TITUS
Pahlavi Translation of the Avesta: Videvdad
Part No. 7
Previous part

Chapter: 13 
Paragraph: 1  Link to avesta
Verse: a    kat̰. tat̰. dąma. +spəṇtō.mainiiə̄uš. aētaŋhąm. dāmanąm. yōi. həṇti. spəṇtahe. +mainiiə̄uš. dąma. dātəm.
Verse: b    vīspəm. paiti. +ušåŋhəm. +ā. +hū. +vaxšāt̰. hazaŋraγna. +aŋrō.mainiiə̄uš. paiti.jasaiti.

Paragraph: 1-Ptl 
Verse: a    kt՚l ZK d՚m <y> spyn՚k mynwg [d՚m y NPŠE] MN OLE-š՚n' d՚m՚n' MNW HWE-d AYḴ spyn՚k mynwg d՚m d՚t'
Verse: b    [MNW] PWN hlwsp' ՚wš [PWN nym-LYLYA LALA YATWN-yt'] ZK OD OL hw'-whš PWN 1000-γnšnyh OL gn՚gmynwg BRA YHMTWN-yt'

Paragraph: 1-Pts 
Verse: a    kadār ān dām <ī> spenāg mēnōy [dām ī xwēš] az awēšān dāmān kē hēnd kū spenāg mēnōy dām dād
Verse: b    [kē] pad harwisp ōš [pad nēm-šab ul āyēd] ān tā ō hū-waxš pad hazār-ēanišnīh ō gannāg-mēnōy bē rasēd


Paragraph: 2  Link to avesta
Verse: a    āat̰. mraot̰. ahurō. mazdå. spānəm. +sīždrəm. uruuīsarəm. yim. vaŋhāparəm. yim. maṣ̌iiāka. auui.dužuuacaŋhō. dužakəm. nąma. +aojaite.
Verse: b    aētat̰. tat̰. dąma. +spəṇtō.mainiiə̄uš. +aētaŋhąm. dāmanąm. yōi. həṇti. spəṇtahe. +mainiiə̄uš. dąma. dātəm.
Verse: c    vīspəm. paiti. +ušåŋhəm. +ā. +hū. +vaxšāt̰. +hazaŋraja. +aŋrō.mainiiə̄uš. paiti.jasaiti.

Paragraph: 2-Ptl 
Verse: a    AP-š gwpt' ՚whrmẕd AYḴ KLBA y sẕdyk [kwpyk'] y d՚lmk slk [AYḴ-š LOYŠE y pwzk b՚lyk] y vaŋhāparəm. [ŠM] MNW ANŠWTA-՚n' QDM PWN dwšgwbšnyh zwzk ŠM YMRRWN-d [՚y AMT LA YMRRWN-d ՚-š ŠPYL twb՚n' HWE-yḎ krtn']
Verse: b    +՚ytwn' ZK d՚m y spyn՚k mynwg [NPŠE] MN OLE-š՚n d՚m՚n MNW HWE-d spyn՚k <mynwg> d՚m d՚t'
Verse: c    PWN hlwsp' ՚wš [PWN nym-LYLYA LALA YATWN-yt'] ZK OD OL hw'-whš PWN 1000-γnšnyh OL gn՚gmynwg BRA YHMTWN-yt' [՚y KRA PWN ẔNE ՚nd ẕm՚n' ẔNE ՚nd kwnd] [ẔNE AYḴ cygwn kwnd ՚-m LA lwšnk'] [AYT' MNW ՚ytwn' YMRRWN-yt ՚y ḆYN lwc W šp՚n' 3 b՚l wyš LA kwnd]

Paragraph: 2-Pts 
Verse: a    u-š guft ohrmazd kū sag ī sezdīg [kōfīg] ī dārmag sarag [kū-š sar ī pōzag bārīg] ī vaŋhāparəm. [nām] kē mardōmān abar pad dušgōwišnīh zūzag nām gōwēnd [ay ka nē gōwēnd ā-š weh tuwān hē kardan]
Verse: b    ēdōn ān dām ī spenāg mēnōy [xwēš] az awēšān dāmān kē hēnd spenāg <mēnōy> dām dād
Verse: c    pad harwisp ōš [pad nēm-šab ul āyēd] ān tā ō hū-waxš pad hazār-ēanišnīh ō gannāg-mēnōy bē rasēd [ay har pad ēn and zamān ēn and kunad] [ēn kū cīyōn kunad ā-m nē rōšnag] [ast kē ēdōn gōwēd ay andar rōz ud šabān sē bār wēš nē kunad]


Paragraph: 3  Link to avesta
Verse: a    +yasca. dim. janat̰. spitama. zaraϑuštra. spānəm. +sīždrəm. uruuīsarəm. yim. vaŋhāparəm. yim. maṣ̌iiāka. auui.dužuuacaŋhō. dužakəm. nąma. +aojaite.
Verse: b    +nauua.naptiiaēcit̰. hē. uruuānəm. +para.mərəṇcaite.
Verse: c    +yaēšąm. aŋhat̰. dužāpəm. cinuuat̰.pərətūm.
Verse: d    yō. nōit̰. juuō. +sraošiiąm. +uzuuərəziieiti.

Paragraph: 3-Ptl 
Verse: a    MNW-c OLE MHYTWN-yt' spyt՚m՚n zltwšt' KLBA y sẕdyk [kwpyk] <y> d՚lmk' slk [+AYḴ-š sl y pwzk b՚lyk'] +y +vaŋhāparəm. MNW ANŠWTA-՚n QDM PWN dwšgwbšnyh zwzk ŠM YMRRWN-d [՚y AMT LA YMRRWN-՚nd ՚-š ŠPYL twb՚n' HWE-yḎ krtn']
Verse: b    ZK-c y nhwm +nptyk +y OLE HYA [lwb՚n'] BRA +mwlncynyt' [AYḴ PWN k՚l <W> krpk krtn' dhšn' SLY-tl YHWWN-yt']
Verse: c    [MNW] OLE-š՚n' HWE-d +dwš-SGYTWN-k PWN cyhwtlg [LAWHL +՚w' OLE MNW KN MHYTWN-yt']
Verse: d    MNW LA PWN zywndk slwš [DKYA] LALA wlcyt' [AYḴ BRA LA wc՚lyt']

Paragraph: 3-Pts 
Verse: a    kē-z ōy zanēd spitāmān zardušt sag ī sezdīg [kōfīg] <ī> dārmag sarag [kū-š sar ī pōzag bārīg] ī vaŋhāparəm. kē mardōmān abar pad dušgōwišnīh zūzag nām gōwēnd [ay ka nē gōwānd ā-š weh tuwān hē kardan]
Verse: b    ān-iz ī nohom naftīg ī ōy gyān [ruwān] bē murnjēnēd [kū pad kār <ud> kirbag kardan dahišn wattar bawēd]
Verse: c    [kē] awēšān hēnd duš-rawag pad cēh-widarag [abāz ō ōy kē ōh zanēd]
Verse: d    kē nē pad zīndag srōš [pāk] ul warzēd [kū bē nē wizārēd]


Paragraph: 4  Link to avesta
Verse: a    dātarə. gaēϑanąm. astuuaitinąm. aṣ̌āum. yō. janat̰. spānəm. sīždrəm. +uruuīsarəm. yim. vaŋhāparəm. yim. maṣ̌iiāka. auui.dužuuacaŋhō. dužakəm. nąma. +aojaite.
Verse: b    kā. +hē. asti. ciϑa.
Verse: c    āat̰. mraot̰. ahurō. mazdå. hazaŋrəm. upāzananąm. upāzōit̰. aspahe. aštraiia. hazaŋrəm. +sraošō.caranaiia.

Paragraph: 4-Ptl 
Verse: a    d՚t՚l MNW KLBA MHYTWN-yt y sẕdyk [kwpyk] y d՚lmk slk [AYḴ-š LOYŠE y pwzk b՚lyk'] <y> +vaŋhāparəm. MNW ANŠWTA-՚n' <QDM> PWN dwšgwbšnyh zwzk ŠM YMRRWN-d [՚y AMT LA YMRRWN-d ՚-š ŠPYL twb՚n' HWE-yḎ krtn']
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ 1000 PWN QDM znšnyh QDM znšn' ՚sp' ՚štl 1000 slwšwcln՚m

Paragraph: 4-Pts 
Verse: a    dādār kē sag zanēd ī sezdīg [kōfīg] ī dārmag sarag [kū-š sar ī pōzag bārīg] <ī> vaŋhāparəm. kē mardōmān <abar> pad dušgōwišnīh zūzag nām gōwēnd [ay ka nē gōwēnd ā-š weh tuwān hē kardan]
Verse: b    kadār ōy ast tōzišn
Verse: c    u-š guft ohrmazd kū hazār pad abar zanišnīh abar zanišn asp aštar hazār srōšōcarnām


Paragraph: 5  Link to avesta
Verse: a    kat̰. tat̰. dąma. +aŋrō.mainiiə̄uš. aētaŋhąm. dāmanąm. yōi. həṇti. aŋrahe. +mainiiə̄uš. dąma. dātəm.
Verse: b    vīspəm. paiti. +ušåŋhəm. +ā. +hū. +vaxšāt̰. hazaŋraja. +spəṇtō.mainiiə̄uš. paiti.jasaiti.

Paragraph: 5-Ptl 
Verse: a    kt՚l ZK d՚m y gnn՚gmynwg [NPŠE] MN OLE-š՚n' d՚m՚n' MNW HWE-d AYḴ gnn՚gmynwg d՚m d՚t
Verse: b    [MNW] PWN hlwsp' ՚wš [PWN nym-LYLYA LALA YATWN-yt'] ZK OD ՚w' hw-whš PWN 1000-γnšnyh ՚w' spyn՚k mynwg [d՚m] BRA YHMTWN-yt

Paragraph: 5-Pts 
Verse: a    kadār ān dām ī gannāg-mēnōy [xwēš] az awēšān dāmān kē hēnd kū gannāg mēnōy dām dād
Verse: b    [kē] pad harwisp ōš [pad nēm-šab ul āyēd] ān tā ō hū-waxš pad hazār-ēanišnīh ō spenāg-mēnōy [dām] bē rasēd


Paragraph: 6  Link to avesta
Verse: a    āat̰. mraot̰. ahurō. mazdå. daēum. yim. zairimiiaŋurəm. nąma. +spitama. zaraϑuštra. yim. maṣ̌iiāka. auui.dužuuacaŋhō. zairimiiākəm. nąma. aojaite.
Verse: b    aētat̰. tat̰. dąma. +aŋrō.mainiiə̄uš. aētaŋhąm. dāmanąm. yōi. həṇti. aŋrahe. +mainiiə̄uš. dąma. dātəm.
Verse: c    vīspəm. paiti. +ušåŋhəm. +ā. +hū. +vaxšāt̰. hazaŋraja. +spəṇtō.mainiiə̄uš. paiti.jasaiti.

Paragraph: 6-Ptl 
Verse: a    AP-š gwpt ՚whrmẕd AYḴ ŠDYA y +z՚lymngwl ŠM spyt՚m՚n' zltwhšt MNW ANŠWTA QDM PWN dwšgwbšnyh zairimiiāk. ŠM YMRRWN-d [՚y AMT LA YMRRWN-d ՚-š km twb՚n' HWE-yḎ krtn']
Verse: b    HNA-c +PWN ZK d՚m y gnn՚gmynwg [NPŠE] MN OLE-š՚n d՚m՚n' MNW HWE-d AYḴ gnn՚gmynwg d՚m d՚t'
Verse: c    [MNW] PWN hlwsp' ՚wš [PWN nym-LYLYA LALA YATWN-yt'] ZK OD OL hw-whš PWN 1000-γnšnyh OL spn՚gmynwg BRA YHMTWN-yt' [՚y KRA PWN ẔNE ՚nd ẕm՚n' ẔNE KN kwnd] [ẔNE AYḴ cygwn kwnd ՚-m LA lwšnk] [AYT' MNW ՚ytwn' YMRRWN-yt ՚y OL MYA mycyt] [AYT' MNW ՚ytwn' YMRRWN-yt ՚y lwc' W šp՚n' +3 b՚l wyš LA kwnd]

Paragraph: 6-Pts 
Verse: a    u-š guft ohrmazd kū dēw ī zārimangur nām spitāmān zarduxšt kē mardōm abar pad dušgōwišnīh zairimiiāk. nām gōwēnd [ay ka nē gōwēnd ā-š kam tuwān hē kardan]
Verse: b    ēd-iz pad ān dām ī gannāg-mēnōy [xwēš] az awēšān dāmān kē hēnd kū gannāg-mēnōy dām dād
Verse: c    [kē] pad harwisp ōš [pad nēm-šab ul āyēd] ān tā ō hū-waxš pad hazār-ēanišnīh ō spenāg mēnōy bē rasēd [ay har pad ēn and zamān ēn ōh kunad] [ēn kū cīyōn kunad ā-m nē rōšnag] [ast kē ēdōn gōwēd ay ō āb mēzēd] [ast kē ēdōn gōwēd ay rōz ud šabān +sē bār wēš nē kunad]


Paragraph: 7  Link to avesta
Verse: a    yasca. dim. janat̰. spitama. zaraϑuštra. daēum. yim. zairimiiaŋurəm. yim. maṣ̌iiāka. auui.dužuuacaŋhō. zairimiiākəm. nąma. +aojaite.
Verse: b    patitəm. hē. manō. aŋhat̰. patitəm. vacō. patitəm. š́iiaoϑnəm.
Verse: c    uzuuarštəm. hē. manō. aŋhat̰. uzuuarštəm. vacō. uzuuarštəm. š́iiaoϑnəm.

