TITUS
Pahlavi Translation of the Avesta: Yasna and Vispered
Part No. 72
Previous part

Chapter: 71  Link to avesta Link to yasna
Yasna 71: Wisp yašt bun


Paragraph: 1  Link to avesta Link to yasna
Verse: a    pursīd Frašōstar ī ahlaw ō ahlaw Zardušt
Verse: b    kū passox gōw pēštar Zardušt ē pēš ay dēn tō mad hē
Verse: c    kadār radīgān frāz ōšmurišnīh
Verse: d    ud kadār gāhānān hangirdīgīh

Paragraph: 2  Link to avesta Link to yasna
Verse: a    u-š guft Zardušt kū
Verse: b    Ohrmazd ī ahlaw ī ahlāyīh rad yazam
Verse: c    Zardušt ī ahlaw ī ahlāyīh rad yazam
Verse: d    Zardušt ī ahlaw frawahr yazam
Verse: e    amahrspandān ī ahlawān yazam

Paragraph: 3  Link to avesta Link to yasna
Verse: a    ahlawān wehān abzārān abzōnīgān frawahr yazam
Verse: b    kē-iz astōmandān kē-iz mēnōyān ōy ī abartom rad yazam
Verse: c    kē-iz madārtom az yazdān ud arzānīgtom az ahlāyīh radān abar-madārtom pad
Verse: d    rasišn ī ahlaw ī ahlāyīh rad pad rad franāmišnīh yazam

Paragraph: 4  Link to avesta Link to yasna
Verse: a    Ohrmazd ī ahlaw ī ahlāyīh rad yazam
Verse: b    harwisp-iz kerb ī Ohrmazd yazam
Verse: c    harwisp-iz amahrspandān yazam
Verse: d    harwisp-iz ān ī ahlāyīh rad yazam
Verse: e    harwisp-iz dēn ī mahistān yazam
Verse: f    harwisp-iz paymān yazam

Paragraph: 5  Link to avesta Link to yasna
Verse: a    harwisp-iz mānsarspand yazam
Verse: b    harwisp-iz dād ī ǰud-dēw yazam
Verse: c    harwisp-iz darg abar-rawišnīh yazam
Verse: d    harwisp-iz ān ī ahlaw kē mēnōy ud kē-iz gētīy yazd yazam
Verse: e    harwisp-iz ahlawān wehān abzārān abzōnīgān frawahr yazam

Paragraph: 6  Link to avesta Link to yasna
Verse: a    harwisp-iz dām ī Ohrmazd-dād yazam
Verse: b    kē pad ahlāyīh dād kē pad ahlāyīh frāz brēhēnīd
Verse: c    u-š pad ahlāyīh dādwarīh u-š pad ahlāyīh frāz yazišnīh
Verse: d    ōy ahlaw kē andar ahlawān pad ahlāyīh āšnāg
Verse: e    harwisp-iz panǰ gāh ī ahlaw yazam
Verse: f    harwisp-iz yazišn franāmišn ud padīrag-rawišnīh ud abar-barišnīh yazam

Paragraph: 7  Link to avesta Link to yasna
Verse: a    harwisp-iz Stōd Yasn yazam
Verse: b    ud harwisp-iz gōwišn ī Ohrmazd fraz guft yazam
Verse: c    kē hēnd dušmat-zadār
Verse: d    kē hēnd dušhūxt-zadār
Verse: e    kē hēnd dušhuwaršt-zadār
Verse: f    ē hēnd abar-kirrēnīdār ī dušmat
Verse: g    kē hēnd abar-kirrēnīdār ī dušhūxt
Verse: h    kē hēnd abar-kirrēnīdār ī dušhuwaršt

Paragraph: 8  Link to avesta Link to yasna
Verse: a    kē hēnd abar-kirrēnīdartom ī harwisp dušmat
Verse: b    kē hēnd abar-kirrēnīdartom ī harwisp dušhūxt
Verse: c    kē hēnd abar-kirrēnīdartom ī harwisp dušhuwaršt
Verse: d    homānāg ī ōy čiyōn ātaxš ka ān hušk esm yōǰdahr ī xōb nigerīd
Verse: e    abar kirrēnēd pad hāwan dazišn kū bē sōzēd
Verse: f    harwisp awēšān gōwišnān yazišn ōz ud pērōzgarīh ud xwarrah ud zōr yazam

