TITUS
Avestan Corpus
Part No. 87
Previous part

Chapter: 14 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cd    bahirām. yazat̰. i. pə̄rōžgāh. i. dušman. zadār. amahe. hutāštahe. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       4vərəϑraγnahe. ahuraδātahe.
Verse: g          vanaiṇtiiā̊sca. uparatātō.
Verse: h             xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō. ahurəm. mazdąm:
Verse: c       ahura. mazda. mainiiō.1 spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 2 
Verse: a    ahmāi. paoiriiō. ājasat̰.1 vazəmnō.
Verse: b       vərəϑraγnō. ahuraδātō.
Verse: c          vātahe. kəhrpa. darṣ̌iiōiš.2
Verse: d             srīrahe. mazdaδātahe.
Verse: e    vohu. xvarənō.3 mazdaδātəm.4
Verse: f       barat̰.5 xvarənō. mazdaδātəm.4
Verse: g          baēṣ̌azəm. uta. aməmca.

Paragraph: 3 
Verse: a    āat̰. ahmāi. amauuastəmō:
Verse: b       ama.1 ahmi. amauuastəmō.
Verse: c       vərəϑra. ahmi.2 vərəϑrauuastəmō.
Verse: d       xvarənaŋha.3 ahmi. xvarənaŋuhastəmō.
Verse: e       yāna. ahmi. yānauuastəmō.
Verse: f       saoka. ahmi. saokauuastəmō.
Verse: g       baēṣ̌aza. ahmi. baēṣ̌aziiōtəmō.

Paragraph: 4 
Verse: a    āat̰. t̰baēṣ̌ā̊. tauruuaiieni. vīspanąm. t̰biṣ̌uuatąm.1
Verse: b       t̰baēṣ̌ā̊.2 daēuuanąm. maš́iiānąmca.
Verse: c          yāϑβąm. pairikanąmca.
Verse: d          sāϑrąm. kaoiiąm. karafnąmca.3

Paragraph: 5 
Verse: a       ahe. raiia. xvarənaŋhaca.
Verse: b    təm. yazāi. surunuuata. yasna.
Verse: c       vərəϑraγnəm. ahuraδātəm. zaoϑrābiiō:
Verse: d    vərəϑraγnəm. ahuraδātəm. yazamaide.
Verse: e       1yāiš. dātāiš. paoiriiāiš. ahurahe.
Verse: f          haomaiiō.2 gauua. barəsmana.
Verse: g       hizuuō. daŋhaŋha. mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 2


Paragraph: 6 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 7 
Verse: a    ahmāi. bitiiō. ājasat̰. vazəmnō.
Verse: b       vərəϑraγnō. ahuraδātō.
Verse: c          gə̄uš. kəhrpa. arṣ̌ānahe.
Verse: d             srīrahe.1 zaraniiō.sruuahe.2
Verse: e             yim. upairi. sruiie.3 sanat̰.4
Verse: f                amō. hutaštō.5 huraoδō.
Verse: g                   vərəϑraγnō. ahuraδātō:
Verse: h    auuaϑō. ājasat̰.6:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 3


Paragraph: 8 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 9 
Verse: a    ahmāi. ϑritiiō. ājasat̰. vazəmnō.
Verse: b       vərəϑraγnō. ahuraδātō.
Verse: c          aspahe. kəhrpa. auruṣ̌ahe.1
Verse: d             srīrahe. zairi.gaoṣ̌ahe.
Verse: e             zaraniiō.aiβiδānahe.2
Verse: f             yim. upairi. ainikəm. sanat̰.3
Verse: g                amō. hutaštō.4 huraoδō.
Verse: h                   vərəϑraγnō. ahuraδātō:
Verse: i    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 4


Paragraph: 10 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 11 
Verse: a    ahmāi. tūiriiō. ājasat̰. vazəmnō.
Verse: b       vərəϑraγnō. ahuraδātō.
Verse: c          uštrahe. kəhrpa. vaδariiaoš.1
Verse: d             dadąsaoš.2 aiβi.tacinahe.3
Verse: e             uruuatō.4 frasparanahe.5
Verse: f             gaēϑāuš.6 maš́iiō.vaŋhahe:7

