TITUS
Pahlavi Translation of the Avesta: Young Avestan
Part No. 4
Previous part

Chapter: 57 
Srōš Yašt Link to avesta Link to yasna


Paragraph: 1 
Verse: a    Without PT
Verse: b    srōš ahlā [ī tarsāgāh] ī tagīg ī tan-framān [kū tan pad framān ī yazdān dārēd] škeft-zēn [kū-š zēn-abzār škeft barōiϑrō.taēžəm] xwadāy [pad arzah ud sawah frašūsaite] šnāyēnēm
Verse: c    pad yazišn ud niyāyišn ud šnāyēnīdārīh ud frāz-āfrīgānīh
Verse: d    čīyōn axw kāmag [čīyōn ohrmazd kāmag] zōt frāz ō man gōw
Verse: e    čīyōn axw kāmag [čīyōn ohrmazd kāmag] kē zōt hē frāz ō man gōw
Verse: f    ēdōn radīhā [ēdōn dastwarīhā] az ahlāyīh čegām-iz-ēw frāz ahlawān āgāhīhā gōwēm [kū dānišnīg gōwēm kū hamāg kār ud kirbag ēdōn dastwarīhā kardan čīyōn ohrmazd abāyēd]

Paragraph: 2 
Verse: a    srōš ahlā ī hurust ī pērōzgar ī frādādār ī gēhān ahlaw ahlāyīh rad yazēm
Verse: b    kē-š fradom andar ohrmazd dāmān pad frāz-wistarišnīh abar barsom
Verse: c    ā-š yašt ohrmazd ā-š yašt amahraspandān
Verse: d    u-š yašt pānag ī brīngar [mihr yazd] kē harwispīn brēhēnīdār ī dāmān [nēkīh]

Paragraph: 3 
Verse: a    pad ān ī ōy rāy ud xwarrah [ī srōš] pad ān ī ōy amāwandīh ud pērōzgarīh ud pad ān awēšān yaštārīh
Verse: b    ōy yazēm pad ān ī niyōxšišnōmand yazišn [pad dēn dastwar]
Verse: c    srōš ahlā pad zōhr ud ahrišwang-iz ī weh buland ud nēryōsang-iz ī hurust
Verse: d    ān-iz amā rasād ō ayārīh ud pērōzgarīh [ī weh] srōš ahlā

Paragraph: 4 
Verse: a    srōš ahlā yazēm
Verse: b    rad ī buland yazēm kē ohrmazd
Verse: c    kē az ahlāyīh abardom [kū az yazdān kē-šān tan ahlāyīh ast ān meh] kē az ahlāyīh madārtom [kū ān kār ī pad xrad abāyēd kardan pēš kardan]
Verse: d    harwisp sraw ī zardušt yazēm [abastāg ud zand]
Verse: e    harwisp-iz huwaršt warzisnīh yazēm warzīd [tā nūn] ud ēd-iz warzīhēd [az nūn frāz]
Verse: f    Without PT

Paragraph: 5 
Verse: a    srōš ahlā ī hurust ī pērōzgar <...>

Paragraph: 6 
Verse: a    kē fradom barsom frāz wistard
Verse: b    kē tāg ud panǰ tāg ud haft tāg ud nō tāg
Verse: c    čand zānūg ud čand mayān padištān [pad ǰud +wizīnišn būd ī ka ēdōn ud būd ī ka ēdōn]
Verse: d    pad ān ī amahraspandān yazišn ud niyāyišn ud šnāyēnīdārīh ud frāz-āfrīnāgīh
Verse: e    pad ān ī ōy rāy ud xwarrah <...>

Paragraph: 7 
Verse: a    srōš ahlā ī hurust ī pērōzgar <...>

Paragraph: 8 
Verse: a    kē-š fradom gāhān frāz srūd kē panǰ ī spitāmān ahlaw zardušt
Verse: b    abāg gāϑr abāg wačast ud abāg šnāsagīh ī zand ud abāg abāz-pursišnīh [ī nērang]
Verse: c    pad ān ī amahraspandān yazišn ud niyāyišn ud šnāyēnīdārīh ud frāz-āfrīnāgīh
Verse: d    pad ān ī ōy rāy ud xwarrah <...>

Paragraph: 9 
Verse: a    srōš ahlā ī hurust ī pērōzgar <...>

Paragraph: 10 
Verse: a    kē driyōšān mardān ud zanān ā-šān amāwandān andar mān ō ham tāšēd [kū-šān dahēd]
Verse: b    kē pas az hu-frāšmōg-dād
Verse: c    xēšm pad ān wistarišnōmand sneh ān ī guxrōn xwar zanēd
Verse: d    u-š ēdōn ōy bāstān kamāl pad zanišn abar xangēnēd [kū-š andar škenēd] čīyōn ōzōmand ōy nihān dahišn
Verse: e    pad ān ī ōy rāy ud xwarrah <...>

Paragraph: 11 
Verse: a    srōš ahlā ī hurust ī pērōzgar <...>
Verse: b    ī tagīg ud tēz ud ōzōmand ud škeft abzār ud buland

