TITUS
Avestan Corpus
Part No. 86
Previous part

Chapter: 13 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    adrā. frauuaš. bə̄. rasāt̰::
Verse: Cd    əž. hamā. gunāh.1 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Ci          əž. ą. gunāhihā. manišnī. gaβəšnī. kunišnī.
Verse: Cj             tanī. ruuąnī. gəϑī. mainiiąnī.
Verse: Ck             ōxš. aβāxš. pašə̄mą.
Verse: Cl             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       aṣ̌aonąm.4 frauuaṣ̌inąm.
Verse: g          uγranąm. aiβiϑūranąm.
Verse: h       paoiriiō.t̰kaēṣ̌anąm. frauuaṣ̌inąm.
Verse: i       nabānazdištanąm. frauuaṣ̌inąm.

Verse: j             xṣ̌naoϑra.5 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    mraot̰. ahurō. mazdā̊. spitamāi. zaraϑuštrāi:
Verse: b       aēuua. tē.1
Verse: c          zāuuarə. aojasca.
Verse: d          xvarənō. auuasca. rafnasca.
Verse: e             framrauua. ərəzuuō. spitama.
Verse: f                yat̰. aṣ̌aonąm. frauuaṣ̌inąm.
Verse: g                   uγranąm. aiβiϑūranąm.2
Verse: h          yaϑa. mē. jasən. auuaŋhe.3
Verse: i          yaϑa. mē. barən. upastąm.4
Verse: j             uγrā̊. aṣ̌aonąm.5 frauuaṣ̌aiiō.

Paragraph: 2 
Verse: a    ā̊ŋhąm. raiia. xvarənaŋhaca.
Verse: b       vīδāraēm. zaraϑuštra.
Verse: c          aom. asmanəm.
Verse: d             yō. usca. raoxṣ̌nō. frādərəsrō.1
Verse: e             yō. imąm. ząm. āca. pairica. buuāuua.2
Verse: f                mąnaiiən. ahe.
Verse: g          yaϑa. vīš. +aēm.3
Verse: h             yō. hištaite.4 maniiu.stātō.5
Verse: i                handraxtō.6 dūraēkaranō.
Verse: j                aiiaŋhō.7 kəhrpa. xvaēnahe.
Verse: k                raocahinō.8 aoi. ϑriṣ̌uua:9

Paragraph: 3 
Verse: a       yim.1 mazdā̊. vaste.2 vaŋhanəm.
Verse: b          stəhrpaēsaŋhəm. mainiiu.tāštəm.
Verse: c          hacimnō. miϑrō.3 raṣ̌nuca.
Verse: d          ārmaitica. spəṇtaiia.
Verse: e       yahmāi. nōit̰. cahmāi.4 naēmanąm.
Verse: f          karana. pairi.vaēnōiϑe.5

Paragraph: 4  (~ Y. 65,1)
Verse: a    ā̊ŋhąm. raiia. xvarənaŋhaca.
Verse: b       vīδāraēm. zaraϑuštra.
Verse: c          arəduuīm. sūrąm. anāhitąm.
Verse: d             pərəϑū.frākąm.1 baēṣ̌aziiąm.
Verse: e             vīdaēuuąm. ahurō.t̰kaēṣ̌ąm.
Verse: f             yesniiąm. aŋuhe. astuuaite.
Verse: g             vahmiiąm. aŋuhe. astuuaite.
Verse: h             āδū.frāδanąm. aṣ̌aonīm.
Verse: i             vąϑβō.frāδanąm. aṣ̌aonīm.
Verse: j             gaēϑō.frāδanąm. aṣ̌aonīm.
Verse: k             ṣ̌aētō.frāδanąm. aṣ̌aonīm.
Verse: l             daiŋ́hu.frāδanam. aṣ̌aonīm::

Paragraph: 5  {= Y. 65,2}
Verse: a          yā. vīspanąm. arṣ̌nąm. xṣ̌udrā̊. yaoždaδāiti.
Verse: b          yā. vīspanąm. hāiriṣ̌inąm. ząϑāi. garəβą. yaoždaδāiti.
Verse: c          yā. vīspā̊. hāiriṣ̌īš. ^huzāmitō. daδāiti.
Verse: d          yā. vīspanąm. hāiriṣ̌inąm. dāitīm. raϑβīm. paēma. auua.baraiti::

Paragraph: 6  {= Y. 65,3}
Verse: a          masitąm. dūrāt̰. frasrūtąm.
Verse: b          yā. asti. auuauuaiti. masō.
Verse: c          yaϑa. vīspā̊. imā̊. āpō.
Verse: d             yā̊. zəmā. paiti. frataciṇti.
Verse: e          yā. amauuaiti. fratacaiti.
Verse: f          hukairiiāt̰. haca. barəzaŋhat̰.
Verse: g          aoi. zraiiō. vouru.kaṣ̌əm.

Paragraph: 7  {= Y. 65,4}
Verse: a       yaozəṇti. vīspe. karanō.
Verse: b          zraiiā. vouru.kaṣ̌aiia.
Verse: c       ā. vīspō. maiδiiō. yaozaiti.
Verse: d          yat̰. hīš. aoi. fratacaiti.
Verse: e          yat̰. hīš. aoi. fražgaraiti.
Verse: f             arəduuī. sūra. anāhita::
Verse: g             yeŋ́he. hazaŋrəm. vairiianąm.
Verse: h                hazaŋrəm. apaγžāranąm::
Verse: i       kascit̰ca. aēṣ̌ąm. vairiianąm.
Verse: j       kascit̰ca. aēṣ̌ąm. apaγžāranąm.
Verse: k          caϑβarə.satəm. aiiarə.baranąm.
Verse: l             huuaspāi. naire. barəmnāi.

Paragraph: 8  {= Y. 65,5}
Verse: a       aiŋ́hā̊sca. mē. aēuuaŋhā̊. āpō.
Verse: b          apaγžārō. vījasāiti.
Verse: c             vīspāiš. aoi. karṣ̌uuąn. yāiš. hapta::
Verse: d       aiŋ́hā̊sca. mē. aēuuaŋhā̊. āpō.
Verse: e          hamaϑa. auua.baraiti.
Verse: f             hąminəmca. zaiianəmca::
Verse: g       hā. mē. āpō. yaoždaδāiti.
Verse: h          hā. arṣ̌nąm. xṣ̌udrā̊.10
Verse: i          hā. xṣ̌aϑrinąm.11 garəβą.12
Verse: j          hā. xṣ̌aϑrinąm. paēma.

Paragraph: 9 
Verse: a    ā̊ŋhąm. raiia. xvarənaŋhaca.
Verse: b       vīδāraēm. zaraϑuštra.
Verse: c          ząm. pərəϑβīm. ahuraδātąm.
Verse: d             yąm. masīmca.1 paϑanąmca.
Verse: e             yā.2 barəϑri.3 paraoš.4 srīrahe.
Verse: f             yā. vīspəm. ahūm. astuuaṇtəm.
Verse: g                baraiti.5 jumca.6 iristəmca.
Verse: h                garaiiasca.7 yōi.8 bərəzaṇtō.
Verse: i                pouru.vāstrā̊ŋhō.9 āfəṇtō:10

Paragraph: 10 
Verse: a       1yeŋ́hā̊. paiti. ϑraotō.stācō.2
Verse: b          āpō. taciṇti.3 nāuuaiiā̊:
Verse: c       yeŋ́hā̊. paiti. pouru.sarəδā̊.4
Verse: d          zəmāδa.5 uzuxṣ̌iieiṇti.6 uruuarā̊.
Verse: e             ϑrāϑrāi. pasuuā̊. vīraiiā̊.
Verse: f             ϑrāϑrāi. airiianąm. dax́iiunąm.
Verse: g             ϑrāϑrāi. gə̄uš. paṇcō.hiiaiiā̊.7
Verse: h             auuaiŋ́he.8 narąm. aṣ̌aonąm.

Paragraph: 11 
Verse: a    ā̊ŋhąm. raiia. xvarənaŋhaca.
Verse: b       vīδāraēm. zaraϑuštra.
Verse: c          azəm. barəϑriṣ̌uua. puϑrə̄.1
Verse: d             paiti.vərətə̄.2 apara.iriϑiṇtō.3
Verse: e       ādātāt̰. vīδātaot̰.
Verse: f          viiāhuua.4 uruuat̰.caēm.5
Verse: g             astica.6 gaonaca.
Verse: h             drəβdaca.7 uruϑβąsca.8
Verse: i             paiδiiā̊sca.9 frauuāxṣ̌asca.10

Paragraph: 12 
Verse: a    yeiδi. zī. mē.1 nōit̰. daiδīt̰.2 upastąm.
Verse: b       uγrā̊. aṣ̌āunąm.3 frauuaṣ̌aiiō.
Verse: c    nōit̰. mē. iδa. ā̊ŋhātəm.4 pasuuīra.5
Verse: d       yā.stō.6 sarəδanąm. vahišta:7
Verse: e    drujō. aogarə. drujō. xṣ̌aϑrəm.
Verse: f       drujō. astuuā̊. aŋhuš. ā̊ŋhāt̰.8

Paragraph: 13 
Verse: a    nī. aṇtarə. ząm. asmanəmca.
Verse: b       drujā̊.1 maniuuā̊.2 hazdiiāt̰.3
Verse: c    nī. aṇtarə. ząm. asmanəmca.
Verse: d       drujā̊.1 maniuuā̊. vaoniiāt̰:
Verse: e    nōit̰. pascaēta. vanō. vaṇtāi.4
Verse: f       upa.daiiāt̰. aŋrō. mainiiuš.
Verse: g          spəṇtāi.5 mainiiauue.6

Paragraph: 14 
Verse: a    ā̊ŋhąm. raiia. xvarənaŋhaca.
Verse: b       āpō. taciṇti. frātat̰.carətō.1
Verse: c          xā̊. paiti. afrajiiamnā̊:
Verse: d    ā̊ŋhąm. raiia. xvarənaŋhaca.
Verse: e       zəmāδa.2 uzuxṣ̌iieiṇti.3 uruuarā̊.
Verse: f          xā̊. paiti. afrajiiamnā̊:
Verse: g    ā̊ŋhąm. raiia. xvarənaŋhaca.
Verse: h       vātō.4 vā̊ṇti.5 dunmō.frutō.6
Verse: i          xā̊. paiti. afrajiiamnā̊.

Paragraph: 15 
Verse: a    ā̊ŋhąm. raiia. xvarənaŋhaca.
Verse: b       hāiriṣ̌īš.1 puϑrə̄.2 vərənuuaiṇti:3
Verse: c    ā̊ŋhąm. raiia. xvarənaŋhaca.
Verse: d       huzāmitō. zīzanəṇti:4
Verse: e    ā̊ŋhąm. raiia. xvarənaŋhaca.
Verse: f       yat̰. bauuaiṇti.5 hacat̰.puϑrā̊.6

Paragraph: 16 
Verse: a    ā̊ŋhąm. raiia. xvarənaŋhaca.
Verse: b       us. nā.1 zaiieiti.2 viiāxanō.3
Verse: c          viiāxmōhu.4 gūṣ̌aiiat̰.uxδō.5
Verse: d          yō. bauuaiti. xratu.kātō.6
Verse: e          yō.7 nāidiiā̊ŋhō.8 gaotəmahe.9
Verse: f             parō.yā̊.10 parštōit̰. auuāiti.11
Verse: g    ā̊ŋhąm. raiia. xvarənaŋhaca.
Verse: h       huuarə. auua.12 paϑa. aēiti:
Verse: i    ā̊ŋhąm. raiia. xvarənaŋhaca.
Verse: j       mā̊. auua. paϑa. aēiti:
Verse: k    ā̊ŋhąm. raiia. xvarənaŋhaca.
Verse: l       stārō. auua.13 paϑa. yeiṇti.

Paragraph: 17 
Verse: a    tā̊.1 uγrāhu.2 pəṣ̌anāhu.3
Verse: b       upastąm. həṇti. dāhištā̊.4
Verse: c          yā̊. frauuaṣ̌aiiō. aṣ̌aonąm:5
Verse: d    tā̊. frauuaṣ̌aiiō. aṣ̌aonąm.5
Verse: e       aojištā̊.4 həṇti. spitama.
Verse: f          yā̊.4 paoiriianąm. t̰kaēṣ̌anąm.
Verse: g          yā̊.6 vā. narąm. azātanąm.
Verse: h             fraṣ̌ō.carəϑrąm. saoš́iiaṇtąm:
Verse: i    āat̰. aniiaēṣ̌ąm. frauuaṣ̌aiiō.
Verse: j       juuanąm.7 narąm. aṣ̌aonąm.
Verse: k          aojiiehīš.8 zaraϑuštra.
Verse: l             yaϑa. iristanąm. spitama.

