TITUS
Pahlavi Translation of the Avesta: Yasna (Old Avestan)
Part No. 4
Previous part

Chapter: 31    Link to avesta Link to yasna


tāwart hād bun


Paragraph: 1    Link to avesta Link to yasna
Verse: a    ān ī harw dō wābarīgān ī ašmā ōšmurom [abestāg ud zand] ud ōy-iz ī aniyōšīdār [ahlomōγ] pad gōwišn hammōzēm [andar warōmandīh sē-bār ān gōwišn ud ka ēwar dānēd kū nē hammōxtēd ēw-bar]
Verse: b    awēšān kē pad wābarīgānīh ī druz ān ī ahlāyīh gēhān be murnjēnēnd [ka druz pad wābarīgān dārēnd]
Verse: c    ēg-iz awēšān pahlom hē ka rawāg dahišn hānd pad ān ī ohrmazd [kū awēšān-iz ahlomōγān tis-ē ēn pahlom hē ka dēn ī ohrmazd rawāg kunēnd]

Paragraph: 2    Link to avesta Link to yasna
Verse: a    kē pad nigerišn nē wurrōyēd ā-š pad ān agumānīgīh [ka pad tis ī yazadān nē-z gumān] kū ast abar nigēzišnīh weh [ka-š pad handāzag ī gētīg be nimāyēnd]
Verse: b    ēdōn ō ašmā harwisp āyēnd [kū harw kas bē ō xwēšīh ī ašmā āyēnd] ka ēdōn rādīh ī ohrmazd āgāh bawēnd [kū abdīh ī ohrmazd be dānēnd]
Verse: c    az ohrmazd az awešān ān rasišn ka az ahlāyīh abāgīh zīwom [az amahraspandān ā-m ēn nēkīh az ohrmazd ka abāg kār ud kirbag ī-m ast ōh zīwom]

Paragraph: 3    Link to avesta Link to yasna
Verse: a    ka-t dād pad mēnōgīgīh ātaxš ud ašwahišt u-t cāšt ō pahikārdārān šnāxtārīh [kū-t bōxt ud ēraxt paydāg kard]
Verse: b    u-t kē wābarīgānīh ō ōy āmār wizārdār [ā-z dād nērang ī war dād] ān ō amā ohrmazd āgāhīhā gōwē [dānāgīhā] [ān nērang ī war]
Verse: c    pad uzwān ī tō pad dahān ī zīndagān harwispīn wurrōyēnd [u-š pas guft bawēd kū gōwom]

Paragraph: 4    Link to avesta Link to yasna
Verse: a    ka pad ān dahišn [pad tan ī pasēn] ašwahišt xwāndār hēnd ud ohrmazd-iz [kū-m wehīh-ē ī ēdōn bawād ī-m ohrmazd ud ašwahišt tuwān bawād xwāndan]
Verse: b    ōy-iz ī tarsagāh spandarmad [ā-š xwāndār hand] pahlomīh xwāhom wahman [mizd]
Verse: c    manīgān-iz [hāwištān ī man] xwadāyīh az ōy ohrmazd [kū-šān pādixšāyīh az sōšyāns dah] kē pad ān ī ōy gurdīh [kū-š pad abzār ī xwēš tuwān bawēd kardan] wānīhēd druz [ay ēn dānom kū andar ān zaman druz stō šāyēd kardan]

Paragraph: 5    Link to avesta Link to yasna
Verse: a    ān ō man wizurd gōwē [ud rōšnag gōwē kū ān mizd ciyōn ō xwēš šāyēd kardan] kē ō man pad ahlāyīh [ka-m kār ud kirbag kard ēstēd] dahišn ī weh [kū-m ān mizd ī weh ōh dahišn]
Verse: b    āgāh dahišnīh ī pad wahman ō man ān dahē [kū-m ān dānāgīh pad frārōnīh be gōwē] kē man [pad ān ī ōy] ān ī ō areš [kū-m pad ān dānāgīh frārōnīh passox ō areš tuwān bawād dādan]
Verse: c    ān-iz ohrmazd nē ast ān ī ast rāy [gōwēd] [kū gāhānīgīh rāy ī ast gōwēd kū nēst]

Paragraph: 6    Link to avesta Link to yasna
Verse: a    ōy ast pahlom kē ō man āgāhīhā gōwēd āškārag [rōšnag kū hērbed weh kū hāwišt]
Verse: b    mānsar hamāg rawišn [kū hamāg dām pad rāh ī mānsar abāz ō xwēšīh ī ohrmazd rasēd] ī ka pad ahlāyīh [dārēnd ō nūn] ā-š amarg rawišnīh aziš [bawēd andar ān ī 77 sāl]
Verse: c    ohrmazd ān and xwadāyīh cand andar ōy waxšēd wahman [kū-š pādixšāyīh pad tan ī mard ān and cand-iš wahman pad tan mehmān]

