TITUS
Avestan Corpus
Part No. 88
Previous part

Chapter: 15 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cd    bahirām. yazat̰. i. pə̄rōžgāh. i. dušman. zadār. amahe. hutāštahe. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       vaiiaoš. uparō.kairiiehe.
Verse: g          taraδātō. aniiāiš. dāmąn.
Verse: h       5aētat̰. tē. vaiiō.
Verse: i          yat̰. tē. asti. spəṇtō.mainiiaom.
Verse: j             xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    yazāi. apəmca.1 baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:2
Verse: d    3təm. vaēmcit̰. yazamaide:3
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.4
Verse: i    paiti.asti. gə̄uš. vacahiieheca.5
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 2 
Verse: a    təm. yazata.
Verse: b       yō. daδuuā̊. ahurō. mazdā̊.
Verse: c          airiiene. vaējahi.1
Verse: d             vaŋhuiiā̊. dāitiiaiiā̊.2
Verse: e          zaranaēne. paiti. gātuuō.
Verse: f          zaranaēne. paiti. fraspāiti.
Verse: g          zaranaēne. paiti. upastərəne.3
Verse: h          frastərətāt̰. paiti. barəsmən.4
Verse: i          pərənə̄biiō.5 paiti. γžāraiiat̰biiō.

Paragraph: 3 
Verse: a    aom. jaiδiiat̰:
Verse: b       auuat̰. āiiaptəm. dazdi. mē.
Verse: c          vaiiuš.1 yō. uparō.kairiiō.
Verse: d       yaϑa. azəm. nijanāni.
Verse: e          aŋrahe. mainiiə̄uš. dāmanąm.
Verse: f          naēciš. auuat̰. yō.2 spəṇtahe.

Paragraph: 4 
Verse: a    daϑat̰. ahmāi. tat̰.
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Paragraph: 5 
Verse: a    vaēm. aṣ̌auuanəm. yazamaide.
Verse: b    vaēm. uparō.kairīm. yazamaide.
Verse: c    aētat̰. tē. vaiiō. yazamaide.
Verse: d       yat̰. tē. asti. spəṇtō.mainiiaom.:

Verse: e       ahe. raiia. xvarənaŋhaca.
Verse: f    təm. yazāi. surunuuata. yasna.
Verse: g       uγrəm. vaēm. uparō.kairīm.
Verse: h          zaoϑrābiiō:
Verse: i    uγrəm. vaēm. uparō.kairīm. yazamaide.
Verse: j       haomaiiō.1 gauua.2 barəsmana.
Verse: k       hizuuō. daŋhaŋha. mąϑraca. +vacaca. š́iiaoϑnaca.
Verse: l       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 2


Paragraph: 6 
Verse: a    yazāi. apəmca.1 baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 7 
Verse: a    təm. yazata.
Verse: b       haoš́iiaŋhō.1 paraδātō.2
Verse: c          upa. taērəm. haraiiā̊.
Verse: d             yuxtaiiā̊.3 paiti.aiiaŋhō.
Verse: e          zaranaēne. paiti. gātuuō.4
Verse: f          zaranaēne. paiti. fraspāiti.
Verse: g          zaranaēne. paiti. upastərəne.
Verse: h          frastərətāt̰. paiti. barəsmən.
Verse: i          pərənə̄biiō. paiti. γžāraiiat̰biiō.

Paragraph: 8 
Verse: a    aom. jaiδiiat̰:
Verse: b       auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yaϑa. azəm. nijanāni.1
Verse: e          duua. ϑriṣ̌uua. māzainiianąm.
Verse: f             daēuuanąm. varəniianąmca. druuatąm.

Paragraph: 9 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 3


Paragraph: 10 
Verse: a    yazāi. apəmca.1 baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 11 
Verse: a    təm. yazata.
Verse: b       taxmō. urupa.1 azinauuā̊.2
Verse: c          zaranaēne.3 paiti. gātuuō.4
Verse: d          zaranaēne. paiti. fraspāiti.
Verse: e          zaranaēne. paiti. upastərəne.
Verse: f          frastərətāt̰. paiti. barəsmən.
Verse: g          pərənə̄biiō. paiti. γžāraiiat̰biiō.

