TITUS
Pahlavi Translation of the Avesta: Yasna (Old Avestan)
Part No. 17
Previous part

Chapter: 46    Link to avesta Link to yasna


kammamēz hād bun


Paragraph: 1    Link to avesta Link to yasna
Verse: a    ō kadār zamīg ānārmom [ohrmazd pad hāwišt] ō kē pad niyāyišn rawom [pad tis xwāstan]
Verse: b    ka bē xwēšān ērmānān dād hom [kū-šān be kard hom]
Verse: c    nē man šnāyēnd kē wālanīg-iz [hamsāyag-iz]
Verse: d    nē andar deh kē sāstār ī druwand [deh sālār]
Verse: e    ciyōn tō ohrmazd šnāyēnom

Paragraph: 2    Link to avesta Link to yasna
Verse: a    āgāh hom ān kē hom ohrmazd axwāstār ēn [kū-m ēn atuwānīgīh cē rāy dānom]
Verse: b    man ka kam ramag [kū-m xwāstag kam] ud ka-z kam-mard hom [kū-m gund ud abzār kam ā-z dānom kū cē rāy]
Verse: c    garzom ō tō ān ēn wēn ohrmazd [kū-m cārag xwāh]
Verse: d    rāmišn-im kāmag kē dōst ō ōy dōst dahēd
Verse: e    pad hammōxtišn ī wahman [ka pad frārōnīh hammōxt ēstom] ān ī ahlāyīh īšt [ā-m dahē]

Paragraph: 3    Link to avesta Link to yasna
Verse: a    kay ān dahišn ohrmazd [kū ān zamānag kay rasēd] ka waxšēnīdār ī rōzān [ī frašegird kardār kū andar rōz kār ud kirbag abzāyēnēnd]
Verse: b    andar axwān pad paydāgīh [āškārag] frāz pad ahlāyīh franāmēnd
Verse: c    pad warzišn hammōxtišn ī ān ī sūdōmandān xrad [ēdōn ciyōn az dēn paydāg]
Verse: d    ō kē ān sūd pad wahman rasēd [kū ān mizd ī pad frārōnīh be dahēnd ō kē dahēnd]
Verse: e    man ēd ī tō hammōxtišn dōšom ohrmazd

Paragraph: 4    Link to avesta Link to yasna
Verse: a    ēdōn awēšān kē druwand hēnd ōy ī ahlāyīh warzīdār [kū kār ud kirbag kunēnd] ā-š pāyēnd
Verse: b    gōspand az franāmišn [kū-š az dād ō kasān ōh pādīrānēnd] andar šoyasr ān andar deh ān
Verse: c    ān ī pad dušstahmag ast kū pad ān ī xwēš kunišn frōd murd bawēd [kū-š apagayehe bawēd]
Verse: d    pad ān ī mad ēstēd xwadāyīh ī ohrmazd hamēstārēnišn hēnd [kū az wināh abāz abāyēnd dāštan] ud zanišn hēnd
Verse: e    ōy kē awēšān frāz ō gōspandān hambār xūb frazānagīhādar kunišn [kū-š pahrēz ī gōspandān dānāgīhādar kunišn]

Paragraph: 5    Link to avesta Link to yasna
Verse: a    kē pad ān ī ašmā pādixšayīh [andar ēn gēhān kū ašmā pādixšāyīh] adahišn ast [kū-š tis nē dahišn] ān ī darrīdār āyišn [kē pad rēš kardan āyēd]
Verse: b    wābarīgān pad xūb šnāsagīh ud pad-iz mihr [ān kē wināhgārān pādifrāh kunēnd pad ēd ī tō dārišn kū šnāsag ud mihrbān]
Verse: c    pad rašn zīwēnišn kē ahlaw kē-z druwand [kū harw kas pad dādestānīh dārišn]
Verse: d    wizurd ān ēdōn [kū rōšnag ān mard weh mard] ud ān frāz ō xwēš gōwišn [kū pad xwēš dārišn]
Verse: c    kē ul uzīd ēstēd ān ī ohrmazd az guxrūnīh [az druwandīh]

Paragraph: 6    Link to avesta Link to yasna
Verse: a    kē ān ī mad ēstēd nē ō mard kē pad xwāhišn āyēd [kū pad kār ud kirbag āyēd dahēd]
Verse: b    druz az dām [kū dāmīh ī druz kunēd] az-iš āsahmīhēd [kū-š bīm nimāyīhēd] u-š zanīhēd
Verse: c    cē ān druwand kē ō druwandān pahlomīh
Verse: d    ān ahlaw kē ō ahlawān franāmišn [andar warōmandīh kē ō druwandān tis dahēd pad druwand dārišn kē ō ahlawān dahēd pad ahlaw dārišn]
Verse: e    tā ka dēn fradom dahišn ī ohrmazd [tā ān ka sōšyāns rasēd hamāg pad ēd dārišn]