Paragraph: 7    Link to avesta Link to yasna
Verse: a    mad-iš paymān fradom kē-š ō rōšnīh gumēxt xwārīh [ī ohrmazd kē ēn kard kū nēkīh ī-š ēdar ā-š ānōh abāg ā-š ēn tis mad ēstēd kū-š gāhānīgīh abāz rasēd]
Verse: b    ōy dām [kū dām ī frārōn ōy xwēš] kē pad xrad ahlāyīh dārēd ud pahlom menišnīh [kū pad rāstīh ud frarōnīh dārēd]
Verse: c    ān ī harw dō ohrmazd pad mēnōgīgīh waxšēnēd [kū tis ī mēnōg ud gētīg ōy be abzāyēnēd] kē nūn-iz ham xwadāy

Paragraph: 8    Link to avesta Link to yasna
Verse: a    ēdōn-im tō rāy mēnīd ohrmazd kū-t pad zahagīh ēstēd wahman fradom [ud ka-m wahman dīd ā-m ēdōn mēnīd kū zahag ī tō]
Verse: b    wahman pid hē tō [pid ī wahman hē] ka-m tō pad hamcašmīh ō ham grift [kū-m pad harw dō cašm dīd ā-m ēdōn menīd kū pid ī wahman hē]
Verse: c    āškārag ān ī ahlāyīh dām [rōšnag kū dām ī frārōn tō dād] ud andar axwān pad kunišn xwadāy hē [kū pad wināh ud kirbag āmār kunēnd]

Verse: 9    tō ast spandarmad [kū tō xwēš] pad tō ast ān ī gōspand tāšīdār xrad
Verse: b    pad mēnīgīgīh ohrmazd ā-t ō ōy dād rāh [kū-t rāh ī ānōh ō ōy dād]
Verse: c    kē pad warzīdārīh āyēd [kū-š kār ud kirbag kard ēstēd] kē nē ast wazīdār [ā-t nē dād]

Paragraph: 10    Link to avesta Link to yasna
Verse: a    ēdōn ān ī harw dō [bun ud bar] ā-t az awēšān [mardōmān] ō ōy franāft ī warzīdār ī fšōnēnīdār [kū-t gōspand bun ud bar ō ōy dād ī tuxšāg ī paymānīg]
Verse: b    xwadāy ahlaw kē fšeh pad wahman [kū sālārīh ī gōspandān pad frārōnīh kunēd]
Verse: c    nē ohrmazd ō ōy ī awarzīdār [ahlomōγ] dauuąscin pad ān ī xūb ōšmurišnīh baxšēd [pad dēn ī xūb ōh gōwēd kū ān and-iz mizd cand ō dauuąs dahēnd ō ahlomōγ ān nē dahēnd]

Paragraph: 11    Link to avesta Link to yasna
Verse: a    ka-t ō amā ohrmazd fradom gēhān tāšīd ud dēn
Verse: b    pad ēd ī tō menišn ud xrad [ā-t dād] ka-t ō tanōmandān gyān dād [kū-y gyān ō tan ī gayōmard dād ā-z pad ēd ī tō menišn ud xrad dād]
Verse: c    ka-t kunišn ud hammōxtišn dād [kū-t kunišn ud hammōxtišn ī frārōn dād ā-t pad ēd ī tō menišn ud xrad dād] ka kē ō ānōh kāmag agar-iš kāmag dād [kū ān kē abāyēd ka pad ān ānōh rasēd agar-iš abāyist ēd ī ēdōn dād ī pad ān rāh bē ō ānōh rasēd ā-z pad ēd ī tō menišn ud xrad dād]

Paragraph: 12    Link to avesta Link to yasna
Verse: a    ānōh wāng ī buland ān ī drō guftār [gannāg mēnōg] ud ān-iz ī rāst guftār [ohrmazd]
Verse: b    ān ī āgāh [ohrmazd] ud ān-iz ī anāgāh [gannāg mēnōg] tā ō ān ī ōy dil ud menišn [ī zardušt]
Verse: c    pad bāzišn [kū wēš be hāzēm] kē pad bowandag menišnīhā pad ān ī mēnōg hampursēd [pad dēn ī mēnōg] ā-š ānōh mehān [kē hērbedestān bowandag mēnišnīhā kunēd ā-š gāh ānōh bawēd]

Paragraph: 13    Link to avesta Link to yasna
Verse: a    kē hampursēd pad ān ī āškārag [kirbag ī āškārag abāyēd kardan] ohrmazd kē hampursēd pad ān ī nihānīg [wināh nihānīg wēš kunēd]
Verse: b    kē pad ān ī kōdak kēn ān ī meh uzmāyēd bōzišn rāy [kū wināh-ē xwurdag be kunēd ud pas ēwag ī stabr be kunēd kū tā ān paydāg nē bawād]
Verse: c    ān ī pad harw dō cašm [ēd kū wēnē ān] pad gumēzag sālār hē [wināh ī andar ān ō kirbag gumēxt ēstēd] abar ahlāyīh [ā-z sālār hē] ud abar wēnē harwisp

