TITUS
Pahlavi Translation of the Avesta: Young Avestan
Part No. 5
Previous part

Book: Ny 
Niyāyišn

Chapter: 1 
Xwaršēd Niyāyišn Link to avesta


Paragraph: 1 
Verse: a    namāz barēm ō tō ohrmazd
Verse: b    sē bār pēš az hamāg dāmān
Verse: c    namāz ō ašmā amahraspandān
Verse: d    harwisp pad hamkāmīh ud hamdōšišn
Verse: e    ēdar bē rasēd dādār ohrmazd
Verse: f    ēdar amahraspandān
Verse: g    ēdar ahlawān frawahrān
Verse: h    ēdar way ī dagr-xwadāy [ay rām yazd]

Paragraph: 2 
Verse: a    šnāyēnīdārīh ī ohrmazd
Verse: b    tardahišnīh gannāg mēnōg
Verse: c    čīyōn āškārag warzīdārān [xwāhišn] kē kamāg frāztom
Verse: d    stāyēm ahlāyīh

Paragraph: 3-4 
Verse: a    frāz stāyēm humat ud <...>
Verse: b    <...> frāz pad axw ī menišnīg
Verse: c    frāz pad tan ud ān-iz ī xwēš gyān [kū tan pad xwēšīh ī ašmā dārēm][pad xwēšīh ī ašmā dāštan ēd kū agar-am tan ruwān rāy bē abāyēd dādan bē dahēm]
Verse: d    stāyēm ahlāyīh

Paragraph: 5 
Verse: a    namāz ō ohrmazd [ud ohrmazd guft kū niyāyišn ō man ōy kard bawēd kē wehān parwardārtom ud wattarān zadārtom]
Verse: b    namāz ō amahraspandān [ud amahraspandān guft kū niyāyišn ō amā ōy kard bawēd kē paymānīg xwarēd ud paymānīg dārēd ud harw-iz ī az paymān bē pardazēd ō wehān arzānīgān dahēd]
Verse: c    namāz ō mihr ī frāxgōyōd [ud mihr ī frāxgōyōd guft kū niyāyišn ō man ōy kard bawēd kē mihr ī ruwān ī xwēš xūb dārēd čē ka-š mihr ī ruwān ī xwēš xūb dāšt bawēd ā-š hamāg dām ī ohrmazd xūb dāšt bawēd]
Verse: d    namāz ō xwaršēd ī arwand- asp [ud xwaršēd ī arwand-asp guft kū niyāyišn ō man ōy kard bawēd kē ranǰ ī pad kār ud kirbag kardan ō grīw padīrēd nē pad ranǰ dārēd čē man-iz ēn rāh ī man dārēm āyēm ud šawēm nē pad ranǰ dārēm]
Verse: e    namāz ō āb ī dōysar ī ohrmazd-dād [mēnōg ardwīsūr yazd hučašmīh dōysar ī ohrmazd-dād guft kū niyāyišn ō man ōy kard bawēd kē hamāg dād ī ohrmazd pad hučašmīh abar nigerēd ud ēč kas pad duščašmīh abar nē nigerēd ud hixr ō āb nē barēd]
Verse: f    <...> kē-z bawēnd
Verse: g    weh-am waxšēnē menišn xwadāy [kū-m frārōn-menišntar bē kun] ud kē-z ahlāyīh [kār ud kirbag ī-m kard ēstēd] nēkīh ō tan-im dah
Verse: h    Without PT
Verse: i    ēn [ruwān] ō ān ī rōšnīh ī bālist balēnān [kū-m ruwān bē ān xwaršēd payāg rasād]
Verse: j    Without PT
Verse: k    pad tō abar abzōnīg <...>

Paragraph: 6 
Verse: a    xwaršēd amarg rāyōmand arwand-asp rāy yazēm [mihr ī frāxgōyōd yazēm]
Verse: b    ī rāst-gōwišn ī hanǰamanīg
Verse: c    hazār-gōš ī hutāšīd
Verse: d    ī bēwar-čašm ī buland
Verse: e    ī purr-āgāh [pad kār ī dādestān ud ī-š andar xwēškārīh] ud abzār
Verse: f    ud axwāb [kū-š būšāsp nēst] ud [ayārīh-barišn] bīdār

Paragraph: 7 
Verse: a    mihr ī harwispīn dehān dahibed yazēm
Verse: b    kē frāz dād ohrmazd xwarrahōmandtom az mēnōgān yazdān
Verse: c    ān ōy amā rasād pad ayārīh mihr xwadāy ī buland
Verse: d    xwaršēd amarg rāyōmand arwand-asp yazēm