Paragraph: 18 
Verse: a    āat̰. yō. nā. hīš.1 hubərətā̊.2 barāt̰.3
Verse: b       juua.4 aṣ̌aonąm.5 frauuaṣ̌aiiō.
Verse: c          sāsta. daiŋ́hə̄uš.6 hamō.xṣ̌aϑrō.7
Verse: d       yō.8 aŋhāiti.9 zazuštəmō.10
Verse: e          xṣ̌aiiō. kascit̰. maš́iiānąm.
Verse: f       yō. vohu.bərətąm.11 baraite.12
Verse: g          miϑrəm. yim.13 vouru.gaoiiaoitīm.
Verse: h          arštātəmca. frādat̰.gaēϑąm.
Verse: i             varədat̰.gaēϑąm.14

Paragraph: 19 
Verse: a    1iϑa.tē. zāuuarə. aojasca.
Verse: b       xvarənō. auuasca. rafnasca.
Verse: c             framraomi. ərəzuuō. spitama.
Verse: d          yat̰. aṣ̌aonąm.2 frauuaṣ̌inąm.
Verse: e             uγranąm. aiβiϑūranąm.
Verse: f       yaϑa. mē. jasən. auuaiŋ́he.3
Verse: g       yaϑa. mē. barən. upastąm.
Verse: h          uγrā̊. aṣ̌aonąm.2 frauuaṣ̌aiiō.



Karde 2


Paragraph: 20 
Verse: a    mraot̰. ahurō. mazdā̊. spitamāi. zaraϑuštrāi:
Verse: b       āat̰. yasə.ϑβā.1 aētahmi. aŋhuuō.2
Verse: c          yat̰. astuuaiṇti.
Verse: d                spitama. zaraϑuštra.
Verse: e             paϑąm. jasāiti.3
Verse: f             vąϑβaēsō.4 bōiβranąm.
Verse: g             dužitanąmca.5 ϑβaiiaŋuhatąm.6
Verse: h                zaraϑuštra.
Verse: i       yezica. ϑβaēṣ̌ā̊.7 tanuuō.
Verse: j       aϑa. imąm.8 vacō. drəṇjaiiōiš.
Verse: k       aϑa. imąm.8 vacō. framruiiā̊.
Verse: l          vārəϑraγnīš.9 zaraϑuštra:

Paragraph: 21 
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō.
Verse: b       staomi.2 zbaiiemi. ufiiemi.
Verse: c    yazamaide.3 nmāniiā̊. vīsiiā̊.
Verse: d       zaṇtumā̊. dāx́iiumā̊.4 zaraϑuštrōtəmā̊.
Verse: e          hāitiš.5 hātąm.
Verse: f          hāitiš.5 ā̊ŋhuṣ̌ąm.6
Verse: g          hāitiš.5 būš́iiaṇtąm.7 aṣ̌aonąm.8
Verse: h       vīspā̊. vīspanąm. dax́iiunąm.
Verse: i       zəuuištiiā̊.9 zəuuištiianąm.10 dax́iiunąm.

Paragraph: 22 
Verse: a       yā̊. asmanəm. vīδāraiiən.
Verse: b       yā̊. āpəm. vīδāraiiən.
Verse: c       yā̊. ząm. vīδāraiiən.
Verse: d       yā̊. gąm. vīδāraiiən.
Verse: e       yā̊. barəϑriṣ̌uua. puϑrə̄.1 vīδāraiiən.
Verse: f          paiti.vərətə̄.2 apara.iriϑəṇtō.3
Verse: g       ādātāt̰. vīδātaot̰.
Verse: h          viiāhuua.4 uruuat̰.caiiən.5
Verse: i             astica.6 gaonaca.
Verse: j             drəβdaca.7 uruϑβąsca.
Verse: k             paiδiiā̊sca. frauuāxṣ̌asca.8

Paragraph: 23 
Verse: a       yā̊. ašbərətō.1 yā̊. uγrārətō.1
Verse: b       yā̊. huuārətō.2 yā̊. vazārətō.3
Verse: c       yā̊. taxmārətō.1 yā̊. zaoiiārətō.1
Verse: d          yā̊. zaoiiā̊. vaŋhuϑβaēṣ̌u.4
Verse: e          yā̊. zaoiiā̊. vərəϑraγniiaēṣ̌u.
Verse: f          yā̊. zaoiiā̊. pəṣ̌anāhu.

Paragraph: 24 
Verse: a       yā̊. dāϑrīš.1 vərəϑrəm. zbaiieṇte.2
Verse: b          dāϑrīš.1 āiiaptəm. cikuṣ̌e.3
Verse: c          dāϑrīš. baṇtāi. druuatātəm.
Verse: d          dāϑrīš.1 ahmāi. vohu. xvarənō.
Verse: e             yō. hīš. yazānō. kuxṣ̌nuuąnō.
Verse: f                zbaiieiti.4 barō.zaoϑrō.5 aṣ̌auua.

Paragraph: 25 
Verse: a       yā̊. auuaδa.1 para.1 fraoirisištā̊.
Verse: b          yaϑra.2 narō. aṣ̌auuanō.
Verse: c             aṣ̌əm. həṇti. zrazdātəma.3
Verse: d          yaϑraca. mazištā̊. frə̄rətā̊.4
Verse: e          yaϑraca. at̰bištō.5 aṣ̌auua.



Karde 3


Paragraph: 26 
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. aojištā̊. vazəṇtąm.2
Verse: c          rəṇjištā̊. frauuazəmnanąm.
Verse: d          afrakauuastəmā̊.3 apa.sraiiamnanąm.4
Verse: e          anuuarštauuastəmā̊.5 frasciṇbananąm.
Verse: f             apairi.vauuastəmā̊. snaiϑiṣ̌ąmca. varəϑanąmca.
Verse: g       yā̊. afraouruuisuuat̰.6 kərənauuaiṇti.7
Verse: h          īrəm.8 yahmiia.9 jasəṇti.10

Paragraph: 27 
Verse: a    tā̊. vaŋuhīš. tā̊. vahištā̊. yazamaide.
Verse: b       yā̊. aṣ̌āunąm.1 vaŋuhīš. sūrā̊.
Verse: c          spəṇtā̊. frauuaṣ̌aiiō:
Verse: d    tā̊. zī. starətaēṣ̌u. barəsmōhu.2 zaoiiā̊.
Verse: e       tā̊. vərəϑraγniiaēṣ̌u.3
Verse: f       tā̊. pəṣ̌anāhu.
Verse: g    tā̊. iδa.4 yat̰. narō. taxma.
Verse: h       pərətəṇte.5 vərəϑraγniiaēṣ̌u.

Paragraph: 28 
Verse: a    tā̊. mazdā̊. zbaiiat̰. auuaŋhe.1
Verse: b       auuaŋheca.2 aṣ̌nō. *vīdiδāra.3
Verse: c          apasca. zəmasca. uruuaraiiā̊sca.4
Verse: d       yat̰. spəṇtō. mainiiuš. vīδāraiiat̰.
Verse: e          asmanəm. yat̰. āpəm. yat̰. ząm.
Verse: f          yat̰. gąm. yat̰. uruuarąm.
Verse: g       yat̰. barəϑriṣ̌uua. puϑrə̄. vīδāraiiat̰.
Verse: h          paiti.vərətə̄.5 apara.iriϑəṇtō.
Verse: i       ādātāt̰.6 vīδātaot̰.
Verse: j          viiāhuua. uruuat̰.caiiat̰.7
Verse: k             astica.8 gaonaca.
Verse: l             drəβdaca.9 uruϑβąsca.10
Verse: m             paiδiiā̊sca. frauuāxṣ̌asca.11

Paragraph: 29 
Verse: a    vīδāraiiat̰. spəṇtō. mainiiuš.
Verse: b       +yā̊. amauuaitīš. tuṣ̌niṣ̌āδō.1
Verse: c          hudōiϑrīš. vərəzi.caṣ̌manō.2
Verse: d          sraoiϑrīš. darəγō.rąrōmanō.3
Verse: e       yā̊. bərəzaitīš. bərəziiāstā̊.4
Verse: f       yā̊. huiiaonā̊.5 pərəϑu.yaonā̊.5
Verse: g          +rauuō.fraoϑmanō. dasaϑauuaitīš.
Verse: h             frasrūtā̊. upa.dāraiiən. asmanəm.



Karde 4


Paragraph: 30 
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       hušhaxmanō. huuarəzānā̊.
Verse: c          darəγaēibiiō. haxəδraēibiiō.
Verse: d       upa.ṣ̌itə̄e.2 vahištā̊. anāzarətā̊.3
Verse: e          aēibiiō. nərəbiiō. vaŋuhīš.4
Verse: f       yōi.5 vō.6 vaŋuhīš.7 gufrā̊.
Verse: g          dūraēsūkā̊.8 baēṣ̌aziiā̊.
Verse: h          frasrūtā̊. vanat̰.pəṣ̌anā̊.
Verse: i             nōit̰. pauruuā̊. āzāraiieṇte.9



Karde 5


Paragraph: 31 
Verse: a    1aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       uγra.zaoṣ̌ā̊. t̰biṣ̌iiaṇbiiō.2
Verse: c       upairi.kairiiā̊. səuuištā̊.
Verse: d       yā̊. upairi. hamarənāδa.3
Verse: e          auruuaϑanąm. t̰biṣ̌iiaṇtąm.4
Verse: f             uγrā̊. bāzūš. scaṇdaiieiṇti.5



Karde 6


Paragraph: 32 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       arədrā̊. taxmā̊. aojaŋuhaitīš.1
Verse: c       anā.mąϑβā̊.2 xvāϑrauuaitīš.
Verse: d       xvāparā̊. baēṣ̌aziiā̊.
Verse: e       aṣ̌ōiš. baēṣ̌aza. hacimnā̊.
Verse: f       zəm.fraϑaŋha.3 dānu.drājaŋha.4
Verse: g          huuarə.barəzaŋha.



Karde 7


Paragraph: 33 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. taxmā̊. hąm.varəitiuuaitīš.1
Verse: c          arəzaiieiṇtīš. xruuiš́iiaṇtīš.2
Verse: d          uruuīnaitīš.3 frascaṇdaiieiṇtīš.4
Verse: e             vīspanąm. t̰biṣ̌uuatąm.5 t̰baēṣ̌ā̊.
Verse: f                daēuuanąm. maš́iiānąmca.
Verse: g          amaē.nijanō.6 hamərəϑə̄.7
Verse: h             hauuāi. kāmāica.8 zaoṣ̌āica.

Paragraph: 34 
Verse: a    yūžəm. vaŋuhi.1 nisrinaota.
Verse: b       vərəϑraγnəmca. ahuraδātəm.
Verse: c       vanaiṇtīmca. uparatātəm.
Verse: d          ābiiō. daiŋ́hubiiō. səuuištā̊.
Verse: e       yaϑa. vaŋuhīš.2 anāzarətā̊.3
Verse: f          xṣ̌nūtā̊. ainitā̊. at̰bištā̊.
Verse: g    yūžəm. yesniiā̊. vahmiiā̊.
Verse: h       vasō.yaonā̊.4 fracaraϑβe.5



Karde 8


Paragraph: 35 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b          frasrūtā̊. vanat̰.pəṣ̌anā̊.
Verse: c          auui.amā̊.1 spārō.dāštā̊.2
Verse: d          amuiiamnā̊. razištanąm.
Verse: e       yā̊.3 auua.zbaiiatō. auuaŋ́he.4
Verse: f          viiąsca. viiānasca:
Verse: g             apatə̄e.5 zbaiieiti.6 viiąs.
Verse: h             apa.gatə̄e.7 viiānō.

Paragraph: 36 
Verse: a       +yā̊. auuaδa. para.1 fraoirisištā̊.2
Verse: b          yaϑra.3 narō. aṣ̌auuanō.
Verse: c             aṣ̌əm. həṇti. zrazdātəma.4
Verse: d          yaϑraca. mazištā̊. frə̄rətā̊.5
Verse: e          yaϑraca. xṣ̌nūtō. aṣ̌auua.6



Karde 9


Paragraph: 37 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b          pouru.spāδā̊. yastō.zaiiā̊.1
Verse: c          uzgərəptō.drafṣ̌ā̊.2 bāmiiā̊:3
Verse: d       yā̊. uγrāhu. pəṣ̌anāhu.
Verse: e          taδa. nijasən. xštəuuiβiiō:4
Verse: f       taδa.5 yōi. taxma. xštāuuaiiō.6
Verse: g          dānubiiō. azən.7 pəṣ̌anā̊.8

Paragraph: 38 
Verse: a    yūžəm. taδa. tauruuaiiata.
Verse: b       vərəϑrəm. dānunąm. tūranąm:
Verse: c    yūžəm. taδa. tauruuaiiata.
Verse: d       t̰baēṣ̌ā̊. dānunąm.1 tūranąm:
Verse: e    yūṣ̌maoiiō.2 parō. karṣ̌nazō.3
Verse: f       huuīra. baon.4 səuuišta.
Verse: g          yōi. taxma. xštāuuaiiō.
Verse: h          yōi. taxma. saoš́iiaṇtō.
Verse: i          yōi. taxma. vərəϑrājanō:
Verse: j    xrūmā̊.5 asə̄biš.6 fraziṇta.7
Verse: k       dānunąm. baēuuarə.paitinąm.



