TITUS
Pahlavi Translation of the Avesta: Yasna and Vispered
Part No. 71
Previous part

Chapter: 70  Link to avesta Link to yasna
Yasna 70


Paragraph: 1  Link to avesta Link to yasna
Verse: a    ō awēšān yazam ān abar rasam ō hayārīh
Verse: b    kē amahrspand huxwadāy ī hudāg
Verse: c    ō ōy abar gīram
Verse: d    ō ōy bay ō ōy rad yazam kē Ohrmazd
Verse: e    ī dādār ī rāmēnīdār ī tāšīdār ī harwisp ābādīh
Verse: f    ōy rad yazam kē Zardušt ī Spitāmān

Paragraph: 2  Link to avesta Link to yasna
Verse: a    ān ī awēšān amāh dād kū-mān dād ān ī awēšān u-mān ān abēzagīh kū pad tis ī
Verse: b    awēšān abēzag bē bawēm frāz gōwam frāz-iz čāšam ō kasān
Verse: c    kē Ohrmazd
Verse: d    kē Wahman
Verse: e    kē Ašwahišt
Verse: f    kē Šahrewar
Verse: g    kē Spandarmad
Verse: h    kē Hordad
Verse: i    kē Amurdad
Verse: j    kē gōspandān tan
Verse: k    kē gōspandān ruwān
Verse: l    ud kē ātaxš ī Ohrmazd

Paragraph: 3  Link to avesta Link to yasna
Verse: a    kē Srōšahlīy
Verse: b    kē Rašn ī ristag
Verse: c    kē Mihr ī frāgōyōd
Verse: d    kē wād ī ahlaw
Verse: e    kē dēn ī weh ī mahistān
Verse: f    kē dahmān wehān āfrīn
Verse: g    kē dahmān wehān adrōzišnīh
Verse: h    kē dahmān wehān arānagīh

Paragraph: 4  Link to avesta Link to yasna
Verse: a    čiyōn abzōn pad gōwišn niwēyēnam nīwēyēnam kū pad kāmag bawād
Verse: b    čiyōn sūdōmandān pad tō deh ān ī sūdōmand gōwišn barēnd
Verse: c    bawēm sūdōmand
Verse: d    ud bawēm pērōzgar
Verse: e    bawēm Ohrmazd dōst ī burdār tan
Verse: f    kē mard ahlaw
Verse: g    pad humat-menišnīh ahlaw būd ēstēd pad hūxt-gōwišnīh pad huwaršt-kunišnīh

Paragraph: 5  Link to avesta Link to yasna
Verse: a    čiyōn amāh ān ī weh menišn rasād Wahman
Verse: b    u-mān ān ī weh urwāhmīh rasād pad ān ī har dō ka tis ī mēnōy ud gētīy xōb kunam
Verse: c    čiyōn ān ī man ruwān ān ī weh urwāhmīh rasād

Paragraph: 6  Link to avesta Link to yasna
Verse: a    ābān ī wehān yazam
Verse: b    pad franāmišn ud padīrag-rawišnīh ud abar-gīrišnīh
Verse: c    burz ī xwadāy īmādagān rōšn ī ābān nāf arwand-asp yazam
Verse: d    harwisp ān ī ahlawān stī
Verse: e       pad yazišn ud niyāyišn šnāyēnīdārīh frāz afrīgānīh
Verse: f    niyōxšišn ēd ast

Paragraph: 7  Link to avesta Link to yasna
Verse: a    Srōšahlīy yazam
Verse: b    rad ī buland yazam kē Ohrmazd
Verse: c    kē az ahlāyīh abartom kū az yazdān kē-šān tan ahlāyīh ast ay ān meh
Verse: d    kē az ahlāyīh madārtom kū ān kār pad xrad abāyēd kardan pēš kerd ēstēd
Verse: e    harwisp sraw ī Zardušt yazam Abestāg ud zand
Verse: f    harwisp-iz huwaršt warzišnīh yazam ī warzīd tā nūn ud ēd-iz ī warzīhēd az
Verse: g    nūn frāz



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.