TITUS
Pahlavi Translation of the Avesta: Yasna (Old Avestan)
Part No. 16
Previous part

Chapter: 44    Link to avesta Link to yasna


tat tbāipers hād bun


Paragraph: 1    Link to avesta Link to yasna
Verse: a    ān ī az tō pursēm rāst ō man gōwē ohrmazd [ēd kū man rāst pursēm. ast kē ēdōn gōwēd kū awestwār-it sahom. ast kē ohrmazd rāst gōwēd. ast kē rāst passox-iš pursīd gōwēd. ast kē ēdōn gōwēd ay pad-im gyāg be gōwē]
Verse: b    niyāyišn ān kē ēdōn niyāyišn ašmā [dēn]
Verse: c    ohrmazd dōst-im dahēd [hāwišt] tō hāwand hunsandīh hād pad amāwandīh [kū-m hunsandīh pad ān zaman ka pad kardārīh cand tuwān hāwand ī tō būd ēstom]
Verse: d    ēdōn amā pad ahlāyīh ā-t dōst dahēm ī hamkardār [kū-t pad frārōnīh hāwišt dahēm]
Verse: e    ēdōn ō ān ī amā pad wahman rasīhēd

Paragraph: 2    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kadār andar axwān pahlomīh fradom [kū fradom tis-ē ōh xwāhēnd ce pahlom]
Verse: c    kē pad xwāhišn sūd dahišn [ka ōh xwāhēnd sūd dahēd] kē pad ān ī harw dō nōg nōg xwāhēd [abestāg zand]
Verse: d    cē ān [ast kū ka] pad ahlāyīh [dārēnd pad frārōnīh] abzāyēnād ōy-iz ī+rixtag [wināh kardār] pad harwisp [zaman]
Verse: e    sālār pad mēnōgīh pad harw dō axwān [dēn] dōstīh ohrmazd [yazišn dahišn]

Paragraph: 3    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē zahag [ān ī ašwahišt zahag kē u-š kē] pid ī ahlāyīhh fradom [kū-š fradom parwardārīh kē kard]
Verse: c    kē xwaršēd ud star dād rāh [kū rāh ī awēšān kē dād]
Verse: d    az kē māh waxšēd ud nirfsēd ī tō [kū-š abzāyišn ud kāhišn az kē]
Verse: e    ān-iz-im ohrmazd kāmag ān-iz ī any āgāh dahišnīh [kū be dānom]

Paragraph: 4    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē dārēd zamīg pad adārišnīh [kū dāštar-ē ī gētīg nēst]
Verse: c    abe ōftišn [ay ēn dānom kū be nē oftēd] kē āb ud urwar [dahēd]
Verse: d    az kē ka wād ud abr āyōzēnd tēz [ō xwēškārīh]
Verse: e    kē ohrmazd wahman dām [kū dām ī kē]

Paragraph: 5    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē pad huayābagīh rōšnīh dād ud kē tārīgīh
Verse: c    kē pad huayābagīh xwāb dād ud zēnāwandīh [tuxšagīh]
Verse: d    kē ōš rapihwin šab [ušahin rapihwin ud zamānag ī šab kē dād]
Verse: e    kē paymān ī ōy ī āmār wizārdār pad dādestān [kū ān zamānag ka sōšyāns rasēd kē dād]

Verse: 6    ān ī az tō pursēm rāst ō man gōwē ohrmazd
Verse: b    ān ī harw dō frāz gōwē [tis ī ahlawān ud druwandān] agar ēdōn ān āškārag [rōšnag kū tan ī pasēn bawēd. ast ciyōn rōšnag gōwēd]
Verse: c    kē-š ahlāyīh pad kunišn ā-š ān ī stabr bowandag menišnīh [bawēd]
Verse: d    kē ō tō xwadāyīh ā-š wahman cāšēd [mizd]
Verse: e    ō kē gāw ī az rādīh kardār tāšīd