Karde 10


Paragraph: 39 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. rasmanō. hąm.stātə̄e.
Verse: c          frakarana.1 sciṇdaiieiṇti.2
Verse: d          vī. maiδiiąnəm.3 nāmaiieiṇti.4
Verse: e          ϑβāṣ̌əm. paskāt̰. frauuazəṇte.5
Verse: f             auuaŋ́he.6 narąm. aṣ̌aonąm.
Verse: g             ązaŋhe. dužuuarštāuuarəząm.



Karde 11


Paragraph: 40 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. uγrā̊. aiβiϑūrā̊.
Verse: c          vārəϑraγnīš.1 vanat̰.pəṣ̌anā̊.
Verse: d          rąrəmā̊.2 vīuuāitīš.3 vīcirā̊.4
Verse: e          srauuaṣ̌əmnā̊.5 sraotanuuō.6
Verse: f          āsnō.uruuąnō. aṣ̌aonīš:
Verse: g       yā̊. dāϑrīš. vərəϑrəm. zbaiieṇte.
Verse: h          dāϑrīš. āiiaptəm. cakuṣ̌e.
Verse: i          dāϑrīš. baṇtāi. druuatātəm.

Paragraph: 41 
Verse: a          dāϑriš. ahmāi. vohu. xvarənō.
Verse: b             yō. hīš. aϑa. frāiiazāite.1
Verse: c                yaϑa. hīš. hō.nā.2 yazata.
Verse: d                   yō. aṣ̌auua. zaraϑuštrō.
Verse: e                   ratuš. astuuaiϑiiō. gaēϑaiiā̊.
Verse: f                   barəṣ̌nuš. bipaitištanaiiā̊.3
Verse: g                   kahmāicit̰.4 yā̊ŋhąm. jasō.5
Verse: h                   kahmāicit̰.6 ązaŋhąm. biβiuuā̊.7

Paragraph: 42 
Verse: a       yā̊.1 uzbātā̊.2 mainiiu.ṣ̌ūtā̊.3
Verse: b          +fraṣ̌ūsəṇte.4 barəṣ̌nuuō.5 auuaŋ́he.6
Verse: c          aṣ̌nō.7 aməm.8 paiδimnā̊.9 hutāštəm.10
Verse: d          vərəϑraγnəmca. ahuraδātəm.
Verse: e          vanaiṇtīmca. uparatātəm.
Verse: f          saokąmca. barat̰.auuarətąm.
Verse: g             barat̰.āiiaptąm. aṣ̌aonīm.
Verse: h             ϑrąfəδąm. yesniiąm. vahmiiąm.
Verse: i                aṣ̌āt̰. haca. yat̰. vahištāt̰.

Paragraph: 43 
Verse: a    tā̊. hərəzəṇti.1 satauuaēsəm.2
Verse: b          aṇtarə. ząm. asmanəmca.
Verse: c       tat̰.āpəm.3 zauuanō.srūtəm.4
Verse: d       tat̰.āpəm.3 uxṣ̌iiat̰.uruuarəm.5
Verse: e          ϑrāϑrāi. pasuuā̊. vīraiiā̊.
Verse: f          ϑrāϑrāi. airiianąm. dax́iiunąm.
Verse: g          ϑrāϑrāi. gə̄uš. paṇcō.hiiaiiā̊.6
Verse: h          auuaŋhe.7 narąm. aṣ̌aonąm.8

Paragraph: 44 
Verse: a    vī. aṇtarə. ząm. asmanəmca.
Verse: b          satauuaēsō. vī.jasāiti.1
Verse: c       tat̰.āpō.2 zauuanō.srūtō.3
Verse: d       tat̰.āpō.2 uxṣ̌iiat̰.uruuarō.4
Verse: e             srīrō. bānuuā̊.5 raoxṣ̌nəmā̊.
Verse: f          ϑrāϑrāi. pasuuā̊. vīraiiā̊.
Verse: g          ϑrāϑrāi. airiianąm. dax́iiunąm.
Verse: h          ϑrāϑrāi. gə̄uš. paṇcō.hiiaiiā̊.6
Verse: i          auuaŋhe. narąm. aṣ̌aonąm.



Karde 12


Paragraph: 45 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       aiiō.xaoδā̊. aiiō.zaiiā̊.
Verse: c       aiiō.vərəϑrā̊. yā̊. pərətəṇte.1
Verse: d          vərəϑraγniiaēṣ̌u. raoxṣ̌ni.aiβiδātaēṣ̌u.2
Verse: e       ϑaxtā̊.3 arəzažīš.4 barəṇtīš.
Verse: f          hazaŋraγniiāi. daēuuanąm.

Paragraph: 46 
Verse: a       yat̰. hīš. aṇtarə. vātō. frauuāiti.
Verse: b          barō.baoδō. maš́iiānąm.
Verse: c    tē. narō. paiti.zānəṇti.1
Verse: d       yāhuua.2 vərəϑra.baoδō:3
Verse: e    tē. ābiiō. frə̄rətā̊.4 frə̄rənuuaiṇti.5
Verse: f       aṣ̌aonąm. vaŋuhibiiō.6 sūrābiiō.
Verse: g          spəṇtābiiō. frauuaṣ̌ibiiō.
Verse: h             ϑaxtaiiāt̰.7 parō. aŋhuiiāt̰.
Verse: i             uzgərəβiiāt̰. parō.8 bāzuβe.

Paragraph: 47 
Verse: a    yatāra.1 vā. dīš. pauruua.2 frāiiazəṇte.3
Verse: b       fraorət̰. fraxṣ̌ni.4 auui. manō.
Verse: c          zarazdātōit̰.5 aŋhuiiat̰.6 haca.
Verse: d    ātaraϑra.7 fraorisiṇti.8
Verse: e       uγrā̊. aṣ̌āunąm.9 frauuaṣ̌aiiō.
Verse: f          haϑra. miϑrāca.10 raṣ̌nuca.
Verse: g             uγraca.11 dāmōiš. upamana.
Verse: h          haϑra. vāta. vərəϑrājana.12

Paragraph: 48 
Verse: a    tā̊. daiŋ́hāuuō.1
Verse: b          haϑra. jatā̊.2 nijaγnəṇte.3
Verse: c             paṇcasaγnāi. sataγnāišca.
Verse: d             sataγnāi. hazaŋraγnāišca.
Verse: e             hazaŋraγnāī. baēuuarəγnāišca.
Verse: f             baēuuarəγnāi. ahąxštaγnāišca.4
Verse: g          yaϑra. fraoirisiṇti.5
Verse: h             uγrā̊. aṣ̌āunąm.6 frauuaṣ̌aiiō.
Verse: i          haϑra. miϑrāca.7 raṣ̌nuca.
Verse: j             uγraca.7 dāmōiš. upamanō.8
Verse: k          haϑra. vāta. vərəϑrājanō.9



Karde 13


Paragraph: 49 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       1yā̊. vīsāδa.2 āuuaiieiṇti.3
Verse: c          hamaspaϑmaēdaēm.4 paiti. ratūm.
Verse: d    āat̰. aϑra.5 vīcarəṇti.6
Verse: e       dasa. pairi. xṣ̌afnō.
Verse: f          auuat̰. auuō. zixṣ̌nā̊ŋhəmnā̊:7

Paragraph: 50 
Verse: a    kō. nō. stauuāt̰. kō. yazāite.1
Verse: b    kō. ufiiāt̰.2 kō. frīnāt̰.3 kō. paiti.zanāt̰.4
Verse: c       gaomata. zasta. vastrauuata.
Verse: d       aṣ̌a.nāsa. nəmaŋha.
Verse: e    kahe. nō. iδa.5 nąma. āγairiiāt̰.
Verse: f    kahe. vō. uruua.6 frāiieziiāt̰.7
Verse: g    kahmāi. nō. tat̰.8 dāϑrəm. daiiāt̰.
Verse: h       yat̰. hē. aŋhat̰. xvairiiąn.9 ajiiamnəm.10
Verse: i          yauuaēca. yauuaētātaēca.

Paragraph: 51 
Verse: a    āat̰. yō. nā. hīš.1 frāiiazāite.
Verse: b       gaomata. zasta. vastrauuata.
Verse: c       aṣ̌a.nāsa.2 nəmaŋha.
Verse: d    ahmāi. āfrīnəṇti.3
Verse: e       xṣ̌nūtā̊. ainitā̊. at̰bištā̊.
Verse: f       uγrā̊. aṣ̌āunąm. frauuaṣ̌aiiō:

Paragraph: 52 
Verse: a    buiiāt̰. ahmi. nmāne.
Verse: b       gə̄ušca. vąϑβa. upa.1 vīranąmca.
Verse: c    buiiāt̰. āsušca.2 aspō. dərəzrasca.3 vāxṣ̌ō:4
Verse: d    buiiāt̰. nā. stāhiiō.5 viiāxanō.
Verse: e       yō. nō. bāδa. frāiiazāite.
Verse: f          gaomata. zasta. vastrauuata.
Verse: g          aṣ̌a.nāsa. nəmaŋha.



Karde 14


Paragraph: 53 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. apąm. mazdaδātanąm.1
Verse: c          srīrā̊. paϑō. daēsaiieiṇti.2
Verse: d       yā̊. para. ahmāt̰. hištəṇta.3
Verse: e          fraδātā̊.4 afratat̰.kuṣ̌īš.5
Verse: f             hamaiia.6 gātuuō.7
Verse: g             darəγəmcit̰. pairi.8 zruuānəm.

Paragraph: 54 
Verse: a    āat̰. tā̊. nūrąm. frataciṇti.1
Verse: b       mazdaδātąm. paiti. paṇtąm.
Verse: c       baγō.baxtəm. paiti. yaonəm.
Verse: d       frāϑβarštəm.2 paiti. āfəṇtəm.
Verse: e          zaoṣ̌āi. ahurahe. mazdā̊.3
Verse: f          zaoṣ̌āi. aməṣ̌anąm. spəṇtanąm.



Karde 15


Paragraph: 55 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. uruuaranąm. xvaβrīranąm.
Verse: c          srīrā̊. uruϑmīš. daēsaiieiṇti.1
Verse: d       yā̊. para.2 ahmāt̰. hištəṇta.3
Verse: e          fraδātā̊.4 afraoxṣ̌aiieiṇtīš.5
Verse: f             hamaiia.6 gātuuō.7
Verse: g             darəγəmcit̰. pairi. zruuānəm.

Paragraph: 56 
Verse: a    āat̰. tā̊. nūrąm. frauuaxṣ̌aiieiṇti.1
Verse: b       mazdaδātəm. paiti. paṇtąm.
Verse: c       baγō.baxtəm. paiti. yaonəm.
Verse: d       frāϑβarštəm.2 paiti. zruuānəm.
Verse: e          zaoṣ̌āi. ahurahe. mazdā̊.
Verse: f          zaoṣ̌āi. aməṣ̌anąm. spəṇtanąm.



Karde 16


Paragraph: 57 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. strąm.1 mā̊ŋhō. hūrō.
Verse: c          anaγranąm. raocaŋhąm.2
Verse: d             paϑō. daēsaiiən.3 aṣ̌aonīš.
Verse: e                +yōi.4 para. ahmāt̰. hame. gātuuō.5
Verse: f                   darəγəm. hištəṇta.6 afraṣ̌īmaṇtō.7
Verse: g                      daēuuanąm. parō. t̰baēṣ̌aŋhat̰.
Verse: h                      daēuuanąm. parō. draomōhu.

Paragraph: 58 
Verse: a    āat̰. tē.1 nūrąm. frauuazəṇti.2
Verse: b       +dūraēuruuaēsəm.3 aδβanō. uruuaēsəm. nāṣ̌əmna.4
Verse: c          yim. fraṣ̌ō.kərətōit̰.5 vaŋhuiiā̊.