Paragraph: 12 
Verse: a          yō.1 arṣ̌nąm. fraŋhərəziṇtąm.2
Verse: b             mazištəm. aojō. ābaraiti.
Verse: c             mazištəmca. āmanaŋhəm.3
Verse: d          yō. xṣ̌aϑriṣ̌uua.4 auuāiti.5
Verse: e       auuā̊.6 zī. *xṣ̌aϑrīš.7 hupātōtəmā̊.8
Verse: f          yā̊.9 uštrō. pāiti.10 vaδariš.11
Verse: g             aš.bāzāuš.12 stuui.kaofō.13
Verse: h             smarṣ̌nō.daēma.14 jīrō.sārō.15
Verse: i             raēuua.16 bərəzō.17 amauuā̊:

Paragraph: 13 
Verse: a          +yąm. hē.1 dūraēsūkəm.
Verse: b             dūire.2 frauuāiti.3 aētahe.4
Verse: c             tąϑriiąm. aipi. xṣ̌apanəm:5
Verse: d          yō. kafəm. aipi.spaiieiti.6
Verse: e             spaēititəm.7 upa. vaγδanəm.
Verse: f             huxṣ̌naoϑre.8 hupaitištāne.9
Verse: g          yō. hištaite.10 vīdiδuuā̊.11
Verse: h             yaϑa. sāsta. hamō.xṣ̌aϑrō:12
Verse: i    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 14 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 15 
Verse: a    ahmāi. puϑrō. ājasat̰. vazəmnō.
Verse: b       vərəϑraγnō. ahuraδātō.
Verse: c          hū. kəhrpa.1 varāzahe.
Verse: d          paiti.ərənō.2 tiži.dąstrahe.
Verse: e          arṣ̌nō. tiži.asūrahe.3
Verse: f          hakərət̰.janō.4 varāzahe.
Verse: g          anupōiϑβahe. graṇtahe.5
Verse: h          parṣ̌uuanikahe.6 taxmahe.
Verse: i          yūxδahe.7 pāiriuuāzahe:8
Verse: j    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 16 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 17 
Verse: a    ahmāi. xštuuō. ājasat̰. vazəmnō.
Verse: b       vərəϑraγnō. ahuraδātō.
Verse: c          narš. kəhrpa. paṇca.dasaŋhō.
Verse: d             xṣ̌aētahe. spiti.dōiϑrahe.1
Verse: e             kasu.pāṣ̌nahe.2 srīrahe:
Verse: f    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 7


Paragraph: 18 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 19 
Verse: a    ahmāi. haptaϑō. ājasat̰. vazəmnō.
Verse: b       vərəϑraγnō. ahuraδātō.
Verse: c          mərəγahe.1 kəhrpa. vārəγnahe.2
Verse: d             uruuatō.3 aδara.naēmāt̰.
Verse: e             piṣ̌atō.4 upara.naēmāt̰.
Verse: f             yō. vaiiąm. asti. āsištō.
Verse: g                rəṇjištō. frauuazəmnanąm.5

Paragraph: 20 
Verse: a    hō. aēuuō. uštanauuatąm.1
Verse: b       iṣ̌uua.vasma.2 apaiieiti.3
Verse: c             [hascit̰.4 vā. nōit̰.5 vā.]
Verse: d          yat̰cit̰.6 vazaite.7 huuastəm:8
Verse: e    yō. vazaite.9 zarṣ̌aiiamnō.10
Verse: f       aγrąm.11 usaitīm.12 uṣ̌ā̊ŋhəm.
Verse: g          axṣ̌afni. xṣ̌afnīm.13 isəmnō.14
Verse: h          asūiri. sūirīm.15 isəmnō.16

Paragraph: 21 
Verse: a       vīgāϑō.1 marəzat̰. kaofanąm.2
Verse: b       barəṣ̌nauuō. marəzat̰. gairinąm.
Verse: c       jąfnauuō. marəzat̰. raonąm.
Verse: d       saēniš.3 marəzat̰. uruuaranąm.
Verse: e          vaiiąm. vācim. susruṣ̌əmnō:4
Verse: f    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 8