Paragraph: 8 
Verse: a    tištar drust-čašm rāy yazēm
Verse: b    tištar rāy yazēm [ay manāzil ī wārān]
Verse: c    wārišnīg tištar stārag rāy yazēm
Verse: d    tištar star ī rāyōmand xwarrahōmand yazēm
Verse: e    wanand stārag ī ohrmazd-dād yazēm
Verse: f    tištar stārag rāyōmand xwarrahōmand yazēm
Verse: g    spāš ī xwadād yazēm
Verse: h    zamān ī akanārag yazēm
Verse: i    zamān ī dagrand-xwadāy yazēm
Verse: j    wād ī abzōnīg hudāhag yazēm
Verse: k    razistag ī frazānag ī ohrmazd-dād ahlaw yazēm
Verse: l    dēn ī weh māzdēsnān yazēm
Verse: m    rāh ī weh-dīl-rawišnīh yazēm
Verse: n    zarrēnōmand abzār rāy yazēm [kē āb ī šabnam ī wahārīg az azēr zamīg ul bē āyēd pad rāh ī ōy]
Verse: o    sōgand kōf ī ohrmazd-dād yazēm

Paragraph: 9 
Verse: a    harwisp ahlaw yazd ī mēnōg yazēm
Verse: b    harwisp ahlaw yazd ī gētīg yazēm [ay yazd ī gētīg čīyōn ātaxš ud āb ī ardwīsūr ud wād ī abzōnīg ud xwaršēd ud māh ud zamīg ēn hamāg yazd ī gētīg hēnd xkē mardōmān pad čašm tuwān dīd ud ān yazd ī mēnōg nē tuwān dīdan]
Verse: c    ruwān ī xwēš rāy yazēm
Verse: d    frawahr ī xwēš rāy yazēm
Verse: e    bē ras ō ayārīh ī man ohrmazd
Verse: f    ahlawān wehān abzārān abzōnīgān frawahr yazēm
Verse: g    xwaršēd amarg rāyōmand arwand-asp yazēm

Paragraph: 10 
Verse: a    franāmēm māzdēsnīh ī zarduxšt [kū andarag ī wattarān gōwēm] ǰud-dēw [kū-š dēw abāg nēst] ohrmazd-dādestān [kū-š dādestān ān ī ohrmazd]
Verse: b    hāwan ī ahlaw ī ahlāyīh rad pad yazišn ud niyāyišn šnāyēnīdārīh frāz āfrīgānīh
Verse: c    sawang ud wis-iz ī ahlaw ī ahlāyīh rad pad yazišn ud niyāyišn šnāyēnīdārīh frāz āfrīgānīh
Verse: d-g    Without PT
Verse: h    <...> xwaršēd amarg rāyōmand arwand-asp <...>
Verse: i    čīyōn axw kāmag [čīyōn ohrmazd kāmag] zōt frāz ō man gōw
Verse: j    ēdōn radīhā [ēdōn dastwarīhā] az ahlāyīh čegām-iz-ēw frāz ahlawān āgāhīhā gōwēm [kū dānišnīg gōwēm kū hamāg kār ud kirbag ēdōn dastwarīhā kardan čīyōn ohrmazd abāyēd]

Paragraph: 11 
Verse: a    xwaršēd amarg rāyōmand arwand-asp yazēm
Verse: b    ēg ka xwaršēd rōšn tābēd [kū ul āyēd]
Verse: c    ēg ka xwaršēd rōšn tābēd [ēwēnag]
Verse: d    ēstēnd mēnōg yazd sad-gānag ud hazār-gānag
Verse: e    [ēdōn] ān xwarrah ham barēnd [ō ēw-gyāg]
Verse: f    ud ān xwarrah bē rānēnd [pad ēw-kardīh]
Verse: g    ud ān xwarrah baxšēnd pad zamīg abar ī ohrmazd-dād
Verse: h    pad frādahišnīh ān ī ahlāyīh gēhān
Verse: i    pad frādahišnīh ān ī ahlāyīh tan [kū tā bē abzāyēd]
Verse: j    pad frādahišnīh kē xwaršēd amarg rāyōmand arwand-asp

Paragraph: 12 
Verse: a    ēg ka xwaršēd ul abzāyēd [ay kū ul āyēd]
Verse: b    bawēd zamīg ī ohrmazd-dād yōǰdāsr [az ān āhōgēnišn ān-iš pad šab dēw abar gumēxt]
Verse: c    āb ī tazāg yōǰdāsr
Verse: d    āb ī xānīg yōǰdāsr [āb ī čāh pāk yōǰdāsr]
Verse: e    āb ī pad zrēh yōǰdāsr
Verse: f    āb ī armēšt yōǰdāsr
Verse: g    bawēd dām ī ahlaw yōǰdāsr
Verse: h    kē hēnd spenāg mēnōg [kū ōy xwēš hēnd]