Paragraph: 7    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē ārzōg tāšīd [abāyēd ō kār ud kirbag] xwadāyīh abāg bowandag menišnīh
Verse: c    kē dōstīh kard ka windēnēd pusar pid [kū-š pahrēz kunēd]
Verse: d    az awēšān az tō was ayārīh menom ohrmazd [awēšān dāmān]
Verse: e    abzōnīg mēnōg kē harwispīn dādār hē [nēkīh]

Paragraph: 8    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    ān ī 5 dahišn [ā-m be gōwē] kē tō ohrmazd ān nigēzišnīh [kū tan ī pasēn pad ān rāh šāyēd kardan]
Verse: c    kē-z pad wahman saxwan frāz hampursagīh [kū dēn rawāg kay bawēd]
Verse: d    kē-z pad ahlāyīh andar axwān bowandag āgāhīh [tis ī ahlawān ud druwandān]
Verse: e    ciyōn ēn ī man ruwān ān ī weh urwāhmanīh rasēd pad ān harw dō [ka tis ī mēnōg ud gētīg xūb kunom]

Paragraph: 9    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    ciyōn ēn ī man dēn yōždahr [abēzag] yōždāhrēnom [kū dēn ciyōn rawāg kunom]
Verse: c    kē ān ī hudānāg nōg nōg hammōxtēd pad pādixšāyīh [kē dēn ēn nōg nōg tis ī frārōn ōh hammōxtēd]
Verse: d    rāst pad xwadāyīh tō hāwand ān ī pad tēzīh ī ohrmazd [pad dēn ī ohrmazd kē pādixšāyīh ī-š ast rāstīhā dārēd]
Verse: e    padiš hamdamanīh ašwahišt ud wahman mānēd [pad hamēgīh]

Paragraph: 10    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    ān dēn ī az astān pahlom [ā-m be gōwē]
Verse: c    kē ān ī man gēhān pad ahlāyīh frādahišnīh abāgēnēd [kē dēn ēn xwāstag az frārōnīh kunēd]
Verse: d    ud pad bowandag menišnīh saxwan ud kunišn rāst dahēd [kū tis bowandag menišnīhā gōwēd kunēnd]
Verse: e    kē ān ī man frazānagīh [kū frazām ī tis pad frārōnīh dānēd] ā-š ēd ī tō īšt [bar] [kū ān mizd ī ō tō dahēnd ō-z ōy dahēnd] hunsand hom ohrmazd [ka man kam nē dahēnd]

Paragraph: 11    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kay ō awēšān ān be rasēd bowandag menišnīh [kū hāwištān ī man bowandag menišnīh bawēd]
Verse: c    kē awēšān ohrmazd ēd ī tō dēn gōwēnd
Verse: d    ō man tō az awēšān fradom frāz niwēyēnišnīh dahē [kū-m az amahraspandān fradom nēkīh tō dah]
Verse: e    az harwispīn ān ī any mēnōg pāsbānēnom ī bēšīdār [kū az gannāg mēnōg ud dēwān judāg bawom]

Paragraph: 12    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kadār ahlaw kē hampursēd ud kadār druwand
Verse: c    kadār ān ī gannāg ān ān ī gannāg
Verse: d    kē man druwand pad ēd ī tō sūd petyārēnēd [pad ēd ī tō dēn]
Verse: e    az cē ka xwad awēšān pad āyišn nē gannāg menom [kū cē rāy awēšān wēnom ā-šān pad dēw nē šnāsēm]

Paragraph: 13    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kay druz be nayēd az ān pad be nayišnīh [drūz ī sāstārīh]
Verse: c    awēšān ēdōn kē pad aniyōšīdārīh pahikārēnd [pad akard hērbedestānīh]
Verse: d    nē ahlāyīh ka-šān nē nigēzēnd abāgēnēnd [kū tis ī frārōn ka-šān gōwēnd ā-z nē kunēnd]
Verse: e    u-šān nē frāz hampursgīh kāmag ī pad wahman [kū-šān hampursagīh-iz frārōn nē abāyēd]