Paragraph: 22 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 23 
Verse: a    ahmāi. aštəmō. ājasat̰. vazəmnō.
Verse: b       vərəϑraγnō. ahuraδātō.
Verse: c          maēṣ̌ahe. kəhrpa. aurunahe.1
Verse: d          srīrahe. niuuaštakō.sruuahe:2
Verse: e    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 9


Paragraph: 24 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 25 
Verse: a    ahmāi. naomō. ājasat̰. vazəmnō.
Verse: b       vərəϑraγnō. ahuraδātō.
Verse: c          būzahe.1 kəhrpa. rə̄nahe.2
Verse: d             srīrahe. tiži.sruuahe:3
Verse: e    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 10


Paragraph: 26 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō.1 ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e    kō. asti. mainiiauuanąm. yazatanąm. zaiiōtəmō:
Verse: f    āat̰. mraot̰. ahurō. mazdā̊:
Verse: g    vərəϑraγnō. ahuraδātō.
Verse: h       spitama. zaraϑuštra.

Paragraph: 27 
Verse: a    ahmāi. dasəmō. ājasat̰. vazəmnō.
Verse: b       vərəϑraγnō. ahuraδātō.
Verse: c          vīrahe. kəhrpa. raēuuatō.
Verse: d             srīrahe. mazdaδātahe:
Verse: e       barat̰.1 karətəm. zaraniiō.saorəm.2
Verse: f          frapixštəm.3 vīspō.paēsaŋhəm:
Verse: g    auuaϑa. ājasat̰.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 11


Paragraph: 28 
Verse: a    vərəϑraγnəm. ahuraδātəm. yazamaide.
Verse: b       1arṣ̌ō.karəm. marṣ̌ō.karəm. fraṣ̌ō.karəm.
Verse: c       huuāxštəm.2 huuāiiaonəm:
Verse: d    təm. yazata.
Verse: e       yō. aṣ̌auua. zaraϑuštrō.
Verse: f          vərəϑraγnahe. paiti. manahi.3
Verse: g          vərəϑraγnahe. paiti. vacahi.3
Verse: h          vərəϑraγnahe. paiti. š́iiaoϑne.4
Verse: i          vərəϑraγnahe. paiti. frauuāke.5
Verse: j          vərəϑraγnahe. paiti. pāitiuuāke.6

Paragraph: 29 
Verse: a    ahmāi. daϑat̰. vərəϑraγnō. ahuraδātō.
Verse: b       ərəzōiš.1 xā̊.2 bāzuuā̊. aojō.
Verse: c       tanuuō.3 vīspaiiā̊. druuatātəm.
Verse: d       tanuuō. vīspaiiā̊. vazduuarə.
Verse: e       aomca. sūkəm.4
Verse: f          yim. baraiti. karō. masiiō.5 upāpō.
Verse: g             yō. raŋhaiiā̊. dūraēpāraiiā̊.
Verse: h                   jafraiiā̊. hazaŋrō.vīraiiā̊.6
Verse: i                varəsō.stauuaŋhəm.7
Verse: j                āpō. uruuaēsəm.8 māraiieite.9:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 12


Paragraph: 30 
Verse: a    vərəϑraγnəm. ahuraδātəm. yazamaide.
Verse: b       arṣ̌ō.karəm.1 marṣ̌ō.karəm. fraṣ̌ō.karəm.
Verse: c       huuāxštəm. huuāiiaonəm:
Verse: d    təm. yazata.
Verse: e       yō. aṣ̌auua. zaraϑuštrō.
Verse: f          vərəϑraγnahe. paiti. manahi.
Verse: g          vərəϑraγnahe. paiti. vacahi.
Verse: h          vərəϑraγnahe. paiti. š́iiaoϑne.
Verse: i          vərəϑraγnahe. paiti. frauuāke.
Verse: j          vərəϑraγnahe. paiti. pāitiuuāke.