Paragraph: 9  Link to avesta Link to yasna
Verse: a    harwisp āb pad xān ān-iz ī srāw-tazišn yazam
Verse: b    harwisp urwar pad rēšag ud ՚yw' abar ārōyišn yazam
Verse: c    harwisp zamīg yazam
Verse: d    harwisp āsmān yazam
Verse: e    harwisp star ud māh ud xwarxšēd yazam
Verse: f    harwisp ān ī asar-rōšnīh yazam
Verse: g    harwisp-iz gōspandī ābīg ud xānīg
Verse: h    ud wāyendag ud frāx-raftār ud čarag arzānīg yazam

Paragraph: 10  Link to avesta Link to yasna
Verse: a    harwisp awēšān Ohrmazd ī xwābar ī weh dām ī ahlaw yazam
Verse: b    kē-š dād was weh
Verse: c    kē awēšān hēnd yazišnōmand ud niyāyišnōmand az ahlāyīh ī pahlom
Verse: d    harwisp-iz gar ī ahlāyīh xwārīh yazam
Verse: e    harwisp-iz war ī Ohrmazd-dād yazam
Verse: f    harwisp-iz ātaxš yazam
Verse: g    harwisp-iz ān ī rāst gōwišn yazam

Paragraph: 11  Link to avesta Link to yasna
Verse: a    harwisp-iz awēšānkē pad tarsagāhīh hamrasišnīh ud pad bowandag-menišnīh
Verse: b    hamrasišnī kerb tuxšāg yazam
Verse: c    pad pānagīh bē sālārīh sālārīh abar-nigāh-dāštārīh
Verse: d    huaxwīh rāy būd
Verse: e    gāhān ī abzōnīg ī rad-xwadāy ī ahlaw xwānam yazam
Verse: f    pad bē pānagīh bē sālārīh sālārīh abar-nigāh-dāštārīh
Verse: g    man ān ī xwad ruwān xwānam u-š yazam
Verse: h    pad bē pānagīh bē sālārīh sālārīh abar-nigāh-dāštārīh

Paragraph: 12  Link to avesta Link to yasna
Verse: a    Hordad ī ahlaw ī ahlāyīh rad yazam
Verse: b    Amurdad ī ahlaw ī ahlāyīh rad yazam
Verse: c    ān ī Ohrmazd pursišn ī ahlaw ī ahlāyīh rad yazam Abestāg ud zand
Verse: d    ān ī Ohrmazd dādestān ī ahlaw ī ahlāyīh rad yazam wizīr ud dādwarīh
Verse: e    Yasn ī abzār ī Hafthād ī ahlaw ī ahlāyīh rad yazam

Paragraph: 13  Link to avesta Link to yasna
Verse: a    ōy ī ahlaw Zardušt ō dōstīh ud hayārīh sālārīh xwāhē
Verse: b    kē ahlaw tō az ahlawān xwēštar gōwam
Verse: c    ud dōst az dōstān čē-t ān weh
Verse: d       čē ān druwand kē druwandān pahlomīh
Verse: e    ān ahlaw kē ō ahlawān franāmišn

Paragraph: 14  Link to avesta Link to yasna
Verse: a    čē awēšān gōwišn pahlom kē Ohrmazd ō Zardušt frāz guft
Verse: b    awēšān Zardušt ka pad ān ī abdom wardišn ī ǰān frāz gōw

Paragraph: 15  Link to avesta Link to yasna
Verse: a    čē agar Zardušt awēšān gōwišn tā ō ān ī abdom wardišn ī ǰān frāz gōwē ast
Verse: b    kē ēdōn gōwēd ay pad abdom wardišn ī ǰān frāz gōwē
Verse: c    bē tō ōy tanam man kē Ohrmazd ham ruwān az ān ī wattom axwān
Verse: d    pad ān ī and zahā ud pahnā bē tanišnīh čand ēn zamīg
Verse: e    ast-iz ēn zamīg ān ī and zahā čand-iš pahnā

Paragraph: 16  Link to avesta Link to yasna
Verse: a    čiyōn-it kāmag ahlaw ēdōn hē ahlaw
Verse: b    frāz widārēnē ruwān tarist čēhwidarg
Verse: c    ō ān ī pahlom axwān ī ahlawān rasē
Verse: d    Uštawayt gāh srāyē ud nēk-rawišnīh bē gōwē
Verse: e    kū nēk ōy kē az ān ī ōy nēkīh kadār-iz-ēw nēkīh ...