Paragraph: 14    Link to avesta Link to yasna
Verse: a    ān ī harw dō az tō pursēm ohrmazd kē mad kē-z rasēd
Verse: b    kē abām dahēd az dāsrān az ān ō ōy ī ahlaw [az ān ciyōn abāyēd dādan]
Verse: c    ohrmazd kē-z ō druwandān ciyōn awēšān hēnd handirgīgīh ēdōn [ēn kū dādestān cē ōy dādestān cē ā-m be gōw]

Paragraph: 15    Link to avesta Link to yasna
Verse: a    pursīhād-iš ēdōn ōy pad ān wināhišn [pādifrāh ā-š kunēd] kē ō ōy ī druwand xwadāyīh kunēd
Verse: b    ī duškunišn ohrmazd kē nē zīndagīh pad-iz mizd windēnēd [kū ka-š pārag dahēnd ā-z mardōm ī zīndag be nē hilēd]
Verse: c    ōy-iz ī warzīdār kēnēnēd kē pad pah ud wīr adrōzišn [kū mard-iz-ē nēk kē mardōm ud gōspand xūb dārēd ā-š kēn abāg dārēd]

Paragraph: 16    Link to avesta Link to yasna
Verse: a    pursīhād-iš ēdōn ōy [mizd ā-š dahīhād] kē-š ān ī hudānāg andar daman xwadāy [kū-š ohrmazd pad mēnōgīh andar tan xwadāy kard ēstēd]
Verse: b    u-š andar šōysar ān andar deh ān kē pad ahlāyīh frādahišnīh akōšīdār [kū-š pad gētīg ān kas xwadāy ī ka kār ud kirbag kunēd nē kōšēd]
Verse: c    tō hāwand ohrmazd pad ān dahišn kē ēdōn ān ast pad kunišn-iz

Paragraph: 17    Link to avesta Link to yasna
Verse: a    kadār ayāb ahlaw ayāb druwand wurrōyēd meh [kū kasān ayāb ān ī ahlaw tuxšāgīhādar wurrōyēd ayāb ān druwand]
Verse: b    āgāhīh ī ōy ī āgāh rāy gōwē ud nē ōy ī anāgāh bawē az pas-iš [tā-t be gōwom]
Verse: c    azdēn amā ohrmazd [kū-mān be dānēn u-mān] pad wahman frāz daxšagēn [kū-mān pad frārōnīh pad daxšag be kun]

Paragraph: 18    Link to avesta Link to yasna
Verse: a    ma kas ēdōn az ašmā az ōy druwand mānsar niyōšād hammōxtišn [kū az ahlomōγān abestāg ud zand ma niyōšēd]
Verse: b    cē andar ān daman ud wis šōysar deh dahēd
Verse: c    dušrawišnīh ud margīh [ān ī ahlomōγ] ēdōn awēšān [ahlomōγān] rāy sāzēd sneh

Paragraph: 19    Link to avesta Link to yasna
Verse: a    niyōšišnīh kē paymān ahlāyīh padiš pad harw dō axwān ēdōn āgāh ohrmazd [kū ān kē paymān ī ahlāyīh padiš tis ī mēnōg ud gētīg dānēd kardan]
Verse: b    aršuxt gōwišn ōy ī pādixšāy [ī abēbīm] pad uzwān kāmagēnišn [kū-š ō gōwišn ī rāst ī frārōn abāyist be barišn]
Verse: c    ēd ī tō ātaxš suxr ī ohrmazd wizārišn be dahēd ō pahikārdārān [kū bōxt ud ēraxt paydāg be kunēd]

Paragraph: 20    Link to avesta Link to yasna
Verse: a    kē āyēd ō ahlawān pad frēbišn ōy az pas-iš šēwan [kū-š pad ruwān šēwan bawēd]
Verse: b    u-š dagr āyišn andar tom [kū-š dagr zamān ānōh abāyēd būdan] ud dušxwarišn [kū-š wīšāca dahēnd] ud anāg rawišnīh gōwēd [kū-š anāg mad ēstēd]
Verse: c    ō tom axwān ašmā kē druwandān hēd ā-tān kunišn ān ī xwēš dēn nayēd [kardan abāyist]

Paragraph: 21    Link to avesta Link to yasna
Verse: a    ohrmazd dād hordād amurdād
Verse: b    bowandag ō ōy kē ahlāyīh ān [kū-š kār ud kirbag kard ēstēd] u-š xwēšbedīh pad ān ī ōy xwadāy sālārīh [kū pādixšāyīh ī-š ast pad dastwar dārēd]
Verse: c    ān-iš wahman wazdwarūh [kū ān mizd ī wahman dārēd ā-z ōy dārēd] kē ōy ān ī xwēš mēnōg pad kunišn dōst

Paragraph: 22    Link to avesta Link to yasna
Verse: a    paydāgīh-iš ōy ī hudānāg ka ciyōn-iš āgāhīh dahēd menēd [kū pad menišn ān menēd ī-š axw ud dastwar]
Verse: b    weh ān xwadāy kē ahlāyīh pad gōwišn pad-iz kunišn be hāzēd [kū ān ī frārōn gōwēd pad-iz kunišn ōh kunēd]
Verse: c    ān ī tō ohrmazd burdār tan ast [kū-t andar gētīg mehmānīh pad tan ī ōy]


Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.