Paragraph: 12 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yat̰. bauuāni. aiβi.vaniiā̊.
Verse: e          vīspe. daēuua. maš́iiāca.
Verse: f          vīspe. yātauuō. pairikā̊sca:
Verse: g       yat̰. barāni. aŋrəm. mainiiūm.
Verse: h          framitəm. aspahe. kəhrpa.
Verse: i          ϑrisatəm. aiβi.gāmanąm.
Verse: j             uua. pairi. zəmō. karana.1

Paragraph: 13 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 4


Paragraph: 14 
Verse: a    yazāi. apəmca.1 baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 15 
Verse: a    təm. yazata.
Verse: b       yō. yimō. xṣ̌aētō. huuąϑβō.
Verse: c          hukairiiāt̰. haca. barəzaŋhat̰.1
Verse: d             vīspō.bāmiiāt̰. zaranaēnāt̰.
Verse: e          zaranaēne.2 paiti. gātuuō.4
Verse: f          zaranaēne. paiti. fraspāiti.
Verse: g          zaranaēne. paiti. upastərəne.
Verse: h          frastərətāt̰. paiti. barəsmən.
Verse: i          pərənə̄biiō. paiti. γžāraiiat̰biiō.

Paragraph: 16 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c       vaiiuš. yō. uparō.kairiiō.
Verse: d          yat̰. bauuāni. xvarənaŋuhastəməm.1 zātanąm.
Verse: e             huuarədarəsəm.2 maš́iiānąm.
Verse: f          yat̰.3 kərənauuāni. māuuōiia.4 xṣ̌aϑrāδa.5
Verse: g             amarəṣ̌aṇta.6 pasu. vīra.
Verse: h             aŋhə̄uṣ̌əmne.7 āpa. uruuaire.
Verse: i             xvairiiąn. xvarəϑəm. ajiiamnəm:
Verse: j          *yimahe.8 xṣ̌aϑre. auruuahe.9
Verse: k             nōit̰. aotəm. ā̊ŋha. nōit̰. garəməm.
Verse: l             nōit̰. zauruua. ā̊ŋha. nōit̰. mərəϑiiuš.
Verse: m             nōit̰. araskō. yō.10 daēuuō.dātō.*

Paragraph: 17 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 5


Paragraph: 18 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 19 
Verse: a    təm. yazata.
Verse: b       ažiš. ϑrizafā̊. dahākō.
Verse: c          upa. kuuiriṇtəm.1 dužitəm.
Verse: d          zaranaēne.2 paiti. gātuuō.4
Verse: e          zaranaēne. paiti. fraspāiti.
Verse: f          zaranaēne. paiti. upastərəne.
Verse: g          frastərətāt̰. paiti. barəsmən.
Verse: h          pərənə̄biiō. paiti. γžāraiiat̰biiō.

Paragraph: 20 
Verse: a    aom. jaiδiiat̰.
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yaϑa. azəm. amaš́iiąn.1 kərənauuāni.
Verse: e          vīspāiš. auui.2 karṣ̌uuąn.3 yāiš. hapta.

Paragraph: 21 
Verse: a       nōit̰. yazəmnāi. nōit̰. jaiδiiaṇtāi.
Verse: b       nōit̰. zbaiiaṇtāi. nōit̰. arədrāi.
Verse: c       nōit̰. zaoϑrō.barāi. nōit̰. ahmāi.
Verse: d          daϑat̰. tat̰. auuat̰. āiiaptəm.
Verse: e             vaiiuš. yō. uparō.kairiiō.1:

Verse: Q1e       ahe. raiia. xvarənaŋhaca.
Verse: Q1f    təm. yazāi. surunuuata. yasna.
Verse: Q1g       uγrəm. vaēm. uparō.kairīm.
Verse: Q1g          zaoϑrābiiō:
Verse: Q1h    uγrəm. vaēm. uparō.kairīm. yazamaide.
Verse: Q1i       haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 22 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 23 
Verse: a    1təm. yazata.
Verse: b       vīsō. puϑrō. āϑβiiānōiš.
Verse: c          vīsō. sūraiiā̊. ϑraētaonō.
Verse: d             upa. varənəm. caϑru.gaoṣ̌əm.
Verse: e          zaranaēne.2 paiti. gātuuō.4
Verse: f          zaranaēne. paiti. fraspāiti.
Verse: g          zaranaēne. paiti. upastərəne.
Verse: h          frastərətāt̰. paiti. barəsmən.
Verse: i          pərənə̄biiō. paiti. γžāraiiat̰biiō.

Paragraph: 24 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yat̰. bauuāni. aiβi.vaniiā̊.
Verse: e          ažīm. dahākəm.
Verse: f             ϑrizafanəm. ϑrikamərəδəm.1
Verse: g             ašaojaŋhəm. daēuuīm. drujəm.
Verse: h             aγəm. gaēϑāuuiiō. druuaṇtəm.
Verse: i                yąm. ašaojastəmąm. drujəm.
Verse: j                   fraca. kərəṇtat̰. aŋrō. mainiiuš.
Verse: k                aoi. yąm. astuuaitīm. gaēϑąm.
Verse: l                   mahrkāi. aṣ̌ahe. gaēϑanąm:
Verse: m       uta. hē.2 vaṇta.3 azāni.
Verse: n          saŋhauuāci.4 arənauuāci.5
Verse: o             yōi. hən. kəhrpa. sraēšta. zazāitə̄e.6
Verse: p                aēϑiiāi. tē. yōi. abdōtəme.7

Paragraph: 25 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 7


Paragraph: 26 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 27 
Verse: a    təm. yazata.
Verse: b    naire.manā̊.1 kərəsāspō.
Verse: c       upa. guδəm.2 apaγžārəm.3
Verse: d             raŋhaiiā̊. mazdaδātaiiā̊.
Verse: e          zaranaēne.4 paiti. gātuuō.4
Verse: f          zaranaēne. paiti. fraspāiti.
Verse: g          zaranaēne. paiti. upastərəne.
Verse: h          frastərətāt̰. paiti. barəsmən.
Verse: i          pərənə̄biiō. paiti. γžāraiiat̰biiō.

Paragraph: 28 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yat̰. kaēna.1 nijasāni.
Verse: e          azəm. brāϑrō.2 uruuāxṣ̌iia.
Verse: f       yat̰. janāni. hitāspəm.
Verse: g          raiϑe. paiti. vazaiδiiāi:3
Verse: h    uiti. asti.4 gafiiō.5 āhūiriš.6
Verse: i    uiti. aēuuō.7 gafiiō.5 paitiš.
Verse: j    uiti. gaṇdarəβō. upāpō.

Paragraph: 29 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 8


Paragraph: 30 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 31 
Verse: a    təm. yazata.
Verse: b    auruuasārō. daiŋ́hupaitiš.
Verse: c       auui. spaētiniš. razurā̊.
Verse: d       upa. spaēititəm.1 razurəm.
Verse: e       upa. vimaiδəm.2 razuraiia.
Verse: f          zaranaēne.3 paiti. gātuuō.4
Verse: g          zaranaēne. paiti. fraspāiti.
Verse: h          zaranaēne. paiti. upastərəne.
Verse: i          frastərətāt̰. paiti. barəsmən.
Verse: j          pərənə̄biiō. paiti. γžāraiiat̰biiō.

Paragraph: 32 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yat̰. nā.1 nōit̰. nijanāt̰.
Verse: e          arṣ̌a. airiianąm. dax́iiunąm.
Verse: f             xṣ̌aϑrāi. haṇkərəmō. haosrauua:2
Verse: g       yaϑa. azəm. uzaiieni.
Verse: h          haca. kauuōiš. haosrauuaŋhahe:3
Verse: i    janāt̰. təm. kauua. haosrauua.2
Verse: j       vīspe. aire.4 razuraiia.