Paragraph: 12 
Verse: a    kē az harwisp ardīg [az hamāg kārezār] wizārdan bē rasēd [bē ānōh]
Verse: b    ō hanǰaman ī amahraspandān
Verse: c    pad ān ī ōy rāy ud xwarrah ī srōš <...>

Paragraph: 13 
Verse: a    srōš ahlā ī hurust ī pērōzgar <...>
Verse: b    kē az gušnān ōzōmandtom kē az gušnān tagīgtom kē az gušnān tuxšāgtom kē az gušnān tēztom kē az gušnān pēš-kāmagtom
Verse: c    abar xwāhēd māzdēsn ān ī srōš ahlā niyāyišn

Paragraph: 14 
Verse: a    kū dūr az ān mān ud dūr az ān wis ud dūr az ān zand ud dūr az ān deh ān ī wattar sēǰ ud +wōyīg rawānd
Verse: b    kū andar ān mān srōš ahlā ī pērōzgar padēx ast padīrēnd
Verse: c    ud mard-iz ī ahlaw ī freh-humat ī freh-hūxt ī freh-huwaršt
Verse: d    pad ān ī ōy rāy ud xwarrah <...>

Paragraph: 15 
Verse: a    srōš ahlā ī hurust ī pērōzgar <...>
Verse: b    kē wānīdār ī kastārān mardān kē wānīdār ī kastārān zanān
Verse: c    kē zanēd dēwān druz was-ōz ī axwān-murnǰēnīdār
Verse: d    kē sālār ud abar-nigāh-dāštār harwispīn frāz ō gētīgān

Paragraph: 16 
Verse: a    kē pad a-xwābīh ud zēnāwandīh bē pāyēd ohrmazd dāmān
Verse: b    kē pad a-xwābīh ud zēnāwandīh bē sālārēnēd ohrmazd dāmān
Verse: c    kē harwisp axw ī astōmand abrāst sneh bē pāyēd [kū sneh abrāst dārēd]
Verse: d    pas az hu-frāšmōg-dād

Paragraph: 17 
Verse: a    kē nē pas xwaš xuft pēš tā mēnōgān dām dād [ayārīh ī mēnōgān dām dād]
Verse: b    kē spenāg mēnōg ud kē-z gannāg
Verse: c    sālār ān ī ahlāyīh ī gēhān
Verse: d    kē hamāg rōz ud šab āyōzēd [pad kōxšišn] abāg māzanīgān dēwān

Paragraph: 18 
Verse: a    ān ī nē pad tars frāz ānāmēd [kū stō nē bawēd] az bīm bē dēwān
Verse: b    frāz az ān bē [čīyōn ān stō nē bawē<n>d] harwisp dēw ahunsandīhā pad tars ānāmē<n>d
Verse: c    kū pad tars ō tom dwārēnd
Verse: d    pad ān ī ōy rāy ud xwarrah <...>

Paragraph: 19 
Verse: a    srōš ahlā ī hurust ī pērōzgar <...>
Verse: b    kē-š yašt hōm ī frāšm ī bēšāzēnīdār ī nēk xwadāy ī zarrēn-dōysar [kū-š čašm tarunag]
Verse: c    pad bālist abar buland pad harborz abar

Paragraph: 20 
Verse: a    xūb-gōwišn [kū ān ī frārōn gōwēd] ī pānag-gōwišn [kū ān gōwēd ā-š pānagīh aziš bawēd] ud abar-pad-hangām-gōwišn [ī ān gāh gōwēd ōh abāyēd guftan]
Verse: b    ī pādixšāy pad frazānagīh ī harwisp-pēsīd [bē dād] ī purr-šnāsag [pad abārīg kār]
Verse: c    pad mānsar pēš-raftār [az šnāsag ī ān hōm]
Verse: d    pad ān ī ōy rāy ud xwarrah <...>

Paragraph: 21 
Verse: a    srōš ahlā ī hurust ī pērōzgar <...>
Verse: b    kē ōy mān ī pērōzgar hazār-stūn winārd ēstēd
Verse: c    pad bālist abar buland pad harborz abar
Verse: d    kē xwad-rōšn az andar-nēmag ud star-pēsīd az kustagtar-nēmag [kū az kustag-kustag pad gōhr wirāst ēstēd]

Paragraph: 22 
Verse: a    kē ōy ahunawar pad snehīh padīrift ēstēd pērōzgar
Verse: b    yašt-iz ī haft-hād ud fšuš-mānsar-iz ī pērōzgar [u-š padīrift ēstēd] ud harwisp-iz yazišn-kardārīh
Verse: c    pad ān ī ōy rāy ud xwarrah <...>

Paragraph: 23 
Verse: a    srōš ahlā ī hurust ī pērōzgar <...>
Verse: b    kē pad ān ī ōy amāwandīh ud pērōzgarīh ud hu-zandīh ud āgāhīh [ī srōš]
Verse: c    āyēnd amahraspandān abar ō haft kišwar zamīg
Verse: d    pad dēn-nimūdārīh ō dēnīgān [hūšīdar ud hūšīdarmāh ud sōšyans]