Karde 17


Paragraph: 59 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. auuat̰.1 zraiiō. aiβiiāxṣ̌aiieiṇti.2
Verse: c             yat̰. vourukaṣ̌əm. bāmīm.
Verse: d          nauuaca. nauuaitīšca.3
Verse: e          nauuaca. sata.
Verse: f          nauuaca. hazaŋra.
Verse: g          nauuasə̄sca.4 baēuuąn.



Karde 18


Paragraph: 60 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. auue.1 strə̄uš.2 aiβiiāxṣ̌aiieiṇti.3
Verse: c             yąm.4 haptōirəṇgə̄.5
Verse: d          nauuaca. nauuaitīšca.
Verse: e          nauuaca. sata.
Verse: f          nauuaca. hazaŋra.
Verse: g          nauuasə̄sca. baēuuąn.



Karde 19


Paragraph: 61 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. auuąm. kəhrpəm. aiβiiāxṣ̌aiieiṇti.
Verse: c             yąm. sāmahe. kərəsāspahe.
Verse: d             yat̰. gaēsāuš.1 gaδauuarahe.
Verse: e          nauuaca. nauuaitīšca.
Verse: f          nauuaca. sata.
Verse: g          nauuaca. hazaŋra.
Verse: h          nauuasə̄sca. baēuuąn.



Karde 20


Paragraph: 62 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. auuąm. xṣ̌udrəm.1 aiβiiāxṣ̌aiieiṇti.
Verse: c             yąm. spitāmahe. aṣ̌aonō. zaraϑuštrahe.
Verse: d          nauuaca. nauuaitīšca.
Verse: e          nauuaca. sata.
Verse: f          nauuaca. hazaŋra.
Verse: g          nauuasə̄sca. baēuuąn.



Karde 21


Paragraph: 63 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. ahurahe. xṣ̌aiiatō.
Verse: c          daṣ̌inąm. upa. yūiδiieiṇti.1
Verse: d       yezi. aēm. bauuaiti. aṣ̌auua.xṣ̌nus.2
Verse: e       yezi. ṣ̌ē. bauuaiṇti. anāzərətā̊.3
Verse: f          xṣ̌nūtā̊. ainitā̊. at̰bištā̊.
Verse: g          uγrā̊. aṣ̌āunąm. frauuaṣ̌aiiō.



Karde 22


Paragraph: 64 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. masiiehīš.1 ahmāt̰.
Verse: c       yā̊. aojiiehīš. ahmāt̰.
Verse: d       yā̊. tąṣ̌iiehīš. ahmāt̰.
Verse: e       yā̊. amauuastarā̊.2 ahmāt̰.
Verse: f       yā̊. vərəϑrauuastarā̊. ahmāt̰.
Verse: g       yā̊. baēṣ̌aziiōtarā̊. ahmāt̰.
Verse: h       yā̊. yāskərəstarā̊.3 ahmāt̰.
Verse: i          yaϑa. vaca. framrauuāire.4
Verse: j       yā̊. maδəməmcit̰.5 miiezdinąm.6
Verse: k          baēuuani.7 upauuazəṇte.8

Paragraph: 65 
Verse: a    āat̰. yat̰. āpō. uzbarəṇte.1
Verse: b             spitama. zaraϑuštra.
Verse: c          zraiiaŋhat̰. haca. vourukaṣ̌āt̰.
Verse: d       xvarənasca. yat̰. mazdaδātəm.
Verse: e    āat̰. fraṣ̌ūsəṇti.2
Verse: f       uγrā̊. aṣ̌āunąm. frauuaṣ̌aiiō.
Verse: g          paoirīš.3 pouru.satā̊.
Verse: h          paoirīš. pouru.hazaŋrā̊.4
Verse: i          paoirīš. pouru.baēuuanō.

Paragraph: 66 
Verse: a          āpəm. aēṣ̌əmnā̊.1
Verse: b             hauuāi. kācit̰. nāfāi.2
Verse: c             hauuaiiāi.3 vīse.
Verse: d             hauuāi. zaṇtauue.
Verse: e             hauuaiiāi.4 daiŋ́hauue.5
Verse: f                uitiiaojanā̊:6
Verse: g       xvaēpaiϑe. nō.7 daiŋ́huš.8
Verse: h          niδātaēca.9 haoṣ̌ātaēca.

Paragraph: 67 
Verse: a    tā̊. yūiδiieiṇti.1 pəṣ̌anāhu.
Verse: b       hauue. asahi.2 ṣ̌ōiϑraēca.3
Verse: c          yaϑa. asō. maēϑanəmca.4
Verse: d             aiβiṣ̌itə̄e.5 daδāra.6
Verse: e       mąnaiiən. ahe.
Verse: f          yaϑa.nā.7 taxmō. raϑaēštā̊.
Verse: g             huš.hąm.bərətat̰. haca. ṣ̌aētāt̰.8
Verse: h                yastō.zaēniš.9 paiti.γnīta.10

Paragraph: 68 
Verse: a    āat̰. yā̊sca. ā̊ŋhąm. niuuānəṇte.1
Verse: b       tā̊. āpəm. parāzəṇti.2
Verse: c          hauuāi. kācit̰. nāfāi.3
Verse: d          hauuaiiāi. vīse.
Verse: e          hauuāi. zaṇtauue.
Verse: f          hauuaiiāi.4 daiŋ́hauue.5
Verse: g             uitiiaojanā̊:6
Verse: h       xvaēpaiϑe. nō.6 daiŋ́huš.
Verse: i          fraδātaēca. varəδātaēca.7

Paragraph: 69 
Verse: a    āat̰. yat̰. bauuaiti.1 auui.spaštō.2
Verse: b       sāsta. daiŋ́hə̄uš.3 hamō.xṣ̌aϑrō.4
Verse: c          auruuaϑaēibiiō.5 parō. t̰biṣ̌iiaṇbiiō.6
Verse: d    tā̊. hascit̰. upa.zbaiieite.7
Verse: e       uγrā̊. aṣ̌āunąm. frauuaṣ̌aiiō.

Paragraph: 70 
Verse: a    tā̊. hē.1 jasā̊ṇti.2 auuaŋ́he.3
Verse: b       yezi.ṣ̌ē. bauuaiṇti. anāzarətā̊.4
Verse: c          xṣ̌nūtā̊. ainitā̊.5 at̰bištā̊.
Verse: d          uγrā̊. aṣ̌āunąm. frauuaṣ̌aiiō:
Verse: e    tā̊. dim. auua.6 nifrāuuaiieṇte.7
Verse: f       mąnaiiən. ahe.
Verse: g          yaϑa. *nā.8 mərəγō. huparənō.9

Paragraph: 71 
Verse: a    tā̊. hē.1 snaiϑišca. varəϑasca.2
Verse: b       parštasca.3 pairiuuārasca.
Verse: c          vīsəṇte.4 pairi. mainiiaoiiāt̰.
Verse: d             drujat̰. varəniiaiiāt̰ca.5 druuōiϑiiāt̰.6
Verse: e             zizi.yūṣ̌at̰ca.7 kaiiaδāt̰.8
Verse: f             vīspō.mahrkāat̰ca. pairi.
Verse: g             druuatat̰.9 yat̰. aŋrāt̰. mainiiaot̰.10
Verse: h       mąnaiiən. ahe.
Verse: i          yaϑa. nā. satəmca. hazaŋrəmca. baēuuarəca.11
Verse: j             pairištanąm.12 nijaϑəm.13 hiiāt̰.

Paragraph: 72 
Verse: a    yaϑa. nōit̰. tat̰. paiti. karətō.1 hufraŋharštō.
Verse: b       nōit̰. vazrō. huniuuixtō.
Verse: c       nōit̰. iṣ̌uš. xvāϑaxtō.2
Verse: d       nōit̰. arštiš. huuaiβiiāsta.3
Verse: e       nōit̰. asānō.4 arəmō.ṣ̌ūtō.5
Verse: f          auuasiiāt̰.

Paragraph: 73 
Verse: a    vīsəṇte. auuat̰.1 vīsəṇtaēca.
Verse: b       mazdaiiascit̰.2 airime.aŋhaδō.3
Verse: c          aṣ̌āunąm. vaŋuhīš. sūrā̊. spəṇtā̊. frauuaṣ̌aiiō.
Verse: d             auuat̰. auuō. zixṣ̌nā̊ŋhəmnā̊:4
Verse: e    kō. nō. stauuāt̰. kō. yazāite.5
Verse: f    kō. ufiiāt̰. kō. frīnāt̰. kō. paiti.zanāt̰. (~ Yt. 13,50)
Verse: g       gaomata. zasta. vastrauuata.
Verse: h       aṣ̌a.nāsa. nəmaŋha.
Verse: i    kahe. nō. iδa. nąma. āγairiiāt̰.
Verse: j    kahe. vō. uruua. frāiieziiāt̰.
Verse: k    kahmāi. nō. tat̰. dāϑrəm. daiiāt̰.
Verse: l       yat̰. hē. aŋhat̰. xvairiiąn. ajiiamnəm.10
Verse: m          yauuaēca. yauuaētātaēca.

Paragraph: 74 
Verse: a    1āsnā̊. yazamaide.
Verse: b    manā̊. yazamaide:
Verse: c    daēnā̊. yazamaide:
Verse: d    saoš́iiaṇtąm. yazamaide:
Verse: e    urunō. yazamaide:
Verse: f       pasukanąm. yazamaide:
Verse: g       daitikanąm.2 yazamaide:
Verse: h       upāpanąm. yazamaide:
Verse: i       upasmanąm. yazamaide:
Verse: j       fraptərəjātąm.3 yazamaide:
Verse: k       rauuascarātąm. yazamaide:
Verse: l       caŋraŋhācąm. yazamaide:
Verse: m    frauuaṣ̌aiiō. yazamaide.

Paragraph: 75 
Verse: a    frauuaṣ̌īš. yazamaide:
Verse: b       arədrā̊.1 yazamaide:
Verse: c       taxmā̊. yazamaide:
Verse: d       taṇcištā̊.2 yazamaide.
Verse: e       spəṇtā̊. yazamaide.
Verse: f       spə̄ništā̊. yazamaide.
Verse: g       sūrā̊. yazamaide.
Verse: h       səuuištā̊.3 yazamaide.
Verse: i       dərəzrā̊. yazamaide.
Verse: j       aiβiϑūrā̊. yazamaide.
Verse: k       uγrā̊. yazamaide.
Verse: l       aojištā̊. yazamaide.
Verse: m       rəuuīš.4 yazamaide.
Verse: n       rəṇjištā̊.5 yazamaide.
Verse: o       yāskərətō.6 yazamaide.
Verse: p       yāskərəstəmā̊. yazamaide.

Paragraph: 76 
Verse: a    tā̊. zī. həṇti.1 yāskərəstəmā̊.
Verse: b          uuaiiā̊.2 maniuuā̊.3 dāmąn.
Verse: c       yā̊. aṣ̌āunąm. vaŋuhīš.
Verse: d          sūrā̊. spəṇtā̊. frauuaṣ̌aiiō.
Verse: e       yā̊. taδa.4 ərəδβā̊.5 hištəṇta.6
Verse: f          yat̰. mainiiū.7 dāmąn. daiδītəm.
Verse: g             yasca. spəṇtō. mainiiuš. yasca. aŋrō.

Paragraph: 77 
Verse: a    yat̰. titarat̰.1 aŋrō. mainiiuš.
Verse: b       dāhīm.2 aṣ̌ahe. vaŋhə̄uš.3
Verse: c          aṇtarə. pairi.auuāitəm.4
Verse: d          vohuca. manō. ātaršca.

Paragraph: 78 
Verse: a    tā̊. hē. tauruuaiiatəm.1 t̰baēṣ̌ā̊.
Verse: b       aŋrahe. mainiiə̄uš. druuatō.
Verse: c          yat̰. nōit̰. āpō. takāiš.2 staiiat̰.
Verse: d             nōit̰. uruuarā̊. uruϑmabiiō:3
Verse: e    hakat̰. sūrahe. daϑuṣ̌ō.
Verse: f       xṣ̌aiiatō. ahurahe. mazdā̊.
Verse: g          fratacin. āpō. səuuištā̊.
Verse: h             uzuxṣ̌iiąnca.4 uruuarā̊.

Paragraph: 79 
Verse: a    vīspā̊. āpō. yazamaide.
Verse: b    vīspā̊. uruuarā̊. yazamaide.
Verse: c    vīspā̊. aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide:
Verse: d    nāmə̄ni.1 āpō. yazamaide.
Verse: e    nāmə̄ni. uruuarā̊. yazamaide.
Verse: f    nāmə̄ni. aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.

