TITUS
Pahlavi Translation of the Avesta: Yasna (Old Avestan)
Part No. 10
Previous part

Chapter: 37    Link to avesta Link to yasna


yast ī sidīgar hād bun


Verse: 1    ēdar ēdōn yazom ohrmazd kē gōspand ahlāyīh-iz ī dād u-š āb-iz dād ud urwar-iz ī weh u-š rōšnīh dād ud būm-iz harwisp-iz ābādīh [bun ud bar] ōy kē xwadāyīh ud mehīh padiš u-š hupānāgīh aziš ān
Verse: 2    ān ēdōn az yaštārān [ī andar ēn gēhān] pad pēš-rawišnīh yazom [pad pēšōbāyīh] kē pad gōspandōmandīh mānēnd [awēšān yaštār]
Verse: 3    ān ēdōn kē xwadāy nām ud pad dānāgīh dōšīd ēstēd abzōnīgīh yazom. ōy kē amāgān tan ud gyān [zīwišn aziš] yazom. ōy kē ahlawān frawahr narān ud nārīgān [nēkān aziš] yazom
Verse: 4    ahlāyīh ēdōn pahlom yazom [ašwahišt] nēk ī abzōnīg ī amarg ī rōšn tan [ī ōy kē] harwisp ābādīh [nēkīh aziš]
Verse: 5    ān-iz ī weh menišn [wahman] yazom ān-iz ī weh xwadāyīh [šahrewar] ān-iz ī weh dēn ān-iz ī weh sālārīh [hordād ud amurdād] ī ān-iz ī weh bowandag menišnīh [spandarmand]

Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.