TITUS Texts: Pahlavi Translation of the Avesta: Yasna (Old Avestan)

TITUS
Pahlavi Translation of the Avesta: Yasna (Old Avestan)
Part No. 21

Previous part

Chapter: 51

Link to avesta

Link to yasna

vahuxšaϑr hād bun
niyāyišn ō ašmā gāhān ahlaw

Paragraph: 1

Link to avesta

Link to yasna

Verse: a    ō-m ōy ī weh xwadāy kāmag bahr abar bārišnīh [kū bahr ō ōy kas dahom kē xwadāy ī nē abāyēd]
Verse: b    pad be dahišnīh abzōn rāst andarag kunēd [kū dahišn ī rāstīhā be dahēd ān mard kē xwadāy ī nēk abāyēd]
Verse: c    kunišn ī ohrmazd pahlom ān amā nūn-iz [ka dēn rawāg be būd] warzišn. wacast bišāmrūdīg gōwišn.

Paragraph: 2

Link to avesta

Link to yasna

Verse: a    ān ī ašmā ohrmazd fradom [gāhānīgīh] pad ahlāyīh ān-iz
Verse: b    pad-iz tō spandarmad [pad frārōnīh ud bowandag menišnīh ōh kunom] dahād ō man īšt ī pad xwadāyīh [be šāyēd dādan]
Verse: c    ašmā wahman niyāyišn dahēd ud sūd [kū jādag gōwīh kunēd ud sūd kunēd]

Paragraph: 3

Link to avesta

Link to yasna

Verse: a    ān ō ān ī ašmā [ō dēn ī ašmā] niyōšīdār ō ham rawišn kē ašmā pad kunišn sālār hēd [kū pad wināh ud kirbag āmār kunēd]
Verse: b    ohrmazd ud ašwahišt kē-tān ān ī pad uzwān saxwan pad wahman
Verse: c    kē-m az awēšān tō ohrmazd fradom frāz daxšagēnīdār hē [kū-m az amahraspandān tis ī frārōn fradom tō pad daxšag be kunē]

Paragraph: 4

Link to avesta

Link to yasna

Verse: a    kū bowandag sālārīh [rad ī dēn burdārān kū sālārīh bowandag kū gyāg kardan] kū āmurzišn rawēd [kū ān mizd ī mēnōg kū gyāg ēstēd]
Verse: b    kū rasišn ahlāyīh [kū ašwahišt kū gyāg] ud kū spandarmad
Verse: c    kū wahman pahlom kū ēd ī tō xwadāyīh ohrmazd

Paragraph: 5

Link to avesta

Link to yasna

Verse: a    harwisp ān ī purse kē-t ēdōn az ahlāyīh abāgīh gōspandān windišn [kū-t abāg kār ud kirbag kardan gōšpandān bawēd]
Verse: b    kē warzīdār pad kunišn rāst [pad uzwān] huxrad hād pad niyāyišn [ā-š az ōy ī huxrad ohrmazd ast niyāyišn kū-š nēkīh padišn kunēd]
Verse: c    kē dāšn ō ōy rāst rad pad pādixšāyīh [kū pad pādixšāyīh ī-š ast tan bē ō hērbedestān dahēd] ā-š pad ahlāyīh frazānagīh [kū frazām ī tis pad fārōnīh be dānēd]

Paragraph: 6

Link to avesta

Link to yasna

Verse: a    kē weh ō ōy ī weh dahēd [mizd] ud kē-z ō ōy pad kāmag rādīh dahēd [ō ōy ohrmazd]
Verse: b    pad ān ī ohrmazd xwadāyīh ēdōn ō ōy ī wadag [ahlomōγ] wattarīh [kū az kard ī ōy pādifrāh kunēd]
Verse: c    kē ō ōy nē be dahīhēd tā ō ān ī abdom axwān wardišn [kū-š tā tan ī pasēn pādifrāh bowandag be nē kunēd]

