TITUS
Pahlavi Translation of the Avesta: Yasna (Old Avestan)
Part No. 15
Previous part

Chapter: 43    Link to avesta Link to yasna


uštawait gāh bun

niyāyišn ō ašmā gāhān ī ahlaw


Paragraph: 1    Link to avesta Link to yasna
Verse: a    nēk ōy kē az ī ōy nēkīh kadār-iz-ē [kū kadār-iz-ē mardōm az nēkīh ī ōy nēkīh. ast kē ēdōn gōwēd ay nēkīh-aš az ēn dēn ud az dēn harw kas nēkīh]
Verse: b    u-š pad kāmag pādixšāyīh dahēd ohrmazd [pad abāyist ī ōy]
Verse: c    tuxšišn ud tuwānīgīh [zōr ud pattūgīh] ā-m pad rasišn az tō kāmag
Verse: d    ān ī ahlāyīh dārišn dahišn [ān-im ī pad ahlāyīh dārišn be dahēnd] ān ō man dahād spandarmad
Verse: e    ān ī rāyōmand ī tarsagāh [hāwišt] wahman gyān [kū-m apagayehe ma bawād]

Paragraph: 2    Link to avesta Link to yasna
Verse: a    ēdōn-iz ān ī az harwispān pahlom
Verse: b    ō ōy ī xwārīhōmand mard xwārīh dahišn [mizd]
Verse: c    tō paydāgēn [kū tō gōw kū xwārīhōmand mard kē cē-š pad tō paydāgīh] abzōnīg mēnōg ohrmazd [kū tō dānē kū xwārīhōmand mard kē]
Verse: d    kē dahēd rāst pad ān ī wahman paymān
Verse: e    padiš hamāg rōz pad dagr zīwišnīh urwāhmanīh dahišn

Paragraph: 3    Link to avesta Link to yasna
Verse: a    ēdōn ō ōy weh mard wehīh abar rasēnišn [mizd]
Verse: b    kē ān ī amā abēsag sūdōmand rāh hammōzēd [ō kasān]
Verse: c    andar ēn axwān ī astōmandān ud kē-z mēnōgān [andar 77 sāl]
Verse: d    ka āskārag ān stī [kū rōšnag kū tan ī pasēn bawēd] andar ān mēnēd ohrmazd
Verse: e    ī rād ī xūb šnāsag tō hāwand abzōnīg ohrmazd

Paragraph: 4    Link to avesta Link to yasna
Verse: a    ēdōn tō rāy menīd hē tagīg abzōnīg ohrmazd
Verse: b    ka ān ī harw dō pad tuwān tō xwad ayārēd [kū tis ī mēnōg ud gētīg tō be abzāyēnēd]
Verse: c    kē dahēd rāst druwandān ud ahlawān-iz [kū bōxt ud ēraxt paydāg kunēd]
Verse: d    ēd ī tō ātaxš ī garm ka-š ān kē pad ahlāyīh ōz [kū-š war sālār ān ī nēk]
Verse: e    ka ō man ān ī pad wahman stahmag rasēd [sōšyāns]

Paragraph: 5    Link to avesta Link to yasna
Verse: a    abzōnīg-im ēdōn tō menīd hē ohrmazd
Verse: b    ka-m ān ī tō zahag andar axwān dīd fradom
Verse: c    ka-t dād ō kunišngarān mizd ud kē-z pad saxwan
Verse: d    zamišn ō zadār [u-t dād] ān ī weh tarsagāhīh ō ōy ī weh
Verse: e    pad ēd ī tō hunar dām abdom-iz warded

Paragraph: 6    Link to avesta Link to yasna
Verse: a    pad tō abzōnīg mēnōg wardišn rasēd [az wattarīh ō wehīh]
Verse: b    pad ān ī ohrmazd xwadāyīh andar ān ī wahman
Verse: c    kē pad ān ī ōy kunišn gēhān ahlāyīh frādahišnīh
Verse: d    awēšān kē rād hammōzēd pad bowandag menišnīh [sōšyāns]
Verse: e    kē ēd ī tō xrad padiš nē pad tis be frēbīhēd

Paragraph: 7    Link to avesta Link to yasna
Verse: a    abzōnīg-im ēdōn tō menīd hē ohrmazd
Verse: b    ka ō man wahman be mad
Verse: c    pursīd-iz-iš az man kū kē hē ud az kēān hē
Verse: d    ciyōn ān ī rōz daxšag [rōz] ī frāz hambursagīh nimūd ēstēd [kū daxšag ciyōn kunom]
Verse: e    ī abar ēd ī tō gēhān tan rāy [nimūd ēstēd]


Paragraph: 8    Link to avesta Link to yasna
Verse: a    ēdōn-iš ō ōy guft kū zardušt hom fradom
Verse: b    āškārag-bēšīdār [kū wattarān āškārag ōh bēšēm] ud cand xwāstār hom [kēnēnom] ōy ī druwand [gannāg mēnōg]
Verse: c    ēdōn ōy ī ahlaw az ōy ī ōzōmand ast kū-š rāmēnom [kū-š pad nēkīh frāz ō xwadāyīh barom]
Verse: d    ka ān bawēd nēkīh [kū tan ī pasen bawēd] pad kāmag xwadāyīh dahīhēd [kū pādixšāyīh pad+abāyist ōh dahīhēd]
Verse: e    ēdōn tō ohrmazd stāyišn hē ud xwēšēnišn hē [kū pad xwēš dārišn hē būd kē ō xwēš kunišn guft]

