TITUS
Pahlavi Translation of the Avesta: Yasna (Old Avestan)
Part No. 19
Previous part

Chapter: 48    Link to avesta Link to yasna


yezī hād bun


Paragraph: 1    Link to avesta Link to yasna
Verse: a    ka pad ān dahišn [pad tan ī pasēn] ahlāyīh druz wānēd [ašwahišt andar]
Verse: b    ka ān rasēd kē-šān pad frēftārīh frāz guft [kū nē rasēd]
Verse: c    amarg rawišnīh ī dēwān ud mardōmān
Verse: d    ēdōn ēd ī tō sūd niyāyišn waxšēd ohrmazd

Paragraph: 2    Link to avesta Link to yasna
Verse: a    ka gōwānd man ī tō āgāhīh ohrmazd [dēn ī tō]
Verse: b    pēš az ān tā ka ō man ān ī pad zamīg widarag rasēd [rāh ī wahišt ud dušox tā zīndagīh]
Verse: c    ciyōn ahlawān ohrmazd wānānd druwandān [az kardan ī man]
Verse: d    cē ān andar axwān paydāg ān ī weh kardārīh [rōšnag kū tan ī pasēn ōh bawēd]

Paragraph: 3    Link to avesta Link to yasna
Verse: a    ēdōn ōy āgāh dahišn [hāwišt] ā-š pahlom hammōxtišn
Verse: b    ka-š ān ī hudānāg [hērbed] hammōzēd rāstīh ī ohrmazd [dēn ī ohrmazd]
Verse: c    abzōnīg āgāh [ān hērbed] kē ān-iz nihānīhā saxwan [ī ahlomōγīhā ā-š cārag be gōwēd]
Verse: d    tō hāwand ohrmazd [pad ān tis] kē ān ī wahman xrad [kū-š āsn xrad nēk pad frārōnīh dārēd]

Paragraph: 4    Link to avesta Link to yasna
Verse: a    kē dahēd menišn ohrmazd ān wehīh kē-z ān wattarīh
Verse: b    ōy dēn pad kunišn ud gōwišn [kunišn ōh kunēd gōwišn ōh gōwēd ā-š dēn be bawēd]
Verse: c    kē ān ī ōy dōšišn pad nēkīh ā-š kāmag-iz abāg [kē kār ud kirbag pad abēbīmīh kunēd pad ēd dārišn kū-š menišnīg kard]
Verse: d    pad ēd ī tō xrad abdom-iz mard zan hēnd [kū gāhānīg be bawēnd]

Paragraph: 5    Link to avesta Link to yasna
Verse: a    ān-it huxwadāy pādixšāyēnišn ud ma amā ān ī dušxwadāy pādixšāy bawād [kū-mān xwadāy ī nēk bawād ma ān ī wad]
Verse: b    ī weh frazānag [kū frazām ī tis pad frārōnīh dānēd] ān kē kunišn pad bowandag menišnīh [kū tis bowandag menišnīhā kunēd]
Verse: c    yōždahrīh ī mardōmān pas az zāyišn pahlom [pas az zāyišn awināhīh pahlom]
Verse: d    ān ī gōspand warzīdār [wāstriyōš] ān ī amā rāy xwarišn fšōnēnišn [kū-š xwarišn ī man kē zardušt hom ud hāwištān ī man be sāzišn]

Paragraph: 6    Link to avesta Link to yasna
Verse: a    cē ān amā xwārīh [az gōspandān] ud ān amā tuxšišn [nērōg]
Verse: b    dahēd tuxšišn ān ī wahman ārzōg
Verse: c    ēdōn pad ān ī ōy tarsagāhīh [ka gāw ī ēwag dād tan be dād] ohrmazd urwar waxšēnēd [kū-š be abzāyēnēd]
Verse: d    ohrmazd andar axwān zahag ī fradom rāy [dahišn ī wahman rāy]

Paragraph: 7    Link to avesta Link to yasna
Verse: a    bē xēšm be dahēd padīrag ī arešk padīrag wisinnēd
Verse: b    kē-tān pad wahman dahišn dārišn bawišn [kū-tān tan ī xwēš pad frārōnīh dārišn]
Verse: c    ō ān ī ahlāyīh niwē ā-š ān asahmēnišn mard abzōnīg [kū-š xwēštan ī ō ān niwē kunišn]
Verse: d    ēdōn ān dām ō dām ohrmazd

Paragraph: 8    Link to avesta Link to yasna
Verse: a    kadār tō ohrmazd ān ī weh xwāhišn ī xwadāyīh [kū xwadāyīh ī weh ī tō ā-š abzāyišn az cē]
Verse: b    kadār ēd ī tō tarsagāhīh kē az tō manīgān ohrmazd [kū hāwištān ī man ā-šān mizd padiš rasēd]
Verse: c    kadār tō ašwahišt āškārag rād xwāhišnīh [kū rādīh ī ō tō āškārag kadār]
Verse: d    kē pad wahman kunišn dāštārīh [kū pad frārōn dāštārīh ō xwēš šāyēd kardan]

