt kū\zīndag
Line: 6     hēnd pānzdah mard ud pānzdah kanīg ō ayārīh
Line: 7     sōšyans {sōšāns!} be rasēnd. Sentence: 22   gōzihr <mār> čiyōn andar spihr az
Line: 8     tēx <ī> māh be ō zamīg ōftēd zamīg ōwōn homānāg dard
Line: 9     bawēd čiyōn mēš kē gurg ōftēd. Sentence: 23   pas ataxš armēštēn
Line: 10     ayōxšust <ī> andar kōfān garān [ud] widāzēnēd, pad
Line: 11     zamīg rōd homānāg ēstēd. Sentence: 24   pas harwisp mardōm andar ān
Line: 12     ayōxšust ī widāxtag be widerēnd, ud pāk be bawēnd,
Line: 13     kē ahlaw ēg-iš ōwōn sahēd čiyōn ka andar šīr ī garm
Line: 14     hamē rawēd; kē druwand, ēg-iš pad ān ēwēnag sahēd kū
Line: 15     pad gētīg andar ayōxšust ī widāxtag hamē rawēd. Sentence: 25   pas
Line: 16     pad ān ī mahist dōšāram harwisp mardōm ō ham rasēnd;
Line: 17     pid ud pus ud brād ud dōst, ēk ō did pursēnd kū ēn
Line: 18     and sāl kū būd hē, u-t pad ruwān dādestān {!} čē būd, ah\law
Line: 19     būdē {būd} ayāb druwand? Sentence: 26   nazdist ruwān tan wēnēd, aziš {!!}
Line: 20     pursēd. Sentence: 27   pad ān guft <pāsox>, mardōm hamāg ham-wāng
Line: 21     bawēnd, buland stāyišn ō ohrmazd ud amahraspandān ba\rēnd.

Line: 22     Sentence: 28   ohrmazd pad ān gāh hangirdēnīd-dām bawēd, kū-š
Line: 23     kār-ē abar nē abāyēd kardan. Sentence: 29   andar ān ka-šān rist
Page: 68   Line: 1     wirāst [kār-ē abar nē abāyēd kard.] yazišn ī pad rist
Line: 2     wirāyišnīh sōšyans {sōšāns!} abāg ayārān kunēd; gāw hadayōš pad
Line: 3     ān yazišn kušēnd; az pīh ān gāw ud hōm spēd anōš wi\rāyēnd
Line: 4     ō harwisp mardōm dahēnd; ud harwisp mardōm
Line: 5     ahōš bawēnd tā hamē-hamē-rawišnīh. Sentence: 30   ēn-iz gōwēd kū kē
Line: 6     mard paymān būd ēstēd, ēg-iš pad dād ī čehel sālag
Line: 7     abāz wirāyēnd; ān kē xwurdag ristag būd hēnd ēg-šān
Line: 8     pad dād ī pānzdah sālag abāz wirāyēnd; ud har kas zan
Line: 9     dahēnd ud frazand abāg zan nimāyēnd ōwōn kunēnd čiyōn
Line: 10     nūn andar gētīg, bē {be} frazand zāyišnīh nē bawēd. Sentence: 31   pas
Line: 11     sōšyans {sōšāns!}, az dādār ohrmazd framān, hamāg mardōm mizd
Line: 12     pādāšn dahēd pad kunišn sazāgīhā. Sentence: 32   ēn-iz ast ī ahlaw
Line: 13     kū gōwēd kū nayēnd ō wahišt garōdmān ī ohrmazd čiyōn
Line: 14     xwad abāyēd, kirb* ul stānēd tā hamē-hamē-rawišnīh pad
Line: 15     an pākīh hamē rawēd. Sentence: 33   ēn gōwēd {!} kū <kē> yašt nē kard
Line: 16     ēstēd, ud gētīg-xrīd nē framūd ēstēd, ud jāmag ahlaw\dād
Line: 17     nē dād ēstēd, ānōh brahnag, u-š ohrmazd yašt ku\nēd,
Line: 18     u-š mēnōg gāhān kār wistarag-ē ōh kunēd. Sentence: 34   pas
Line: 19     ohrmazd gannāg mēnōg, wahman akōman, ašwahišt andar,
Line: 20     šahrewar sāwūl {!}, spandarmad tarōmad ast nānghaiϑ, hordād
Line: 21     <ud> amurdād tariz zariz, rāst-gōwišnīh ān ī drō\gōwišnīh,
Line: 22     srōš xēšm gīrēnd. Sentence: 35   pas dō druz frāz mānēnd
Line: 23     ahreman ud āz, ohrmazd ō gētīg āyēd, xwad zōt ud srōš
Page: 69   Line: 1     rāspīg. Sentence: 36   ēbyānghan pad dast dārēd. Sentence: 37   gannāg mēnōg ud āz
Line: 2     pad ān gāhānīg nērang zad-abzārīhā agārīhā [tar ku\nēnd]
Line: 3     ān widarag asmān pad-iš* andar dwārist abāz ō
Line: 4     tom, tār dwārēnd. Sentence: 38   gōzihr mār pad ān ayōxšust widāx\tag
Line: 5     sōzēd, ān gandagīh rēmanīh andar dušox būd, pad
Line: 6     ān ayōxšust sōzēd, pāk be bawēd; ān dušox ī gannāg
Line: 7     mēnōg pad-iš be dwārist, pad ān ayōxšust gīrēd. Sentence: 39   ān
Line: 8     zamīg dušox abāz ō frāxīh gēhān āwarēnd {!} ud bawēd fra\šagird
Line: 9     {!} andar axwān, pad kāmag gēhān a-marg tā hamē\hamē-rawišnīh.

Line: 10     Sentence: 40   ēn-iz gōwēd kū ēn zamīg an-afsār a\nišēb
Line: 11     hāmōn be <bawēd>, kōf [ī] <ud> čagād-iz gawr,
Line: 12     ul dārišn[īh] frōd dārišn nē bawēd.



Next part


This text is part of the TITUS edition of Indian Bundahisn.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.