Paragraph: 33 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 9


Paragraph: 34 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 35 
Verse: a    təm. yazata.
Verse: b    hutaosa.1 yā.2 pouru.brāϑra.3
Verse: c       vīsō. auui.4 naotaranąm.
Verse: d          zaranaēne.5 paiti. gātuuō.4
Verse: e          zaranaēne. paiti. fraspāiti.
Verse: f          zaranaēne. paiti. upastərəne.
Verse: g          frastərətāt̰. paiti. barəsmən.
Verse: h          pərənə̄biiō. paiti. γžāraiiat̰biiō.

Paragraph: 36 
Verse: a    aom. jaiδiiat̰:
Verse: b    auuat̰. āiiaptəm. dazdi. mē.
Verse: c          vaiiuš. yō. uparō.kairiiō.
Verse: d       yat̰. bauuāni. friia.1 friϑa.2
Verse: e          paiti.zaṇta.
Verse: f             nmāne.3 kauuōiš. vīštāspahe.

Paragraph: 37 
Verse: a    daϑat̰. ahmāi.1
Verse: b          auuat̰. āiiaptəm.
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 10


Paragraph: 38 
Verse: a    yazāi. apəmca. baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.

Paragraph: 39 
Verse: a    təm. yazəṇta.1
Verse: b    kainina.2 yōi.3 anupaēta.4
Verse: c       maš́iiānąm.
Verse: d             zaranaēne. paiti. gātuuō.
Verse: e             zaranaēne. paiti. fraspāiti.
Verse: f             zaranaēne. paiti. upastərəne.5
Verse: g             frastərətāt̰.5 paiti. barəsmən.5
Verse: h             pərənə̄biiō.5 paiti. γžāraiiat̰biiō.

Paragraph: 40 
Verse: a    āat̰. hīm. jaiδiiən:1
Verse: b    auuat̰. āiiaptəm. dazdi. nō.
Verse: c          vaiiuš. yō. uparō.kairiiō.
Verse: d       yat̰. nmānō.paitīm. viṇdāma.2
Verse: e             yuuānō.3 sraēštō.kəhrpa.4
Verse: f          yō. nō. hubərətąm.5 barāt̰.
Verse: g             yauuata.6 gaiia. juuāuua.7
Verse: h          frazaiṇtīmca. hō. vərəziiāt̰.
Verse: i             daŋrō. daṇtō. hizuxδō.8

Paragraph: 41 
Verse: a    daϑat̰. aibiiascit̰. tat̰.
Verse: b          auuat̰. āiiaptəm.1
Verse: c       vaiiuš. yō. uparō.kairiiō.
Verse: d          yaϑa. tā. upaŋhacat̰.
Verse: e             yō. daδuuā̊. ahurō. mazdā̊.

Verse: Q1a    vaēm. aṣ̌auuanəm. yazamaide.
Verse: Q1a    vaēm. uparō.kairīm. yazamaide.
Verse: Q1a    aētat̰. tē. vaiiō. yazamaide.
Verse: Q1a       yat̰. tē. asti. spəṇtō.mainiiaom.:

Verse: Q2e       ahe. raiia. xvarənaŋhaca.
Verse: Q2f    təm. yazāi. surunuuata. yasna.
Verse: Q2g       uγrəm. vaēm. uparō.kairīm.
Verse: Q2g          zaoϑrābiiō:
Verse: Q2h    uγrəm. vaēm. uparō.kairīm. yazamaide.
Verse: Q2i       haomaiiō. gauua. barəsmana.
Verse: Q2j       hizuuō. daŋhaŋha. mąϑraca. +vacaca. š́iiaoϑnaca.
Verse: Q2k       zaoϑrābiiasca. aršuxδaēibiiasca. vāγžibiiō.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 11


