TITUS
Pahlavi Translation of the Avesta: Yasna (Old Avestan)
Part No. 9
Previous part

Chapter: 36    Link to avesta Link to yasna


yast dudīgar hād bun


Verse: 1    ēdōn ō ēd ī tō ātāxš pad warzišn fradom be rasom ohrmazd [pad pahrēz ud šnāyēnīdārīh pad ēd ī tō gāhān] pad ēd ī tō mēnōg abzōnīg [ciyōn az dēn paydāg] kē ō ōy zīndagīh [kū pad ātaxš anāgīh kunēd] ān-iz ō ōy zīndagīh dahēd [kū ān-iz pad ōy anāgīh kunēd]
Verse: 2    pad urwāhmanīh ō ōy mard pad tuwān be rasēd ātaxš ī ohrmazd pad urwāhmanīh ō ōy kē-š urwāhmanīh aziš ud pad niyāyišnōmandīh ō ōy niyāyišnōmand mard pad ān ī meh kār be rasēd [pad passāxt ī pad tan ī pasēn]
Verse: 3    ātaxš pad ān ī ohrmazd āgāh ast [pad dēn ī ohrmazd] ud pad mēnōgīh āgāh ast [ān-iš ast ī ka-š pad wahrāmīh be nišīnēnd] abzōnīg ast xwad tā ka ōy ī tō nām ciyōn wāzišt ō ātaxš ī ohrmazd ī tō pad ān ī harw dō be rasom [kū-š hixr ī mēnōg ud gētīg aziš abāz dārom]
Verse: 4    pad ān ī weh menišn ō tō pad ān ī weh tarsagāhīh ō tō pad ān ī weh frazānagīh ō tō pad-iz kunišn ud gōwišn be rasom
Verse: 5    niyāyišnēnē u-m abāmēnē tō ohrmazd [kū-m abām pad tō bawād] pad harwisp humat ō tō ud pad harwisp hūxt ud pad harwisp huwaršt be rasom
Verse: 6    nēk ēd ī tō kirb u-t az kirbān niwēyēnišn dahom ohrmazd [kū andar gēhān ōh gōwom kū kirb ēd ī tō nēktar] ēn [ruwān] ō ān ī rōšnīh ī bālist [az ān ī pad cašm paydāg] bālēnānd ānōh kū ān ī xwaršēd guft


yazišnīhā ēwšāmrūdīg gōwišn


Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.