Paragraph: 80 
Verse: a    1vīspanąmca. ā̊ŋhąm. paoiriianąm.
Verse: b          frauuaṣ̌inąm. iδa. yazamaide.
Verse: c       frauuaṣ̌īm. auuąm.
Verse: d          yąm. ahurahe. mazdā̊.
Verse: e          mazištąmca. vahištąmca.
Verse: f          sraēštąmca. xraoždištąmca.
Verse: g          xraϑβištąmca. hukərəptəmąmca.
Verse: h             aṣ̌āt̰. apanōtəmąmca.

Paragraph: 81 
Verse: a          yeŋ́he. uruua. mąϑrō. spəṇtō.
Verse: b             auruṣ̌ō. raoxṣ̌nō. frādərəsrō.1
Verse: c             kəhrpasca. yā̊. raēϑβaiieiti.2
Verse: d                srīrā̊. aməṣ̌anąm. spəṇtanąm.
Verse: e                vərəzdā̊.3 aməṣ̌anąm. spəṇtanąm:
Verse: f    huuarəxṣ̌aētəm. auruuat̰.aspəm. yazamaide.



Karde 23


Paragraph: 82 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       1yā̊. aməṣ̌anąm. spəṇtanąm.
Verse: c          xṣ̌aētanąm. vərəzi.dōiϑranąm.
Verse: d          bərəzatąm.2 aiβiiāmanąm.3
Verse: e          taxmanąm. āhūiriianąm.4
Verse: f          yōi. aiϑiiejaŋhō.5 aṣ̌auuanō:6

Paragraph: 83 
Verse: a          yōi. hapta. hamō.manaŋhō.
Verse: b          yōi. hapta. hamō.vacaŋhō.
Verse: c          yōi. hapta. hamō.š́iiaoϑnā̊ŋhō.1
Verse: d          yaēṣ̌ąm. asti. haməm. manō.
Verse: e             haməm. vacō. haməm. š́iiaoϑnəm.
Verse: f             hamō.2 pataca. frasāstaca.
Verse: g                yō. daδuuā̊. ahurō. mazdā̊:

Paragraph: 84 
Verse: a          yaēṣ̌ąm. ainiiō. ainiiehe.1
Verse: b             uruuānəm. aiβi.vaēnaiti.2
Verse: c                mərəϑβəṇtəm.3 humataēṣ̌u.
Verse: d                mərəϑβəṇtəm. hūxtaēṣ̌u.
Verse: e                mərəϑβəṇtəm. huuarštaēṣ̌u.
Verse: f                mərəϑβəṇtəm. garō.nmānəm.3
Verse: g          yaēṣ̌ąm. raoxṣ̌nā̊ŋhō. paṇtānō.
Verse: h             āuuaiiatąm. auui. zaoϑrā̊.



Karde 24


Paragraph: 85 
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yąmca. āϑrō. uruuāzištahe.
Verse: c          spəṇtahe. viiāxanahe.
Verse: d       yąmca. sraoṣ̌ahe. aṣ̌iiehe.
Verse: e          taxmahe. tanumąϑrahe.
Verse: f          darṣ̌i.draoš. āhūiriiehe.
Verse: g       yąmca. nairiiehe. saŋhahe.

Paragraph: 86 
Verse: a       yąmca. raṣ̌naoš. razištahe.
Verse: b       yąmca. miϑrahe. vouru.gaoiiaoitōiš.
Verse: c       yąmca. mąϑrahe. spəṇtahe.
Verse: d       yąmca. aṣ̌nō. yąmca. āpō.
Verse: e       yąmca. zəmō. yąmca. uruuaraiiā̊.1
Verse: f       yąmca. gə̄uš. yąmca. gaiiehe.
Verse: g       yąmca. staoiiō.2 aṣ̌āuuaoiiō.3

Paragraph: 87 
Verse: a    gaiiehe. marəϑnō.1 aṣ̌aonō. frauuaš́īm. yazamaide::
Verse: b       yō. paoiriiō. ahurāi. mazdāi.2
Verse: c          manasca. gūšta.3 sāsnā̊sca.
Verse: d       yahmāt̰.4 haca. frāϑβərəsat̰.5
Verse: e          nāfō.6 airiianąm. dax́iiunąm.
Verse: f          ciϑrəm. airiianąm. dax́iiunąm::
Verse: g    zaraϑuštrahe. spitāmahe. iδa. aṣ̌aonō. aṣ̌īmca.7 frauuaš́īmca. yazamaide.::

Paragraph: 88 
Verse: a       paoiriiāi. vohu. mamnānāi.1
Verse: b       paoiriiāi. vohu. vaokuṣ̌e.
Verse: c       paoiriiāi. vohu. vāuuərəzuṣ̌e.2
Verse: d       paoiriiāi. aϑaurune.
Verse: e       paoiriiāi. raϑaēštāi.
Verse: f       paoiriiāi. vāstriiāi. fṣ̌uiieiṇte.3
Verse: g       paoiriiāi. frauuaēδāi.
Verse: h       paoiriiāi. frauuaēδaiiamnāi.
Verse: i       paoiriiāi. haŋhananāi.4
Verse: j       paoiriiāi. haŋhanuṣ̌e.5
Verse: k          gąmca. aṣ̌əmca. uxδəmca.
Verse: l          uxδax́iiāca.6 sraoṣ̌əm. xṣ̌aϑrəmca.
Verse: m          vīspaca. vohu.7 mazdaδāta. aṣ̌aciϑra.

Paragraph: 89 
Verse: a       yō. paoiriiō. āϑrauua.
Verse: b       yō. paoiriiō. raϑaēštā̊.
Verse: c       yō. paoiriiō. vāstriiō. fṣ̌uiiąs:
Verse: d       yō. paoiriiō. ciϑrəm.1 uruuaēsaiiata.2
Verse: e          daēuuāat̰ca. haotāt̰.3 maš́iiāat̰ca:
Verse: f       yō. paoiriiō. stōiš. astuuaiϑiiā̊.4
Verse: g          staot̰.5 aṣ̌əm. nāist.6 daēuuō.7 fraorənata.8
Verse: h             mazdaiiasnō. zaraϑuštriš.
Verse: i             vīdaēuuō. ahura.t̰kaēṣ̌ō.

Paragraph: 90 
Verse: a       yō. paoiriiō. stōiš. astuuaiϑiiā̊.1
Verse: b          vācim.2 aoxta. vīdōiium.3 ahurō.t̰kaēṣ̌əm:
Verse: c       yō. paoiriiō. stōiš. astuuaiϑiiā̊.
Verse: d          vācim. framraot̰.4 vīdōiium.3 ahurō.t̰kaēṣ̌əm:
Verse: e       yō. paoiriiō. stōiš. astuuaiϑiiā̊.
Verse: f          vīspąm.5 daēuuō.dātəm. vauuaca.
Verse: g             aiiesniiąm.6 auuahmiiąm:
Verse: h       yō. sūrō. vīspō.hujiiāitiš.
Verse: i          paoiriiō. t̰kaēṣ̌ō. dax́iiunąm.

Paragraph: 91 
Verse: a       yahmi.1 paiti. vīspəm.mąϑrəm.2
Verse: b          aṣ̌əm. srauuō. vīsruiiata:
Verse: c       ahu.3 ratušca. gaēϑanąm.
Verse: d          staota. aṣ̌ahe. yat̰. mazištaheca.
Verse: e             vahištaheca. sraēštaheca.
Verse: f          paiti.fraxštaca.4 daēnaiiāi.5
Verse: g             yat̰. haitinąm.6 vahištaiiāi.7

Paragraph: 92 
Verse: a       yim. isən.1 aməṣ̌ā̊. spəṇta.2
Verse: b          vīspe. huuarə.hazaoṣ̌a.3
Verse: c                fraorət̰. fraxṣ̌ni.4 auui. manō.
Verse: d                zrazdātōit̰.5 aŋhuiiat̰.6 haca.
Verse: e             ahūm.7 ratūmca. gaēϑanąm.
Verse: f             staotārəm. aṣ̌ahe. yat̰. mazištaheca.
Verse: g                vahištaheca. sraēštaheca.
Verse: h             paiti.fraxštārəmca. daēnaiiāi.
Verse: i                yat̰. haitinąm.8 vahištaiiāi.

Paragraph: 93 
Verse: a       yehe.1 ząϑaēca. vaxṣ̌aēca.
Verse: b          uruuāsən.2 āpō. uruuarā̊sca.
Verse: c       yehe.1 ząϑaēca. vaxṣ̌aēca.
Verse: d          uxṣ̌in.3 āpō. uruuarā̊sca:
Verse: e       yehe.1 ząϑaēca. vaxṣ̌aēca.
Verse: f          uštatātəm. nimrauuaṇta.4
Verse: g             vīspā̊. spəṇtō.dātā̊.5 dāmąn:

Paragraph: 94 
Verse: a    ušta. nō.1 zātō. āϑrauua.
Verse: b       yō. spitāmō.2 zaraϑuštrō:
Verse: c    frā. nō. yazāite.3 zaoϑrābiiō.
Verse: d       stərətō.barəsma.4 zaraϑuštrō:
Verse: e    iδa.5 apąm. vījasāiti.6
Verse: f       vaŋuhi.7 daēna. māzdaiiasniš.8
Verse: g          vīspāiš. auui.9 karṣ̌uuąn. yāiš. hapta.

Paragraph: 95 
Verse: a    1iδa. apąm. miϑrō. yō. vouru.gaoiiaoitiš.
Verse: b       fraδāt̰.2 vīspā̊. fratəmatātō. dax́iiunąm.
Verse: c          yaozaiṇtīšca.3 rāmaiieiti:4
Verse: d    iδa. apąm. napā̊.5 sūrō.6
Verse: e       fraδāt̰.2 vīspā̊. fratəmatātō. dax́iiunąm.
Verse: f          yaozaiṇtīšca.3 niiāsāite:7
Verse: g    maiδiiōimā̊ŋhahe.8 ārāstiiehe.9 iδa.
Verse: h       aṣ̌aonō. aṣ̌īmca.10 frauuaṣ̌īmca. yazamaide.
Verse: i          yō. paoiriiō. zaraϑuštrāi.
Verse: j             mąϑrəmca. gūšta.11 sāsnā̊sca.



Karde 25


Paragraph: 96 
Verse: a    asmō. xvanuuatō. aṣ̌aonō. frauuaṣ̌īm. yazamaide:
Verse: b    aṣ̌nō.1 xvanuuatō. aṣ̌aonō. frauuaṣ̌īm. yazamaide.:
Verse: c    gauuaiiānō.2 aṣ̌aonō. frauuaṣ̌īm. yazamaide.:
Verse: d    parṣ̌at̰.gə̄uš.3 parātahe.4 aṣ̌aonō. frauuaṣ̌īm. yazamaide.:
Verse: e    vohuuastōiš. snaoiiehe.5 aṣ̌aonō. frauuaṣ̌īm. yazamaide.:
Verse: f    isuuatō.6 varāzahe. aṣ̌aonō. frauuaṣ̌īm. yazamaide.

Paragraph: 97 
Verse: a    saēnahe.1 ahūm.stūtō.2 aṣ̌aonō. frauuaṣ̌īm. yazamaide:
Verse: b       yō. paoiriiō. satō.aēϑriiō.
Verse: c          fraxštata.3 paiti. āiia. zəmā:
Verse: d    pərəidiδaiiehe.4 aṣ̌aonō. frauuaṣ̌īm. yazamaide.:
Verse: e    usmānarahe. paēṣ̌atahe.5 aṣ̌aonō. frauuaṣ̌īm. yazamaide.:
Verse: f    vohu.raocaŋhō. frāniiehe.6 aṣ̌aonō. frauuaṣ̌īm. yazamaide.:
Verse: g    aṣ̌ō.raocaŋhō. frāniiehe.6 aṣ̌aonō. frauuaṣ̌īm. yazamaide.:
Verse: h    varəsmō.raocaŋhō. frāniiehe. aṣ̌aonō. frauuaṣ̌īm. yazamaide.

Paragraph: 98 
Verse: a    isat̰.vāstrahe.1 zaraϑuštrōiš.2 aṣ̌aonō. frauuaṣ̌īm. yazamaide.:
Verse: b    uruuatat̰.narahe.3 zaraϑuštrōiš.2 aṣ̌aonō. frauuaṣ̌īm. yazamaide.:
Verse: c    huuarəciϑrahe. zaraϑuštrōiš.2 aṣ̌aonō. frauuaṣ̌īm. yazamaide.:
Verse: d    daēuuat̰bōiš.4 taxmahe. aṣ̌aonō. frauuaṣ̌īm. yazamaide.:
Verse: e    ϑrimiϑβatō. spitāmahe. aṣ̌aonō. frauuaṣ̌īm. yazamaide.:
Verse: f    dā̊ŋhahe. zairitahe.5 aṣ̌aonō. frauuaṣ̌īm. yazamaide.