Paragraph: 9    Link to avesta Link to yasna
Verse: a    kay ān dahišn āgāh bawom ka-tān pad cegām-iz-ē pādixšāyīh [nēkīh be dād kū ān zamānag kay rasēd]
Verse: b    ohrmazd ud ašwahišt ka pad ān ī ōy [zaman] ān ī man [hāwišt] āškārag bawēd ān ī pad gumānīgīh
Verse: c    rāst man pad ān ī rāst zīwišnīh ān pad wahman wišōbišn [kū ka pad frārōnīh zīwēm ā-m ī wattarān tuwān bawēd wišuftan]
Verse: d    āgāh bawānd sūdōmand mardōm ciyōn ān ī awēšān [yazadān] tarsagāhīh ast

Paragraph: 10    Link to avesta Link to yasna
Verse: a    kay ān dahišn ohrmazd ka ōy ī man mard andar mardān padīrišn [kū ān zamānag kay rasēd ka hāwištān ī man rawāgīh bowandag bawēd]
Verse: b    kay ān dahišn ka-šān jōyēnēnd muhrišn awēšān pad ān magīh [pad ān abēzag wattarīh]
Verse: c    kē gannāg hēnd [kū zadār hēnd] ud karb hēnd [kū pad-iz tis yazadān karr ud kōr hēnd] rānēnēnd pānāgīh [kū pānagīh ī dāmān nē kunēnd]
Verse: d    kē-z pad xrad dušxwadāy hēnd pad deh

Paragraph: 11    Link to avesta Link to yasna
Verse: a    kay ān dahišn ohrmazd ka ašwahišt abāg bowandag menišnīh
Verse: b    ud šahrewar rasēd pad humēnišnīh ō kār
Verse: c    kē ō druwandān xrūgīh [rēš] ud armeštīh [agārīh] dahēd
Verse: d    ō kē ān ī frazānagīh pad wahman rasēd

Paragraph: 12    Link to avesta Link to yasna
Verse: a    ēdōn awēšān hēnd sūdōman ī pad deh [frašegird kardār]
Verse: b    kē-šān šnāyēnīdārīh ī pad wahman abāg [ka mardōm pad frārōnīh ōh šnāyēnēnd]
Verse: c    ud pad kunišn rāst hēnd ud ēd ī tō ohrmazd hammōxtēnd [dēn ī tō]
Verse: d    cē awēšān dād ēstēnd hamēstārīh ī ōy ī xēšmēn


hā 49
atmāyaw hād bun


Paragraph: 1    Link to avesta Link to yasna
Verse: a    ēdōn man hamē tā ō ān ī bēdom zamān pānagīh mahist [kū0m tā tan ī pasēn hamē pānagīh ī dāmān ōh kunišn]
Verse: b    tā ān ka dušnigerāy [ī ahlomōγ] cāšēd rāstīh ī ohrmazd [dēn ī ohrmazd]
Verse: c    ān-it weh dahišn rasēnišn [wahman ō tan ī kasān] kū man ān-iz ī man arāmēnīdār [rāmēnīdar bawād]
Verse: d    ān ī awēšān ōš be dānišn pad wahman [kū cārag ī ahlomōγān pad frārōnīh be dānišn]

Paragraph: 2    Link to avesta Link to yasna
Verse: a    ēdōn ān ī man pad ī ōy [kunišn] wēmārīh mānēnēd [kū dēn wēmār be kunēd ēd kas ō pēš gōwom]
Verse: b    dādwar ī druwand frēftār kē-š az rāstīh rēš [kū ka wizīr ī rāst abar kunēd ā-š rēš bawēd]
Verse: c    kē nē spandarmad ka-š nigēzēnd ō ān ēstēd pad bowandag menišnīh [kū tis bowandag menišnīhā nē kunēd]
Verse: d    ud nē-z dahēd ohrmazd pad ān ī pad wahman frāz hampursagīh [kū-š hampursagīh-iz-ē ī frārōn nē abāyēd]

Paragraph: 3    Link to avesta Link to yasna
Verse: a    ēdōn-iz ō ān ī ōy ohrmazd kāmag be dād ēstēd [ēd kas ō pēš gōwom]
Verse: b    kə pad ahlāyīh sūd dahišn ī dādwar [ā-š mizd dahēnd] kē rēšēnēd pad druz [ā-š pādifrāh kunēd]
Verse: c    ān-im sālārīh kāmag ī pad wahman
Verse: d    andarag ī harwispīn druwandān az hamēšagīh andarag gōwom [kū az dōstīīh ī abāg awēšān judāg bowom]