Paragraph: 7

Link to avesta

Link to yasna

Verse: a    dahē ō man [mizd ud pādāšn] kē gōspand tāšīdār hē ud āb ud urwar-iz [tāšīdār hē]
Verse: b    amurdād ud hordād ā-z [tāšīdār hē] abzōnīg mēnōg ohrmazd
Verse: c    tuxšišn tuwānīgīhā ā-z [tāšīdār hē] kē pad wahman hammōxtišn [kū ka pad frārōnīh hammōxt ēstēd ō xwēš šāyēd kardan]

Paragraph: 8

Link to avesta

Link to yasna

Verse: a    cē ēdōn ēd ī tō gōwišn ohrmazd [dēn ī tō] ka-š ān ī āgāh mard gōwēd [ī dānāg]
Verse: b    zadār ī druwandān ud pad nēkīh ahlāyīh dārišn [bawēd pad abēbīmīh]
Verse: c    cē ān ī mānsar āsānīh ka-š ān ī āgāh gōwēd [ī dānāg]

Paragraph: 9

Link to avesta

Link to yasna

Verse: a    kē šnāxtārīh ō pahikārdārān dahēd [kū bōxt ud ēraxt paydāg kunēd dahēd] ēd ī tō ātaxš suxr ohrmazd
Verse: b    āhan widāxt abar harw dō āxwān dazišn dahēd [ān ī passāxt pad tan ī pasēn]
Verse: c    rēšēnēd druwandān ud sūdēnēd ahlawān

Paragraph: 10

Link to avesta

Link to yasna

Verse: a    ēdōn ān mard kē man murnjēnēd any ēwēdang-ē az ān ī ohrmazd [ā-m be kunēd gētīg hom u-m mēnōg be kunēd]
Verse: b    ān dām druz hunušak ān ī dušdānāg kē hēnd [kū pad anāgīh pad dāmān ī ohrmazd kardan hāwand hunušak ī gannāg mēnōg hēnd]
Verse: c    man xwānom ahlāyīh weh kū ašwahišt rasīdan tō

Paragraph: 11

Link to avesta

Link to yasna

Verse: a    kadār ān kē ō spitāmān zardušt mard dōst ohrmazd
Verse: b    kē pad ān ī ašmā ahlāyīh hampursēd kē pad spandarmad [kū pad rāstīh ud bowandag menišnīh hampursēd]
Verse: c    kē pad ān ī ašmā wahman frazānag [kū frazām ī tis pad frārōnīh dānēd] ud pad maγīh rāst [kū pad abēzag wehīh rāst]

Paragraph: 12

Link to avesta

Link to yasna

Verse: a    nē-m pad ān ī harw dō šnāyēnēd kay ī waēpi andar widarag ī zamestān [pad xwarišn ud wastarag]
Verse: b    kē zardušt ī spitāmān hom kē ast kū-m pad rānagīh rānagēnēd pad aštag [kū kas āyēd u-m be kunēd]
Verse: c    kē-mān ān ēn pad-iz ān ī sard ī bazag āwēn [zamestān] pad rawišn wāyēnēd

Paragraph: 13

Link to avesta

Link to yasna

Verse: a    ān harw dō [mar ud jeh] ī druwand ōšmurēnd dēn ī abēzag āškārag
Verse: b    kē pad ān ī ōy [ka ān dēn ōšmurēnd] ō ruwān xrōsišn dahēnd pad cēh widarag āškārag
Verse: c    pad ān ī xwēš kunišn ud uzwān wisinnēnd ān ī ahlāyīh rāh [kū rāh ī frārōn be wisinnēnd]

Paragraph: 14

Link to avesta

Link to yasna

Verse: a    nē dōstīh kē karb hēnd ō kār bowandag [kū ō tis ī frārōn abāyist bowandag nē barēnd]
Verse: b    ān ī gōspandān abowandagīh hammōxtēnd [apaymān kunišnīh] pad ān ī xwēš kunišn ud hammōxtišn [ud tis abārōn kunēd ud pad ān ī abārōn hammōxt ēstēnd]
Verse: c    az awēšān hammōxtišn [awēšān] tā ō ān ī abdom druzōdmān dahēnd [ruwān ī xwēš]

