TITUS
Pahlavi Translation of the Avesta: Young Avestan
Part No. 2
Previous part

Chapter: 10 
Link to avesta Link to yasna


Paragraph: 1 
Verse: a    bē pas az ēdar padēnd bē dēw bē dēw-ayār [dēw-ēzag]
Verse: b    ud ān ī weh srōš mānēd [kū-š mehmānīh bawēd]
Verse: c    ahlišwang ī weh ēdar mānēd ahlišwang ī weh rāmišn ēdar [mehmānīh bawēd u-š rāmišn bawēd] abar andar ēn mān ī ohrmazd xwēš kē-z hōm ī ahlaw zahag u-š xwēš

Paragraph: 2 
Verse: a    pad-iz ān ī frōdtom hāwan tō pad gōwišn abar stāyēm huxrad ka-t andar ān tāg ō ham gīrēm [kū andar kunēm]
Verse: b    pad-iz ān ī abartom hāwan tō pad gōwišn abar stāyēm huxrad ka-t andar ān bē zanēm pad ān ī mardān ōz

Paragraph: 3 
Verse: a    stāyēm miznē ud wārān kē ēd ī tō kirb waxšēnēd pad bālist abar garān
Verse: b    stāyēm gar ī buland kū ānōh hōm rust ēstē

Paragraph: 4 
Verse: a    stāyēm zamīg ī widaragōmand ī pahn ī kāmag-axw ī xwābar kē burdār <ī> tō hōm ī ahlaw
Verse: b    stāyēm zamīg kū rust ēstē [ān gyāg pad nāmčist] hubōyīh ud arwandīh kardār hē [pad gētīg]

Paragraph: 5 
Verse: a    u-t ēdōn ohrmazd meh ārōyišn [ārōyišn ī tō čiš-ē ī meh] hōm kē tō rust ēstē pad gar abar
Verse: b    ēdōn frāz dād ēstē pad wišpatas āškārag ahlāyīh xān hē [rōšnag kū kār ud kirbag ōh abzāyēnē] ud wālēnē menišn gōwišn [kū frārōntar bē kunēd]
Verse: c    pad harwisp ēwan abar pad harwisp spēg abar pad harwisp tāg abar

Paragraph: 6 
Verse: a    hōm waxšēd ka-š stāyēnd ud ēdōn mard kē ōy stāyēd pērōzgartar bawēd
Verse: b    pad-iz ān ī nidom hōm hunišnīh ud pad-iz ān ī nidom hōm stāyišnīh ud pad-iz ān ī nidom hōm xwarišnīh ā-š ō dēwān hazār-ganišnīh ast [kū hazār bē škihēnd]

Paragraph: 7 
Verse: a    nasēnēd pad āgenēn frāz kunēd az ān mān āhōgēnišn
Verse: b    ānōh kū bāstān abar abāgēnēnd [kū bē kunēnd] ānōh kū bāstān abar stāyēnd hōm ī bēšāzēnīdār
Verse: c    paydāgēnēd drustīh ud bēšāzišnīh andar ān ī ōy wis

Paragraph: 8 
Verse: a    harwisp ān ī any māyišn ā-š xēšm abāg xurdruš
Verse: b    ān ī hōm māyišn ā-š ahlāyīh abāg urwāhman
Verse: c    sabuk ān ī hōm māyišn
Verse: d    ka čīyōn pus ī tarunag hōm wendēnd mardōm [kū-š pahrēz kunēnd]
Verse: e    frāz ān ī awēšān tan hōm padīrēd bēšāzišnīh

Paragraph: 9 
Verse: a    hōm dah ō man bēšāzišnīh kē pad awēšān hē bēšāzēnīdār
Verse: b    hōm dah ō man pērōzgarīh kē pad awēšān hē pad pērōzgarīh bēš tarwēnīdār
Verse: c    frāz az tō padīrēm dōstīh ud stāyīdārīh [kū-t dōst bē bawēm u-t ōh stāyēm] čē-š dōst stāyīdār rāy ō man guft ohrmazd kū-m weh dād az ahlāyīh ī pahlom

Paragraph: 10 
Verse: a    arwand tō dānāg bay tāšīd hē ī xwābar [pad mēnōgīh]
Verse: b    arwand tō dānāg bay bē dād hē ī xwābar [ō gētīḡ]

Paragraph: 11 
Verse: a    pad harburz abar tō ānōh pad ān ī abzōnīgān frāz daxšāgīh
Verse: b    murwān ǰud ǰud bē burd hē abar ō škeft ī abar-sēn
Verse: c    ēn wāzag a-zand

Paragraph: 12 
Verse: a    andar ān gyāg <ī> purr-tāg ī purr-sardag bē rust hē hōm ī čarb ī zarrēn-gōn
Verse: b    ān ī tō bēšāzišnīh ǰomā pad ān ī wahman paymān
Verse: c    čē man ōy duš-saxwan ā-š az pas-aš bast menišn
Verse: d    ān menišn menīdār kē ō man pad duš-saxwanīh ēstēd