Paragraph: 99 
Verse: a    kauuōiš. vīštāspahe. aṣ̌aonō. frauuaṣ̌īm. yazamaide:
Verse: b       taxmahe. tanumąϑrahe.
Verse: c       darṣ̌i.draoš. āhūiriiehe.
Verse: d       yō. druca.1 pauruuąnca.2
Verse: e          aṣ̌āi. rauuō.3 yaēṣ̌a.4
Verse: f       yō. druca.1 pauruuąnca.2
Verse: g          aṣ̌āi. rauuō. vīuuaēδa.
Verse: h       yō. bāzušca. upastaca.
Verse: i          vīsata. aiŋ́hā̊.5 daēnaiiā̊.
Verse: j             yat̰. ahurōiš. zaraϑuštrōiš:

Paragraph: 100 
Verse: a       yō. hīm. stātąm.1 hitąm.2 haitīm.3
Verse: b          uzuuažat̰.4 haca. hinūiβiiō.5
Verse: c          nī. hīm. dasta. maiδiiōiṣ̌āδəm.6
Verse: d             +bərəzi.rāzəm. afrakaδauuaitīm.7 aṣ̌aonīm.
Verse: e             ϑrąfδąm.8 gə̄ušca. vāstraheca.
Verse: f             friϑąm.9 gə̄ušca. vāstraheca.

Paragraph: 101 
Verse: a    zairiuuarōiš. aṣ̌aonō. frauuaṣ̌īm. yazamaide:
Verse: b    yuxtauuarōiš.1 aṣ̌aonō. frauuaṣ̌īm. yazamaide.:
Verse: c    srīraoxṣ̌nō.2 aṣ̌aonō. frauuaṣ̌īm. yazamaide.:
Verse: d    kərəsaoxṣ̌nō.3 aṣ̌aonō. frauuaṣ̌īm. yazamaide.:
Verse: e    vanārahe.4 aṣ̌aonō. frauuaṣ̌īm. yazamaide.:
Verse: f    vīrāzahe.5 aṣ̌aonō. frauuaṣ̌īm. yazamaide.:
Verse: g    nījarahe. sauuaŋhō.6 aṣ̌aonō. frauuaṣ̌īm. yazamaide.:
Verse: h    bujasrauuaŋhō.7 aṣ̌aonō. frauuaṣ̌īm. yazamaide.:
Verse: i    bərəziiarštōiš. aṣ̌aonō. frauuaṣ̌īm. yazamaide.:
Verse: j    tižiiarštōiš.8 aṣ̌aonō. frauuaṣ̌īm. yazamaide.:
Verse: k    pərəϑuuarštōiš.9 aṣ̌aonō. frauuaṣ̌īm. yazamaide.:
Verse: l    vaēžiiarštōiš.10 aṣ̌aonō. frauuaṣ̌īm. yazamaide.

Paragraph: 102 
Verse: a    naptiiehe.1 aṣ̌aonō. frauuaṣ̌īm. yazamaide:
Verse: b    važāspahe.2 aṣ̌aonō. frauuaṣ̌īm. yazamaide.:
Verse: c    habāspahe. aṣ̌aonō. frauuaṣ̌īm. yazamaide.:
Verse: d    vistaraoš.3 naotairiiānahe.4 aṣ̌aonō. frauuaṣ̌īm. yazamaide.:
Verse: e    fraš.hąm.varətahe.5 aṣ̌aonō. frauuaṣ̌īm. yazamaide.:
Verse: f    fraṣ̌ōkarahe.6 aṣ̌aonō. frauuaṣ̌īm. yazamaide.:
Verse: g    ātərəuuanaoš.7 aṣ̌aonō. frauuaṣ̌īm. yazamaide.:
Verse: h    ātərəpātahe. aṣ̌aonō. frauuaṣ̌īm. yazamaide.:
Verse: i    ātərədātahe. aṣ̌aonō. frauuaṣ̌īm. yazamaide.:
Verse: j    ātərəciϑrahe. aṣ̌aonō. frauuaṣ̌īm. yazamaide.:
Verse: k    ātərəxvarənaŋhō. aṣ̌aonō. frauuaṣ̌īm. yazamaide.:
Verse: l    ātərəsauuaŋhō. aṣ̌aonō. frauuaṣ̌īm. yazamaide.:
Verse: m    ātərəzaṇtə̄uš. aṣ̌aonō. frauuaṣ̌īm. yazamaide.:
Verse: n    ātərədaiŋ́hə̄uš.8 aṣ̌aonō. frauuaṣ̌īm. yazamaide.

Paragraph: 103 
Verse: a    huš́iiaoϑnahe. aṣ̌aonō. frauuaṣ̌īm. yazamaide:
Verse: b    piṣ̌iš́iiaoϑnahe.1 aṣ̌aonō. frauuaṣ̌īm. yazamaide.:
Verse: c    taxmahe. spəṇtōδātahe. aṣ̌aonō. frauuaṣ̌īm. yazamaide.:
Verse: d    bastauuarōiš. aṣ̌aonō. frauuaṣ̌īm. yazamaide.:
Verse: e    kauuārasmō.2 aṣ̌aonō. frauuaṣ̌īm. yazamaide.:
Verse: f    fraṣ̌aoštrahe. huuōuuahe. aṣ̌aonō. frauuaṣ̌īm. yazamaide.:
Verse: g    jāmāspahe. huuōuuahe. aṣ̌aonō. frauuaṣ̌īm. yazamaide.:
Verse: h    auuāraoštrōiš. aṣ̌aonō. frauuaṣ̌īm. yazamaide.

Paragraph: 104 
Verse: a    huš́iiaoϑnahe. frāṣ̌aoštraiianahe.1 aṣ̌aonō. frauuaṣ̌īm. yazamaide:
Verse: b    xvādaēnahe. frāṣ̌aoštraiianahe.1 aṣ̌aonō. frauuaṣ̌īm. yazamaide.:
Verse: c    haŋhauruṣ̌ō. jāmāspanahe. aṣ̌aonō. frauuaṣ̌īm. yazamaide.:
Verse: d    varṣ̌nahe. haŋhauruṣ̌ōiš.2 aṣ̌aonō. frauuaṣ̌īm. yazamaide.:
Verse: e    vohu.nəmaŋhō. auuāraoštrōiš. aṣ̌aonō. frauuaṣ̌īm. yazamaide.:
Verse: f       paitištātə̄e. aγanąmca. xvafnanąm.
Verse: g          aγanąmca.3 daēsanąm.4
Verse: h          aγanąmca. aoifranąm.5
Verse: i          aγanąmca. pairikanąm.

Paragraph: 105 
Verse: a    mąϑrauuākahe. sāimužōiš.1 aēϑrapatōiš. hamiδpatōiš. aṣ̌aonō. frauuaṣ̌īm. yazamaide.
Verse: b       yō. fraēštəm. usaγanąm.2
Verse: c       gāϑrō.raiiaṇtąm.3 aṣ̌əmaoγanąm.
Verse: d       anaṣ̌aonąm. anahunąm.
Verse: e       aratunąm. simanąm.4
Verse: f       auuascastō.frauuaṣ̌inąm.5
Verse: g          auua.jaγnat̰.6
Verse: h             paitištātə̄e. aṣ̌auua.karəštahe. t̰baēṣ̌aŋhō.

Paragraph: 106 
Verse: a    aṣ̌astuuō.1 maiδiiōi.mā̊ŋhōiš.2 aṣ̌aonō. frauuaṣ̌īm. yazamaide:
Verse: b    auuarəϑrabaŋhō.3 rāštarə.vaγəṇtōiš.4 aṣ̌aonō. frauuaṣ̌īm. yazamaide.:
Verse: c    būδrahe.5 dāzgrāspōiš.6 aṣ̌aonō. frauuaṣ̌īm. yazamaide.:
Verse: d    zbauruuatō.7 aṣ̌aonō. frauuaṣ̌īm. yazamaide.:
Verse: e    karsnahe.8 zbauruuaiϑinahe.9 aṣ̌aonō. frauuaṣ̌īm. yazamaide:
Verse: f       taxmahe. tanu.mąϑrahe.
Verse: g       darṣ̌i.draoš. āhūiriiehe.

Paragraph: 107 
Verse: a       yeŋ́he. nmāne. aṣ̌iš. vaŋuhi.
Verse: b          srīra. xṣ̌ōiϑni.1 fracaraēta.2
Verse: c             kainīnō.3 kəhrpa. srīraiiā̊.
Verse: d             aš.amaiiā̊.4 huraoδaiiā̊.
Verse: e             uskāt̰.5 yāstaiiā̊. ərəzuuaiϑiiō.6
Verse: f             raēuuat̰. ciϑrəm. āzātaiiā̊:
Verse: g       yō. azgatō.7 arəziiaiiā̊.8
Verse: h          hauuaēibiia. bāzubiia.
Verse: i             tanuiie. rauuō. aēšištō.9
Verse: j       yō. azgatō.7 arəziiaiiā̊.8
Verse: k          hauuaēibiia. bāzubiia.
Verse: l             hamərəϑəm.10 paiti. yūiδištō.

Paragraph: 108 
Verse: a    vīrāspahe. karsnaiianahe.1 aṣ̌aonō. frauuaṣ̌īm. yazamaide:
Verse: b    āzātahe.2 karsnaiianahe.3 aṣ̌aonō. frauuaṣ̌īm. yazamaide.:
Verse: c    frāiiaoδahe.4 karsnaiianahe. aṣ̌aonō. frauuaṣ̌īm. yazamaide.:
Verse: d    vaŋhə̄uš. arṣ̌iiehe. aṣ̌aonō. frauuaṣ̌īm. yazamaide.:
Verse: e       arṣ̌iiehe. viiāxanahe.5
Verse: f       yāskərəstəmahe. mazdaiiasnanąm:
Verse: g    dāraiiat̰.raϑahe. aṣ̌aonō. frauuaṣ̌īm. yazamaide.:
Verse: h    frāiiat̰.raϑahe.6 aṣ̌aonō. frauuaṣ̌īm. yazamaide.:
Verse: i    skāraiiat̰.raϑahe. aṣ̌aonō. frauuaṣ̌īm. yazamaide.

Paragraph: 109 
Verse: a    arṣ̌auuatō.1 aṣ̌aonō. frauuaṣ̌īm. yazamaide:
Verse: b    viiarṣ̌auuatō.2 aṣ̌aonō. frauuaṣ̌īm. yazamaide.:
Verse: c    paitiiarṣ̌auuatō.3 aṣ̌aonō. frauuaṣ̌īm. yazamaide.:
Verse: d    amraoš. aṣ̌aonō. frauuaṣ̌īm. yazamaide.:
Verse: e    camraoš. aṣ̌aonō. frauuaṣ̌īm. yazamaide.:
Verse: f    drāϑahe.4 aṣ̌aonō. frauuaṣ̌īm. yazamaide.:
Verse: g    paiti.drāϑahe.5 aṣ̌aonō. frauuaṣ̌īm. yazamaide.:
Verse: h    paiti.vaŋhahe. aṣ̌aonō. frauuaṣ̌īm. yazamaide.:
Verse: i    fraṣ̌āuuaxṣ̌ahe.6 aṣ̌aonō. frauuaṣ̌īm. yazamaide.:
Verse: j    nəmō.vaŋhə̄uš. vaēδaiiaŋhahe.7 aṣ̌aonō. frauuaṣ̌īm. yazamaide.

Paragraph: 110 
Verse: a    vaēsaδahe.1 aṣ̌aonō. frauuaṣ̌īm. yazamaide:
Verse: b    aṣ̌āuuaŋhə̄uš. biuuaṇdaŋhahe.2 aṣ̌aonō. frauuaṣ̌īm. yazamaide.:
Verse: c    jarō.daŋ́hə̄uš. pairištūrahe.3 aṣ̌aonō. frauuaṣ̌īm. yazamaide.:
Verse: d    nərəmiiazdanahe.4 āiϑβiiaoš.5 aṣ̌aonō. frauuaṣ̌īm. yazamaide.:
Verse: e    bərəziṣ̌naoš.6 arahe. aṣ̌aonō. frauuaṣ̌īm. yazamaide.:
Verse: f    kasupitə̄uš.7 arahe. aṣ̌aonō. frauuaṣ̌īm. yazamaide.:
Verse: g    friiehe.8 aṣ̌aonō. frauuaṣ̌īm. yazamaide.:
Verse: h    astuuat̰.ərətahe.9 aṣ̌aonō. frauuaṣ̌īm. yazamaide.