Paragraph: 31 
Verse: a    ahmāi. daϑat̰. vərəϑraγnō. ahuraδātō.
Verse: b       ərəzōiš. xā̊. bāzuuā̊. aojō.
Verse: c       tanuuō. vīspaiiā̊. druuatātəm.
Verse: d       tanuuō. vīspaiiā̊. vazduuarə.
Verse: e       aomca. sūkəm.
Verse: f          yim. baraiti. aspō.2 arṣ̌a.3
Verse: g             yō. tąϑriiascit̰.4 haca. xṣ̌afnō.
Verse: h                   auuaṣ̌aiϑiiā̊.5 aipi.aβraiiā̊.6
Verse: i                aspaēm.7 varəsəm.8 zəmāδa.9
Verse: j                   saiianəm.10 vaēnaiti. katārō.
Verse: k                   aγrauuō.11 vā. būnauuō.12 vā.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 13


Paragraph: 32 
Verse: a    vərəϑraγnəm. ahuraδātəm. yazamaide.
Verse: b       arṣ̌ō.karəm.1 marṣ̌ō.karəm. fraṣ̌ō.karəm.
Verse: c       huuāxštəm. huuāiiaonəm:
Verse: d    təm. yazata.
Verse: e       yō. aṣ̌auua. zaraϑuštrō.
Verse: f          vərəϑraγnahe. paiti. manahi.
Verse: g          vərəϑraγnahe. paiti. vacahi.
Verse: h          vərəϑraγnahe. paiti. š́iiaoϑne.
Verse: i          vərəϑraγnahe. paiti. frauuāke.
Verse: j          vərəϑraγnahe. paiti. pāitiuuāke.

Paragraph: 33 
Verse: a    ahmāi. daϑat̰. vərəϑraγnō. ahuraδātō.
Verse: b       ərəzōiš. xā̊. bāzuuā̊. aojō.
Verse: c       tanuuō. vīspaiiā̊. druuatātəm.
Verse: d       tanuuō. vīspaiiā̊. vazduuarə.
Verse: e       aomca. sūkəm.2
Verse: f          yim. baraiti. kahrkāsō. zarənumainiš.3
Verse: g             yō. naomiiācit̰.4 haca. daiŋ́haot̰.5
Verse: h                mušti.masaŋhəm. xrūm.6 aiβi.vaēnaiti.
Verse: i             auuauuat̰cit̰.7
Verse: j                yaϑa. sūkaiiā̊.8 brāzaiiā̊.9 brāzəm.10
Verse: k             auuauuat̰cit̰.
Verse: l                yaϑa. sūkaiiā̊.8 naēzəm.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 14


Paragraph: 34 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō. ahurəm. mazdąm:
Verse: c          ahura. mazda. mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e          yat̰. bauuāni.1
Verse: f             aiβi.sastō.2 aiβi.šmarətō.3
Verse: g                pouru.narąm.4 t̰biṣ̌iiaṇtąm.5
Verse: h          ciš. aiŋ́he.6 asti. baēṣ̌azō.

Paragraph: 35 
Verse: a    āat̰. mraot̰. ahurō. mazdā̊:
Verse: b    mərəγahe.1 pəṣ̌ō.parənahe.2 vārəṇjinahe.3
Verse: c       parənəm.4 aiiasaēṣ̌a.5
Verse: d          spitama. zaraϑuštra:
Verse: e    ana. parəna. tanūm. aiβi.sifōiš.6
Verse: f    ana. parəna. hamərəϑəm.7 paiti.saŋhaēṣ̌a.8

Paragraph: 36 
Verse: a    yānā̊.1 baraiti.
Verse: b       astauuō.2 vā. taxmahe. mərəγahe.
Verse: c       parənauuō.3 vā. taxmahe. mərəγahe:
Verse: d    naēδa.ciš. raēuua. maš́iia. jaiṇti.
Verse: e    naēδa. fraēṣ̌iieiti.4
Verse: f    paouruua. hē.5 nəmō. baraiti.6
Verse: g       paouruua. xvarənā̊:
Verse: h    vīδāraiieiti. upastąm.
Verse: i       mərəγahe.7 parənō.8 mərəγanąm.7

Paragraph: 37 
Verse: a    tā̊. ahurō. sāstranąm.1 daiŋ́hupaitiš.
Verse: b       nōit̰. satəm. jaiṇti. vīraja.2
Verse: c       nōit̰. hakərət̰.3 jaiṇti. vaēsaēpa.4
Verse: d    ōim.5 jaiṇti. fraṣ̌a. aēiti.6