Paragraph: 13 
Verse: a    namāz hōm kē kunēd ōy ī driyōš hāwand meh-menišn čīyōn ōy-iz ī rāyōmand
Verse: b    namāz hōm kē kunēd ōy ī driyōš hāwand meh-menišn čīyōn hunsandīh raft ēstēd [čīyōn mowbedān mowbed az pādixšāyīh rāmišn ōy-iz az yaštārīh-ē rāmišn ēdōn]
Verse: c    purr-mard tō kun [mard ēdōn was kunēd] ī abzōnīg ī frazānagīh-ayār
Verse: d    kē tō bāstān hōm ī zarrēn ō gōšt gumēzēd baxšēd [pad bahr]

Paragraph: 14 
Verse: a    ma čīyōn man gāw drafš ā-m tēz az wārom rawē [čīyōn gāw drafš pad ē gyāg ēstādan nē tuwān tō-z wināhgarīh rāy pad tan ī man mehmānīh nē bawād]
Verse: b    frāz franāmam ēd ī tō menišn [kū dārišn bē kunēm] u-m ō tō kāmag-axwīh rasēn
Verse: c    bē ō tō hōm ī ahlaw ī ahlaw zahag dahēm ēn ī man tan kē wēnīhēd hurust

Paragraph: 15 
Verse: a    u-t bē hilam pad zanišn un [xsūrag] ī marān [gilistag ī wattarān]
Verse: b    kē menēnd kū frēbom ōy-iz āsrō ōy-iz ī hōm u-šān pad ān frēb bē nasēn
Verse: c    kē ēdōn ān ī hōm sūr ō ǰōyišn bē nihēd nē ōy ān ī āsrō pus [ā-š bawēd] u-š nē dahīhēd hupusīh

Paragraph: 16 
Verse: a    pad panǰrīn nām hom ud pad panǰrīn nām nē hom [pad panǰ kas mehmānīh ast pad panǰ kas nēst]
Verse: b    pad ōy kē humat hom pad ōy kē dušmat nē hom
Verse: c    pad ōy kē hūxt hom pad ōy kē dušhūxt nē hom
Verse: d    pad ōy kē huwaršt hom pad ōy kē dušhuwaršt nē hom
Verse: e    pad ōy kē srōš hom [kē dastwar dārēd] pad ōy kē asrušt nē hom [kē dastwar nē dārēd]
Verse: f    pad ōy kē ahlaw hom pad ōy kē druwand nē hom
Verse: g    ēg-iz az ān tā ō ān ī abdom ka mēnōgān ast bē wizārišnīh [ā-m ēn čiš ēdōn]

Paragraph: 17 
Verse: a    u-š guft zardušt kū namāz ō hōm ī ohrmazd-dād weh hōm ī ohrmazd-dād namāz hōm
Verse: b    harwisp hōm abar stāyēm kē-z pad bālist abar garān kē-z andar ān ī zofr rōstāg kē-z pad tangīh dārēnd ǰeh pad [had tangīh-aš az ān ka-š čiš ī abarōn padiš kunēd]
Verse: c    ka andar ān ī asēmēn tašt ō ān ī zarrēn abar tazēnd
Verse: d    nē tō abganēm ō zamīg abar kē ēdōn rāyōmand arzōmand

Paragraph: 18 
Verse: a    awēšān tō hōm gāhān u-t awēšān hēnd stāyišn
Verse: b    u-t awēšān hēnd čēgām-iz-ē čāšišnīh u-t awēšān hēnd ān ī rāst gōwišn
Verse: c    drustīh ud pērōzgarīh abar pad bēšāzišnīh bēšāzēn [kū drust dār]

Paragraph: 19 
Verse: a    awēšān tō-z ō man frāz franām ēd ī tō māyišn rōšn franām ēd ī tō māyišn [rōšnag ēd kū-m dahē] sabuk wazēnēnd māyišn
Verse: b    pērōzgar hē ka-t stāyēnd ham ān ī pad-iz gāhān guft

Paragraph: 20 
Verse: a    kū kē ō gōspandān niyāyišn [āb ud wāstar] ā-š az gōspandān niyāyišn [šīr ud wazag]
Verse: b    u-š az gōspandān gōwišn u-š az gōspandān pērōzgarīh
Verse: c    u-š az gōspandān xwarišn u-š az gōspandān wastarag
Verse: d    [had čīyōn pad gāhān guft kū kē ō gōspandān niyāyišn ā-š az gōspandān niyāyišn ēdar ē gōwēm kū kē hōm stāyēd pērōzgartar bawēd] ān ī gōspand warzīdār [pasušhorw] ān amā rāy xwarišn fšōnēnēd

Paragraph: 21 
Verse: a    hōm ī zarrēn ī buland yazēm
Verse: b    hōm ī frašm frādādār <ī> gēhān yazēm
Verse: c    hōm ī dūrōš yazēm
Verse: d    harwisp hōm yazēm
Verse: e    zardušt ī spitāmān ēdar ahlaw ā-š ahlāyīh-iz [kār ud kirbag] frawahr-iz yazēm


Next part


This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.