TITUS
Pahlavi Translation of the Avesta: Yasna and Vispered
Part No. 73
Previous part

Book: Vr 
Vispered

Chapter: 1  Link to avesta Link to yasna
Karda 1


Paragraph: 1  Link to avesta Link to yasna
Verse: a    niwēyēnam hangirdēnēm niwēyēnam kū yazišn bun kunam; hangirdēnam kū-š sar
Verse: b    bē kunam
Verse: c    rad ī mēnōyān Ohrmazd ud rad ī gētīyān Zarduxšt
Verse: d    ud rad ī ābīgān kar-māhīg ud rad ī xāgīg kākumag
Verse: e    ud rad ī wāyendagān karšift ud rad ī frāx-raftārān xargōš
Verse: f    ud rad ī čarag-arzānīgān halbuz
Verse: g    ahlaw ī ahlāyīh rad

Paragraph: 2  Link to avesta Link to yasna
Verse: a    niwēyēnam hangirdēnam gāhānbār ī ahlāyīh rad
Verse: b    Mēdōzarm pēmēnīd ī ahlaw ī ahlāyīh rad ay pēm pad Mēdōzarm mehmāntar
Verse: c    niwēyēnam hangirdēnam
Verse: d    Mēdōšim ī wāstar-drūnišnīh andar ī ahlaw ī ahlāyīh rad
Verse: e    niwēyēnam hangirdēnam
Verse: f    Pēdišahim ī ՚՚ymy kē-š garmāg padiš andar āyēd ī ahlaw ī ahlāyīh rad
Verse: g    niwēyēnam hangirdēnam
Verse: h    Ayāsrim ī pad frōd-wašt-zamānīh āyēd kē gušn-hilišnīh padiš andar āyēd ī
Verse: i    ahlaw ī ahlāyīh rad
Verse: j    niwēyēnam hangirdēnam
Verse: k    Mēdyārīy sardīg ahlaw ī ahlāyīh rad ē pad sard bawēd
Verse: l    niwēyēnam hangirdēnam
Verse: m    Hamāspahmēdayīm ī pad yazišn-kardārīh ahlaw ī ahlāyīh rad ay andar
Verse: n    frawardīgān andar

Paragraph: 3  Link to avesta Link to yasna
Verse: a    niwēyēnam hangirdēnam
Verse: b    gēhānān bawišnīh ī ahlaw ī ahlāyīh rad kē ān hilišnīh zāyišn čē gušn ud
Verse: c    gušnīh-iz zāyišn rāy andar abāyēd
Verse: d    niwēyēnam hangirdēnam
Verse: e    StōdānYasnān hamdahišnīh sar ī hādān ī pad hu-frāz-yazišnīh mehmān ahlawān
Verse: f    ī ahlāyīh rad
Verse: g    niwēyēnam hangirdēnam
Verse: h    StōdānYasnān hamdahišnīh hu-frāz-yazišnīh mehmān ī ahlawān ī ahlāyīh myāzd
Verse: i    mēnōy ī myāzd ՚cyyw' ō HWE՚ myāzd rāmišn yazdān kē sar ī hādān

Paragraph: 4  Link to avesta Link to yasna
Verse: a    niwēyēnam hangirdēnam
Verse: b    sāl ī ahlāyīh rad
Verse: c    Ahunwar ī pad frāz-srāyišnīh mehmāntar ahlaw ī ahlāyīh rad čē az pāy abāyēd
Verse: d    guftan ān Yatā-ahū-wairyō 80 pad frōd
Verse: e    niwēyēnam hangirdēnam
Verse: f    ahlāyīh ī pahlom pad stāyišn mehmān ī ahlaw ī ahlāyīh rad ān ī ešm-wānag 60
Verse: g    niwēyēnam hangirdēnam
Verse: h    Yengē-hātām ī hu-frāz-yazišnīh ahlawīy ī ahlāyīh rad ān ī pad frōd

Paragraph: 5  Link to avesta Link to yasna
Verse: a    niwēyēnam hangirdēnam
Verse: b    Ahunawat gāh ī ahlawīy ī ahlāyīh rad
Verse: c    niwēyēnam hangirdēnam
Verse: d    mādagān purr-sardagān wīr-ramagān Ohrmazd-dādān ī ahlaw ī ahlāyīh rad
Verse: e    niwēyēnam hangirdēnam
Verse: f    axwōmandīh ud radōmandīh ahlaw ī ahlāyīh rad ān mēnōy ka xwadāy ud dastwar
Verse: g    dārēnd pad rāh ī ōy
Verse: h    niwēyēnam hangirdēnam
Verse: i    Yasn ī Hafthād ī ahlaw ī ahlāyīh rad
Verse: j    niwēyēnam hangirdēnam
Verse: k    Ardwīsūr ī āb ī awinast ī ahlaw ī ahlāyīh rad

Paragraph: 6  Link to avesta Link to yasna
Verse: a    niwēyēnam hangirdēnam
Verse: b    Uštawad gāh ī ahlaw ī ahlāyīh rad
Verse: c    niwēyēnam hangirdēnam
Verse: d    garān ī ahlāyīh-xwārīhān purr-xwārīhān Ohrmazd-dādān ahlawān ī ahlāyīh radān
Verse: e    niwēyēnam hangirdēnam
Verse: f    Spendamad gāh ahlawīy ī ahlāyīh rad
Verse: g    niwēyēnam hangirdēnam pērōzgarīh Ohrmazd-dād wānīdārīh-iz pad abar-rawišnīh
Verse: h    Warahrān yazd ahlaw ī ahlāyīh rad

Paragraph: 7  Link to avesta Link to yasna
Verse: a    niwēyēnam hangirdēnam
Verse: b    Mihr ī frāx-gōyōd ud rāmišn xwālom ahlaw ī ahlāyīh rad
Verse: c    niwēyēnam hangirdēnam
Verse: d       Wahištōišt gāh ahlaw ī ahlāyīh rad
Verse: e    niwēyēnam hangirdēnam
Verse: f    dahmān wehān āfrīn dahm-iz ī mard ī ahlaw
Verse: g    ud ān-iz ī čēr tagīg dahm abar pad menišn yazd ī ahlaw ī ahlāyīh rad

Paragraph: 8  Link to avesta Link to yasna
Verse: a    niwēyēnam hangirdēnam
Verse: b    Ērmān xwāhišnīh ahlaw ī ahlāyīh rad
Verse: c    niwēyēnam hangirdēnam
Verse: d    Fšūšōmānsar ī ahlaw ī ahlāyīh rad
Verse: e    niwēyēnam hangirdēnam
Verse: f    rad ī buland Hādōxt ī ahlaw ī ahlāyīh rad

Paragraph: 9  Link to avesta Link to yasna
Verse: a    niwēyēnam hangirdēnam
Verse: b    ān ī Ohrmazd pursišn Abestāg ud zand
Verse: c    ud ān ī Ohrmazd dādestān pēšēmālīh ud pasēmālīh
Verse: d    ud ān ī Ohrmazd deh pad ēw-kardagīh ud ān ī Ohrmazd Zarduxštrōtom deh
Verse: e    dahībed ī ahlaw ī ahlāyīh rad
Verse: f    niwēyēnam hangirdēnam
Verse: g    Hadiš mēnōy xānag wāstarōmand kū-š hanbār andar sāzēnd wāstar-barišnīh-iz
Verse: h    ī gōspand ī hudahāg ān mēnōy ka gōspandān rāy hanbār abāz kunēnd pad rāh ī
Verse: i    ōy ud ān-iz ī gōspandān dādār mard ī ahlaw pasušhorw



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.