Paragraph: 7    Link to avesta Link to yasna
Verse: a    kē-t ō man ohrmazd ud mēnōgān [hāwištān ī man] panāg dād
Verse: b    ka man ān ī druwand [ahreman] pad dārišn kēn [kū-m kēn abāg dārēd ā-m pānagīh kē kunēd]
Verse: c    any az tō ātaxš ud wahman [cē ašmā rāy dānom kū-m pānagīh kunēnd]
Verse: d    kē pad awēšān kunišn ahlāyīh parwarēm ohrmazd [kū kār ud kirbag kunom ā-m pānagīh kē kunēd]
Verse: e    ān ī ō man dastwar ī dēn frāz gōwē [ēn gōwēd kū dēn pad dastwar dār]

Paragraph: 8    Link to avesta Link to yasna
Verse: a    kē ān ī man gēhān dahēd ō ōy kēnīg [kū xwāstag pad dastwar ī ahlomōγān bawēd ā-š pādifrāh kunēd]
Verse: b    nē pad ān ī ōy kunišn az ōy asār rēš [kē pad tan ud ruwān rēš kunēd] frāz rānēnīdār hom [kū-m pādifrāh bowandag be kardan nē tuwān]
Verse: c    pad padīrag rasišnīh pad ān ī harw dō [ka tis ī mēnōg ud gētīg nē xūb kunēd] rasēd [ō ōy ī ahlomōγ] pad bēš
Verse: d    ō tanān [mard xwadāy] rasēd [kū-šān pādifrāh kunēd] kē ēn pad huzīwišnīh pānagīh [kū-š ēn dādestān ēdōn kū pānagīh ī dāmān pad frārōnīh kunēd]
Verse: e    nē pad dušzīwišnīh pad kadār-iz-ē [zaman] ohrmazd bēšīdār [ī wattarān]

Paragraph: 9    Link to avesta Link to yasna
Verse: a    kadār ān kē ō man rādīh cāšīd fradom [kū-m fradom hāwištīh kē kunēd]
Verse: b    ka pad ēd ī tō dōšīšn ul uzom
Verse: c    pad kunišn abzōnīg xwadāg ahlaw
Verse: d    ciyōn ō tō ašwahišt [tan pad hāwištīh dād ō man kē dahēd] ud ciyōn ašwahišt ān ī gōspand tāšīdār rāy guft [kū abāyēd dād]
Verse: e    xwāhom ān harw dō tō pad wahman [mizd]

Paragraph: 10    Link to avesta Link to yasna
Verse: a    ō man kē mard ud zan hēnd ohrmazd
Verse: b    ā-šān dahišn andar axwān [pad hāwištīh] pad ēd ī tō āgāhīh ī pahlom [pad dēn ī tō]
Verse: c    pad tarsagāhīh ō ōy ī tarsagāh [zardušt] pad ān ī wahman xwadāyīh [frārōn pādixšāyīh rāy ī-m ast]
Verse: d    kē-z hāzom ō ān ī ašmā niyāyišn [ō dēn ī ašmā]
Verse: e    frāz awēšān harwisp pad cēh widarag franāmēnd [kū-šān zardušt hāwišt hēnd hamāg garōdmānīg hēnd]

Paragraph: 11    Link to avesta Link to yasna
Verse: a    ō xwadāyīh āyōzēnd kē kayag ud karb hēnd [ō xwadāyīh ī abārōn]
Verse: b    pad ān ī wattar kunišn axwān murnjēnēnd mardōmān [kū gāh ī ānōh be murnjēnēnd]
Verse: c    ō ān ī xwēš ruwān xrōsišn dahēnd ān ī xwēš dēn
Verse: d    ka abar rasēnd ō ānōh pad cēh widarag [xrōsišn ud ōšišn dahēnd]
Verse: e    u-šān hamē tā ō wisp [tā ō tan ī pasēn] andar druzōdmān ēstišn ast

Paragraph: 12    Link to avesta Link to yasna
Verse: a    ka ul ahlāyīh az nāfān naftan
Verse: b    ī tūrān uzīhēd pad friyānān ān guft [kū-š ānōh padīrišn bawēd]
Verse: c    pad bowandag menišnīh gēhān frāy dahēnd pad tuxšāgīh
Verse: d    ēdōn awēšān ham pad wahman mānēnd [pad frārōnīh]
Verse: e    awēšān ān ī ohrmazd rāmēnīdārīh gōwēnd [ān tis gōwēnd ī-š rāmēnīdārīh aziš bawēd]