Paragraph: 14    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kay ka ōy kē ahlāyīh kard ēstēd ā-š ō dast dahīhēd druz [druz ī ahlomōγīh]
Verse: c    kē bē ēn murnjēnēnd kē ēd ī tō mānsar hammōzēnd [dēn burdārān be murnjēnēnd]
Verse: d    amāwandīh wisānišn dahēnd ī ōy [ī gund] ī druwand [gannāg mēnōg]
Verse: e    ān ī awēšān frēft bawēnd ohrmazd [pas dānēnd kū frēft ēstēm] kē anāyišn hēnd [kū bē ō ēn dēn nē āyēnd] anāstgar [kū gōwišn ī kasān agār kunēnd]

Paragraph: 15    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    ka pad ān ī ōy [zaman] az ahlāyīh abāgīh [pad paydāgīh] padixšāyīh dahē [kū-t andar ān zaman pādixšāyīh bowandag bawēd]
Verse: c    ka ān ī spāh 3 ān (?) rasēd [kū ruwān abāz ō tan dahēnd]
Verse: d    awēšān wābarīgānīh kē tō ohrmazd pad nigēzišn nigēzīhēd [kū dēn rawāgīh bowandag bawēd andar ān zaman]
Verse: e    kē az awēšān [pādifrāh kunīhēd] ud ō kē wehīh dahīhēd [pādixšāyīh]

Paragraph: 16    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē pad pērōzgarīh ī-š ast zadār [ī wināhgārān] pad ēd ī tō pānag hammōxtišnīh [kū pad dēn ī tō pādifrāh ī wināhgārān kē kunēd]
Verse: c    pad paydāgīh ō man dahišn ī dāmān andar harw dō axwān radīh cāšišnīh [rōšnag kū ēdar ud ānōh-iz pad dastwar dārišn hom]
Verse: d    ēdōn az weh srōš [wištāsp] ā-š rasišn pad wahman [kū pad wahman bē ō dēn āyēd]
Verse: e    ohrmazd ān-im ōy kāmag [kū-m rasišn ī sōšyāns abāyēd] kē ān ī ōy kāmag kadār-iz-ē [kū harw kas ōh abāyēd]

Paragraph: 17    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kay ohrmazd zaman kardārīh ī ašmā [kū zaman ī tan ī pasēn kay bawēd]
Verse: c    ān kardārīh ī ašmā [kū kār ud dādestān ī ašmā kay bowandag kunēnd] kē-z ān ī man gōwišn hēnd xwāstār [kū dēn rawāgīh bowandag kay bawēd]
Verse: d    sālār bawišnīh abar hordād ud amurdād
Verse: e    ēdōn pad mānsar [kū mizd ēdōn dahēnd ciyōn az mānsar paydāg] kē bahr az ahlāyīh-abāgīh

Paragraph: 18    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    ciyōn rāstīhā pad ān mizd arzānīh bawom [kū-m afrēftārīhā xwēš bawēd]
Verse: c    10 asp ī gušn ud uštar
Verse: d    ka az ohrmazd andar dānom hordād
Verse: e    amurdād ēdōn ān harw dō tō dād

Paragraph: 19    Link to avesta Link to yasna
Verse: a    ān ī az tō pursēm rāst ō man gōwē ohrmazd
Verse: b    kē ān ī mad ēstēd mizd ō ōy ī arzānīgīh [zardušt] nē dahēd
Verse: c    kē ast kū ō ōy ī rāst mard dahēd [ī weh mard]
Verse: d    kadār ōy pad ān wināhišn ast fradom [kū-š pad ān wināhgārīh pādifrāh fradom cē]
Verse: e    āgāh hom ān kē ōy ast abdom [tis ī druwandīh]

Paragraph: 20    Link to avesta Link to yasna
Verse: a    ciyōn hagriz ohrmazd dēw huxwadāy būd hēnd
Verse: b    ēdōn ēn pursēm kū awēšān kē pāyēnd [kū mardōmān az kār ud kirbag kardan ōh pādīrānēnēnd] awēšān kē hēnd [kayagān ud karbān]
Verse: c    kē gōspand [gōwēnd kū] karb ud usixš ud xēšmenān-iz dād [dēwān]
Verse: d    kē-z kayag stō ud rānagīh dādār [kū az tis ī abārōn stō nē bawēd ā-z ī gōwēd kū-šān dād]
Verse: e    ān-mān nē-z pad-iz mizd ān ī ahlāyīh kār frāz dahēnd [kū ka-šān mizd dahēnd ā-z tis ī frārōn nē kunēnd]