Paragraph: 4    Link to avesta Link to yasna
Verse: a    awēšān dušxrad hēnd kē-šān xēšm wālīd ēstēd ud arešk-iz [kū-šān andar frāy kard ēstēd]
Verse: b    ān ī xwēš uzwān fšōnēnēnd az ān ī afšōnišn [ī abāz nē abāyēd fšōnēnīdan]
Verse: c    awēšān nē huwaršt kāmag kē dušwarzīdār hēnd [andar warōmandīh pad ēd dārišn]
Verse: d    awēšān dēw dastwar hēnd kē-šān ān ī druwandīh dēn

Paragraph: 5    Link to avesta Link to yasna
Verse: a    ēdōn ōy ī ohrmazd šīrēnīh ud pad carbīh [kū-š mizd dahēnd]
Verse: b    kē ān dēn sālārīh pad wahman [kū ān az dēn paydāg pad frārōnīh kunēd]
Verse: c    pad bowandag menišnīh kadār-iz-ē ahlāyīh xūb šnāsagīh [kū kadār-iz-ē kār ud dādestān šnāsagīhā kunēd]
Verse: d    awēšān harwispīn ēd ī tō xwadāyīh ohrmazd [awēšān kē sālārīh pad frārōnīh kunēd ā-šān pādixšāyīh az tō]

Paragraph: 6    Link to avesta Link to yasna
Verse: a    frāz ō ān ī ašma framāyēn ohrmazd [kār ud dādestān ī ašmā] ašwahišt-iz rāy gōwom [kū-š jādag gōwīh kunom]
Verse: b    ān ī ašmā pad xrad ud ān pad menišn [dēn ī ašmā pad xrad ud menišn be wizīnom]
Verse: c    rāst be wizīnom ēdōn ēn srāyēm
Verse: d    ān ī dēn ī ašmā ohrmazd

Paragraph: 7    Link to avesta Link to yasna
Verse: a    ēdōn-iz ohrmazd ka-m niyōšēd wahman
Verse: b    u-m niyōšēd ašwahišt u-m niyōšēd tō kē ohrmazd hē [kū ān ī gōwom ā-m be niyōšēd]
Verse: c    ā-m kē ērmānīh ud kē xwēšīh dādār ast [kū-m xwēšīh ud ērmānīh kē kunēd]
Verse: d    kē-m ō warzišn weh dahēd frāz wābarīgānīh [kū kard ī tō pad wābarīgāndar dārēd ā-t ān ī xwēš ērmān]

Paragraph: 8    Link to avesta Link to yasna
Verse: a    ō frašōštar urwāzišn ī pad ahlāyīh dahē [kū-š pad kār ud kirbag kardan garmōg be kun]
Verse: b    ud sālārīh ān az tō xwāhēd ohrmazd [dar hamdarzbedīh u-š dahē]
Verse: c    manīgān-iz [hāwištān ī frašōštar] kē pad wehīh ēd ī tō xwadāyīh [be abzāyēnēd]
Verse: d    hame tā ō wisp framānbed hānd [kū frašoštar ud hāwištān ī frašoštar tā tan ī pasēn hamē pādixšāyīh deh]

Paragraph: 9    Link to avesta Link to yasna
Verse: a    ka niyōšēd hammōzišn ān ī fšeh sūd tāšīdār [kū frašōštar ī dēnīg niyōšēd]
Verse: b    nē ān ī rāst gōwišn sālārīh dahēd ō druwandān [kū frašōštar pādixšāyīh ō druwandān nē dahēd]
Verse: c    kē pad dēn pahlom āyōzēd mizd [kū-š mizd dahēnd]
Verse: d    padiš ahlāyīh āyōzišn kārīg ī dastwar jāmāsp [kū-š pad frārōnīh rawišn]

Paragraph: 10    Link to avesta Link to yasna
Verse: a    ēdōn-iz ohrmazd ēd ī tō dām be pāyēnd
Verse: b    wahman ān-iz ī ahlawān ruwān
Verse: c    ān-iz niyāyišnōmand spandarmad abzōnīg [hād niyāyišnōmandīh ēd kū tis be dahēd]
Verse: d    kē menišn ō xwadāyīh wāzēnēd [ī abārōn] frōd murd bawēd [kū-š apagayehe bawēd]

Paragraph: 11    Link to avesta Link to yasna
Verse: a    ēdōn ān ī dušxwadāyīh ī duškunišn ī dušgōwišn
Verse: b    ī duždēn ī dušmenišn ī druwand
Verse: c    ā-š ān ī wattar xwarišn padīrag ī ruwān rawēnd [vīṣ̌āat̰cā dahēnd]
Verse: d    u-š andar druzōdmān [andar dušox] āškārag ast ēstišn [āškārag dēwān ud druzān]

Paragraph: 12    Link to avesta Link to yasna
Verse: a    ciyōn tō ašwahišt xwānom ō ayārīh
Verse: b    kē zardušt hom ud ciyōn tō wahman
Verse: c    ka pad ān ī ašmā stāyīdārīh franāmom ohrmazd
Verse: d    ēdōn xwāhānd ān ī ašmā īšt ī pahlom [kū-m tuwān bawād xwāstan]

Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.