Paragraph: 17  Link to avesta Link to yasna
Verse: a    kāmag humenišnīh yazam
Verse: b    humenišnīh kāmag yazam
Verse: c    pad abāz-estišnīh ī tam pad abāz-etsišnīh ī šēwan ud mōyag
Verse: d    drīstīh ud bēšāzišnīh yazam
Verse: e    frāyīhišnīh ud wālišnīh yazam
Verse: f    pad abāz-estišnīh xīndagīh ud stardīh

Paragraph: 18  Link to avesta Link to yasna
Verse: a    gōwišn hangirdīg yazam
Verse: b    gāhān awāy-rōyīh yazam
Verse: c    gāhān abzōnīg rad-xwadāy ī ahlaw yazam
Verse: d    Stōd Yasn yazam
Verse: e    kē būd axwān fradom
Verse: f    hamāg dahišnīh ī Stōd Yasnān yazam
Verse: g    ān ī xwēš ruwān yazam
Verse: h    ān ī xwēš frawahr yazam

Paragraph: 19  Link to avesta Link to yasna
Verse: a    dahmān wehān āfrīn yazam
Verse: b    dahmān-iz mard ahlaw yazam
Verse: c    ān ī čēr tagīg dahm ī abar pad menišn yazd yazam

Paragraph: 20  Link to avesta Link to yasna
Verse: a    awēšān ud āb ud zamīg ud urwar yazam
Verse: b    awēšān gyāg rōstāg ud gāwyōd dašt ud mēhan ud ābxwar yazam
Verse: c    ōy-iz ī šōysarbed yazam kē Ohrmazd

Paragraph: 21  Link to avesta Link to yasna
Verse: a    rad ī harwisp meh yazam kē Ohrmazd radīh ī rōz ud asnīy ud māhīgān gāhānbār
Verse: b    ud sāl

Paragraph: 22  Link to avesta Link to yasna
Verse: a    ahlawān wehān abzārān abzōnīgān frawahr stāyam ud xwānam ud xwēšēnam
Verse: b    ud yazam mānīgān ud wisīgān ud zandīgān ud dehīgān ud Zardušttomān

Paragraph: 23  Link to avesta Link to yasna
Verse: a    ātaxš ī Ohrmazd pus ahlaw ī ahlāyīh rad yazam
Verse: b    abāg zōhrag abāg ēbyāhān abāg ēn barsom pad ahlāyīh frāz wistard ahlaw ī
Verse: c    ahlāyīh rad yazam
Verse: d    ābān nāf yazam
Verse: e    Nēryōsang yazam
Verse: f    tagīg dahm abar pad menišnīh yazd yazam
Verse: g    ān ī widardagān ruwān yazam
Verse: h    kē ahlawān frawahr

Paragraph: 24  Link to avesta Link to yasna
Verse: a    rad ī buland yazam kē Ohrmazd
Verse: b    kē az ahlāyīh abartom kū az yazdān kē-šān tan ahlāyīh ast ay ān meh
Verse: c    kē az ahlāyīh madārtom kū ān kār ī pad xrad abāyēd kardan pēš kerd ēstēd
Verse: d    harwisp sraw ī Zarduxšt yazam ī warzīd tā nūn ud ān-iz warzīhēd az nū frāz

Paragraph: 25  Link to avesta Link to yasna
Verse: a    ān ī gōspandān dahišn āb ud wāstar ud ān ī awēšān kunišn pahast awēšān
Verse: b    pahlom framāyam
Verse: c    ēdōn pad ān ī ōy tarsagāhīh ka gāw ī ēkdād tan bē dād Ohrmazd urwar
Verse: d    waxšēnīd kū-š bē abzāyēnīd

Paragraph: 26-30  Link to avesta Link to yasna
Verse: a    pad kāmag tō Ohrmazd ...




Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.