hā 45
āt frawašag hād bun


Paragraph: 1    Link to avesta Link to yasna
Verse: a    ēdōn frāz gōwišn [dēn] ud nūn niyōšišn dahišn ud nūn ašnawišn [kū gōš andar dārišn ud warm be kunišn ud ōh gōwišn]
Verse: b    ud kē-z az nazdīk ud kē-z az dūr xwāhēd [ō hērbedestān kardan aziš ēdōn kunišn]
Verse: c    cē nūn ēn harwisp paydāg kū ohrmazd dād [kū ēn dām hamāg ohrmazd dād]
Verse: d    kū nē pad ān dudīgardar-zamān [pad tan ī pasēn] ōy ī dušīh hammōxtār [gannāg mēnōg] axwān murnjenād
Verse: e    ān-iš wattar kāmag ud ān-iš druwandīh pad uzwān wurrōyēnēd [gannāg mēnōg]

Paragraph: 2    Link to avesta Link to yasna
Verse: a    ēdōn frāz gōwom andar axwān mēnōgīgīh fradom [gāhānīgīh]
Verse: b    kē pad awēšān abzōnīgīh ā-š ēdōn guft ō ōy+gannāg
Verse: c    kū nē amā menišn [man nē ān tis ī tō menē tis cē man ān ī frārōn tis ī tō ān ī abārōn menē] ud nē hammōxtišn [cē man ān ī frārōn hammōzom tō ān ī abārōn hammōzē] nē xrad [cē man xrad pad frārōnīh dārom tō pad abārōnīh]
Verse: d    nē kāmag [cē man kāmag pad frārōnīh dārom ud tō pad abārōnīh] nē saxwan [cē man saxwan ān ī pad frārōnīh gōwom ud tō pad abārōnīh gōwē] nē kunišn [cē man kunišn frārōn tō abārōn]
Verse: e    nē dēn [cē man dēn gāhānīgīh ud tō jādūgīh] ud nē ruwān ā-šān pad āgenēn [ān kē abar dēn ī man ēstēd ān kē abar dēn ī tō ēstēd ā-šān ruwān nē pad ēwag gyāg]

Paragraph: 3    Link to avesta Link to yasna
Verse: a    ēdōn frāz gōwom andar axwān ān ī ōy [ohrmazd xwēš] ī fradom [xēm wirāstan kū harw kas fradom xēm be abāyēd wirāstan]
Verse: b    kē-š ō man āgāhīhā guft ohrmazd
Verse: c    kū az ašmā kē ēn mānsar nē ēdōn warzēnd
Verse: d    ciyōn ēn menišn ud gōwišn
Verse: e    pad-išān [awēšān] andar axwān anāg ast tā ō ān ī abdom

Paragraph: 4    Link to avesta Link to yasna
Verse: a    ēdōn frāz gōwom andar axwān ān ī ōy [ī ohrmazd xwēš] pahlom [xwēdōdah kardan]
Verse: b    az ahlāyīh abāgīh ohrmazd āgāh kē ēn dād [xwēdōdah kardan]
Verse: c    u-š pad pidarīh ī wahman warzīd [kū-š frārōn parwardārīh ī dāmān rāy xwēdōdah kard]
Verse: d    ēdōn ān ī duxt ī hukunišn ī bowandag menišn [spandarmad kū az xwēdōdah kardan abāz nē ēstād]
Verse: e    nē frēft [kū az xwēdōdah kardan abāz nē ēstād] cē harwisp nigerīdār pad ān ī ohrmazs [kū pad dēn ī ohrmmazd hamāg kār ud dādestān ōh bawēd]

Paragraph: 5    Link to avesta Link to yasna
Verse: a    ēdōn frāz gōwišn kē-š ō man guft ōy ī abzōnīgdom [dastwar dāštan]
Verse: b    gōwišn srāyišn dahišnīh kē mardōmān pahlom [kū mardōmān tis-ē ēn weh ka abar dēn ēstēnd]
Verse: c    kē ō ōy man stōš [ō ōy ī man] dastwar dahēd [tan ī xwēš] cāšēd [ō kasān kū be dahēd]
Verse: d    abar rasēd ō hordād ud amurdād [pad mizd stadan]
Verse: e    ān ī wahman kunišn ō ohrmazd [ā-z rasēd pad mizd stadan]