Paragraph: 38 
Verse: a    vīspe.1 tərəsəṇti.2 pərənine.3
Verse: b    auuaϑa. māuuaiiacit̰.4 tanuiie.5
Verse: c       6vīspe. tərəsəṇti.7 auruuaϑa.8
Verse: d    vīspe. tərəsəṇti.9 duš.mainiiuš.10
Verse: e       aməmca. vərəϑraγnəmca.
Verse: f       niδātəm.11 tanuiie. manō:12

Paragraph: 39 
Verse: a    yim. vaṣ̌ā̊ṇte.1 ahurā̊ŋhō.
Verse: b       2vaṣ̌ā̊ṇte. āhūiriiā̊ŋhō.2
Verse: c       vaṣ̌ā̊ṇte. haosrauuaŋhanō.3
Verse: d    təm. vaṣ̌ata. kauua. usa:4
Verse: e       yim. aspō. arṣ̌a. baraiti.
Verse: f       yim. uštrō. vaδairiš.5 baraiti.
Verse: g       yim. āfš. nāuuaiia.6 baraiti:

Paragraph: 40  (~ Y. 9,8)
Verse: a       yim. ϑraētaonō. taxmō. barat̰.
Verse: b          yō. janat̰. ažīm. dahākəm.1
Verse: c             ϑrizafanəm.2 ϑrikamərəδəm.
Verse: d             ašaojaŋhəm. daēuuīm. drujəm.
Verse: e             aγəm. gaēϑāuuiiō. druuaṇtəm.
Verse: f                yąm. ašaojastəmąm. drujəm.
Verse: g                   fraca. kərəṇtat̰. aŋrō. mainiiuš.
Verse: h                aoi. yąm. astuuaitīm. gaēϑąm.
Verse: i                   mahrkāi. aṣ̌ahe. gaēϑanąm.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 15


Paragraph: 41 
Verse: a    vərəϑraγnəm. ahuraδātəm. yazamaide:
Verse: b       vərəϑraγnō. auui.1 imat̰. nmānəm.
Verse: c          gaosurābiiō.2 xvarənō. pairi.vərənauuaiti.3
Verse: d       yaϑa. hāu.4 maza.5 mərəγō.6 saēnō.7
Verse: e       yaϑa. auue.8 aβrā̊.9 upāpā̊.10
Verse: f          masitō.11 gairīš.12 niuuānəṇti.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 16


Paragraph: 42 
Verse: a    vərəϑraγnəm. ahuraδātəm. yazamaide:
Verse: b    pərəsat̰. zaraϑuštrō. ahurəm. mazdąm:
Verse: c       ahura. mazda. mainiiō. spə̄ništa.
Verse: d          dātarə. gaēϑanąm. astuuaitinąm. aṣ̌āum.
Verse: e       kuua. asti. vərəϑraγnahe. ahuraδātahe.
Verse: f          nąma.azbāitiš.1 kuua. upa.stūitiš.2 kuua. ništūitiš.3

Paragraph: 43 
Verse: a    āat̰. mraot̰. ahurō. mazdā̊:
Verse: b       yat̰. spāδa. haṇjasā̊ṇte.1
Verse: c             spitama. zaraϑuštra.
Verse: d          raštəm.2 rasma. katarascit̰.
Verse: e       vaštā̊ŋhō.3 ahmiia. nōit̰. vaziiā̊ṇte.4
Verse: f       jatā̊ŋhō.5 ahmiia. nōit̰. janiiā̊ṇte.6

Paragraph: 44 
Verse: a       cataŋrō.1 pərənā̊.2 vīδāraiiōiš.
Verse: b          auui. paϑąm. katarascit̰:
Verse: c       yatārō.3 pouruuō.4 frāiiazāite.5
Verse: d          *amō. hutaštō.6 huraoδō.
Verse: e          vərəϑraγnō. ahuraδātō.*
Verse: f       atārō. vərəϑra. hacaite.7