Paragraph: 7-Ptl 
Verse: a    MNW-c OLE MHYTWN-yt' spyt՚m՚n' zltwšt' ŠDYA +MNW z՚lymngwl MNW ANŠWTA QDM PWN dwšgwbšnyh zairimiiāk. ŠM +YMRRWN-d [՚y AMT LA YMRRWN-d ՚-š kym twb՚n' HWE-yḎ krtn']
Verse: b    ptytyh՚ OLE mynšn' AYT' ptytyh՚ OLE gwbšn' ptytyh՚ OLE kwnšn' [cygwn AMT tn՚pwhl-1 mynšnyk W gwbšnyk W kwnšnyk PWN ptyt YHWWN-yt AYḴ BRA wc՚lyt' ՚-š wn՚s tn՚pwhl-1 BRA HPLWN-x1 krpk KN YKOYMWN-yt' OLE-c ՚ytwn']
Verse: c    LALA wlcyt' +OLE mynšn' AYT' LALA wlcyt' +OLE gwbšn' LALA wlcyt' +OLE kwnšn' [swš՚nš gwpt' ՚y ẔNE lwšk ZK-c' lwspyk ẔNE hwp W ZK LA hwp'] [AYT' MNW ՚ytwn' YMRRWN-yt ՚y ẔNE m՚tkwl W ZK ՚plw՚lk] [+ky-՚twr-bwcyt gwpt ՚y ẔNE lwšk +W ZK +wlk-m՚l KRA 2 hwp]

Paragraph: 7-Pts 
Verse: a    kē-z ōy zanēd spitāmān zardušt dēw kē zārimangur kē mardōm abar pad dušgōwišnīh zairimiiāk. nām gōwēnd [ay ka nē gōwēnd ā-š kem tuwān hē kardan]
Verse: b    patitīhā ōy menišn ast patitīhā ōy gōwišn patitīhā ōy kunišn [cīyōn ka tanāpuhl-ē menišnīg ud gōwišnīg ud kunišnīg pad patit bawēd kū bē wizārēd ā-š wināh tanāpuhl-ē bē kanēd kirbag ōh ēstēd ōy-iz ēdōn]
Verse: c    ul warzīd ōy menišn ast ul warzīd ōy gōwišn ul warzīd ōy kunišn [sōšāns guft ay ēn rōšk ān-iz rōspīg ēn xūb ud ān nē xūb] [ast kē ēdōn gōwēd ay ēn mādagwar ud ān abarwārag] [kay-ādur-bōzēd guft ay ēn rōšk +ud ān +warg-mār har dō xūb]


Paragraph: 8  Link to avesta
Verse: a    +yō. +aētaēšąm. +sunąm. jaiṇti. yim. pasuš.hauruuąmca. +viš.hauruuąmca. +vohunazgąmca. draxtō.hunaranąmca.
Verse: b    xraosiiō.taraca. nō. am̨āt̰. +viiō.taraca. +huuō. uruua. parāiti. parō.asnāi. +aŋvhe.
Verse: c    yaϑa. vəhrkō. +viiō. +tūite. dramne. barəzište. +razūire.

Paragraph: 8-Ptl 
Verse: a    MNW OLE-š՚n' KLBA-՚n' MHYTWN-yt' <y> pswšhwlw' W wyšhwlw' W whwnzg W dlhthwnl [՚y pswšhwlyh W wyšhwlyh PWN +plyd՚tšn' W dlhthwnlyh HNA AYḴ AMT-š hmwcynd ՚ OḆYDWN-d]
Verse: b    +hlwsyttl MN ZK y LNE [glwtm՚n'] hwystktl HYA ZY NPŠE BRA SGYTWN-yt' BRA PWN ZK' y nzdyk ՚hw'
Verse: c    cygwn gwlg +hwysyšn' twb՚nyk [MNW +hwysyšn' twb՚n' krtn'] MN ZK' y bwlnd wyšk [MN +zh՚k' y wyšk'] [AMT] PWN lcwl [gwspnd]

Paragraph: 8-Pts 
Verse: a    kē awēšān sagān zanēd <ī> pasušhorw ud wišhorw ud wohunazg ud draxt-hunar [ay pasušhorwīh ud wišhorwīh pad +frayādišn ud draxt-hunarīh ēd kū ka-š hammōzēnd ā kunēnd]
Verse: b    xrōsīttar az ān ī amā [garōdmān] xwistagtar ruwān ī xwēš bē rawēd bē pad ān ī nazdīk axw
Verse: c    cīyōn gurg xwēhišn tuwānīg [kē xwēhišn tuwān kardan] az ān ī buland wēšag [az +zahā ī wēšag] [ka] pad razūr [gōspand]


Paragraph: 9  Link to avesta
Verse: a    nōit̰. hē. aniiō. uruua. haom. uruuānəm. paiti. irista. bązaiti. +xraosiiāca. +viiaca. +aŋvhe.
Verse: b    naēδa. spāna. pəṣ̌u.pāna. paiti. irista. bązaiti. xraosiiāca. +viiaca. +aŋvhe.

Paragraph: 9-Ptl 
Verse: a    LA +OLE ZK' y ZK-՚y lwb՚n [՚p՚ryk HYA] ZK y NPŠE lwb՚n' PWN BRA wtylšnyh b՚lynyt' [AYḴ-š +hdyb՚l՚wmndyh krtn' LA twb՚n'] MN hlwstkyh W hwystkyh [ZY-š] ḆYN ՚hw' [+KN krt']
Verse: b    LA KLBA <y> pwhlp՚n' [KLBA <y> KLBA-՚n'] [AYT' MNW ՚pzwnyk pwhlp՚n' YMRRWN-yt' yaiiå. asti. aniiō. rašnuš. razištō.] PWN BRA wtylšnyh b՚lynyt' [AYḴ-š hdyb՚l՚wmndyh krtn' LA twb՚n'] MN hlwstkyh W hwystkyh [ZY-š] ḆYN ՚hw' [+KN krt']

Paragraph: 9-Pts 
Verse: a    nē ōy ān ī any ruwān [abārīg ruwān] ān ī xwēš ruwān pad bē widerišnīh wārēnēd [kū-š ayārōmandīh kardan nē tuwān] az xrōstagīh ud xwistagīh [ī-š] andar axw [ōh kard]
Verse: b    nē sag <ī> puhl-bān [sag <ī> sagān] [ast kē abzōnīg puhl-bān gōwēd yaiiå. asti. aniiō. rašnuš. razištō.] pad bē widerišnīh wārēnēd [kū-š ayārōmandīh kardan nē tuwān] az xrōstagīh ud xwistagīh [ī-š] andar axw [ōh kard]


Paragraph: 10  Link to avesta
Verse: a    yō. sune. pištrəm. +jaiṇti. yim. pasuš.hauruue.
Verse: b    us. vā. hē. +gaošəm. ϑβərəsaiti. apa. vā. hē. paiδiiąm. kərəṇtaiti.
Verse: c    +yasə.tat̰. paiti. auuå. gaēϑå. tāiiuš. vā. vəhrkō. vā. apaiti.busti. haca. gaēϑābiiō. para.baraiti. dasa.
Verse: d    aδāt̰. paiti. afše. cikaiiat̰.
Verse: e    cikaiiat̰. +sunahe. +raēšəm. baoδō.varštahe. +ciϑaiia.

Paragraph: 10-Ptl 
Verse: a    MNW KLBA pyšk MHYTWN-yt' <y> pswšhwlw'
Verse: b    LALA ZK' y OLE gwš PSKWN-yt' ՚ywp BRA ZK y OLE p՚dy klynyt'
Verse: c    HT MN ZK [cygwn-š pyšk BRA škst'] MN ZK y OLE gyh՚n dwc ՚ywp gwlg PWN ՚nm՚dšnyh [AMT-š BRA škst' ՚k՚syh YHBWN-tn LA twb՚n'] MN gyh՚n' BRA YḆLWN-x1
Verse: d    AHL +PWN <ZK y> OLE pšy twcyt'
Verse: e    twcyt' [ZK' y OLE] KLBA lyš PWN bwtwkwlšt twcšn'

Paragraph: 10-Pts 
Verse: a    kē sag pēšag zanēd <ī> pasušhorw
Verse: b    ul ān ī ōy gōš brīnēd ayāb bē ān ī ōy pāy kirrēnēd
Verse: c    agar az ān [cīyōn-aš pēšag bē škast] az ān ī ōy gēhān duz ayāb gurg pad a-nimāyišnīh [ka-š bē škast āgāhīh dādan nē tuwān] az gēhān bē barēd
Verse: d    pas pad <ān ī> ōy fšī tōzēd
Verse: e    tōzēd [ān ī ōy] sag rēš pad bōdōwaršt tōzišn


Paragraph: 11  Link to avesta
Verse: a    yō. sune. pištrəm. +jaiṇti. yim. viš.hauruue.
Verse: b    us. vā. hē. +gaošəm. ϑβərəsaiti. apa. vā. hē. paiδiiąm. kərəṇtaiti.
Verse: c    +yasə.tat̰. paiti. auuå. vīsō. tāiiuš. vā. vəhrkō. vā. apaiti.busti. haca. +vīžbiiō. para.baraiti. dasa.
Verse: d    aδāt̰. paiti. +afše. cikaiiat̰.
Verse: e    cikaiiat̰. +sunahe. +raēšəm. baoδō.varštahe. ciϑaiia.

Paragraph: 11-Ptl 
Verse: a    MNW KLBA pyšk MHYTWN-yt y wyšhwlw'
Verse: b    LALA ZK' y OLE gwš PSKWN-yt' ՚ywp' BRA ZK' y OLE p՚dy klynyt'
Verse: c    HT MN ZK [cygwn-š pyšk BRA škst'] ZK' y OLE wys dwc' ՚ywp gwlg PWN ՚nm՚dšnyh [AMT-š ՚k՚syh YHBWN-tn' LA twb՚n'] MN wys BRA +YḆLWN-x1-ynyt'
Verse: d    AHL PWN ZK' y OLE pšy twcyt'
Verse: e    twcyt' [ZK' y OLE] KLBA lyš PWN bwtwkwlšt' twcšn'

Paragraph: 11-Pts 
Verse: a    kē sag pēšag zanēd ī wišhorw
Verse: b    ul ān ī ōy gōš brīnēd ayāb bē ān ī ōy pāy kirrēnēd
Verse: c    agar az ān [cīyōn-aš pēšag bē škast] ān ī ōy wis duz ayāb gurg pad a-nimāyišnīh [ka-š āgāhīh dādan nē tuwān] az wis bē +barēnēd
Verse: d    pas pad ān ī ōy fšī tōzēd
Verse: e    tōzēd [ān ī ōy] sag rēš pad bōdōwaršt tōzišn


Paragraph: 12  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. jaiṇti. yim. pasuš.haurum. frazābaoδaŋhəm. snaϑəm. vīkərət̰.uštānəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. ašta. sata. upāzananąm. upāzōit̰. aspahe. aštraiia. ašta. sata. +sraošō.caranaiia.