Paragraph: 9    Link to avesta Link to yasna
Verse: a    abzōnīg-im ēdōn tō mēnīd hē ohrmazd
Verse: b    ka ō man wahman be mad
Verse: c    ōy [ī ohrmazd] pursīd kū ān-it kē āgāh dahišnīh kāmag [kū-t pahrēz kē abāyēd ka dānē]
Verse: d    ēdōn ō ēd ī tō ātaxš rād hom pad niyāyišn
Verse: e    ahlāyīh cand man xwāstār hom menom

Paragraph: 10    Link to avesta Link to yasna
Verse: a    ēdōn tō ō man dahē ahlāyīh ka-t+az pad xwānišn xwānom
Verse: b    pad bowandag menišnīh abāgīh ka ān ī ōy ī any bowandag [ō xwēš kunēd kū ka ān-iz pad dād rāh ēdōn ō xwēš šāyēd kardan ka hērbedestān bowandag menišnīhā kard būd kē hammōxtišn guft]
Verse: c    pursē-z az amā kē tō pad ān pursišn [ī dēn]
Verse: d    cē pursišn tō kē-t ēdōn pad ān amāwandīh [pad ān pursišn]
Verse: e    ka ō tō pādixšāy [ohrmazd] pad xwāhišn dahēd amāwandīh [kū ka dēn gōwē ā-t amāwandīh bawēd]

Paragraph: 11    Link to avesta Link to yasna
Verse: a    abzōnīg-im ēdōn tō menīd ohrmazd
Verse: b    ka ō man wahman be mad
Verse: c    ka ašmā saxwan pad nigēzišn nigēzīhēd fradom [dēn]
Verse: d    widang-tān ō man guft andar mardōmān rawāg dahišnīh [kū-tān ēd guft kū dēn rawāg kardan dušxwār]
Verse: c    ēdōn warzišn dahom kū-tān ō man guft pahlom [pas-iz ōh kunom]

Paragraph: 12    Link to avesta Link to yasna
Verse: a    kē-z-tān ō man guft kū-t ō ahlāyīh rasišn was
Verse: b    ēdōn tō nē az ān ī man aniyōšīdārīh abar guft [nē aniyōšīdārīh man rāy būd ka-tān ēd guft kū ō nūn dādan nē šāyēd]
Verse: c    ul uzišnīh pēš az ān tā ka ō man ān rasēd
Verse: d    srōš ahlāy [wištāsp] kē-š ān meh rad abāg [zardušt]
Verse: e    kē bē rāst ō pahikārdārān sūd dahēd [ān wištāsp]

Paragraph: 13    Link to avesta Link to yasna
Verse: a    abzōnīg-im ēdōn tō menīd hē ohrmazd
Verse: b    ka ō man wahman be mad
Verse: c    ān ī ōy dādestān niwēyēnīdār kāmag [kē dādestān ō kasān niwēyēnēd] ān ō man dahēd [mizd]
Verse: d    pad dagr rasišnīh ī gyān [pad tan ī pasēn] kē ō ēd ī ašmā nē kas pad nigēzišn raft
Verse: e    pad kāmag ēstēd u-š ēd ī tō xwadāyīh guft [kū ēdōn ciyōn man ēstād kas nē ēstād]

Paragraph: 14    Link to avesta Link to yasna
Verse: a    kā ō mard dōst ī āgāh dahišn sūd dahēd [kū sūd kunēd]
Verse: b    ō man ohrmazd ēd ī tō rāmēnīdārīh was [ā-m dahē]
Verse: c    kē ō tō šahrewar az ahlāyīh abāgīh framūd
Verse: d    kū ul uz raw ō sālār ī dānāg [dastwar] guftār [ī dēn] [kū zardušt be dah]
Verse: e    abāg harwispīn awēšān kē ēd ī tō mānsar ōšmurēnd [abāg dēn burdārān]

Paragraph: 15    Link to avesta Link to yasna
Verse: a    abzōnīg-im ēdōn tō menīd hē ohrmazd
Verse: b    kā ō man wahman be mad
Verse: c    daxšag pad ōš ōy tušt mard [kē nūn abāg wattarān tušt abāyēd būdan] menišnīg waxšišn [kū zūd zūd ayād kunišn kū tā-m pad daxšāg ēstād pas ka tis šāyēd kardan kunēd]
Verse: d    ma mard was druwandān hād cegām-iz-ē šnāyēnīdār [ēd kū pad rāmišn nē abāyēnd kardan]
Verse: e    kē ēdōn tō harwispīn ahlawān pad gannāg dārēnd [kū-tān pad cēr dārēnd]

Paragraph: 16    Link to avesta Link to yasna
Verse: a    ēdōn ān ī ohrmazd mēnōg kē zardušt hom
Verse: b    dōšom [kū wahman pad astīgīh be dōšom] ohrmazd kē-š mad ēstēd cegām-iz-ē abzōnīgīh [dānāgīh]
Verse: c    kē tanōmandān ud gyānōmandān ahlāyīh ast kū ōzōmandīhādar [dōšom]
Verse: d    padiš xwaršēd paydāgīh [mizd dahīhēd] kē xwadāyīh ī-š ast pad bowandag menišnīh
Verse: e    kē ahlāyīh pad kunišn ā-š wahman be dahēd [mizd]

Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.