Paragraph: 42 
Verse: a    yazāi. apəmca.1 baγəmca.
Verse: b    yazāi. āxštīm. hąm.vaiṇtīmca.
Verse: c       suiiąmca. katarəmcit̰:
Verse: d    təm. vaēmcit̰. yazamaide:
Verse: e    təm. vaēmcit̰. zbaiiamahi.
Verse: f       ahmāica. nmānāi.
Verse: g       ahmāica. nmānahe. nmānō.patə̄e.
Verse: h       ahmāica. zaoϑrō.barāi. arədrāi.
Verse: i    paiti.asti. gə̄uš. vacahiiaeheca.
Verse: j       haϑrauuataheca. paiti. hamərəϑanąm.
Verse: k          vahištəm. yazatəm. yazamaide.
Verse: l          spəṇtō.mainiiaom.2 raēuuaṇtəm.
Verse: m          xvarənaŋhuuaṇtəm.3 yazamaide.

Paragraph: 43 
Verse: a    vaiiuš. bā. nąma. ahmi.
Verse: b          āṣ̌āum. zaraϑuštra:
Verse: c    auuat̰. vaiiuš. bā. nąma. ahmi.
Verse: d       yat̰. uua.1 dąma. vaiiemi.2
Verse: e          yasca. daϑat̰. spəṇtō. mainiiuš.
Verse: f          yasca. daϑat̰. aŋrō. mainiiuš:
Verse: g    apaiiate.3 nąma. ahmi.
Verse: h          aṣ̌āum. zaraϑuštra.
Verse: i    auuat̰. apaiiate.4 nąma. ahmi.
Verse: j       yat̰. uua.5 dąma. apaiiemi.
Verse: k          yasca. daϑat̰. spəṇtō. mainiiuš.
Verse: l          yasca. daϑat̰. aŋrō. mainiiuš.

Paragraph: 44 
Verse: a    vanō.vīspā̊. nąma. ahmi.
Verse: b          aṣ̌āum. zaraϑuštra:
Verse: c    auuat̰. vanō.vīspā̊. nąma. ahmi.
Verse: d       yat̰. uua.1 dąma. vanāmi.
Verse: e          yasca. daϑat̰. spəṇtō. mainiiuš.
Verse: f          yasca. daϑat̰. aŋrō. mainiiuš:
Verse: g    vohuuaršte.2 nąma. ahmi.
Verse: h          aṣ̌āum. zaraϑuštra.
Verse: i    auuat̰. vohuuaršte.3 nąma. ahmi.
Verse: j       yat̰. vohū. vərəziiāmi.
Verse: k          daϑuṣ̌ō. ahurāi. mazdāi.
Verse: l          aməṣ̌anąm.4 spəṇtanąm.

Paragraph: 45 
Verse: a    fracarə. nąma. ahmi.
Verse: b    aipicarə. nąma. ahmi.
Verse: c    aipiδbaoγə.1 nąma. ahmi.
Verse: d    fraspā̊. nąma. ahmi.
Verse: e    nispā̊. nąma. ahmi.
Verse: f    dahakə. nąma. ahmi.
Verse: g    zinakə. nąma. ahmi.
Verse: h    vīdakə.2 nąma. ahmi.
Verse: i    viṇdixvarənə.3 nąma. ahmi.

Paragraph: 46 
Verse: a    auruuō. nąma. ahmi.
Verse: b    auruuōtəmō. nąma. ahmi:
Verse: c    taxmō. nąma. ahmi.
Verse: d    taxmōtəma.1 nąma. ahmi:
Verse: e    dərəzrō. nąma. ahmi.
Verse: f    darəjištō.2 nąma. ahmi:
Verse: g    aoji. nąma. ahmi.
Verse: h    aojiš.3 nąma. ahmi:
Verse: i    hupairitā̊.4 nąma. ahmi.
Verse: j    hupairispā̊.5 nąma. ahmi:
Verse: k    haϑrauuana.6 nąma. ahmi.
Verse: l    āiniuua.7 nąma. ahmi:
Verse: m    viδaēuuō.karə.8 nąma. ahmi.
Verse: n    karədarəsə.9 nąma. ahmi.