Paragraph: 12-Ptl 
Verse: a    d՚t՚l MNW KLBA MHYTWN-yt y pswšhwlw' [PWN ZK' y] pr՚c <MN> bwd sn՚h ywdt klynyt' HYA
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ 800 PWN QDM znšnyh QDM znšn' ՚sp' ՚štl 800 slwšwcln՚m [՚y ẔNE KLBA y pswšhwlw' ZK YHWWN-yt' AMT PWN HYA bwtwkzt' kwnd AMT PWN pyšk <W> p՚hlwk' hm՚y-znšn' OḆYDWN-x1 ՚-c ywdtl LOYT' W ẔNE 4 tn՚pwhl ՚nd cnd b՚c՚y-1 hmym՚l՚n' NPŠE W ՚p՚ryk' lwb՚nyk pyšk hmym՚l՚n' PWN hwl YKOYMWN-yt' AP-š p՚hlwk PWN ՚ldwš YKOYMWN-yt' AHL gwpt YHWWN-yt AYḴ PWN KLBA k՚dtwzt LA YHWWN-yt]

Paragraph: 12-Pts 
Verse: a    dādār kē sag zanēd ī pasušhorw [pad ān ī] frāz <az> bōy snah jud kirrēnīd gyān
Verse: b    kadār ōy ast tōzišn
Verse: c    u-š guft ohrmazd kū hašt sad pad abar zanišnīh abar zanišn asp aštar hašt sad srōšōcarnām [ay ēn sag ī pasušhorw ān bawēd ka pad gyān bōdōzad kunad ka pad pēšag <ud> pahlūg hamē-zanišn kunēd ā-z juttar nēst ud ēn cahār tanāpuhl and cand bāzā-ē hamēmālān xwēš ud abārīg ruwānīg pēšag hamēmālān pad xwar ēstēd u-š pahlūg pad arduš ēstēd pas guft bawēd kū pad sag kādōzed nē bawēd]


Paragraph: 13  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. jaiṇti. yim. viš.haurum. frazābaoδaŋhəm. snaϑəm. vīkərət̰.uštānəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. hapta. sata. upāzananąm. upāzōit̰. aspahe. aštraiia. hapta. sata. +sraošō.caranaiia.

Paragraph: 13-Ptl 
Verse: a    d՚t՚l MNW KLBA MHYTWN-yt' <y> wyšhwlw' [PWN ZK' y] pr՚c MN bwd sn՚h ywdt klynyt' HYA
Verse: b    kt՚l OLE AYT' twcšn'
Verse: c    AP-š gwpt ՚whrmẕd AYḴ 700 PWN QDM znšnyh QDM znšn' ՚sp' ՚štl 700 slwšwcln՚m

Paragraph: 13-Pts 
Verse: a    dādār kē sag zanēd <ī> wišhorw [pad ān ī] frāz az bōy snah jud kirrēnīd gyān
Verse: b    kadār ōy ast tōzišn
Verse: c    u-š guft ohrmazd kū haft sad pad abar zanišnīh abar zanišn asp aštar haft sad srōšōcarnām


Paragraph: 14  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. jaiṇti. yim. +vohunazgəm. frazābaoδaŋhəm. snaϑəm. vīkərət̰.uštānəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. +xšuuaš. sata. upāzananąm. upāzōit̰. aspahe. aštraiia. xšuuaš. sata. sraošō.caranaiia.

Paragraph: 14-Ptl 
Verse: a    d՚t՚l MNW KLBA MHYTWN-yt' y whwnzg [PWN ZK y] pr՚c MN bwd sn՚h ywdt klynyt HYA
Verse: b    kt՚l OLE AYT' twcšn'
Verse: c    AP-š gwpt ՚whrmẕd AYḴ 600 PWN QDM znšnyh QDM znšn' ՚sp' <՚štl> 600 slwšcln՚m

Paragraph: 14-Pts 
Verse: a    dādār kē sag zanēd ī wohunazg [pad ān ī] frāz az bōy snah jud kirrēnīd gyān
Verse: b    kadār ōy ast tōzišn
Verse: c    u-š guft ohrmazd kū šaš sad pad abar zanišnīh abar zanišn asp <aštar> šaš sad srōšcarnām


Paragraph: 15  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. jaiṇti. yim. taurunəm. frazābaoδaŋhəm. snaϑəm. vīkərət̰.uštānəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. paṇca. sata. upāzananąm. upāzōit̰. aspahe. aštraiia. paṇca. sata. sraošō.caranaiia.

Paragraph: 15-Ptl 
Verse: a    d՚t՚l MNW KLBA MHYTWN-yt' y tlnk [PWN ZK y] pr՚c MN bwd sn՚h ywdt klynyt' HYA
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ 500 PWN QDM znšnyh QDM znšn' ՚sp ՚štl 500 slwšcln՚m

Paragraph: 15-Pts 
Verse: a    dādār kē sag zanēd ī tarunag [pad ān ī] frāz az bōy snah jud kirrēnīd gyān
Verse: b    kadār ōy ast tōzišn
Verse: c    u-š guft ohrmazd kū panj sad pad abar zanišnīh abar zanišn asp aštar panj sad srōšcarnām


Paragraph: 16  Link to avesta
Verse: a    hāu. +jažaoš. hāu. +vīzaoš. hāu. +sukurunahe. hāu. urupiš. +tiži.dātahe. hāu. +raopiš. yaonō.xvatahe. hāu. vīspanąm. spəṇtō.mainiiauuanąm. spaciϑranąm. aniia. udra. upāpa.

Paragraph: 16-Ptl 
Verse: a    ՚ytwn' jažuš. vīzuš. +՚ytwn' hwkwl ՚ytwn' lswk y tyc KKA ՚ytwn' lwp՚h y +hwt՚ywht՚l [՚y +hwt-՚ywht՚lyh HNA AYḴ +zndk-c KN LHTWN-yt'] ՚ytwn' ZK y <hlwsp> spyn՚k mynwg [d՚m] KLBA twhmk +ZK-՚y MN ՚wdlk y ՚pyk [ME ZK gl՚y YHWWN-yt']

Paragraph: 16-Pts 
Verse: a    ēdōn jažuš. vīzuš. ēdōn xūkur ēdōn rasūg ī tēz-dandān ēdōn rōbāh ī +xwad-āyōxtār [ay +xwad-āyōxtārīh ēd kū +zandag-iz ōh dawēd] ēdōn ān ī <harwisp> spenāg mēnōy [dām] sag-tōhmag any az udrag ī ābīg [cē ān grāy bawēd]


Paragraph: 17  Link to avesta
Verse: a    dātarə. gaēϑanąm. astuuaitinąm. aṣ̌āum. kuua. asti. spā. pasuš.hauruuō. dāitiiō. gātuš.
Verse: b    āat̰. mraot̰. ahurō. mazdå. +yō. +yūjiiestīm. haca. gaēϑābiiō. parāiti. sraošəmnō. tāiiuš. +vəhrkəmca.

Paragraph: 17-Ptl 
Verse: a    d՚t՚l +AYḴ AYT' KLBA y pswšhwlw' d՚tyh՚ g՚s
Verse: b    AP-š gwpt' ՚whrmẕd AYḴ ȳūjist. MN +gyh՚n' BRA SGYTWN-yt' <W> +՚pywcyt dwc W gwlg [AYḴ LAWHL YHSNN-yt' ՚y ẔNE bym y gytyḴ gytyḴyh՚ HẔYTWN-yt' ZK y PWN +GNBA gytyḴyh՚ W mynwgyh՚ HẔYTWN-yt +katārəm. +biiō. W ZK y mynwg mynwgyh՚ HẔYTWN-yt']

Paragraph: 17-Pts 
Verse: a    dādār kū ast sag ī pasušhorw dādīhā-gāh
Verse: b    u-š guft ohrmazd kū ȳūjist. az gēhān bē rawēd <ud> abyōzēd duz ud gurg [kū abāz dārēd ay ēn bīm ī gētīy gētīyīhā wēnēd ān ī pad +duz gētīyīhā ud mēnōyīhā wēnēd +katārəm. +biiō. ud ān ī mēnōy mēnōyīhā wēnēd]


Paragraph: 18  Link to avesta
Verse: a    dātarə. gaēϑanąm. astuuaitinąm. aṣ̌āum. kuua. asti. spā. viš.hauruuō. dāitiiō. gātuš.
Verse: b    āat̰. mraot̰. ahurō. mazdå. yō. hāϑrō.masaŋhəm. aδβanəm. haca. +vīžbiiō. parāiti. sraošəmnō. tāiiuš. vəhrkəmca.

Paragraph: 18-Ptl 
Verse: a    d՚t՚l +AYḴ AYT' KLBA <y> wyšhwlw' d՚tyh՚ g՚s
Verse: b    AP-š gwpt' ՚whrmẕd AYḴ h՚sl-ms՚y l՚s MN wys BRA +SGYTWN-yt' W +՚pywcyt' dwc W gwlg [AYḴ LAWHL YHSNN-yt' ՚y ẔNE hw՚stk PWN dlpwštyh] [AYT' MNW ՚ytwn' YMRRWN-yt ՚y tn-zwltl <MN> wys BRA OZLWN-x1]

Paragraph: 18-Pts 
Verse: a    dādār +kū ast sag <ī> wišhorw dādīhā-gāh
Verse: b    u-š guft ohrmazd kū hāsr-masāy rāh az wis bē rawēd ud abyōzēd duz ud gurg [kū abāz dārēd ay ēn xwāstag pad drubuštīh] [ast kē ēdōn gōwēd ay tan-zōrtar <az> wis bē šawēd]


Paragraph: 19  Link to avesta
Verse: a    dātarə. gaēϑanąm. astuuaitinąm. aṣ̌āum. kuua. asti. spā. +vohunazgō. dāitiiō. gātuš.
Verse: b    āat̰. mraot̰. ahurō. mazdå. yō. naēcim. isaiti. hunaranąm. +tanuiie. isaiti. ϑrāϑrəm.

Paragraph: 19-Ptl 
Verse: a    d՚t՚l +AYḴ AYT' KLBA y whwnzg d՚tyh՚ g՚s
Verse: b    AP-š gwpt' ՚whrmẕd AYḴ LA MNDOM BOYHWN-yt' MN hwnl՚n' [ME] OLE tn' BOYHWN-yt' sl՚dšn' [՚y ZK y pswšhwlw' <W> wyšhwlw' kwnd ẔNE LA kwnd BRA ẔNE hlpstl +՚y OHDWN-x1 <W> nswš +՚y MHYTWN-yt']

Paragraph: 19-Pts 
Verse: a    dādār kū ast sag ī wohunazg dādīhā-gāh
Verse: b    u-š guft ohrmazd kū nē ciš xwāhēd az hunarān [cē] ōy tan xwāhēd srāyišn [ay ān ī pasušhorw <ud> wišhorw kunad ēn nē kunad bē ēn xrafstar ē gīrēd <ud> nasuš ē zanēd]


Paragraph: 20  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. <tarō.piϑβəm. dasti.>; yim. pasuš.haurum. cuuat̰. +aētaēšąm. š́iiaoϑnanąm. +āstāraiieiti.
Verse: b    āat̰. mraot̰. ahurō. mazdå. yaϑa. aētam̨i. aŋhuuō. yat̰. astuuaiṇti. +fratəmō.nmānahe. +nmānō.paitīm. paiti. tarō.piϑβəm. daiϑiiāt̰. aϑa. +āstriieiti.

Paragraph: 20-Ptl 
Verse: a    d՚t՚l MNW KLBA +LCDr'-pyhwyh YHBWN-yt' <y> pswšhwlw' cnd PWN OLE-š՚n' kwnšn՚n ՚st՚lyt'
Verse: b    AP-š gwpt ՚whrmẕd AYḴ cygwn AMT-š ḆYN ՚hw' y ՚st՚wmnd ZK y pr՚ctwm m՚n' m՚npt' QDM LCDr'-pyhwyh YHBWN-t' HWE-yḎ ՚ytwn' ՚st՚lyt' [՚y ՚tpd՚t KRA AYŠ +y twm BRA zm k՚l W DYNA wyš BRA krtn']

Paragraph: 20-Pts 
Verse: a    dādār kē sag tar-pihīh dahēd <ī> pasušhorw cand pad awēšān kunišnān āstārēd
Verse: b    u-š guft ohrmazd kū cīyōn ka-š andar axw ī astōmand ān ī frāzdom mān mānbed abar tar-pihīh dād hē ēdōn āstārēd [ay adwadād har kas ī tōm bē zam kār ud dādestān wēš bē kardan]


Paragraph: 21  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. viš.haurum. cuuat̰. +aētaēšąm. š́iiaoϑnanąm. +āstāraiieiti.
Verse: b    āat̰. mraot̰. ahurō. mazdå. yaϑa. aētam̨i. aŋhuuō. yat̰. astuuaiṇti. +maδəmō.nmānahe. +nmānō.paitīm. paiti. tarō.piϑβəm. daiϑiiāt̰. aϑa. +āstriieiti.