Karde 26


Paragraph: 111 
Verse: a    gaopiuuaŋhə̄uš.1 aṣ̌aonō. frauuaṣ̌īm. yazamaide:
Verse: b    hąm.barəϑrō.2 vaŋhuuąm.3 taxmahe. aṣ̌aonō. frauuaṣ̌īm. yazamaide.:
Verse: c    staoϑrō. vahištahe. aṣ̌ahe.4 aṣ̌aonō. frauuaṣ̌īm. yazamaide.:
Verse: d    pouruδāxštōiš. xštāuuaēniiehe.5 aṣ̌aonō. frauuaṣ̌īm. yazamaide.:
Verse: e    xṣ̌uuiβrāspanahe.6 xštāuuaēniiehe.5 aṣ̌aonō. frauuaṣ̌īm. yazamaide.

Paragraph: 112 
Verse: a    aiiō.astōiš. pouruδāxštaiianahe. aṣ̌aonō. frauuaṣ̌īm. yazamaide:
Verse: b    vohuuastōiš. pouruδāxštaiianahe. aṣ̌aonō. frauuaṣ̌īm. yazamaide.:
Verse: c    gaiiaδāstōiš. pouruδāxštaiianahe. aṣ̌aonō. frauuaṣ̌īm. yazamaide.:
Verse: d    aṣ̌auuazdaŋhō. pouruδāxštaiianahe. aṣ̌aonō. frauuaṣ̌īm. yazamaide.:
Verse: e    urūδaoš.1 pouruδāxštaiianahe. aṣ̌aonō. frauuaṣ̌īm. yazamaide.:
Verse: f    xṣ̌aϑrō.cinaŋhō. xṣ̌ōiβrāspanahe.2 aṣ̌aonō. frauuaṣ̌īm. yazamaide.

Paragraph: 113 
Verse: a    aṣ̌āhurahe. jīštaiianahe.1 aṣ̌aonō. frauuaṣ̌īm. yazamaide:
Verse: b    frāiiazəṇtahe.2 aṣ̌aonō. frauuaṣ̌īm. yazamaide.:
Verse: c    frə̄naŋhō. frāiiazəṇtanahe.3 aṣ̌aonō. frauuaṣ̌īm. yazamaide.:
Verse: d    jarō.vaŋhə̄uš. frāiiazəṇtanahe.3 aṣ̌aonō. frauuaṣ̌īm. yazamaide.:
Verse: e    aṣ̌auuazdaŋhō. ϑritahe.4 sāiždrōiš. aṣ̌aonō. frauuaṣ̌īm. yazamaide.:
Verse: f    vohu.raocaŋhō.5 varakasānahe.6 aṣ̌aonō.frauuaṣ̌īm. yazamaide.:
Verse: g    arəjaŋuhatō.7 tūrahe. aṣ̌aonō. frauuaṣ̌īm. yazamaide.:
Verse: h    usinəmaŋhō.8 aṣ̌aonō. frauuaṣ̌īm. yazamaide.

Paragraph: 114 
Verse: a    yuxtāspahe.1 aṣ̌aonō. frauuaṣ̌īm. yazamaide:
Verse: b    aṣ̌a.š́iiaoϑnahe. gaiiaδāstaiianahe. aṣ̌aonō. frauuaṣ̌īm. yazamaide.:
Verse: c    vohu.nəmaŋhō.2 katə̄uš. aṣ̌aonō. frauuaṣ̌īm. yazamaide.:
Verse: d    vohuuazdaŋhō. katə̄uš. aṣ̌aonō. frauuaṣ̌īm. yazamaide.:
Verse: e    aṣ̌asarəδahe.3 aṣ̌asairiiąš.4 aṣ̌aonō. frauuaṣ̌īm. yazamaide.:
Verse: f    aṣ̌asarəδahe. jairiiąš.5 aṣ̌aonō. frauuaṣ̌īm. yazamaide.:
Verse: g    cāxṣ̌nōiš.6 aṣ̌aonō. frauuaṣ̌īm. yazamaide.:
Verse: h    siiāuuaspōiš.7 aṣ̌aonō. frauuaṣ̌īm. yazamaide.:
Verse: i    pouruštōiš.8 kauuōiš. aṣ̌aonō. frauuaṣ̌īm. yazamaide.

Paragraph: 115 
Verse: a    varəsmapahe.1 jaṇnarahe.2 aṣ̌aonō. frauuaṣ̌īm. yazamaide:
Verse: b    nanarāstōiš.3 paēṣ̌ataŋhō.4 aṣ̌aonō. frauuaṣ̌īm. yazamaide.:
Verse: c    zrazdātōiš.5 paēṣ̌ataŋhō.4 aṣ̌aonō. frauuaṣ̌īm. yazamaide.:
Verse: d    gaēuuanōiš. vohu.nəmaŋhō.6 aṣ̌aonō. frauuaṣ̌īm. yazamaide.:
Verse: e    ərəzuuā̊.7 srūtō.spādā̊.8 aṣ̌aonā̊.9 frauuaṣ̌īm. yazamaide.:
Verse: f    zraiiaŋhā̊. spəṇtō.xratuuā̊.10 aṣ̌aonā̊.11 frauuaṣ̌īm. yazamaide.:
Verse: g    varṣ̌nōiš.12 vāgərəzahe.13 aṣ̌aonō. frauuaṣ̌īm. yazamaide.:
Verse: h    frāciiehe.14 tauruuaētōiš.15 aṣ̌aonō. frauuaṣ̌īm. yazamaide.:
Verse: i    vahmaēδātahe.16 mąϑrauuākahe. aṣ̌aonō. frauuaṣ̌īm. yazamaide.:
Verse: j    uštrahe. saδanaŋhō.17 aṣ̌aonō. frauuaṣ̌īm. yazamaide.

Paragraph: 116 
Verse: a    1daŋ́hu.srūtahe. aṣ̌aonō. frauuaṣ̌īm. yazamaide:
Verse: b    daŋ́hu.frādaŋhō. aṣ̌aonō. frauuaṣ̌īm. yazamaide.:
Verse: c    spōpaδō.2 maxštōiš.3 aṣ̌aonō. frauuaṣ̌īm. yazamaide.:
Verse: d    paiiaŋharō.4 maxštōiš.5 aṣ̌aonō. frauuaṣ̌īm. yazamaide.:
Verse: e    uštāzaṇtahe. aṣ̌aonō. frauuaṣ̌īm. yazamaide.:
Verse: f    aṣ̌asauuaŋhō. aṣ̌aonō. frauuaṣ̌īm. yazamaide.:
Verse: g    aṣ̌āuruuaēϑahe.6 aṣ̌aonō. frauuaṣ̌īm. yazamaide.:
Verse: h    haomō.xvarənaŋhō.7 aṣ̌aonō. frauuaṣ̌īm. yazamaide.:
Verse: i    varṣ̌nahe.8 aṣ̌aonō. frauuaṣ̌īm. yazamaide.

Paragraph: 117 
Verse: a    frauuahe.1 aṣ̌aonō. frauuaṣ̌īm. yazamaide:
Verse: b    usnākahe.2 aṣ̌aonō. frauuaṣ̌īm. yazamaide.:
Verse: c    xvanuuatō. aṣ̌aonō. frauuaṣ̌īm. yazamaide.:
Verse: d    daēnāuuazaŋhō.3 aṣ̌aonō. frauuaṣ̌īm. yazamaide.:
Verse: e    arəjaonahe. aṣ̌aonō. frauuaṣ̌īm. yazamaide.:
Verse: f    aiβixvarənaŋhō.4 aṣ̌aonō. frauuaṣ̌īm. yazamaide.:
Verse: g    huiiazatahe. aṣ̌aonō. frauuaṣ̌īm. yazamaide.:
Verse: h    harəδāspahe.5 aṣ̌aonō. frauuaṣ̌īm. yazamaide.:
Verse: i    pāzinaŋhō.6 aṣ̌aonō. frauuaṣ̌īm. yazamaide.:
Verse: j    xvāxṣ̌aϑrahe. aṣ̌aonō. frauuaṣ̌īm. yazamaide.:
Verse: k    aṣ̌ō.paoiriiehe. aṣ̌aonō. frauuaṣ̌īm. yazamaide.:
Verse: l    astuuat̰.ərətahe. aṣ̌aonō. frauuaṣ̌īm. yazamaide.



Karde 27


Paragraph: 118 
Verse: a    hugə̄uš. aṣ̌aonō. frauuaṣ̌īm. yazamaide:1
Verse: b    aŋhuiiaoš.2 aṣ̌aonō. frauuaṣ̌īm. yazamaide.:
Verse: c    gaorōiš.3 aṣ̌aonō. frauuaṣ̌īm. yazamaide.:
Verse: d    4gaoraiianahe.5 aṣ̌aonō. frauuaṣ̌īm. yazamaide.:
Verse: e    mązdrāuuaŋhə̄uš.6 aṣ̌aonō. frauuaṣ̌īm. yazamaide.:
Verse: f    srīrāuuaŋhə̄uš.7 aṣ̌aonō. frauuaṣ̌īm. yazamaide.:
Verse: g    āiiūtahe.8 aṣ̌aonō. frauuaṣ̌īm. yazamaide.:
Verse: h    sūrō.yazatahe.9 aṣ̌aonō. frauuaṣ̌īm. yazamaide.

Paragraph: 119 
Verse: a    ərəδβahe. aṣ̌aonō. frauuaṣ̌īm. yazamaide:
Verse: b    kauuōiš. aṣ̌aonō. frauuaṣ̌īm. yazamaide.:
Verse: c    uxṣ̌ānō. vīδisrauuaŋhō.1 dūraēsrūtahe.2 bərəzauuatō.3 aṣ̌aonō. frauuaṣ̌īm. yazamaide.:
Verse: d    vaŋhuδātahe. xvaδātahe.4 aṣ̌aonō. frauuaṣ̌īm. yazamaide.:
Verse: e    uziiehe.5 vaŋhuδātaiianahe.6 aṣ̌aonō. frauuaṣ̌īm. yazamaide.:
Verse: f    7friiehe. aṣ̌aonō. frauuaṣ̌īm. yazamaide.

Paragraph: 120 
Verse: a    aṣ̌əm.yeŋ́he.raocā̊.1 nąma. aṣ̌aonō. frauuaṣ̌īm. yazamaide:
Verse: b    aṣ̌əm.yeŋ́he.varəza.2 nąma. aṣ̌aonō. frauuaṣ̌īm. yazamaide.:
Verse: c    aṣ̌əm. yahmāi.ušta. nąma.3 aṣ̌aonō. frauuaṣ̌īm. yazamaide.:
Verse: d    yōištahe.4 friiānanąm.5 aṣ̌aonō. frauuaṣ̌īm. yazamaide.:
Verse: e       usmānaraheca. paēṣ̌ataŋhō.6
Verse: f          paitištātə̄e. nāfiiō.karštahe. t̰baēṣ̌aŋhō.

Paragraph: 121 
Verse: a    spitōiš. uspąsnaoš.1 aṣ̌aonō. frauuaṣ̌īm. yazamaide:
Verse: b    ərəzrāspahe.2 uspąsnaoš.1 aṣ̌aonō. frauuaṣ̌īm. yazamaide.:
Verse: c    usaδānō.3 mazdaiiasnahe.4 aṣ̌aonō. frauuaṣ̌īm. yazamaide.:
Verse: d    frādat̰.vaŋhə̄uš. stiuuatō. aṣ̌aonō. frauuaṣ̌īm. yazamaide.:
Verse: e    raocascaēṣ̌manō.5 aṣ̌aonō. frauuaṣ̌īm. yazamaide.:
Verse: f    huuarəcaēṣ̌manō.6 aṣ̌aonō. frauuaṣ̌īm. yazamaide.:
Verse: g    frasrūtārahe. aṣ̌aonō. frauuaṣ̌īm. yazamaide.:
Verse: h    vīsrūtārahe.7 aṣ̌aonō. frauuaṣ̌īm. yazamaide.:
Verse: i    barəmnahe.8 aṣ̌aonō. frauuaṣ̌īm. yazamaide.:
Verse: j    vīsrūtahe. aṣ̌aonō. frauuaṣ̌īm. yazamaide.

Paragraph: 122 
Verse: a    huuaspahe.1 aṣ̌aonō. frauuaṣ̌īm. yazamaide:
Verse: b    caϑβarəspahe.2 aṣ̌aonō. frauuaṣ̌īm. yazamaide.:
Verse: c    daβrāmaēṣ̌ōiš.3 aṣ̌aonō. frauuaṣ̌īm. yazamaide.:
Verse: d    fraoraosahe.4 kaoṣ̌ahe. aṣ̌aonō. frauuaṣ̌īm. yazamaide.:
Verse: e    frīnāspahe.5 kaēuuahe. aṣ̌aonō. frauuaṣ̌īm. yazamaide.:
Verse: f    frādat̰.narahe. grauuāratə̄uš.6 aṣ̌aonō. frauuaṣ̌īm. yazamaide.:
Verse: g    vohuštrahe.7 ąxnaŋhahe. aṣ̌aonō. frauuaṣ̌īm. yazamaide.:
Verse: h    vīuuārəṣ̌uuahe.8 ainiiāuuahe.9 aṣ̌aonō. frauuaṣ̌īm. yazamaide.

