TITUS
Pahlavi Translation of the Avesta: Yasna (Old Avestan)
Part No. 14
Previous part

Chapter: 41    Link to avesta Link to yasna


yast haftom hād bun


Verse: 1    stāyišn ud gīrišn ud niyāyišn ō ohrmazd-iz ud ašwahišt-iz dahom [xwad] cāšom [ō kasān] ān-iz niwēyōm [pad guft]
Verse: 2    ān ī weh xwadāyīh ī tō ohrmazd be ayābēnēnd hamē tā ō wisp ān ī huxwadāy tō ō amā kē nar ud nārīg hēm ā-t pādixšāyēnēd andar harw dō axwān astān hudāgdom
Verse: 3    ka huframānīh ī tō [kū pad framān ī tō barē] ud abzōn [kū tis ī tō abzāyēnd] u-t yazišn az ahlāyīh abāgīh dahānd [kū-t az ašwahišt hammis ōh yazānd] ēdōn az tō amā tan ud gyān hād [kū-mān apagayehe ma bawād] andar harw dō axwān astān hudāgdom [dahē] wacasr bišāmrūdīg gōwišn.
Verse: 4    arzānīgēnē-m [pad mizd pādāšn] u-m zēnāwandēnē ohrmazd tō pad rāmēnīdārīh pad dagr-rasišnīh [pad tan ī pasēn] xwāstār pad ēd ī tō [pad dēn ī tō] amāwand bawānd. ramēnīdārīh ī tō ō amā pad dagr-rasišnīh ī gyān astān hudāgdom [ā-mān dahē]
Verse: 5    ka ō ēd ī tō stāyīdārīh ud mānsarīgān ohrmazd abar rasānd hunsand hānd ud padīrānd [kū be padīrānd ud hunsandīhā ōh kunānd] ay mizd ō manīgān frāz dahē ān ī dēn ō dēnīgān abāyēd dādan ohrmazd. wacast bišāmrūdīg gōwišn.
Verse: 6    ān ī ōy ān ō amā dahē pad-iz ēn axwān pad-iz mēnōgān kū ēdōn pad ān ī ēdōn abar rasēm pad ēd ī tō sālārīh ahlāyīh-iz hamē tā ō wisp.

Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.