TITUS
Pahlavi Translation of the Avesta: Young Avestan
Part No. 3
Previous part

Chapter: 11 
Link to avesta Link to yasna


Paragraph: 1 
Verse: a    sē āškārag ahlaw kē pad āfrīn gōwišnīh rafēnd
Verse: b    gāw ud asp ud hōm
Verse: c    gāw zōt rafēd [kē andar dārēd]
Verse: d    kū ēdōn bawē a-frazand u-t ēdōn dusrawīh abāg bawād
Verse: e    kē man rāy xwāstag nē baxšē [ō arzānīgān]
Verse: f    ēg man tō fšōnēnē [kū-m abāz dārē] nāyrīgān ud pusarān ān ī xwēš mūlān rāy

Paragraph: 2 
Verse: a    asp ō ōy burdār rafēd
Verse: b    kū ma bawē arwandān āyōxtār ma arwandān abar nišastan ma arwandān bē nihixtan
Verse: c    kē pad ān ī man zōr nē zāyē [kār ud dādestān]
Verse: d    ka was mad ēstēnd pad ham-rasišnīh was mard <ī> kard-kār

Paragraph: 3 
Verse: a    hōm ō xwardār rafēd
Verse: b    kū ēdōn bawē a-frazand u-t ēdōn dusrawīh abāg bawād
Verse: c    kē man bē az hunišn dārē
Verse: d    čīyōn duz ī purdag-sar
Verse: e    ud nē hom purdag-sar čē hōm hom hōm ī ahlaw ī dūrōš

Paragraph: 4 
Verse: a    ān ī man pidar [hamēšag] ān ī ōy hōm sūr franāft ohrmazd ī ahlaw ērwārag abāg uzwān ān-iz ī hōy dōysar

Paragraph: 5 
Verse: a    kē az man ān sūr zīnēnēd ayāb truftēnēd ayāb bē apparēd kē-š ō man dād ohrmazd ī ahlaw ērwārag abāg uzwān ud ān-iz ī hōy dōysar

Paragraph: 6 
Verse: a    ē nē andar ān mān zāyēd āsrōn ud nē artēštār ud nē wāstaryōš
Verse: b    čē andar ān mān zāyēd ān ī dahišn kāhēnīdār [kē dahišn ī ohrmazd bē kāhēnēd] mūdag-kardār [kū čiš tabāh kunēd] purr-sardag warzīdār [kū kār ud dādestān ī was frāz kunēd ēk-iz pad frazām bē nē kunēd]

Paragraph: 7 
Verse: a    tēz ka ān gōšt frāz brīnēd [kū gōspand kušēd] tuxšāgēnē ān ī ān hōm sūr [kū hōm drōn bē paydāgēn]
Verse: b    kū ma tō hōm bandād čīyōn-aš mar bast ī tūr ī frangrasyān pad mayān srišwadag ī ēn zamīg
Verse: c    kē pērāmōn ān xwēn-āhan

Paragraph: 8 
Verse: a    u-š guft zardušt kū namāz ō hōm ī ohrmazd-dād weh hōm ī ohrmazd-dād namāz ō hōm

Paragraph: 9 
Verse: a    kē az amā ēk [dastwar mard-ē kunēd ān ī amā] dōrīn ud serīn ud čahārrīn <ud> panǰrīn ud šašrīn ud haftrīn ud haštrīn <ud> nōrīn ud dahrīn [xwēš šāyēd bawēd] kē-mān az ašmā mad ēstēd [ēn nēkīh]

Paragraph: 10 
Verse: a    bē ō tō hōm ī ahlaw zahag dahēm ēn ī xwēš tan kē man wēnīhēd hurust
Verse: b    kū tā-mān bawād huaxwīh [nēw-dilīh] ahlawīh [abēzagīh]
Verse: c    bē ō man tō-z dah hōm ī ahlaw ī dūrōš ān ī pahlom axwān ī ahlawān ī rōšn ī hamāg-xwārīh




Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.