Paragraph: 13    Link to avesta Link to yasna
Verse: a    kē ō ōy spitāmān zardušt rād bawišn
Verse: b    u-š andar mardōmān šnāyēnīd ān mard pad frāz srāyišn dahišnīh [ka-š be husrawēnēnd] frārōn
Verse: c    ēdōn ō ōy ohrmazd axwān dahēd [gāh ī ānōh]
Verse: d    ān ī ōy gēhān pad wahman frāy dahēd [kū be abzāyēnēnd]
Verse: e    ōy [wištāsp] pad ān ī ašmā ahlāyīh hamēšag menom xūb hambrādag [kū frārōnīh dōst]

Paragraph: 14    Link to avesta Link to yasna
Verse: a    zardušt kē tō ahlaw dōst
Verse: b    pad ēd meh magīh [pad ēd abēzag wehīh] u-t ō kē frāz srāyišn dahišnīh kāmag [kū-t dēn ō kē abāyēd ka gōwē]
Verse: c    ēdōn ōy kay-wištāsp ī kārīg
Verse: d    ī ka stāyed ohrmazd hamdamān-iz wardēnēd [kū hamdūdagān-iz bē ō dēn ānayēd]
Verse: e    awēšān xwānom ō ān ī wahman saxwan [kē az spitāmān hēnd ā-šān bē ō ēn dēn hāzom]

Paragraph: 15    Link to avesta Link to yasna
Verse: a    haēcat̰ aspąnēd gōwišn-tān ašmā kē spitāmān [hēd]
Verse: b    u-tān dahišn be wizinišn ud kē-z adahišnīh [kū-tān tis frārōn az ān abārōn be wizīnišn]
Verse: c    pad awēšān kunišn ī ašmā ahlāyīh ō ašmā dahīhēd [mizd]
Verse: d    kē-š dād was ohrmazd [ān mizd]

Paragraph: 16    Link to avesta Link to yasna
Verse: a    frašōštar ānōh tō ō rādīh rawišn [kū-t rādīh andar garōdmān kunišn]
Verse: b    kē az hwōwān hē ud kē pad awēšān hunsandīh [kū-š ān mizd abāyēd] ā-š pad nēkīh ēstišn [kū-š ānōh nēkīh bawēd]
Verse: c    ānōh kū ašwahišt abāg bowandag menišnīh
Verse: d    ānōh kū wahman xwāst ēstēd xwadāyīh
Verse: e    ānōh kū ohrmazd pad kāmag andar daman mānēd

Paragraph: 17    Link to avesta Link to yasna
Verse: a    ēdōn ān ī ašmā paymān gōwišn [kū dēn ī ašmā gōwišn]
Verse: b    nē apaymānīgīh dastwar jāmāsp hwōwān [kū ān ī az dēn paydāg nē gōwēd]
Verse: c    pad ast dahišnīh ō ān ī ašmā niyāyišn rawēd pad srōš rād dahišnīh [ay ast dahišnīh ēd dēn ī ašmā gōwēd ud tan-iz rādēnēd ō hērbedestān]
Verse: d    be wizīnēd kē dahišn kē-z adahišnīh [ud ō ōy dahēd kē abāyēd dādan]
Verse: e    dānāg paymān pad rāstīh ohrmazd [ēd kū pad dēn ī ohrmazd āgāh]

Paragraph: 18    Link to avesta Link to yasna
Verse: a    kē ō man gyān [kū hāwištīh ī man kunēd] ōy pad-iz tan pahlom [kū-š pad gētīg tis ēn pahlom]
Verse: b    kē ō man īšt [kū-m xwāstag dahēd] ā-š wahman cāšēd [kū-š mizd dahēd]
Verse: c    anāstīh ō ōy kē ō amā anāstīh dahēd
Verse: d    ohrmazd ud ašwahišt pad kāmag ašmā šnāyēnom
Verse: e    ān man pad xrad pad-iz menišn be wizīnom [dēn]

Paragraph: 19    Link to avesta Link to yasna
Verse: a    kē ān ī man ahlāyīh āškārag az ān warzēd
Verse: b    ī ō zardušt [nimūd ēstēd] kē-š kāmag frāzdom [kū-š abāyist wēš kū kardan]
Verse: c    ān ī pad mizd arzānīg bawēd andar harw dō axwān
Verse: d    kē ō man winded [kū-m tis dahēd] ā-š abāg bawēd pad harwisp [zaman] gāw ī az
Verse: e    ān-iz man hunsandīh ka ēd ī tō ohrmazd āgāh hom [dēn ī tō]


Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.