Paragraph: 15

Link to avesta

Link to yasna

Verse: a    kē mizd kē zardušt hom ō mēnōgān cāšom pēš [pad hāwand kirbagīh]
Verse: b    kū ō garōdmān ī ohrmazd rasēnd pēš
Verse: c    ān ī ašmā wahman pad ahlāyīh sūd cāšēd [kū sūd pad frārōnīh kunēd]

Paragraph: 16

Link to avesta

Link to yasna

Verse: a    ān kē wištāsp magīh-iz rāy [abēzagīh-iz rāy] pad xwadāyīh arzānīg [jud-iz az abarmānd]
Verse: b    pad ān ī wahman padīh [frārōn pādixšāyīh rāy ī-š ast] kē frazānag pad ān ī ahlāyīh paymān [kū frazām ī tis pad frārōnīh ēdōn ciyōn abāyēd dānistan dānēd]
Verse: c    abzōnīg ohrmazd ēdōn-it amā rāy sāzišn nēkīh

Paragraph: 17

Link to avesta

Link to yasna

Verse: a    ān ī ārzōg ō man frašōštar ī hwōwān pad nigēzišn nigēzīd kirb [kū-m duxt pad zanīh be dahēd]
Verse: b    pad dēn ī weh [ēstēd ī pad dēn ī weh rāy] ān ī ōy pad xwāhišn dahād [kū hwōw tan pad zanīh be dahēd]
Verse: c    pad pādixšāyīh ī ohrmazd ud ān ī ahlāyīh ārzōg gīrād [kadag bānūgīh]

Paragraph: 18

Link to avesta

Link to yasna

Verse: a    ān ī frāzānag dastwar jāmāsp ī hwōwan xwāhēd xwarrah [xwēškārīh]
Verse: b    ahlāyīh dōšēd ān ī pad xwadāyīh pad ān ī wahman āgāh dahišnīh [frārōn dānāgīh rāy ī-š ast]
Verse: c    ān ō man dahē ohrmazd kē ēd ī tō rāmēnīdārīh [mizd]

Paragraph: 19

Link to avesta

Link to yasna

Verse: a    ōy mard ēdōn mēdyōmāh kē az spitāmān ā-š [ō xwēš] dahišn [mizd ud pādāšn]
Verse: b    u-š ān ī dēn āgāh dahišnīh andar axwān abar xwāhišn [āgāhīh ī pad dēn]
Verse: c    u-š ān ī ohramzd dād ōšmurišn [dēn ī ohrmazd] pad gyān kunišn weh [kū-š tuxšāgīhā ōh gōwišn ōh kunišn]

Paragraph: 20

Link to avesta

Link to yasna

Verse: a    ān ī ašmā ō amā pad hamdōšišnīh [ud pad hamabāyastīh] harwispīn dahišn ī sūd
Verse: b    ašwahišt ud wahman kē-tān saxwan pad bowandag menišnīh
Verse: c    ān yazišn ānāmom ud ān ī ohrmazd rāmēnīdārīh kunānd [mizd]

Paragraph: 21

Link to avesta

Link to yasna

Verse: a    ān ī bowandag menišn mard ī abzōnīg kē frazānag pad saxwan ud kunišn
Verse: b    ōy dēn ī ahlāyīh abzāyēnīdār pad ān ī wahman xwadāyīh
Verse: c    ohrmazd dād [mizd ud pādāšn] ud az ōy xwāhom pad ān ī weh tarsagāhīh

Paragraph: 22

Link to avesta

Link to yasna

Verse: a    ōy kē az ahlāyīh abāgīh pahlom [kū az yazdān ān pahlom] man yazišn abar
Verse: b    āgāh ohrmazd [mizd ud pādāšn] kē būd hēnd ud kē-z hēnd
Verse: c    awēšān yazom pad ān ī xwēš nām [amahraspandān u-šān] abar rasom ō ayārīh

Next part

This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.