Paragraph: 47 
Verse: a    tarō.t̰baēṣ̌ō. nąma. ahmi.
Verse: b    t̰baēṣ̌ō.tarō. nąma. ahmi:
Verse: c    āiiaozō.1 nąma. ahmi.
Verse: d    pāiiaozō.2 nąma. ahmi.
Verse: e    viuuaozō.3 nąma. ahmi.
Verse: f    saocahi.4 nąma. ahmi.
Verse: g    bucahi.5 nąma. ahmi:
Verse: h    buxtiš. nąma. ahmi.
Verse: i    saiδiš.6 nąma. ahmi:
Verse: j    gərəδō. nąma. ahmi.
Verse: k    gərəδiiaoxδō.7 nąma. ahmi.
Verse: l    gərəδixauuō.8 nąma. ahmi.

Paragraph: 48 
Verse: a    tižiiarštə.1 nąma. ahmi.
Verse: b    tižiiarštiš.2 nąma. ahmi.
Verse: c    pərəϑuuarəštə.3 nąma. ahmi.
Verse: d    pərəϑuuarəštiš. nąma. ahmi:
Verse: e    vaēžiiarštə.4 nąma. ahmi.
Verse: f    vaēžiiarštiš. nąma. ahmi:
Verse: g    xvarənā̊. nąma. ahmi.
Verse: h    aiβi.xvarənā̊. nąma. ahmi.

Paragraph: 49 
Verse: a    tā̊sca. mē. nąma. zbaiiaēṣ̌a.
Verse: b       ahmi. aṣ̌āum. zaraϑuštra.
Verse: c          yim. aṇtarə. haēnaiiā̊.1 xrūiš́iieitiš.2
Verse: d             aṇtarə. hąm.yaṇta. rasmaoiiō.
Verse: e             aṇtarə. daiŋ́hu. pāpərətāne.

Paragraph: 50 
Verse: a    tā̊sca. mē. nąma. zbaiiaēṣ̌a.
Verse: b       ahmi. aṣ̌āum. zaraϑuštra.
Verse: c          yim. sāsta. daiŋ́hə̄uš. hamō.xṣ̌aϑrō.
Verse: d             patəṇtəm.1 vā. zbarəṇtəm. vā.
Verse: e             iriṣ̌əṇtəm.2 vā. raϑōiṣ̌əmnəm.3 vā.
Verse: f             paitiṣ̌əṇtəm.4 ϑrimahe.5
Verse: g             paitiṣ̌əṇtəm. baēṣ̌aziiehe.

Paragraph: 51 
Verse: a    tā̊sca. mē. nąma. zbaiiaēṣ̌a.
Verse: b       ahmi. aṣ̌āum. zaraϑuštra.
Verse: c          yim. aṣ̌əmaoγəm. anaṣ̌auuanəm.
Verse: d             patəṇtəm.1 vā. 2zbarəṇtəm. vā.2
Verse: e             iriṣ̌əṇtəm.3 vā. raϑōiṣ̌əmnəm. vā.
Verse: f             paitiṣ̌əṇtəm.4 amahe.
Verse: g             paitiṣ̌əṇtəm. ϑrimahe.
Verse: h             paitiṣ̌əṇtəm. baēṣ̌aziiehe.

Paragraph: 52 
Verse: a    tā̊sca. mē. nąma. zbaiiaēṣ̌a.
Verse: b       ahmi. aṣ̌āum. zaraϑuštra.
Verse: c          yat̰. bastō. aŋhat̰. hištəmnō.
Verse: d             bastō. aŋhat̰. frāδaiiamnō.1
Verse: e             bastō. aŋhat̰. vāδaiiamnō.2
Verse: f          fraδbaoiie.3 bāṣ̌e. buiieṇte.
Verse: g          viδbaoiie.4 grāfe.5 buiieṇte.