Paragraph: 45 
Verse: a    aməmca. vərəϑraγnəmca. āfrīnāmi.
Verse: b       duua. apātāra.1 duua. nipātāra.
Verse: c       duua. nišharətāra.
Verse: d    duua. aδβōžən.2 duua. vīδβōžən.3
Verse: e       duua. fraδβōžən.4 duua. āmarəzən.5
Verse: f       duua. vīmarəzən.6 duua. framarəzən.7

Paragraph: 46 
Verse: a       zaraϑuštra.
Verse: b    aētəm. mąϑrəm. mā.1 fradaēsaiiōiš.2
Verse: c       ainiiat̰.3
Verse: d          piϑre.4 vā. puϑrāi.
Verse: e          brāϑre.5 vā. haδō.zātāi.
Verse: f          āϑrauuanāi. vā. ϑrāiiaone:
Verse: g    aētaēca. tē.6 vācō.
Verse: h       yōi.7
Verse: i          uγra. ās.8 dərəzra.9 ās.
Verse: j          uγra. ās. viiāxaine.10 ās.
Verse: k          uγra. ās. vərəϑraγne.11 ās.
Verse: l          uγra. ās. baēṣ̌aziia.12 ās:
Verse: m    aētaēca. tē. vācō.
Verse: n       yōi.7
Verse: o          pəṣ̌əmcit̰.13 sārəm.14 buṇjaiṇti.15
Verse: p          uzgərəptəmcit̰. snaϑəm. apaṣ̌a.16 apa.xvanuuaiṇti.17:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 17


Paragraph: 47 
Verse: a    vərəϑraγnəm. ahuraδātəm. yazamaide.1
Verse: b       yō. vīrāzaiti.2 aṇtarə. rāšta.3 rasmana.
Verse: c          āca. paraca. pərəsaite.4
Verse: d             haδa.5 miϑra. haδa. raṣ̌nuuō:
Verse: e    kō. miϑrəm. aiβi.družaiti.6
Verse: f    kō. raṣ̌nūm. paiti.irinaxti.7
Verse: g    kahmāi. yaskəmca. mahrkəmca.
Verse: h       azəm. baxṣ̌āni.8 xṣ̌aiiamnō.

Paragraph: 48 
Verse: a    āat̰. mraot̰. ahurō. mazdā̊:
Verse: b    yat̰.1 maš́iiāka. frāiiazā̊ṇte.2
Verse: c       *vərəϑraγnō. ahuraδātō. dātahe.
Verse: d          yim. š́iieiti.3 dāitiiōtəma.4
Verse: e             yasnasca.5 vahmasca.5
Verse: f                aṣ̌āt̰. haca. yat̰. vahištāt̰.*
Verse: g    6nōit̰. iϑra.7 airiiā̊. daiŋ́hāuuō.8
Verse: h       frąš. hiiāt̰.9 haēna. nōit̰. vōiγna.
Verse: i          nōit̰. pāma. nōit̰. kapastiš.
Verse: j          nōit̰. haēniiō. raϑō.10
Verse: k          nōit̰. uzgərəptō. drafṣ̌ō.11

Paragraph: 49 
Verse: a    paiti. dim. pərəsat̰. zaraϑuštrō:
Verse: b    kat̰. zī. asti.
Verse: c          ahura. mazda.
Verse: d       vərəϑraγnahe. ahuraδātahe.
Verse: e          dāitiiōtəma.1
Verse: f          yasnasca. vahmasca.2
Verse: g             aṣ̌āt̰. haca. yat̰. vahištāt̰.

Paragraph: 50 
Verse: a    āat̰. mraot̰. ahurō. mazdā̊:
Verse: b       zaoϑrā̊. hē. uzbāraiiən. airiiā̊. daiŋ́hāuuō.
Verse: c       barəsma. hē. stərənaiiən.1 airiiā̊. daiŋ́hāuuō:
Verse: d       pasūm. hē. pacaiiən. airiiā̊. daiŋ́hāuuō.
Verse: e          auruṣ̌əm.2 vā. vohu.gaonəm. vā.
Verse: f          kācit̰. vā. gaonanąm.3 hamō.gaonəm.4

Paragraph: 51 
Verse: a    mā. hē. mairiiō. gəuruuaiiōit̰.1
Verse: b       mā. jahika. mā. aṣ̌āuuō.2
Verse: c          asrāuuaiiat̰.gāϑō.3 ahumərəxš.4
Verse: d          paitiiārənō.5 imąm. daēnąm.
Verse: e             yąm. āhūirīm. zaraϑuštrīm.