Paragraph: 21-Ptl 
Verse: a    d՚t՚l MNW KLBA LCDr'-pyhwyh YHBWN-yt <y> wyšhwlw' cnd PWN OLE-š՚n kwnšn՚n' ՚st՚lyt
Verse: b    AP-š gwpt' ՚whrmẕd AYḴ cygwn AMT-š ḆYN ՚hw y ՚st՚wmnd ZK y mdy՚nk m՚n' m՚npt QDM LCDr' pyhwyh YHBWN-t HWE-yḎ ՚ytwn' ՚st՚lyt

Paragraph: 21-Pts 
Verse: a    dādār kē sag tar-pihīh dahēd <ī> wišhorw cand pad awēšān kunišnān āstārēd
Verse: b    u-š guft ohrmazd kū cīyōn ka-š andar axw ī astōmand ān ī mayānag mān mānbed abar tar-pihīh dād hē ēdōn āstārēd


Paragraph: 22  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. vohunazgəm. cuuat̰. +aētaēšąm. š́iiaoϑnanąm. +āstāraiieiti.
Verse: b    āat̰. mraot̰. ahurō. mazdå. narəm. bōit̰. iδa. aṣ̌auuanəm. +jasəṇtəm. am̨iia. +nmāne. mat̰. +auuābiiō. daxštābiiō. yaϑa. āϑrauua. paiti. tarō.piϑβəm. daiϑiiāt̰. aϑa. āstriieiti.

Paragraph: 22-Ptl 
Verse: a    d՚t՚l MNW KLBA LCDr'-pyhwyh YHBWN-yt' <y> whwnzg cnd PWN OLE-š՚n' kwnšn՚n' ՚st՚lyt'
Verse: b    AP-š gwpt ՚whrmẕd AYḴ GBRA LTME ՚hlwb' AMT mt YKOYMWN-yt ḆYN ZK y OLE m՚n' AP-š LWTE dhšk cygwn ՚slwk [AYḴ bl՚h y ŠPYL-՚n' YHSNN-yt] AP-š QDM LCDr'-pyhwyh YHBWN-t HWE-yḎ ՚ytwn' ՚st՚lyt

Paragraph: 22-Pts 
Verse: a    dādār kē sag tar-pihīh dahēd <ī> wohunazg cand pad awēšān kunišnān āstārēd
Verse: b    u-š guft ohrmazd kū mard ēdar ahlaw ka mad ēstēd andar ān ī ōy mān u-š abāg daxšag cīyōn āsrō [kū brāh ī wehān darēd] u-š abar tar-pihīh dād hē ēdōn āstārēd


Paragraph: 23  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. taurunəm. cuuat̰. +aētaēšąm. +š́iiaoϑnanąm. +āstāraiieiti.
Verse: b    āat̰. mraot̰. ahurō. mazdå. yaϑa. aētam̨i. aŋhuuō. yat̰. astuuaiṇti. apərənāiiūkəm. dam̨ō.kərətəm. +š́iiaoϑna.varəzəm. [vərəziiāt̰. š́iiaoϑnəm.] paiti. +tarō.piϑβəm. daiϑiiāt̰. aϑa. āstriieiti.

Paragraph: 23-Ptl 
Verse: a    d՚t՚l MNW KLBA LCDr'-pyhwyh YHBWN-yt y tlnk cnd PWN OLE-š՚n' kwnšn՚n' ՚st՚lyt'
Verse: b    AP-š gwpt' ՚whrmẕd AYḴ cygwn AMT-š ḆYN ՚hw' y ՚st՚wmnd ՚pwln՚dk y d՚hm՚n' krt' [AYḴ MN ŠPYL-՚n' Y̱LYDWN-t YKOYMWN-yt'] y kwnšn'wlc' [AYḴ kwnd ՚-š +՚w' bwn] AMT wlcyt kwnšn' [AMT mlglc՚n'-1 BRA OḆYDWN-d ՚-š y՚t-՚y OL bwn <y> HYA] QDM LCDr'-pyhwyh YHBWN-t HWE-yḎ ՚ytwn' ՚st՚lyt'

Paragraph: 23-Pts 
Verse: a    dādār kē sag tar-pihīh dahēd ī tarunag cand pad awēšān kunišnān āstārēd
Verse: b    u-š guft ohrmazd kū cīyōn ka-š andar axw ī astōmand aburnāyag ī dahmān-kard [kū az wehān zād ēstēd] ī kunišn-warz [kū kunad ā-š ō bun] ka warzēd kunišn [ka margarzān-ē bē kunēd ā-š yāt-ē ō bun <ī> gyān] abar tar-pihīh dād hē ēdōn āstārēd


Paragraph: 24  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. +dasti. yim. pasuš.haurum.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. aētahe. paiti. +pəṣ̌ō.tanuiie. +duiie. +saite. upāzananąm. upāzōit̰. aspahe. aštraiia. +duiie. +saite. +sraošō.caranaiia.

Paragraph: 24-Ptl 
Verse: a    d՚t՚l MNW KLBA LCDr'-pyhwyh dt' y pswšhwlw'
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ PWN ZK y OLE tn՚pwhlk՚nyh 200 PWN QDM znšnyh QDM znšn' ՚sp' ՚štl 200 slwšwcln՚m [՚y ẔNE tn՚pwhl-1 l՚d gl՚y YHWWN-yt' ME PWN ՚tpd՚t' +YKTLWN-t YKOYMWN-yt']

Paragraph: 24-Pts 
Verse: a    dādār kē sag tar-pihīh dahad ī pasušhorw
Verse: b    kadār ōy ast tōzišn
Verse: c    u-š guft ohrmazd kū pad ān ī ōy tanāpuhlagānīh dō sad pad abar zanišnīh abar zanišn asp aštar dō sad srōšōcarnām [ay ēn tanāpuhl-ē rāy grāy bawēd cē pad adwadād ōzad ēstēd]


Paragraph: 25  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. +viš.haurum.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. nauuaitīm. upāzananąm. upāzōit̰. aspahe. +aštraiia. nauuaitīm. +sraošō.caranaiia.

Paragraph: 25-Ptl 
Verse: a    d՚t՚l MNW KLBA LCDr'-pyhwyh dt' y wyšhwlw'
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ 90 PWN QDM znšnyh QDM znšn' ՚sp ՚štl 90 +slwšcln՚m

Paragraph: 25-Pts 
Verse: a    dādār kē sag tar-pihīh dahad ī wišhorw
Verse: b    kadār ōy ast tōzišn
Verse: c    u-š guft ohrmazd kū nawad pad abar zanišnīh abar zanišn asp aštar nawad srōšcarnām


Paragraph: 26  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. +vohunazgəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. haptāitīm. upāzananąm. upāzōit̰. aspahe. aštraiia. haptāitīm. sraošō.caranaiia.

Paragraph: 26-Ptl 
Verse: a    d՚t՚l MNW KLBA LCDr'-pyhwyh dt' y whwnzg
Verse: b    kt՚l +OLE AYT' twcšn'
Verse: c    AP-š gwpt' ՚whrmẕd AYḴ 70 PWN QDM znšnyh QDM znšn' ՚sp ՚štl 70 +slwšcln՚m

Paragraph: 26-Pts 
Verse: a    dādār kē sag tar-pihīh dahad ī wohunazg
Verse: b    kadār ōy ast tōzišn
Verse: c    u-š guft ohrmazd kū haftād pad abar zanišnīh abar zanišn asp aštar haftād srōšcarnām


Paragraph: 27  Link to avesta
Verse: a    dātarə. gaēϑanąm. astuuaitinąm. aṣ̌āum. yō. spānəm. tarō.piϑβəm. dasti. yim. taurunəm.
Verse: b    kā. hē. asti. ciϑa.
Verse: c    āat̰. mraot̰. ahurō. mazdå. paṇcāsatəm. upāzananąm. upāzōit̰. aspahe. aštraiia. paṇcāsatəm. sraošō.caranaiia.

Paragraph: 27-Ptl 
Verse: a    d՚t՚l MNW KLBA LCDr'-pyhwyh dt' y tlnk
Verse: b    kt՚l OLE AYT' twcšn'
Verse: c    AP-š gwpt' ՚whrmẕd AYḴ 50 PWN QDM znšnyh QDM znšn' ՚sp' ՚štl 50 +slwšcln՚m

Paragraph: 27-Pts 
Verse: a    dādār kē sag tar-pihīh dahad ī tarunag
Verse: b    kadār ōy ast tōzišn
Verse: c    u-š guft ohrmazd kū panjāh pad abar zanišnīh abar zanišn asp aštar panjāh srōšcarnām


Paragraph: 28  Link to avesta
Verse: a    aētəm. zī. aētam̨i. aŋhuuō. yat̰. astuuaiṇti. spitama. zaraϑuštra. spəṇtahe. +mainiiə̄uš. dāmanąm. āsištəm. +zauruuānəm. upāiti. yat̰. spānō.
Verse: b    yōi. +hištəṇti. axvarō. upa. xvarəṇtəm.
Verse: c    +parō. spasānō. +əuuiṇdānō.
Verse: d    parō. +xšuuisca. āzūitišca. gə̄uš. mat̰. baratu. xvarəϑanąm.
Verse: e    sunahe. aēuuahe. dāitiiō.piϑβəm.

Paragraph: 28-Ptl 
Verse: a    ME QDM ՚hw' y ՚st՚wmnd spyt՚m՚n zltwhšt MN spyn՚k mynwg d՚m՚n' [+՚cš] tyctl zlm՚nyh QDM YHMTWN-yt' MNW KLBA
Verse: b    MNW YKOYMWN-yt' PWN ՚hwlt՚lyh QDM ḆYN hwlt՚l [՚y šyšk-š YMRRWN-yt]
Verse: c    pyš p՚sp՚n' [AYḴ hw՚stk' p՚nkyh kwnd] W +՚wndšn' [AYḴ MNDOM y SLYA YHBWN-d]
Verse: d    BRA ZK' šylyn' <W> clp [LHMA W +spytp՚k] LWTE BSLYA ՚y YḆLWN-x1 hwlšn'
Verse: e    KLBA ՚ytwn' d՚tyh՚ pyhw'

Paragraph: 28-Pts 
Verse: a    cē abar axw ī astōmand spitāmān zarduxšt az spenāg mēnōy dāmān [aziš] tēztar zarmānīh abar rasēd kē sag
Verse: b    kē ēstēd pad axwardārīh abar andar xwardār [ay šīšag-aš gōwēd]
Verse: c    pēš pāsbān [kū xwāstag pānagīh kunad] ud awindišn [kū ciš ī wad dahēnd]
Verse: d    bē ān šīrēn <ud> carb [nān ud spēdbāg] abāg gōšt ē barē xwarišn
Verse: e    sag ēdōn dādīhā-pih


Paragraph: 29  Link to avesta
Verse: a    dātarə. gaēϑanąm. astuuaitinąm. aṣ̌āum. yat̰. am̨i. nmāne. yat̰. māzdaiiasnōiš. spā. auuacå. vā. +bauuāt̰. +aδāitiiō.xratuš.
Verse: b    kuϑa. tē. vərəziiąn. aēte. +yōi. mazdaiiasna.

Paragraph: 29-Ptl 
Verse: a    d՚t՚l AMT ḆYN m՚n' y mẕdys̱ṉ՚n' KLBA ՚gwpt՚l YHWWN-yt' MN ՚d՚tyh՚ hltyh [AYḴ +tāiiuš. YHWWN-yt']
Verse: b    cygwn OLE [wn՚s l՚d AYḴ OD LA YHWWN-՚t'] wlc՚nd OLE-š՚n MNW mẕdys̱ṉ [HWE-d]

Paragraph: 29-Pts 
Verse: a    dādār ka andar mān ī mazdēsnān sag aguftār bawēd az adādīhā-xradīh [kū tāiiuš. bawēd]
Verse: b    cīyōn ōy [wināh rāy kū tā nē bawād] warzānd awēšān kē mazdēsn [hēnd]


Paragraph: 30  Link to avesta
Verse: a    āat̰. mraot̰. ahurō. mazdå. auua. hē. baraiiən. tāštəm. dāuru. +upa. +tąm. +manaoϑrīm.
Verse: b    stamanəm. +hē. aδāt̰. niiāzaiiən. išti.masō. xraožduuahe. biš. aētauuatō. varəduuahe.

