TITUS
Pahlavi Translation of the Avesta: Young Avestan
Part No. 7
Previous part

Chapter: 3 
Māh Niyāyišn Link to avesta


Paragraph: 1 
Verse: a    namāz ō ohrmazd [xwadāy]
Verse: b    namāz ō amahraspandān
Verse: c    namāz ō māh ī gōspand-tōhmag [
Verse: A       ay gōspand-tōhmagīh ēd kū wahman ud māh ud gōšurwan harw sē gōspand-tōhmag hēnd
Verse: B       ān ī kē wahmān mēnōg awēnāg ud agriftār
Verse: C       ud az wahman bē māh tāšīd ēstēd pad wēnāgīh ud agriftārīh
Verse: D       ud az māh bē gōšurwan tāšīd ēstēd pad wēnāgīh ud griftārīh
Verse: E       ud hamāg ēn dām ud dahišn rāyēnišn pad gōspand-tōhmagīh
Verse: F       ud xwarrah ī gāwān ud tōhmag gōspandān bē māh pāyag ēstēd]
Verse: d    namāz pad abar-wēnišnīh
Verse: e    ud namāz pad abar-nigerišnīh [ka nigerēm u-t wēnēm ā-t bē padīrēm ā-t namāz barēm]

Paragraph: 2 
Verse: a-c    Without PT
Verse: d    māh ī gōspand-tōhmag gāw ī ēkdād gōspand ī purr-sardag šnāyēnīdārīh
Verse: e    Without PT

Paragraph: 3 
Verse: a    Without PT

Paragraph: 4 
Verse: a    čīyōn ka māh waxšēd čīyōn ka māh nirfsēd
Verse: b    pānzdah ka māh waxšēd ka māh nirfsēd [
Verse: A    pānzdah rōz az gētīgān kār ud kirbag padīrēd ud az mēnōgān mizd ud pādāšn
Verse: B    ud pānzdah rōz ō mēnōgān kār ud kirbag bē abespārēd ō gētīgān mizd ud pādāšn
Verse: C    nēkīh māh pērōzgar az ēk tā pānzdah rōz az mēnōgān nēkīh ud farrōxīh padīrēd
Verse: D    ud az pānzdah tā bowandagīh ī sīh rōz pad gētīgān baxšēd
Verse: E    ud az ān ēk rōz ka nōg bē abzōn pad māh bawēd tā bowandagīh ī sīh rōz rōšnīh ud nēkīh az mēnōgān padīrēd ō gētīgān abespārēd mizd ud pādāšn]
Verse: c    ka ōy waxšīd-ēstišnīh [kē māh] awēšān nirfsišn-ēstišnīh apādixšāy bawēnd
Verse: d    ka ōy nirfsišn-ēstišnīh [kē māh] awēšān waxšišn-ēstišnīh [kē abāxtarīg hēnd kū pad xwēškārīh tuwāngartar hēnd čīyōn haftōring ud tištar ud wanand ud sadwēs]
Verse: e    az kē ka māh waxšēd ud nirfsēd ī tō [ohrmazd] [ān ī weh-sūdīh] [u-š xwizār pad dāmdād]

Paragraph: 5 
Verse: a    māh ī gōspand-tōhmag ahlaw ī ahlāyīh rad yazēm
Verse: b    ān māh pad abar-wēnišnīh
Verse: c    ān māh pad abar-padīrišnīh
Verse: d    rōšnīh ī māh pad abar-wēnišnīh
Verse: e    rōšnīh ī māh pad abar-padīrišnīh
Verse: f    ēstēnd amahraspandān xwarrah dārēnd
Verse: g    ēstēnd amahraspandān xwarrah baxšēnd pad zamīg abar ohrmazd-dād [andar ān zamān ka nōg bawēd]

Paragraph: 6 
Verse: a    ēg ka māh rōšn tābēd
Verse: b    mēšag urwar zarrēn [tarr] kē pad zarmay pad abar zamīg ul waxšēnd
Verse: c    pad andar-māh ud purr-māh ud wīšaptas
Verse: d    andar-māh ī ahlaw ahlāyīh rad yazēm [panǰag ī fradom weh]
Verse: e    purr-māh ahlaw ahlāyīh rad yazēm [panǰag ī dudīgar weh]
Verse: f    wīšaptas ī ahlaw ahlāyīh rad yazēm [panǰag ī sidīgar weh]

Paragraph: 7 
Verse: a    yazēm māh ī gōspand-tōhmag
Verse: b    bay ī rāyōmand ī xwarrahōmand
Verse: c    abrōmand [kū ka abr abar āyēd pad rāh ī ōy] tābišnōmand [kū garm] warzōmand [kū dānāg]
Verse: d    āštīhōmand īštōmand [kū bar ī ān gōspandān dahēd]
Verse: e    wizōyišnōmand [kū kār ī dādestān] sūdōmand [kū bar ī āb urwar dahēd]
Verse: f    sabzōmand [kū sabz kunēnd zamīg] [kū zamīg tarr dārēd] weh-ābādīh-dādār
Verse: g    bay ī bēšāzēnīdār [hamāg ābādīh ī weh ōh dahēd]

Paragraph: 8 
Verse: a    pad ān ī ōy rāy ud xwarrah [ī māh ka-m rāy ud xwarrah ī māh ayār bawād]
Verse: b    ōy yazēm pad ān ī niyōxšišnōmand yazišn [pad dēn dastwar] māh ī gōspand-tōhmag pad zōhr
Verse: c    māh ī gōspand-tōhmag ī ahlaw ī ahlāyīh rad yazēm
Verse: d-e    Without PT

Paragraph: 9 
Verse: a    Without PT
Verse: b    <yazišn ... āfrīnēm ō> māh ī gōspand-tōhmag [mēnōg]
Verse: c    gāw ī ēkdād gōspand purr-sardag
Verse: d    Without PT

Paragraph: 10 
Verse: a    u-mān dahēd amāwandīh ud pērōzgarīh
Verse: b    u-mān dahēd gōšt ud xwad-sūrīh [kū-mān nān-ē bād u-mān az čiš ī xwēš bawād]
Verse: c    u-mān dahēd ān ī mardān purr-rawišnīh
Verse: d    [frazand] ī was-stāyīdār [kū kasān nēk dānēd stāyīdan] hanǰamanīg [kū hanǰaman nēk dānēd kardan]
Verse: e    wānīdār kasān awānīdār kas
Verse: f    ōy pad āgenēn wānīdār dušmenān [dō dō ka pad ēw bār rasēnd ā-š stō tuwān bawēnd kardan]
Verse: g    pad āgenēn wānīdār dušmenān [dō anēr] [ast kē and čand gōwēd]
Verse: h    ka rasēd ō ayārīh ī kasān ā-š paydāgēnēd rāmišn [kū-š pad gyāg rāmišn ī az ān čiš bē nigēzēd]

Paragraph: 11 
Verse: a    yazd purr-xwarrah
Verse: b    yazd purr-bēšāzēnīdārīh
Verse: c    <pad> paydāgīh ašmā bawēd [kū ašmā-z paydāgtar bawēd] pad paydāgīh ašmā pad xwānišn sūdēmand [ka ēn čiš ēdōn kunēnd]
Verse: d    pad paydāgīh bawēd ašmā xwarrah āb dahēd ān xwarrah rāy yazēm [kū] āb ī dāītīh

Paragraph: 12    Without PT


Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.