Paragraph: 24 
Verse: a    kāmag-xwadāy frāz āyēnd abar ō astōmandān gēhān
Verse: b    kē ān ī ōy dēn ā-š franāft ohrmazd ahlaw [kū-š rawāg bē kard hēd dēn ī srōš dastwar dāštan ān ī mihr nē druxtan]
Verse: c    frāz wahman frāz ardwahišt frāz šahrewar frāz spandarmad frāz hōrdād frāz amurdād
Verse: d    frāz ān ī ohrmazd pursišn [abastāg ud zand] frāz ān ī ohrmazd dādestān [pēšēmālīh ud pasēmālīh]

Paragraph: 25 
Verse: a    frāz ēg andar harw dō axwān amā bē pāyē ay srōš ahlā ī hurust ī andar ān axwān ī astōmandān ud kē-z mēnōgān [andar-iz panǰāh ud haft sāl]
Verse: b    bē az ōy druwand margīh bē az ōy druwand xēšm bē az ōy druwand hēn [ī dušmen]
Verse: c    kē pad ulīh xurwīg drafš nayēnd pad pēšōbāyīh ī xēšm
Verse: d    u-šān xēšm duš-dānāg dārēd u-šān abāg wīdād ī dēwān-dād

Paragraph: 26 
Verse: a    ēdōn tō amā srōš ahlā ī hurust zōhr dahē ō frahixtān [aspān] ud drust-rawišnīh ō tan
Verse: b    purr-pāsbānīh az bēšīdārān bē zadārīh ī dušmenān
Verse: c    pad āgenēn-wānīdārīh ī hamēmālān a-dōstān bēšīdārān
Verse: d    pad ān ī ōy rāy ud xwarrah <...>

Paragraph: 27 
Verse: a    srōš ahlā ī hurust ī pērōzgar <...>
Verse: b    kē ōy ī čahār arwand arus ud rōšn frāz-paydāg abzōnīg āgāh xnā-sāyag ā-š pad mēnōg-gyāgīh wazēnd
Verse: c    srūwēn ān ī awēšān sumb u-š zarr abar brēhēnīd [kū +zarr-āsuft kard ēstēd abar kafšag]

Paragraph: 28 
Verse: a    tēztom az asp [ī gētīg] ud tēztom az wād ud tēztom az wārān ud tēztom az +miznē
Verse: b    ud tēztom az way ī wāyēndag ud tēztom az ān ī ōy hu-tan wihēd tigr

Paragraph: 29 
Verse: a    awēšān harwispīn +bāz-pas ayābēd kē ōy pas hilēd ud nē ōy az +bāz-pas ayābēd
Verse: b    kē ōy sneh harw dō frāz rasēd pad wazišn kē weh srōš ahlā
Verse: c    kē pad ōšastar hindūgān gīrēd ud kē-z pad dōšastar ud nē zanēd [ud kē-z bē zanēd +agar rasēd]
Verse: d    pad ān ī ōy rāy ud xwarrah <...>

Paragraph: 30 
Verse: a    srōš ahlā ī hurust ī pērōzgar <...>
Verse: b    kē buland [pad tan] buland-ēbyāst [pad kār ud dādestān stabr] andar ohrmazd dāmān nišast ēstēd

Paragraph: 31 
Verse: a    kē tā sē bār andar ham rōz ud andar ham šab ō ēn kišwar wazēd ī xwanirah ī bāmīg
Verse: b    sneh pad dast dārēd ī būrāg ī tēz ī hu-āyōxtār pad kamāl abar dēwān

Paragraph: 32 
Verse: a    pad sneh ī gannāg mēnōg ī druwand [ā-š aziš bawēd] pad sneh ī xēšm ī xurdruš [ā-š aziš bawēd]
Verse: b    sneh ī māzanīgān dēwān [ā-š aziš bawēd] ud sneh ī harwispīn dēwān [ā-š aziš bawēd]
Verse: c    pad ān ī ōy rāy ud xwarrah <...>

Paragraph: 33 
Verse: a    srōš ahlā ī hurust ī pērōzgar <...>
Verse: b    kē ēdar ud an-ēdar-iz anī-z gyāg pad harwisp zamīg
Verse: c    ud pad harwisp [zamān] srōš ahlā tagīg tan-framān tagīg ud hammardābūg ud bāzāy-ōz ī artēštār [kū frahixt] kamāl-zadār ī dēwān
Verse: d    wānīdār ī pad wānišn ud ōy kē wānīdār ī ahlawān ōy kē wānīdār ī pad wānišn ud wānīdārīh-iz ī pad abar-rawišnīh yazēm
Verse: e    kē-z srōš ahlā ud kē-z aštād yazd

Paragraph: 34 
Verse: a    harwisp mān ī srōš-pānag yazēm [kē-šān wehīh rāy srōš pānagīh kunēd]
Verse: b    kē srōš ahlā dōst ud franāft padīrēd
Verse: c    ud mard-iz ī ahlaw ī freh-humat ī freh-hūxt ī freh-huwaršt
Verse: d    pad ān ī ōy rāy ud xwarrah <...>
Verse: e    Without PT
Verse: f    čītōn axw kāmag <...> wačast bīšāmrūdīg gōwišn <...>



Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.