Paragraph: 30-Ptl 
Verse: a    AP-š gwpt' ՚whrmẕd AYḴ BRA OL OLE ՚y YḆLWN-x1 [ZK y] +t՚šyt +d՚l QDM PWN +mls-š
Verse: b    ՚st՚mk OLE l՚d BRA ՚y +՚pywcynd hštk ms՚y AMT sht' W 2 ZK y ՚nd AMT nlm

Paragraph: 30-Pts 
Verse: a    u-š guft ohrmazd kū bē ō ōy ē barēnd [ān ī] tāšīd dār abar pad mars-aš
Verse: b    astāmag ōy rāy bē ē abyōzēnd xištag-masāy ka saxt ud dō ān ī and ka narm


Paragraph: 31  Link to avesta
Verse: a    +aētam̨āt̰cit̰. +nidarəzaiiən.
Verse: b    +frāhīmcit̰. nidarəzaiiən.
Verse: c    yezi. nōit̰. spā. auuacå. vā. <bauuāt̰.>; aδāitiiō.xratuš. pasūm. vā. narəm. vā. +raēšaiiāt̰.
Verse: d    para. hē. +irišiṇtō. +raēšəm. cikaiiat̰. baoδō.varštahe. ciϑaiia.

Paragraph: 31-Ptl 
Verse: a    MN ZK [՚st՚mk' ZY +uuaēibiia. naēmaēibiia.] BRA ՚y ASLWN-d
Verse: b    pr՚c [AHL ZK] ՚ym ZK-c [+mls ZY +uuaēibiia. naēmaēibiia. BRA ՚y ASLWN-d
Verse: c    HT' LA [AYḴ LA BRA ASLWN-x1] KLBA y ՚gwpt՚l MN ՚d՚tyh՚ hltyh p՚h ՚ywp GBRA lyšyt'
Verse: d    BRA ZK y OLE lyšyt' <lyš> twcyt' PWN bwtwkwlšt' twcšn'

Paragraph: 31-Pts 
Verse: a    az ān [astāmag ī +uuaēibiia. naēmaēibiia.] bē ē bandēnd
Verse: b    frāz [pas ān] im ān-iz [+mars ī +uuaēibiia. naēmaēibiia.] bē ē bandēnd
Verse: c    agar nē [kū nē bē bandēnd] sag ī aguftār az adādīhā-xradīh pah ayāb mard rēšēd
Verse: d    bē ān ī ōy rēšīd <rēš> tōzēd pad bōdōwaršt tōzišn


Paragraph: 32  Link to avesta
Verse: a    paoirīm. +pasūm. auuaγnāt̰. paoirīm. narəm. +raēšaiiāt̰. +dašinəm. hē. +gaošəm. upa.ϑβərəsaiiən. aētahmāt̰cit̰. nidarəzaiiən. frāhīmcit̰. nidarəzaiiən. yezi. nōit̰. spā. auuacå. vā. bauuāt̰. aδāitiiō.xratuš. pasūm. vā. narəm. vā. raēšaiiāt̰. para. hē. irišiṇtō. raēšəm. cikaiiat̰. baoδō.varštahe. ciϑaiia.
Verse: b    bitīm. pasūm. auuaγnāt̰. bitīm. narəm. +raēšaiiāt̰. +hōiium. hē. +gaošəm. upa.ϑβərəsaiiən. aētahmāt̰cit̰. nidarəzaiiən. frāhīmcit̰. nidarəzaiiən. yezi. nōit̰. spā. auuacå. vā. bauuāt̰. aδāitiiō.xratuš. pasūm. vā. narəm. vā. raēšaiiāt̰. para. hē. irišiṇtō. raēšəm. cikaiiat̰. baoδō.varštahe. ciϑaiia.

Paragraph: 32-Ptl 
Verse: a    [AMT] pltwm p՚h MHYTWN-yt ՚ywp AWLA GBRA lyšyt' dšn' gwš y OLE <QDM> ՚y PSKWN-d
Verse: b    [AMT] dtygl p՚h MHYTWN-yt ՚ywp dtygl GBRA lyšyt' hwy gwš y OLE QDM ՚y PSKWN-d

Paragraph: 32-Pts 
Verse: a    [ka] fradom pah zanēd ayāb fradom mard rēšēd dašn gōš ī ōy <abar> ē brīnēnd
Verse: b    [ka] dudīgar pah zanēd ayāb dudīgar mard rēšēd hōy gōš ī ōy abar ē brīnēnd


Paragraph: 33  Link to avesta
Verse: a    ϑritīm. pasūm. auuaγnāt̰. ϑritīm. narəm. +raēšaiiāt̰. +dašinąm. hē. paiδiiąm. upa.kərəṇtaiiən. aētahmāt̰cit̰. nidarəzaiiən. frāhīmcit̰. nidarəzaiiən. yezi. nōit̰. spā. auuacå. vā. aδāitiiō.xratuš. pasūm. vā. narəm. vā. raēšaiiāt̰. para. hē. irišiṇtō. raēšəm. cikaiiat̰. baoδō.varštahe. ciϑaiia.
Verse: b    tūirīm. pasūm. auuaγnāt̰. tūirīm. narəm. +raēšaiiāt̰. +haoiiąm. hē. paiδiiąm. +upa.kərəṇtaiiən. aētahmāt̰cit̰. nidarəzaiiən. frāhīmcit̰. nidarəzaiiən. yezi. nōit̰. spā. auuacå. vā. bauuāt̰. aδāitiiō.xratuš. pasūm. vā. narəm. vā. raēšaiiāt̰. para. hē. irišiṇtō. raēšəm. cikaiiat̰. baoδō.varštahe. ciϑaiia.

Paragraph: 33-Ptl 
Verse: a    [AMT] stygl p՚h MHYTWN-yt' ՚ywp stygl GBRA lyšyt' dšn' p՚dy y OLE QDM ՚y klynnd
Verse: b    [AMT] tswm p՚h MHYTWN-yt ՚ywp tswm GBRA lyšyt' hwy p՚dy y OLE QDM ՚y klynynd

Paragraph: 33-Pts 
Verse: a    [ka] sidīgar pah zanēd ayāb sidīgar mard rēšēd dašn pāy ī ōy abar ē kirrēnēnd
Verse: b    [ka] tasum pah zanēd ayāb tasum mard rēšēd hōy pāy ī ōy abar ē kirrēnēnd


Paragraph: 34  Link to avesta
Verse: a    puxδəm. pasūm. auuaγnāt̰. puxδəm. narəm. +raēšaiiāt̰. duməmcit̰. +hē. upa.ϑβərəsaiiən.
Verse: b    +aētam̨āt̰cit̰. +nidarəzaiiən. frāhīmcit̰. nidarəzaiiən. yezi. nōit̰. spā. auuacå. vā. bauuāt̰. aδāitiiō.xratuš. pasūm. vā. narəm. vā. raēšaiiāt̰. para. hē. irišiṇtō. raēšəm. cikaiiat̰. baoδō.varštahe. ciϑaiia.

Paragraph: 34-Ptl 
Verse: a    [AMT] pncwm p՚h MHYTWN-yt ՚ywp pncwm GBRA lyšyt' dwm-c y OLE QDM ՚y PSKWN-d [՚y ẔNE HNA l՚d pncwm YMRRWN-yt ME-š MN MNDOM-1 PWN ŠPYL twb՚n' BOYHWN-stn']
Verse: b    [՚y ẔNE gwspnd <y> ktkyk BRA +YKTLWN-yt ՚ywp' PWN ANŠWTA-՚n lyš hmbwn-c kwnd yō. +aδāitiiō.xratuš. bauuaiti. ZK y PWN kwpyk lyš kwnd HNA ẔNE ZY hm՚y PWN +gytyḴ OL kwššn' KN YHMTWN-yt AMT ՚y ẔNE kwnd W ՚y ZK y OL kwššn' KN YHMTWN-yt' AMT pltwm ZK kwnd W AHL ẔNE kwpyk MN ktkyk wltyt' BRA MN ZK y +YKTLWN-tn wltyt']

Paragraph: 34-Pts 
Verse: a    [ka] panjom pah zanēd ayāb panjom mard rēšēd dum-iz ī ōy abar ē brīnēnd [ay ēn ēd rāy panjom gōwēd cē-š az ciš-ē pad weh tuwān xwāstan]
Verse: b    [ay ēn gōspand <ī> kadagīg bē ōzanēd ayāb pad mardōmān rēš hambun-iz kunad yō. aδāitiiō.xratuš. bauuaiti. ān pad kōfīg rēš kunad ēd ēn ī hamē pad gētīy ō kušišn ōh rasēd ka ēw ēn kunad ud ēw ān ī ō kušišn ōh rasēd ka fradom ān kunad ud pas ēn kōfīg az kadagīg wardēd bē az ān ī ōzadan wardēd]


Paragraph: 35  Link to avesta
Verse: a    dātarə. gaēϑanąm. astuuaitinąm. aṣ̌āum. yat̰. am̨i. nmāne. yat̰. māzdaiiasnōiš. spā. +ahąm.baoδəmnō. vā. +bauuāt̰. aδāitiiō.xratuš.
Verse: b    kuϑa. tē. vərəziiąn. aēte. +yōi. mazdaiiasna.
Verse: c    āat̰. mraot̰. ahurō. mazdå. auuaϑa. hē. +baēšazəm. upōisaiiən. yaϑa.
Verse: QCa       +dam̨āi.cit̰. aṣ̌aone.

Paragraph: 35-Ptl 
Verse: a    d՚t՚l AMT ḆYN m՚n' y mẕds̱ṉ՚n' KLBA +՚bwd YHWWN-yt' ՚d՚tyh՚ hltyh
Verse: b    cygwn OLE [wn՚s l՚d AYḴ OD LA YHWWN-՚t'] wlc՚nd OLE-š՚n' MNW mẕdys̱ṉ' [HWE-d]
Verse: c    AP-š gwpt' ՚whrmẕd AYḴ ՚ytwn' OLE l՚d byš՚zynšnyh +՚y BOYHWN-d cygwn +d՚hm՚n-c y ՚hlwb' [ZK AHL ՚plg gwpt' ՚y BRA +YKTLWN-yt] [mytwkm՚h gwpt' ՚y dlm՚n-š YḆLWN-šn']

Paragraph: 35-Pts 
Verse: a    dādār ka andar ān mān ī māzdēsnān sag abōy bawēd adādīhā-xradīh
Verse: b    cīyōn ōy [wināh rāy kū tā nē bawād] warzānd awēšān kē mazdēsn [hēnd]
Verse: c    u-š guft ohrmazd kū ēdōn ōy rāy bēšāzēnišnīh ē xwāhēnd cīyōn dahmān-iz ī ahlaw [ān pas abarag guft ay bē ōzanēd] [mēdōmāh guft ay darmān-aš barišn]


Paragraph: 36  Link to avesta
Verse: a    dātarə. gaēϑanąm. astuuaitinąm. aṣ̌āum. yezi. +isəmnō. nōit̰. +viṇdāite.
Verse: b    kuϑa. tē. vərəziiąn. aēte. +yōi. mazdaiiasna.

Paragraph: 36-Ptl 
Verse: a    d՚t՚l HT' BOYHWN-d W LA HŠKHWN-d
Verse: b    cygwn OLE [wn՚s l՚d AYḴ OD LA YHWWN-՚t] wlc՚nd OLE-š՚n' MNW mẕdys̱ṉ' [HWE-d]

Paragraph: 36-Pts 
Verse: a    dādār agar xwāhēnd ud nē windēnd
Verse: b    cīyōn ōy [wināh rāy kū tā nē bawād] warzānd awēšān kē mazdēsn [hēnd]


Paragraph: 37  Link to avesta
Verse: a    āat̰. mraot̰. ahurō. mazdå. auua. hē. baraiiən. tāštəm. dāuru. upa. tąm. manaoϑrīm.
Verse: b    stamanəm. hē. aδāt̰. niiāzaiiən. išti.masō. xraožduuahe. biš. aētauuatō. varəduuahe.
Verse: c    aētahmāt̰cit̰. nidarəzaiiən.
Verse: d    frāhīmcit̰. nidarəzaiiən.
Verse: e    yezi. nōit̰. spā. ahąm.baoδəmnō. +maγe. vā. cāiti. vā. vaēme. vā. urūiδi. vā. apō. vā. nāuuaiiå. +paiδiiāite.
Verse: f    am̨āt̰.haca. +irišiiāt̰.