Paragraph: 53 
Verse: a    vaiiō. aspaēṣ̌u. vīraēṣ̌u.1
Verse: b       vīspaēṣ̌u. vimanəkarə.2
Verse: c       vīspaēṣ̌u. vīdaēuuō.karə.3
Verse: d          nitəmaēṣ̌uua. gātuṣ̌uua.
Verse: e          hazaŋrō.təmahuuaca.4
Verse: f             hąm. isəmnəm. paiδiiāiti.5

Paragraph: 54 
Verse: a    kana. ϑβąm. yasna.1 yazāne.
Verse: b    kana. yasna.1 frāiiazāne.
Verse: c    kana. ϑβā. yasna.2 paiti. həṇkərəitiš. auua.hištāt̰.
Verse: d       vaiiuš.3 auruuō.4 uskāt̰.yāstō.
Verse: e          dərəzi.yaoxəδrō.5 bərəzi.pāδō.
Verse: f          pərəϑu.varō. pərəϑu.sraoniš.
Verse: g          anāxruuiδa.dōiϑre.6
Verse: h       yaϑa. aniiā̊scit̰. xṣ̌aϑrāt̰. xṣ̌aiiamnō.7
Verse: i          hamō.xṣ̌aϑrō.xṣ̌aiiamnā̊.

Paragraph: 55 
Verse: a    tūm. barəsma. aiiasaēṣ̌a.1
Verse: b          aṣ̌āum. zaraϑuštra.
Verse: c       fracinaϑβarə.2 vicinaϑβarə.
Verse: d          raocinauuaṇtəm. bāmīm.
Verse: e          frataraēibiiō.3 raocā̊.
Verse: f          vītaraēibiiō.4 uṣ̌ā̊ŋhəm.

Paragraph: 56 
Verse: a    yezi. mąm. yaštō.1 kərənauuāni.2
Verse: b       azəm. tē. vaca.3 framrauuāni.
Verse: c          mazdaδāta. xvarənaŋhuuaṇta.4 baēṣ̌aziia.
Verse: d       yaϑa.5 ϑβąm. nōit̰. tauruuaiiāt̰.
Verse: e          aŋrō. mainiiuš. pouru.mahrkō.
Verse: f             nōit̰. yātō.6 nōit̰. yātumā̊.
Verse: g             nōit̰. daēuuō. naēδa. maš́iiō.

Paragraph: 57 
Verse: a    vaiiō. auruua. yazamaide:
Verse: b    vaiiō. taxma. yazamaide:
Verse: c       vaēm. auruuanąm. auruuōtəməm. yazamaide:
Verse: d       vaēm. taxmanąm. taxmōtəməm. yazamaide:
Verse: e       vaēm. zaraniiō.xaoδəm.1 yazamaide:
Verse: f       vaēm. zaraniiō.pusəm.2 yazamaide:
Verse: g       vaēm. zaraniiō.minəm.3 yazamaide:
Verse: h       vaēm. zaraniiō.vāṣ̌əm.4 yazamaide:
Verse: i       vaēm. zaraniiō.caxrəm. yazamaide:
Verse: j       vaēm. zaraniiō.zaēm.5 yazamaide:
Verse: k       vaēm. zaraniiō.vastrəm. yazamaide:
Verse: l       vaēm. zaraniiō.aoϑrəm. yazamaide:
Verse: m       vaēm. zaraniiō.aiβiiā̊ŋhanəm. yazamaide:
Verse: n       vaēm. aṣ̌auuanəm. yazamaide:
Verse: o       vaēm. uparō.kairīm. yazamaide:
Verse: p    aētat̰. tē. vaiiō. yazamaide.
Verse: q       yat̰. tē. asti. spəṇtō.mainiiaom.:

Verse: Q1e       ahe. raiia. xvarənaŋhaca.
Verse: Q1f    təm. yazāi. surunuuata. yasna.
Verse: Q1g       uγrəm. vaēm. uparō.kairīm.
Verse: Q1g          zaoϑrābiiō:
Verse: Q1h    uγrəm. vaēm. uparō.kairīm. yazamaide.
Verse: Q1i       haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.


Paragraph: 58 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       4vaiiaoš. uparō.kairiiehe.
Verse: c       taraδātō. aniiāiš. dāmąn.
Verse: d    5aētat̰. tē. vaiiō.
Verse: e       yat̰. tē. asti. spəṇtō. mainiiaom.

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.6 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Dīn Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.