Paragraph: 13 
Verse: a    čē ka xwaršēd nē ul waxšē [kū hambun-iz zamān dagrtar āyē]
Verse: b    ēg dēw harwisp murnǰēnēnd
Verse: c    kē hēnd pad haft kišwar
Verse: d    nē kas mēnōg yazd axw ī astōmand abar dārišnīh ud abar ēstišnīh wēnē [nē-z-šān padīrēnd ka-z-šān padīrēnd ā-z-šān būdan nē tuwān hē]

Paragraph: 14 
Verse: a    kē yazēd xwaršēd ī amarg ī rāyōmand ī arwand-asp
Verse: b    pad abāz ēstišnīh ī tomīgān
Verse: c    pad abāz ēstišnīh ī tom tomīgān dēwān
Verse: d    pad abāz ēstišnīh ī duzdān ud stahmagān
Verse: e    pad abāz ēstišnīh ī ǰādūgān ud parīgān
Verse: f    pad abāz ēstišnīh ī sēǰ ī nihān-rawišn
Verse: g    ā-š yašt bawēd ohrmazd
Verse: h    ā-š yašt bawēd amahraspandān
Verse: i    u-š yašt ān ī xwēš ruwān
Verse: j    u-š šnāyēnīd bawēd harwisp kē hēnd mēnōg yazd ud kē gētīg
Verse: k    kē yašt xwaršēd ī amarg ī rāyōmand ī arwand-asp

Paragraph: 15 
Verse: a    ā-š yašt mihr ī frāxgōyōd ī hazār-gōš ī bēwar-čašm [
Verse: A    ay u-š frāxgōyōdīh ēd kū ka ēwtāg pad dašt šāyēd āmadan ud šudan pad rāh ī mihr
Verse: B    u-š hazār-gōšīh ēd kū ē hazār yazd abāg gumārd ēstēnd kē ō mihr gōwēnd kū ēn-iz āšnaw ud ān-iz āšnaw
Verse: C    u-š bēwar čašmīh ēd kū-š bēwar yazd abāg gumārd ēstēnd kē ō mihr gōwēnd kū ēn-iz wēn ud ān-iz wēn
Verse: D    mihr yazd az dō čašm hamāg wēnēd
Verse: E    ēd rāy hazār-gōš ud bēwar čašm guft ēstēd]
Verse: b    u-š yašt wazr ī huwaxm pad kamal abar ī dēwān
Verse: c    ī mihr ī frāxgōyōd [ay huwaxmīh ēd kū bāstān ēdōn dārēd mēnōgīhā bē šawēd wināhgārān pādifrāh bē kunēd ud mēnōgīhā abāz ō kantigr āyēd]
Verse: d    yaēzm hamāxag mihr yazd kū ast az hamāxagān pahlom kē andarag māh ud xwaršēd [ā-š rawišn ē gāh-aš ānōh]

Paragraph: 16 
Verse: a    pad ān ī ōy rāy ud xwarrah [xwaršēd kū-m rāy ud xwarrah ī xwaršēd ayār bawād]
Verse: b    yazēm pad ān ī niyōxšišnōmand yazišn [pad dēn ī dastwar]
Verse: c    xwaršēd amarg rāyōmand arwand-asp pad zōhr
Verse: d    xwaršēd amarg rāyōmand arwand-asp yazēm
Verse: e    pad hōm [zōhr] gōšt ud barsom
Verse: f    ud uzwān dānāgīhā ud mānsar gōwišn [abastāg] kunišn [kār andar yazišn]
Verse: g    ē zōhr [āšnāg] ān-iz rāst-gōwišn <...>
Verse: h    kē az hastān ēdōn pad yazišn abar weh [kū yazišn ān weh ī ohrmazd ī xwadāy rāy kunēd]
Verse: i    ohrmazd āgāh az ahlāyīh abāgīh čegām-iz-ēw [čegām-iz-ēw kār ud kirbag ud mizd ud pādāšn āgāh bawēd] hanǰamanīgān
Verse: j    narān ud mādagān yazēm [amahraspandān]

Paragraph: 17 
Verse: a    Without PT
Verse: b    yazišn ud niyāyišn ud ōz ud zōr
Verse: c    āfrīnēm ō xwaršēd amarg rāyōmand arwand-asp

Paragraph: 18 
Verse: a    Without PT
Verse: b    ahurānē. ahurahē <...> pad ān ī dahmān-nigerīd zōhr [ast kē dahmān-pālūd gōwēd]
Verse: c-d    Without PT

Paragraph: 19 
Verse: a-d    Without PT
Verse: e    namāz ō tō ahlaw [barēm] sūdōmand ardwīsūr awinast ahlaw <...>
Verse: f    Without PT
Verse: g    namāz ān ī urwar weh ohrmazd-dād ī ahlaw rāy <...>
Verse: h    Without PT
Verse: i    xwaršēd amarg rāyōmand arwand-asp yazēm
Verse: h-i    Without PT


Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.