Paragraph: 37-Ptl 
Verse: a-d    Sine PT
Verse: e    HT LA [AYḴ LA BRA ASLWN-d] KLBA y +՚bwd PWN myzny̱Ḏy̱ c՚h ՚ywp wym ՚ywp lwt' ՚ywp OL MYA y +n՚ywt՚k NPLWN-yt'
Verse: f    MN ZK BRA lyšyt'

Paragraph: 37-Pts 
Verse: a-d    Sine PT
Verse: e    agar nē [kū nē bē bandēnd] sag ī abōy pad miznē cāh ayāb wēm ayāb rōd ayāb ō āb ī +nāydāg ōbadēd
Verse: f    az ān bē rēšēd


Paragraph: 38  Link to avesta
Verse: a    yezi. tat̰. paiti. +irišiieiti.
Verse: b    aŋ́hat̰. haca. +š́iiaoϑna.varəza. aϑa. bauuaiṇti. +pəṣ̌ō.tanuuō.

Paragraph: 38-Ptl 
Verse: a    HT MN ZK BRA lyšyt' [AYḴ BRA lyšyt W AYḴ BRA YATWN-yt' AHL BRA YMYTWN-yt']
Verse: b    MN ZK' kwnšn' wlc ՚ytwn' YHWWN-d tn՚pwhl [YHWWN-yt' AMT dyn' YHWWN-yt AMT mlglc՚n']

Paragraph: 38-Pts 
Verse: a    agar az ān bē rēšēd [kū bē rēšēd ud kū bē āyēd pas bē mīrēd]
Verse: b    az ān kunišn-warz ēdōn bawēnd tanāpuhl [bawēd ka dēn bawēd ka margarzān]


Paragraph: 39  Link to avesta
Verse: a    spānəm. daϑəm. zaraϑuštra. azəm. yō. ahurō. mazdå. +huuāuuastrəm. xvā.aoϑrəm.
Verse: b    zaēni.buδrəm. +tiži.dąsurəm.
Verse: c    vīrō.draonaŋhəm. gaēϑanąm. +harəϑrāi.
Verse: d    aδa. azəm. yō. ahurō. mazdå. spānəm. nidaϑəm.
Verse: e    yat̰. +dim. +mazōiš. kəhrpō. tūrahe.
Verse: f    yezi. asti. +aš.xraϑβa. yezi. +asti. gaēϑābiiō.

Paragraph: 39-Ptl 
Verse: a    KLBA-m YHBWN-t' zltwhšt L MNW ՚whrmẕd HWE-m NPŠE wstlg NPŠE mwk [AYḴ BRA LA ՚cš wc՚lyt']
Verse: b    +zyn՚wnd [+twhš՚k gwpl՚k AYḴ dynyk HLMWN-yt] tyc' KKA
Verse: c    wyl swl [AYḴ-š swl ZK y wyl՚n'] gyh՚n' +srd՚l [AYḴ hw՚stk p՚nkyh kwnd]
Verse: d    ADYN' L MNW ՚whrmẕd HWE-m ՚-m KLBA BRA YHBWN-t'
Verse: e    MNW ZK +zyn՚wnd PWN klp QDM twl՚n' [AYḴ wn՚sk՚l՚n' LAWHL YHSNN-yt' ՚y KN pyt՚kynd AYḴ twlyh wn՚sk՚lyh]
Verse: f    HT' AYT' ՚hl՚dyh [AYḴ-š] hlt' [nywk] HT AYT' [AYḴ-š] OL +gyh՚n' [bwnykyh AYḴ PWN pl՚lwnyh YHSNN-yt']

Paragraph: 39-Pts 
Verse: a    sag-am dād zarduxšt man kē ohrmazd [hom] xwēš-wastarag xwēš-mōg [kū bē nē aziš wizārēd]
Verse: b    +zēnāwand [+tuxšāg gubrāg kū dēnīg xufšēd] tēz-dandān
Verse: c    wīr-sūr [kū-š sūr ān ī wīrān] gēhān +sālār [kū xwāstag pānagīh kunad]
Verse: d    ēg man kē ohrmazd [hom] ā-m sag bē dād
Verse: e    kē ān +zēnāwand pad kirb abar tūrān [kū wināhgārān abāz dārēd ay ōh paydāgēnad kū tūrīh wināhgārīh]
Verse: f    agar ast ahlāyīh [kū-š] xrad [nēk] agar ast [kū-š] ō +gēhān [bunīgīh kū pad frārōnīh dārēd]


Paragraph: 40  Link to avesta
Verse: a    yasca. hē. spitama. zaraϑuštra. vācim. paiti. zaēniš. aŋhat̰.
Verse: b    nōit̰. hē. tå. vīsō. tāiiuš. vā. vəhrkō. vā. apaiti.busti. haca. +vīžbiiō. para.baraiti.
Verse: c    jąϑβa. vəhrka. scąϑβa. vəhrka. pōiϑβa. +vəhrka. snaēžana.

Paragraph: 40-Ptl 
Verse: a    MNW-c [PWN ZK' y] OLE gwbšn' spyt՚m՚n' zltwhšt QDM +zyn՚wnd AYT' [AMT' ZK w՚ng kwnd MN bwš՚sp' BRA YHWWN-yt']
Verse: b    LA MN ZK' y OLE wys dwc' ՚ywp gwlg PWN ՚nm՚dšnyh [AYḴ-š ՚k՚syh YHBWN-tn' LA twb՚n'] MN wys BRA YḆLWN-x1
Verse: c    znšn' gwlg [AMT mt' YKOYMWN-yt] wsynšn' [AYḴ PWN 2 BRA wsynšn'] W l՚nynšn' gwlg +snyhlynyt՚l [AYḴ-š PWN HNA k՚l MN AHL KN LHTWN-yt'] [AYT' MNW ՚ytwn' YMRRWN-yt' ՚y YATWN-šn' +OL ZK y gwlg +sn՚hšn']

Paragraph: 40-Pts 
Verse: a    kē-z [pad ān ī] ōy gōwišn spitāmān zarduxšt abar zēnāwand ast [ka ān wāng kunad az būšāsp bē bawēd]
Verse: b    nē az ān ī ōy wis duz ayāb gurg pad a-nimāyišnīh [kū-š āgāhīh dādan nē tuwān] az wis bē barēd
Verse: c    zanišn gurg [ka mad ēstēd] wisinišn [kū pad dō bē wisinišn] ud rānēnišn gurg snēxrēnīdār [kū-š pad ēd kār az pas ōh dawēd] [ast kē ēdōn gōwēd ay āyišn ō ān ī gurg snahišn]


Paragraph: 41  Link to avesta
Verse: a    dātarə. gaēϑanąm. astuuaitinąm. aṣ̌āum. katārō. zī. aiiå. vəhrkaiiå. jąϑβō.tarō. aŋhən. aṣ̌āum. ahura. mazda. yaϑa. spā. vəhrkahe. kərənaoiti. yaϑa. yat̰. vəhrkō. spā.
Verse: b    āat̰. mraot̰. ahurō. mazdå. +aēšō. zī. aētaiiå. vəhrkaiiå. jąϑβō.tarō. +aŋhən. aṣ̌āum. zaraϑuštra. yaϑa. spā. vəhrkahe. kərənaoiti. yaϑa. yat̰. vəhrkō. spā.

Paragraph: 41-Ptl 
Verse: a    d՚t՚l kt՚l OLE-š՚n' gwlg՚n' znšntl HWE-d ՚hlwb' ՚whrmẕd AMT KLBA ḆYN gwlg OḆYDWN-x1 AMT gwlg ḆYN KLBA
Verse: b    AP-š gwpt ՚whrmẕd AYḴ MN OLE-š՚n' gwlg՚n' znšntl HWE-d ՚hlwb' zltwhšt AMT KLBA ḆYN gwlg kwnd AYḴ cygwn gwlg ḆYN KLBA

Paragraph: 41-Pts 
Verse: a    dādār kadār awēšān gurgān zanišntar hēnd ahlaw ohrmazd ka sag andar gurg kunēd ka gurg andar sag
Verse: b    u-š guft ohrmazd kū az awēšān gurgān zanišntar hēnd ahlaw zarduxšt ka sag andar gurg kunad kū cīyōn gurg andar sag


Paragraph: 42  Link to avesta
Verse: a    +us.tācit̰. spāna. +patəṇti. pasuš.hauruuąmca. viš.hauruuąmca. vohunazgąmca. +draxtō.hunaranąmca.
Verse: b    yaϑa. γniiō. gaēϑābiiō.
Verse: c    taēcit̰. yå. +bauuaiṇti.
Verse: d    +aošō.tarasca. dužitō.tarasca. gaēϑō.jatarasca. yaϑa. aniia. spā.

Paragraph: 42-Ptl 
Verse: a    LALA MN +YKOYMWN-šn' KLBA ptynd pswšhwlw' W wyšhwlw' W whwnzg W dlhthwnl
Verse: b    AMT PWN znšn' OL gyh՚n' [YATWN-yt' gwlg]
Verse: c    OLE-š՚n-c MNW [ḆYN šwt] YHWWN-d [MNW +՚bwd KLBA]
Verse: d    +՚wš-hw՚st՚ltl [SLYA zwltl <W> wttktl] W dwšlwbšntl [SLY-tl tktl] W gyh՚n' zt՚ltl [wthymtl] cygwn [ZK-c y] ZK-՚y KLBA

Paragraph: 42-Pts 
Verse: a    ul az +ēstišn sag padēnd pasušhorw ud wišhorw ud wohunazg ud draxt-hunar
Verse: b    ka pad zanišn ō gēhān [āyēd gurg]
Verse: c    awēšān-iz kē [andar šud] bawēnd [kē abōy sag]
Verse: d    ōš-xwāstārtar [wad-zōrtar <ud> wad-tagtar] ud duš-rawišntar [wattar-tagtar] ud gēhān zadārtar [wad-xēmtar] cīyōn [ān-iz ī] any sag


Paragraph: 43  Link to avesta
Verse: a    +us.tācit̰. vəhrka. +patəṇti. γniiō. gaēϑābiiō.
Verse: b    taēcit̰. yå. bauuaiṇti.
Verse: c    +aošō.tarasca. dužitō.tarasca. +gaēϑō.jatarasca. yaϑa. aniia. vəhrka.

Paragraph: 43-Ptl 
Verse: a    LALA MN +YKOYMWN-šn' gwlg ptynd PWN znšn' OL gyh՚n
Verse: b    OLE-š՚n-c +MNW [ḆYN šwt'] YHWWN-d [MNW +՚bwd gwlg]
Verse: c    ՚wš-hw՚st՚ltl [wttktl <W> wtzwltl] W dwšlwbšntl [+SLY-tl tktl] <W> gyh՚n' zt՚ltl [wthymtl] cygwn [ZK-c y] ZK-՚y +gwlg [՚y ՚ywk'-c sn՚h LA MHYTWN-yt' KRA 2 nyw' sn՚h QDM dwb՚lyt ZK MNW hm gwlg <y> wthwkyh BRA +YKTLWN-yt]

Paragraph: 43-Pts 
Verse: a    ul az +ēstišn gurg padēnd pad zanišn ō gēhān
Verse: b    awēšān-iz kē [andar šud] bawēnd [kē abōy gurg]
Verse: c    ōš-xwāstārtar [wad-tagtar <ud> wad zōrtar] ud duš-rawišntar [wattar-tagtar] <ud> gēhān zadārtar [wad-xēmtar] cīyōn [ān-iz ī] any gurg [ay ēk-iz snah nē zanēd har dō nēw snah abar dwārēd ān kē ham gurg <ī> wad-xōgīh bē ōzanēd]


Paragraph: 44  Link to avesta
Verse: a    sunahe. aēuuahe. aštā.bifrəm.
Verse: b    +asti.šē. +haēm. yaϑa. aϑaurune. +asti.šē. +haēm. yaϑa. +raϑaēštārahe. +asti.šē. +haēm. yaϑa. vāstriiehe. +fšuiiaṇtō. +asti.šē. +haēm. yaϑa. +vaēsaoš. asti.šē. +haēm. yaϑa. tāiiaoš. +asti.šē. +haēm. yaϑa. +disaoš. asti.šē. +haēm. yaϑa. +jahikaiiå. asti.šē. +haēm. yaϑa. apərənāiiūkahe.