Paragraph: 52 
Verse: a    yezi. ṣ̌ē. mairiiō. gəuruuaiiāt̰.1
Verse: b       jahika. vā. aṣ̌āuuō.2 vā.
Verse: c          asrāuuaiiat̰.gāϑō. ahumərəxš.3
Verse: d          paitiiārənō.4 imąm. daēnąm.
Verse: e             yąm. āhūirīm. zaraϑuštrīm.
Verse: f    para.5 baēṣ̌aza. hacaite.6
Verse: g       vərəϑraγnō. ahuraδātō.

Paragraph: 53 
Verse: a    hamaϑa. airiiābiiō. daiŋ́hubiiō.
Verse: b       vōiγnā̊.1 jasā̊ṇti:2
Verse: c    hamaϑa. airiiābiiō. daiŋ́hubiiō.
Verse: d       haēna. frapatā̊ṇti:3
Verse: e    hamaϑa. airiiābiiō. daiŋ́hubiiō.
Verse: f       janiiā̊ṇte.4
Verse: g          paṇcasaγnāi. sataγnāišca.
Verse: h          sataγnāi. hazaŋraγnāišca.
Verse: i          hazaŋraγnāi. baēuuarəγnāišca.
Verse: j          baēuuarəγnāi.5 ahąxštaγnāišca:6

Paragraph: 54 
Verse: a    aδāt̰. uiti. frauuaṣ̌ata:1
Verse: b       vərəϑraγnō. ahuraδātō.
Verse: c          nōit̰. narō. yesniiō.2 vahmiiō.
Verse: d       gə̄ušca.3 uruua. dāmi.dātō.4
Verse: e          yat̰. nūrəm. viiāmbura.5 daēuua.
Verse: f             maš́iiāka. daēuuaiiāzō.
Verse: g                vohunīm. vā. tācaiieiṇti.
Verse: h                fraṣ̌aēkəm.6 vā. fraṣ̌icaṇti:7

Paragraph: 55 
Verse: a    yat̰. nūrəm. viiāmbura.1 daēuua.
Verse: b       maš́iiāka. daēuuaiiāzō.
Verse: c          auui.2 ātrəm.3 ābarəṇti.4
Verse: d             aētaiiā̊. uruuaraiiā̊.
Verse: e                yā. vaoce.5 hapərəsi.6 nąma.
Verse: f             aētəm. aēsməm.
Verse: g                yō. vaoce. nəməδka.7 nąma.

Paragraph: 56 
Verse: a    yat̰. nūrəm. viiāmbura. daēuua.
Verse: b       maš́iiāka. daēuuaiiāzō.
Verse: c          frā. parštīm.1 nāmaiieiṇti.2
Verse: d          vī.3 maiδiiąnəm. frānaiieiṇti.4
Verse: e          vīspa.5 haṇdāma. rāzaiieiṇti.6
Verse: f       jana. hō.7 saiδin.8 nōit̰. janəm.
Verse: g       haδa. hō.9 saiδin. nōit̰. haδən:
Verse: h    yat̰. nūrəm. viiāmbura. daēuua.
Verse: i       maš́iiāka. daēuuaiiāzō.
Verse: j          uṣ̌i. pairi.dāraiieiṇti.10
Verse: k          daēma. hō.11 pairi.uruuaēsaiieiṇti.12

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 18


Paragraph: 57 
Verse: a    vərəϑraγnəm. ahuraδātəm. yazamaide:
Verse: b    haoməm. baire.1 sāiri.2 baoγəm.3
Verse: c       haoməm. vərəϑrājanəm. baire.
Verse: d       nipātārəm. vohu.4 baire.5
Verse: e       pātārəm.6 tanuiie. baire.
Verse: f    haoməm. yim.7 niuuizaite.8 niuuaṇdāt̰.9
Verse: g       apaiieiti.10 dušmainiiaot̰.11 pəṣ̌ana.12 haca:

Paragraph: 58 
Verse: a       1yaϑa. azəm. aom. spāδəm. vanāni.1
Verse: b       yaϑa. azəm. aom. spāδəm. niuuanāni.
Verse: c       yaϑa. azəm. aom. spāδəm. nijanāni.
Verse: d          yō. mē. paskāt̰. vazaite.2:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 19


Paragraph: 59 
Verse: a    vərəϑraγnəm. ahuraδātəm. yazamaide:
Verse: b       asānəm.1 siγūire.2 ciϑrəm.3
Verse: c          abarə.4 ahurō. puϑrō.
Verse: d          puϑrā̊ŋhō. baēuuarə.pataiiō:
Verse: e       amauua. ās. vərəϑrauua. nąma.5
Verse: f       vərəϑrauua. ās. amauua. nąma.

Paragraph: 60 
Verse: a       yaϑa. azəm. auuata.1 vərəϑra. hacāne.
Verse: b       yaϑa. vīspe. aniie. aire.2
Verse: c       yaϑa. azəm. aom. spāδəm. vanāni.
Verse: d       yaϑa. azəm. aom. spāδəm. niuuanāni.
Verse: e       yaϑa. azəm. aom. spāδəm. nijanāni.
Verse: f          yō. mē. paskāt̰. vazaite.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 3


Paragraph: 61 
Verse: a    vərəϑraγnəm. ahuraδātəm. yazamaide:


Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: b    1gauue. aməm. gauue. nəməm.
Verse: c    gauue. uxδəm. gauue. vərəϑrəm.
Verse: d    gauue. xvarəϑəm.2 gauue. vastrəm.
Verse: e    3gauue. vərəziiātąm.4
Verse: f       tąm. nə̄.5 xvarəϑāi. fṣ̌uiiō.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 21


Paragraph: 62 
Verse: a    vərəϑraγnəm. ahuraδātəm. yazamaide:
Verse: b       yō. rasmanō. sciṇdaiieiti.1
Verse: c       yō. rasmanō. kərəṇtaiieiti.
Verse: d       yō. rasmanō. xvaŋhaiieiti.2
Verse: e       yō. rasmanō. yaozaiieiti.3
Verse: f          auui. rasmanō. sciṇdaiieiti.4
Verse: g          auui. rasmanō. kərəṇtaiieiti.
Verse: h          auui. rasmanō. xvaŋhaiieiti.
Verse: i          auui. rasmanō. yaozaiieiti.3
Verse: j             vərəϑraγnō. ahuraδātō.
Verse: k                daēuuanąm. maš́iiānąmca.
Verse: l                yāϑβąm. pairikanąmca.
Verse: m                sāϑrąm. kaoiiąm. karafnąmca.:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 22


Paragraph: 63 
Verse: a    vərəϑraγnəm. ahuraδātəm. yazamaide:
Verse: b    āat̰. yat̰. vərəϑraγnō. ahuraδātō.
Verse: c       ϑaxtanąm.1 rasmanąm.
Verse: d       yūxtanąm.2 ṣ̌ōiϑranąm.3
Verse: e       miϑrō.drująm.4 maš́iiānąm.5
Verse: f          apąm.6 gauuō. darəzaiieiti.
Verse: g          pairi. daēma. vāraiieiti.
Verse: h          apa.7 gaoṣ̌a. taoṣ̌aiieiti.8
Verse: i          nōit̰. pāδa. vīδāraiieiti.
Verse: j          nōit̰. paiti.tauuā̊. bauuaiti.9:

Verse: Q1a       ahe. raiia. xvarənaŋhaca.
Verse: Q1b    təm. yazāi. surunuuata. yasna.
Verse: Q1c       vərəϑraγnəm. ahuraδātəm. zaoϑrābiiō:
Verse: Q1d    vərəϑraγnəm. ahuraδātəm. yazamaide.
Verse: Q1d       yāiš. dātāiš. paoiriiāiš. ahurahe.
Verse: Q1d          haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Paragraph: 64 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       4vərəϑraγnahe. ahuraδātahe.
Verse: c       vanaiṇtiiā̊sca. uparatātō.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.5 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Rām Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.