Paragraph: 6    Link to avesta Link to yasna
Verse: a    ēdōn frāz gōwom ān ī az harwispīn mahist [yazišn ī yazadān kardan]
Verse: b    stāyišn ī ahlāyīh ōy ī hudānāg [ohrmazd xwēš] kē hēnd
Verse: c    spenāg mēnōg niyōšē-m ohrmazd [kū ān ī gōwānd ham niyōš]
Verse: d    kē ān ī ōy ud niyāyišn pad wahman frāz hampursagīh [kū jādag gōwīh ī yazadān pad frārōn hampursagīh be šāyēd dānistan]
Verse: e    ān ī ōy xrad frāz ō man hammōz pahlom [āsn xrad]

Paragraph: 7    Link to avesta Link to yasna
Verse: a    ān ī ōy sūd xwāhom pad rād dahišnīh [ka rādīh kunom]
Verse: b    kē hagriz az zīndagān kē būd hēnd ud kē-z bawēnd [az bowandagdar ō xwēš kunom]
Verse: c    amarg rawišnīh ān ī ahlawān ō ruwān xwāstār [ka pad tan ī pasēn abāz nē abāyēd kuštan]
Verse: d    tuxšišn ka mard widang ī druwand
Verse: e    ēdōn-iz ohrmazd dāmān ī xwadāy

Paragraph: 8    Link to avesta Link to yasna
Verse: a    ān ī ōy stāyišn ud niyāyišn ān ī amā be warzišn
Verse: b    cē nūn ēn pad cašm be paydāg [kū nēkīh hamāg az ohrmazd]
Verse: c    kē pad wahman kunišn ud gōwišn
Verse: d    āgāh bawēd pad rāstīh ī ohrmazd [pad dēn ī ohrmazd]
Verse: e    ēdōn ān ī ōy niyāyišn ka andar garōdmān ā-š be dahēnd

Paragraph: 9    Link to avesta Link to yasna
Verse: a    ān ī ōy amā pad abāgīh ī wahman cegām-iz-ē šnāyišn [kū pad rāmišn be kunišn]
Verse: b    kē-š ō amā pad hunsandīh kard āsānīh ōy-iz ī anāsān [kū ōy-iz ī druwand āsānīh and cand-iš ast az ohrmazd]
Verse: c    pad ān ī ohrmazd xwadāyīh warzīdār ō amā dahē ohrmazd [hamēšag kār]
Verse: d    pad pah ud wīr kē-mān [pah ud wīr pānagīh kardan] ud amāgān-iz kē frādahišn hēm [kū tis be abzāyēnēm]
Verse: e    pad ān ī wahman tarsagāhīh [frārōn tarsagāhīh rāy-ī-m ast] huzandīh ī pad wahman [ā-mān dahē]

Paragraph: 10    Link to avesta Link to yasna
Verse: a    ān ī ōy yazišn amā pad bowandag menišnīh hamēšag mehēnišn
Verse: b    kē pad any nāmīh srūd ēstēd xwadāy ī dānāg
Verse: c    kē ō ōy ašwahišt ud wahman cāšēd [kū-š guft]
Verse: d    šahrewar ō ōy hordād ud amurdād
Verse: e    ud ōy ēstēd [spandarmad pad duxtarīh] kē dahēd tuxšišn ud tuwanīgīh [zōr ī pattūgīh]

Paragraph: 11    Link to avesta Link to yasna
Verse: a    mad-šān dēwān ud pas mardōmān
Verse: b    tarmenišnīh kē-šān ēn tarmenēd [ēn dām]
Verse: c    any az ēn kē ēn bowandag menēd [ēn dēn]
Verse: d    sūdōmandān dastwar ped [xwadāy] ān ī abzōnīg dēn
Verse: e    dōst ud brād ud pid ohrmazd


Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.