Paragraph: 44-Ptl 
Verse: a    KLBA ՚ytwn' 8 blšn' [8 hym]
Verse: b    AYT'-š HNA hym cygwn ՚slwn՚n' AYT'-š HNA hym cygwn ՚ltyšt՚l՚n AYT'-š HNA hym cygwn w՚stlywš՚n' AYT'-š HNA hym cygwn wys՚n' AYT'-š HNA hym cygwn dwc՚n' AYT'-š HNA hym cygwn +ds՚n' AYT'-š HNA hym cygwn yh՚n' AYT'-š HNA hym cygwn ՚pwln՚dk՚n'

Paragraph: 44-Pts 
Verse: a    sag ēdōn hašt barišn [hašt xēm]
Verse: b    ast-aš ēd xēm cīyōn āsrōnān ast-aš ēd xēm cīyōn artēštārān ast-aš ēd xēm cīyōn wāstaryōšān ast-aš ēd xēm cīyōn wēsān ast-aš ēd xēm cīyōn duzān ast-aš ēd xēm cīyōn disān ast-aš ēd xēm cīyōn jehān ast-aš ēd xēm cīyōn aburnāyagān


Paragraph: 45  Link to avesta
Verse: a    paiti. xvarəϑa. xvaraiti. yaϑa. āϑrauua.
Verse: b    +huxšnaoϑrō. yaϑa. āϑrauua.
Verse: c    huuāzārō. yaϑa. āϑrauua.
Verse: d    +aēšō. kasu.draonō. yaϑa. āϑrauua.
Verse: e    +aiti.šē. +haēm. yaϑa. +aϑaurune.
Verse: f    yatō. pauruuaēibiia. yaϑa. raϑaēštå.
Verse: g    aipi.jatō. gąm. huδåŋhəm. yaϑa. raϑaēštå.
Verse: h    <parō.>; pasca. +nmānahe. yaϑa. raϑaēštå.
Verse: i    +aiti.šē. +haēm. yaϑa. raϑaēštārahe.

Paragraph: 45-Ptl 
Verse: a    QDM hwlšn' hwld cygwn ՚slwk [AYḴ BRA YTYBWN-yt']
Verse: b    hwšnwhl cygwn ՚slwk [AYḴ PWN ՚wc՚lk QDM PWN l՚mšn' BRA YHWWN-yt]
Verse: c    hw՚c՚l cygwn +՚slwk [w՚ck'] [AYT' MNW ՚ytwn' YMRRWN-yt ՚y hwp' w՚c՚l cygwn ՚slwk ՚w' dl՚g]
Verse: d    AYŠ [AYḴ KRA ME YHBWN-d BRA MKḆLWN-x1] kwtk swl [AYḴ-š swl <y> SLYA YHBWN-d] cygwn ՚slwk'
Verse: e    AYT'-š HNA hym cygwn ՚slw՚n'
Verse: f    lpt՚l ՚w' LOYN' cygwn ՚ltyšt՚l [AYḴ wcyn' OHDWN-x1]
Verse: g    BRA zt՚l gwspnd y +hwd՚k cygwn ՚ltyšt՚l [AYḴ dwc W gwlg LAWHL YHSNN-yt']
Verse: h    LOYN [MN-š] AHL m՚n' cygwn ՚ltyšt՚l [AMT gwspnd MN +p՚hst BRA YATWN-yt ՚-š AHL ḆYN YKOYMWN-yt']
Verse: i    AYT'-š +HNA hym cygwn ՚ltyšt՚l՚n'

Paragraph: 45-Pts 
Verse: a    abar xwarišn xwarad cīyōn āsrō [kū bē nišīnēd]
Verse: b    hušnōhr cīyōn āsrō [kū pad ōzārak abar pad rāmišn bē bawēd]
Verse: c    xwāzār cīyōn āsrō [wāzag] [ast kē ēdōn gōwēd kū xūb wāzār cīyōn āsrōān darāē]
Verse: d    kas [kū har cē dahēnd bē padīrēd] kōdak-sūr [kū-š sūr <ī> wad dahēnd] cīyōn āsrō
Verse: e    ast-aš ēd xēm cīyōn āsrōān
Verse: f    raftār ō pēš cīyōn artēštār [kū wizēn gīrēd]
Verse: g    bē zadār gōspand ī hudāg cīyōn artēštār [kū duz ud gurg abāz dārēd]
Verse: h    pēš [aziš] pas mān cīyōn artēštār [ka gōspand az pahast bē āyēd ā-š pas andar ēstēd]
Verse: i    ast-aš ēd xēm cīyōn artēštārān


Paragraph: 46  Link to avesta
Verse: a    +zaēnaŋha. əuuīspō.xvafna. yaϑa. vāstriiō. +fšuiiąs.
Verse: b    parō. pasca. +nmānahe. yaϑa. vāstriiō. +fšuiiąs.
Verse: c    pasca. parō. nmānahe. yaϑa. vāstriiō. +fšuiiąs.
Verse: d    +aiti.šē. haēm. yaϑa. +vāstriiehe. +fšuiiaṇtō.
Verse: e    +xvaṇdrakarō. yaϑa. vaēsō.
Verse: f    +asnaēraēšō. yaϑa. vaēsō.
Verse: g    zairimiiafsma. ϑriiafsma. yaϑa. vaēsō.
Verse: h    +aiti.šē. +haēm. yaϑa. +vaēsaoš.

Paragraph: 46-Ptl 
Verse: a    zyn՚wnd [twhš՚k +shmkyn' AYḴ] gyw՚k HLMWN-yt' cygwn w՚stlywš
Verse: b    LOYN' [՚cš] AHL m՚n' cygwn w՚stlywš [AMT gwspnd MN p՚hst' BRA YATWN-yt' ՚-š pyš ḆYN YKOYMWN-yt]
Verse: c    AHL [՚cš] LOYN' m՚n' cygwn +w՚stlywš [AMT gwspnd ḆYN OL p՚hst' OZLWN-yt ՚-š LAWHL OL AHL ḆYN YKOYMWN-yt']
Verse: d    +AYT'-š +HNA hym cygwn w՚stlywš՚n
Verse: e    +hwnyd՚kkl cygwn wys [AYḴ' KN dązid. dwcyt']
Verse: f    MN nzdyk lyš cygwn wys [AYḴ LAWHL wcylyt']
Verse: g    nz՚l ptm՚n' [AYḴ pl՚hng SLYA OḆYDWN-x1] +lstk ptm՚n' [AYḴ ZK y OḆYDWN-x1 zwt' BRA ŠḆKWN-x1] cygwn wys
Verse: h    +AYT'-š +HNA hym cygwn +wys՚n'

Paragraph: 46-Pts 
Verse: a    zēnāwand [tuxšāg +sahmgēn kū] gyāg xufšēd cīyōn wāstaryōš
Verse: b    pēš [aziš] pas mān cīyōn wāstaryōš [ka gōspand az pahast bē āyēd ā-š pēš andar ēstēd]
Verse: c    pas [aziš] pēš mān cīyōn wāstaryōš [ka gōspand andar ō pahast šawēd ā-š abāz ō pas andar ēstēd]
Verse: d    ast-aš ēd xēm cīyōn wāstaryōšān
Verse: e    huniyāg-gar cīyōn wēs [kū ōh dązad. duzēd]
Verse: f    az nazdīk rēš cīyōn wēs [kū abāz wizīrēd]
Verse: g    nizār paymān [kū frahang wad kunēd] rastag paymān [kū ān ī kunēd zūd bē hilēd] cīyōn wēs
Verse: h    ast-aš ēd xēm cīyōn wēsān


Paragraph: 47  Link to avesta
Verse: a    tąϑrō.cinō. yaϑa. tāiiuš.
Verse: b    <xšapāiiaonō. yaϑa. tāiiuš.>;
Verse: c    +apišma.xvarō. yaϑa. tāiiuš.
Verse: d    aϑaca. dužniδātō. yaϑa. tāiiuš.
Verse: e    aiti.šē. +haēm. yaϑa. +tāiiaoš.
Verse: f    +tąϑrō.cinō. yaϑa. disuš.
Verse: g    xšapāiiaonō. yaϑa. +disuš.
Verse: h    +apišma.xvarō. yaϑa. disuš.
Verse: i    aϑaca. +dužniδātō. yaϑa. disuš.
Verse: j    +aiti.šē. +haēm. yaϑa. +disaoš.

Paragraph: 47-Ptl 
Verse: a    Sine PT
Verse: b    LYLYA ՚ywht՚l cygwn dwc'
Verse: c    ՚pyšm՚n hwl cygwn dwc'
Verse: d    ՚ytwn'-c dwš' hym cygwn dwc' [AMT-š PWN MNDOM-1 BRA gwm՚lynd BRA OŠTEN-yt']
Verse: e    +AYT'-š +HNA hym cygwn dwc՚n'
Verse: f    t՚lyk k՚mk cygwn ds
Verse: g    LYLYA ՚ywht՚l cygwn ds
Verse: h    ՚pyšm՚n hwl cygwn ds
Verse: i    ՚ytwn' dwš' hym cygwn ds [AMT-š MNDOM-1 pr՚c YHBWN-d LAWHL LA YHBWN-yt']
Verse: j    +AYT'-š +HNA hym cygwn ds՚n'

Paragraph: 47-Pts 
Verse: a    Sine PT
Verse: b    šab-āyōxtār cīyōn duz
Verse: c    apišmān-xwar cīyōn duz
Verse: d    ēdōn-iz duš-xēm cīyōn duz [ka-š pad ciš-ē bē gumārēnd bē xwarēd]
Verse: e    ast-aš ēd xēm cīyōn duzān
Verse: f    tārīk-kāmag cīyōn dis
Verse: g    šab-āyōxtār cīyōn dis
Verse: h    apišmān-xwar cīyōn dis
Verse: i    ēdōn duš-xēm cīyōn dis [ka-š ciš-ē frāz dahēnd abāz nē dahēd]
Verse: j    ast-aš ēd xēm cīyōn disān


Paragraph: 48  Link to avesta
Verse: a    +xvaṇdrakarō. yaϑa. jahika.
Verse: b    +asnaēraēšō. yaϑa. jahika.
Verse: c    airītō. +paṇtānəm. yaϑa. jahika.
Verse: d    zairimiiafsma. ϑriiafsma. yaϑa. jahika.
Verse: e    aiti.šē. +haēm. yaϑa. jahikaiiå.
Verse: f    xvafnō. yaϑa. apərənāiiuš.
Verse: g    snaēžanō. yaϑa. apərənāiiuš.
Verse: h    hizu.drājō. yaϑa. apərənāiiuš.
Verse: i    pairi.taxtō. pauruuaēibiia. yaϑa. apərənāiiuš.
Verse: j    <aiti.šē. haēm. yaϑa. apərənāiiūkahe.>;

Paragraph: 48-Ptl 
Verse: a    +hwnyd՚kkl cygwn yyẖ
Verse: b    MN nzdyk lyš cygwn yyẖ
Verse: c    PWN l՚s ldk cygwn yyẖ [AYT' MNW ՚ytwn' YMRRWN-yt' ՚y ḆYN hwyš-՚g՚s LAWHL OL mē' LA YTYBWN-yt']
Verse: d    nz՚l ptm՚n' +lstk ptm՚n' cygwn yyẖ
Verse: e    +AYT'-š +HNA hym cygwn yyẖ՚n'
Verse: f    hwptk cygwn ՚pwln՚dk
Verse: g    +snyhlynyt՚l cygwn ՚pwln՚dk [AYḴ KN hwt' AYT']
Verse: h    ՚wzw՚n' dl՚dynyt՚l cygwn ՚pwln՚dk [AYT' MNW dglnd ՚wzw՚n' YMRRWN-yt']
Verse: i    BRA tzd ՚w' LOYN' cygwn ՚pwln՚dk [AMT ktk'-՚y +lwbšnyh OL plyk LMYTWN-yt ՚-š LOYN ḆYN +YKOYMWN-yt]
Verse: j    +AYT'-š +HNA hym cygwn ՚pwln՚dk՚n [՚y ẔNE hm՚y PWN KLBA LA š՚yt YHWWN-tn ZK PWN spānahe. š՚yt' YHWWN-tn']

Paragraph: 48-Pts 
Verse: a    huniyāg-gar cīyōn jeh
Verse: b    az nazdīk rēš cīyōn jeh
Verse: c    pad rāh riyag cīyōn jeh [ast kē ēdōn gōwēd ay andar xwēš-āgāh abāz ō maē nē nišīnēd]
Verse: d    nizār paymān rastag paymān cīyōn jēh
Verse: e    ast-aš ēd xēm cīyōn jehān
Verse: f    xuftag cīyōn aburnāyag
Verse: g    snēxrēnīdār cīyōn aburnāyag
Verse: h    uzwān-drāyēnīdār cīyōn aburnāyag [ast kē dagrand-uzwān gōwēd]
Verse: i    bē tazad ō pēš cīyōn aburnāyag [ka kadag-ē +rōbišnīh ō frēg abganēd ā-š pēš andar ēstēd]
Verse: j    ast-aš ēd xēm cīyōn aburnāyagān [ay ēn hamē pad sag nē šāyēd būdan ān pad spānahe. šāyēd būdan]


Paragraph: 49  Link to avesta
Verse: a    yat̰. mē. +aēšąmcit̰. nmānanąmca. +caratō. duua. mā. apa.raoδaiiaēta.
Verse: b    yasca. spā. pasuš.hauruuō. +yasca. spā. viš.hauruuō.
Verse: c    nōit̰. mē. nmānəm. +vīδātō. hištəṇti. ząm. paiti. ahuraδātąm. yezi. mē. nōit̰. +åŋ́hāt̰. spā. pasuš.hauruuō. vā. viš.hauruuō. vā.

Paragraph: 49-Ptl 
Verse: a    AMT OLE-š՚n' y L m՚n SGYTWN-՚nd [AYḴ PWN l՚s OZLWN-՚nd] 2 AL AHL BRA l՚nynnd [AYḴ BRA AL ŠḆKWN-՚nd] [AYT MNW ՚ytwn' YMRRWN-yt ՚y AMT-c MN OLE-š՚n' y L m՚n' SGYTWN-yn՚nd AYḴ ՚hwk +OḆYDWN-՚nd AL AHL BRA SGYTWN-՚nd AYḴ PWN BBA AL OḆYDWN-՚nd]
Verse: b    MNW-c KLBA y pswšhwlw' MNW-c KLBA y wyšhwlw'
Verse: c    LA [ZK y] L m՚n' wyn՚lt' YKOYMWN-šn' YHWWN-t' HWE-yḎ PWN ẕmyk QDM ՚whrmẕdd՚t' [AYḴ hw՚stk p՚nkyh LA š՚dst' HWE-yḎ krtn'] [AYT' MNW ՚ytwn' YMRRWN-yt' ՚y m՚n' wyn՚lšn' LA YHWWN-t' HWE-yḎ] HT L LA [d՚t'] HWE-yḎ KLBA <y> pswšhwlw' W wyšhwlw'

Paragraph: 49-Pts 
Verse: a    ka awēšān ī man mān rawānd [kū pad rāh šawānd] dō ma pas bē rānēnd [kū bē ma hilānd] [ast kē ēdōn gōwēd ay ka-z az awēšān ī man mān rawēnānd kū āhōg kunānd ma pas bē šawānd kū pad dar ma kunānd]
Verse: b    kē-z sag ī pasušhorw kē-z sag ī wišhorw
Verse: c    nē [ān ī] man mān winārd ēstišn būd hē pad zamīg abar ohrmazd-dād [kū xwāstag pānagīh nē šāyist hē kardan] [ast kē ēdōn gōwēd ay mān winārišn nē būd hē] agar man nē [dād] hē sag <ī> pasušhorw ud wišhorw


Paragraph: 50  Link to avesta
Verse: a    dātarə. gaēϑanąm. astuuaitinąm. aṣ̌āum. yat̰. +sunīš. para.iriϑiieiti. +ništā.zəmanasca. +pairištā.xšudrasca. kuϑa. +aēšąm. baoδō. +jasaiti.

Paragraph: 50-Ptl 
Verse: a    d՚t՚l AMT KLBA BRA wtlt' OZLWN-t mzg [AYḴ c՚nc LA ՚lcyt'] p՚tyl՚n' šwsl [AYḴ SLYTWN-tn LA twb՚n'] AYḴ ՚w' ZK y OLE-š՚n' bwd YHMTWN-yt'

Paragraph: 50-Pts 
Verse: a    dādār ka sag bē widard šud-mazg [kū cāniz nē arzēd] pādīrān-šusr [kū gādan nē tuwān] kū ō ān ī awēšān bōy rasēd


Paragraph: 51  Link to avesta
Verse: a    āat̰. mraot̰. ahurō. mazdå. xå. paiti. apąm. parāiti. spitama. zaraϑuštra. aϑra. åŋhąm. +hąm.bauuaiṇti. duua. udra. upāpa.
Verse: b    +hazaŋrā.sunīš. +strī.nāmanō. +hazaŋrā.sunīš. nairiiō.nāmanō. miϑβana. +strica. nairiiasca.
Verse: c    +udrahe. auuaγnānō. haēcō. kərənaoiti. yat̰. auuāstrəm.

Paragraph: 51-Ptl 
Verse: a    AP-š gwpt' ՚whrmẕd AYḴ h՚n' QDM ՚p՚n' lpd spyt՚m՚n zltwhšt TME MN OLE-š՚n' ՚w' hm YHWWN-d 2 ՚wdlk y ՚pyk
Verse: b    [MNW] MN 1000 KLBA y NKḆ ŠM MN 1000 KLBA y ZKL ŠM PWN gwmyck NKḆ W ZKL
Verse: c    ZK y ՚wdlk zt՚l hwšk kwnd y ՚w՚st՚l [shm]

Paragraph: 51-Pts 
Verse: a    u-š guft ohrmazd kū xān abar ābān rawad spitāmān zarduxst ānōh az awēšān ō ham bawēnd dō udrag ī ābīg
Verse: b    [kē] az hazār sag ī mādag nām az hazār sag ī nar nām pad gumēzag mādag ud nar
Verse: c    ān ī udrag zadār hušk kunad ī awāstār [saxm]


Paragraph: 52  Link to avesta
Verse: a    para. nū. am̨āt̰.haca. +asaŋhat̰ca. +šōiϑrāat̰ca. axštat̰. spitama. zaraϑuštra. īžāca. āzūitišca. para. dasuuarəca. +baēšazəmca. para. fradaϑəmca. varədaϑəmca. +vaxšaϑəmca. para. yauuanąmca. vāstranąmca. +uruϑməm.

Paragraph: 52-Ptl 
Verse: a    BRA KON MN ZK [y LNE] gyw՚k <W> lwst՚k lpd spyt՚m՚n zltwhšt šylynyh W clpyh <BRA drwstyh W> +byš՚zynšnyh BRA pl՚dhšnyh W w՚lšn' dhšnyh W whšyšn BRA ywlt՚g՚n' w՚stl՚n-c ՚lwdšn'

Paragraph: 52-Pts 
Verse: a    bē nūn az ān [ī amā] gyāg <ud> rōstāg rawad spitāmān zarduxšt šīrēnīh ud carbīh <bē drustīh ud> bēšāzēnišnīh bē frādahišnīh ud wālišn-dahišnīh ud waxšišn bē jōrdāgān wāstarān-iz ārōyišn


Paragraph: 53  Link to avesta
Verse: a    dātarə. gaēϑanąm. astuuaitinąm. aṣ̌āum. +kaδa. +nū. am̨āi. asaŋhaēca. +šōiϑraēca. +paiti.jasātō. īžāca. āzūitišca. kaδa. dasuuarəca. +baēšazəmca. kaδa. fradaϑəmca. varədaϑəmca. vaxšaϑəmca. kaδa. yauuanąmca. vāstranąmca. uruϑməm.

Paragraph: 53-Ptl 
Verse: a    d՚t՚l AYMT OL ZK gyw՚k W lwst՚k LAWHL YHMTWN-yt' šylynyh W clpyh AYMT' drwstyh <W> byš՚zynšnyh AYMT +pl՚dhšnyh <W> w՚lšn dhšnyh <W> whšyšn' AYMT ywlt՚k՚n' w՚stl՚n'-c ՚lwdšn'

Paragraph: 53-Pts 
Verse: a    dādār kay ō ān gyāg ud rōstāg abāz rasēd šīrēnīh ud carbīh kay drustīh <ud> bēšāzēnišnīh kay frādahišnīh <ud> wālišn-dahišnīh <ud> waxšišn kay jōrdāgān wāstarān-iz ārōyišn


Paragraph: 54  Link to avesta
Verse: a    āat̰. mraot̰. ahurō. mazdå. nōit̰. +nū. para. am̨āt̰. spitama. zaraϑuštra. asaŋhaēca. +šōiϑraēca. paiti.jasātō. īžāca. āzūitišca. nōit̰. dasuuarəca. baēšazəmca. nōit̰. fradaϑəmca. varədaϑəmca. vaxšaϑəmca. nōit̰. yauuanąmca. vāstranąmca. uruϑməm.

Paragraph: 54-Ptl 
Verse: a    AP-š gwpt' ՚whrmẕd AYḴ cygwn gwpt'

Paragraph: 54-Pts 
Verse: a    u-š guft ohrmazd kū cīyōn guft


Paragraph: 55  Link to avesta
Verse: a    para. am̨āt̰. yat̰. iδa. udra.janō. haϑra.jatō. +nijanāite. yat̰. vā. aētahe. udrahe. upa. dam̨əm. uruuānəm. +frāiiazåṇte. ϑri.aiiarəm. ϑri.xšaparəm.
Verse: b    +saociṇtat̰. paiti. āϑrat̰. frastərətāt̰. paiti. +barəsmən. uzdātāt̰. paiti. haomāt̰.

Paragraph: 55-Ptl 
Verse: a    LOYN' MN ZK AMT' LTME [ZK y] ՚wdlk zt՚l PWN hm znšnyh BRA MHYTWN-d [LWTE wn՚s] ՚ywp ZK y +՚wdlk [HYA] QDM d՚hm pr՚c YḎBHWN-d 3 YWM 3 LYLYA
Verse: b    PWN swcšn' QDM ՚thš pr՚c wstlšnyh QDM blswm cygwn PWN hwm-1 [՚y ẔNE BRA AMT' PWN ẔNE k՚l kwnd AP-š šnwmn' <y> ՚lt՚plwlt' kwnd LA š՚yt'] [ZK y KRA 2 LA kwnd AP-š šnwmn' <y> slwš kwnd š՚yt'] [՚y ՚wdlk ẔNE-c AYT' ZK-c y PWN BBA <y> bwndhyšn' ՚ytwn' KRA +TLYN' +YKTLWN-d AP-š KN lpd W ẔNE p՚tpl՚s y MN LOYN' pyt՚k PWN KRA 2 KN YHWWN-yt'] [AYT' MNW ՚ytwn' YMRRWN-yt ՚y ՚yw՚c-1 PWN ZK YHWWN-yt' MN KLBA-՚n' YHWWN-t YKOYMWN-yt]

Paragraph: 55-Pts 
Verse: a    pēš az ān ka ēdar [ān ī] udrag zadār pad ham zanišnīh bē zanēnd [abāg wināh] ayāb ān ī udrag [ruwān] abar dahm frāz yazēnd sē rōz sē šab
Verse: b    pad sōzišn abar ātaxš frāz wistarišnīh abar barsom cīyōn pad hōm-ē [ay ēn bē ka pad ēn kār kunad u-š šnūman <ī> ardāfraward kunad nē šāyēd] [ān ī har dō nē kunad u-š šnūman <ī> srōš kunad šāyēd] [ay udrag ēn-iz ast ān-iz pad dar <ī> bundahišn ēdōn har +dō +ōzanēnd u-š ōh rawad ud ēn pādifrāh ī az pēš paydāg pad har dō ōh bawēd] [ast kē ēdōn gōwēd ay ēwāz-ē pad ān bawēd az sagān būd ēstēd]


Paragraph: 56  Link to avesta
Verse: a    pascaēta. am̨āi. asaŋhaēca. +šōiϑraēca. paiti.jasātō. īžāca. āzūitišca. pascaēta. dasuuarəca. baēšazəmca. pascaēta. fradaϑəmca. +varədaϑəmca. vaxšaϑəmca. +pascaēta. yauuanąmca. vāstranąmca. uruϑməm.
Verse: b    aṣ̌əm. vohū. vahištəm. astī. uštā. astī. uštā. ahmāi. hiiat̰. aṣ̌āi. vahištāi. aṣ̌əm. (= Y 27.14 Link to avestaLink to yasna)

Paragraph: 56-Ptl 
Verse: a    Sine PT
Verse: b    ՚hl՚dyh +՚p՚tyh y p՚hlwm AYT'

Paragraph: 56-Pts 
Verse: a    Sine PT
Verse: b    ahlāyīh ābādīh ī pahlom ast


Next part


This text is part of the TITUS edition of Pahlavi Translation of the Avesta: Videvdad.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.