Paragraph: 123 
Verse: a    frārāzōiš. tūrahe. aṣ̌aonō. frauuaṣ̌īm. yazamaide:
Verse: b    stipōiš. rauuatō.1 aṣ̌aonō. frauuaṣ̌īm. yazamaide.:
Verse: c    parṣ̌iṇtahe.2 gaṇdrəβahe.3 aṣ̌aonō. frauuaṣ̌īm. yazamaide.:
Verse: d    auuaiiehe.4 spəṇghahe.5 aṣ̌aonō. frauuaṣ̌īm. yazamaide.:
Verse: e    aētauuahe.6 māiiauuahe.7 aṣ̌aonō. frauuaṣ̌īm. yazamaide.:
Verse: f    yaētuš.gə̄uš.8 viiātanahe.9 aṣ̌aonō. frauuaṣ̌īm. yazamaide.:
Verse: g    garštahe.10 kauuōiš. aṣ̌aonō. frauuaṣ̌īm. yazamaide.

Paragraph: 124 
Verse: a    pouru.baṇŋhahe.1 zaoṣ̌ahe.2 aṣ̌aonō. frauuaṣ̌īm. yazamaide:
Verse: b    vohu.dātahe.3 kātahe. aṣ̌aonō. frauuaṣ̌īm. yazamaide.:
Verse: c    bā̊ŋhahe. sā̊ŋhaŋhahe.4 aṣ̌aonō. frauuaṣ̌īm. yazamaide.:
Verse: d    huuarəzā̊.5 aṇkasaiiā̊.6 aṣ̌aonā̊.7 frauuaṣ̌īm. yazamaide.:
Verse: e    arauuaoštrahe.8 ərəzauuatō.9 daiŋ́hə̄uš.10 aṣ̌aonō. frauuaṣ̌īm. yazamaide.:
Verse: f    frāciϑrahe. bərəzauuatō.11 aṣ̌aonō. frauuaṣ̌īm. yazamaide.:
Verse: g    vohu.pərəsahe. ainiiāuuahe.12 aṣ̌aonō. frauuaṣ̌īm. yazamaide.

Paragraph: 125 
Verse: a    parō.dasmahe. dāštāγnōiš.1 muža. mužaiiā̊.2 daiŋ́hə̄uš.3 aṣ̌aonō. frauuaṣ̌īm. yazamaide:
Verse: b    fraturā̊.4 asrutā̊.5 baēṣ̌atasturā̊.6 aṣ̌aonō.7 frauuaṣ̌īm. yazamaide.:
Verse: c    auuarəgə̄uš. ərəzauuatō.8 aoiγmatasturahe.9 aṣ̌aonō. frauuaṣ̌īm. yazamaide.:
Verse: d    gaomatō. zauuanō. raoždiiehe. raoždiiaiiā̊.10 daiŋ́hə̄uš.11 aṣ̌aonō. frauuaṣ̌īm. yazamaide.:
Verse: e    ϑritō.12 aēuuō. sarəδō. fiiuštahe.13 taniiehe.14 taniiaiiā̊.15 daiŋ́hə̄uš.11 aṣ̌aonō. frauuaṣ̌īm. yazamaide.

Paragraph: 126 
Verse: a    tīrō.nakaϑβahe. uspaēṣ̌atanąm.1 saēnanąm.2 aṣ̌aonō. frauuaṣ̌īm. yazamaide:
Verse: b    utaiiutōiš.3 vit̰kauuōiš.4 ziγrōiš.5 saēnahe. aṣ̌aonō. frauuaṣ̌īm. yazamaide.:
Verse: c    frō.hakafrahe.6 marəziṣ̌miiehe.7 saēnanąm. aṣ̌aonō. frauuaṣ̌īm. yazamaide.:
Verse: d    varəsmō.raocā̊. pərəϑuuafsmō.8 aṣ̌aonō. frauuaṣ̌īm. yazamaide.

Paragraph: 127 
Verse: a    aṣ̌a.nəmaŋhā̊.1 vīdat̰.gauuā̊.2 aŋhuiiā̊.3 daiŋ́hə̄uš. aṣ̌aonā̊.4 frauuaṣ̌īm. yazamaide:
Verse: b    parṣ̌at̰.gauuā̊.5 dāzgrō.gauuā̊.6 apaxṣ̌īraiiā̊. daiŋ́hə̄uš. aṣ̌aonā̊.4 frauuaṣ̌īm. yazamaide.:
Verse: c    hufrauuāxš.7 kahrkananąm.8 aṣ̌aonō. frauuaṣ̌īm. yazamaide.:
Verse: d    akaiiaδahe. puδanąm.9 aṣ̌aonō. frauuaṣ̌īm. yazamaide.:
Verse: e    jāmāspahe. aparazātahe. aṣ̌aonō. frauuaṣ̌īm. yazamaide.:
Verse: f    maiδiiō.mā̊ŋhahe.10 aparazātahe. aṣ̌aonō. frauuaṣ̌īm. yazamaide.:
Verse: g    uruuatat̰.narahe.11 aparazātahe. aṣ̌aonō. frauuaṣ̌īm. yazamaide.

Paragraph: 128 
Verse: a    raocascaēṣ̌manō.1 aṣ̌aonō. frauuaṣ̌īm. yazamaide:
Verse: b    huuarəcaēṣ̌manō.1 aṣ̌aonō. frauuaṣ̌īm. yazamaide.:
Verse: c    frādat̰.xvarənaŋhō. aṣ̌aonō. frauuaṣ̌īm. yazamaide.:
Verse: d    viδat̰.xvarənaŋhō.2 aṣ̌aonō. frauuaṣ̌īm. yazamaide.:
Verse: e    vouru.nəmaŋhō. aṣ̌aonō. frauuaṣ̌īm. yazamaide.:
Verse: f    vouru.sauuaŋhō. aṣ̌aonō. frauuaṣ̌īm. yazamaide.:
Verse: g    uxṣ̌iiat̰.ərətahe.3 aṣ̌aonō. frauuaṣ̌īm. yazamaide.:
Verse: h    uxṣ̌iiat̰.nəmaŋhō.3 aṣ̌aonō. frauuaṣ̌īm. yazamaide.:
Verse: i    astuuat̰.ərətahe. aṣ̌aonō. frauuaṣ̌īm. yazamaide.



Karde 28


Paragraph: 129 
Verse: a    yō.1 aŋhat̰. saoš́iiąs. vərəϑraja. nąma.
Verse: b       astuuat̰.ərətasca. nąma:
Verse: c    auuaϑa. saoš́iiąs.
Verse: d       yaϑa. vīspəm. ahūm. astuuaṇtəm. sāuuaiiāt̰:2
Verse: e    auuaϑa.3 astuuat̰.ərətō.
Verse: f       yaϑa. astuuā̊. hą.4 uštanauuā̊.
Verse: g          astuuat̰. aiϑiiejaŋhəm.5 paitiṣ̌āt̰.6
Verse: h             paitištātə̄e. bizəŋrō.ciϑraiiā̊.7 drujō.
Verse: i             paitištātə̄e. aṣ̌auua.karštahe. t̰baēṣ̌aŋhō.



Karde 29


Paragraph: 130 
Verse: a    yimahe. vīuuaŋhanahe. aṣ̌aonō. frauuaṣ̌īm. yazamaide.
Verse: b       sūrahe. pouru.vąϑβahe.1
Verse: c          paitištātə̄e. ainištōiš. daēuuō.frakarštaiiā̊.
Verse: d             haēcaŋhasca. auuāstrahe.
Verse: e             iϑiiajaŋhasca.2 marṣ̌aonahe.3

Paragraph: 131 
Verse: a    ϑraētaonahe.1 āϑβiiānōiš.2 aṣ̌aonō. frauuaṣ̌īm. yazamaide.
Verse: b          paitištātə̄e. garənāušca.3 tafnaošca.4
Verse: c             naēzaheca.5 sārastōišca. vāuuarṣ̌iiā̊sca.6
Verse: d          paitištātə̄e. aži.karštahe. t̰baēṣ̌aŋhō:
Verse: e    aošnarahe.7 pouru.jirahe.8 aṣ̌aonō. frauuaṣ̌īm. yazamaide.:
Verse: f    uzauuahe.9 tumāspanahe.10 aṣ̌aonō. frauuaṣ̌īm. yazamaide.:
Verse: g    aγraēraϑahe.11 narauuahe. aṣ̌aonō. frauuaṣ̌īm. yazamaide.:
Verse: h    manuš.ciϑrahe.12 airiiāuuahe.13 aṣ̌aonō. frauuaṣ̌īm. yazamaide.

Paragraph: 132 
Verse: a    kauuōiš. kauuātahe. aṣ̌aonō. frauuaṣ̌īm. yazamaide:
Verse: b    kauuōiš. aipiuuaŋhə̄uš.1 aṣ̌aonō. frauuaṣ̌īm. yazamaide.:
Verse: c    kauuōiš. usaδanō.2 aṣ̌aonō. frauuaṣ̌īm. yazamaide.:
Verse: d    kauuōiš. arṣ̌nō. aṣ̌aonō. frauuaṣ̌īm. yazamaide.:
Verse: e    kauuōiš. pisinaŋhō.3 aṣ̌aonō. frauuaṣ̌īm. yazamaide.:
Verse: f    kauuōiš. biiarṣ̌ānō.4 aṣ̌aonō. frauuaṣ̌īm. yazamaide.:
Verse: g    kauuōiš. siiāuuarṣ̌ānō.5 aṣ̌aonō. frauuaṣ̌īm. yazamaide.:
Verse: h    kauuōiš. haosrauuaŋhō.6 aṣ̌aonō. frauuaṣ̌īm. yazamaide.

Paragraph: 133 
Verse: a       1amaheca. paiti. hutāštahe.
Verse: b       vərəϑraγnaheca. paiti. ahuraδātahe.
Verse: c       vanaiṇtiiā̊sca. paiti. uparatātō.
Verse: d       saŋuhasca.2 paiti. husastaiiā̊.3
Verse: e       saŋuhasca.2 paiti. amuiiamnaiiā̊.4
Verse: f       saŋuhasca.2 paiti. auuanəmnaiiā̊.
Verse: g       haϑrauuataheca. paiti. hamərəϑanąm.5

Paragraph: 134 
Verse: a       druuaheca. paiti. aojaŋhō.
Verse: b       xvarənaŋhasca. paiti. mazdaδātahe.
Verse: c       tanuiiā̊sca.1 paiti. druuatātō.
Verse: d       āsnaiiā̊sca. paiti. vaŋhuiiā̊.
Verse: e          frazaṇtōiš.2 daŋraiiā̊. viiāxanaiiā̊.
Verse: f          xṣ̌ōiϑniiō.3 spitidōiϑraiiā̊.
Verse: g          ązō.būjō. huuīraiiā̊.
Verse: h       huzaṇtə̄uš. paiti. aparaiiā̊.
Verse: i          viiarəϑiiaiiā̊.4 vahištahe. aŋhə̄uš.

Paragraph: 135 
Verse: a       xṣ̌aϑraheca. paiti. bānumatō.
Verse: b       darəγaiiā̊sca. paiti. darəγō.jītōiš.
Verse: c       vīspanąmca. paiti. aiiaptanąm.1
Verse: d       vīspanąmca. paiti. baēṣ̌azanąm.
Verse: e          paitištātə̄e. yāϑβąm. pairikanąmca.
Verse: f             sāϑrąm. kaoiiąm. karafnąmca.
Verse: g          paitištātə̄e. sāstō.karštahe. t̰baēṣ̌aŋhō.

Paragraph: 136 
Verse: a    sāmahe. kərəsāspahe. gaēsaoš.1 gaδauuarahe. aṣ̌aonō. frauuaṣ̌īm. yazamaide.
Verse: b       paitištātə̄e. uγrahe. bāzāuš.2
Verse: c          haēnaiiā̊sca.3 pərəϑu.ainikaiiā̊.
Verse: d          pərəϑu.drafṣ̌aiiā̊. ərəδβō.drafṣ̌aiiā̊.
Verse: e          uzgərəptō.drafṣ̌aiiā̊.4
Verse: f          xrūrəm. drafṣ̌əm. barəṇtiiā̊.5
Verse: g       paitištātə̄e. gaδahe. frakərəstō.frasānahe.6
Verse: h          simahe. vīrəṇjanō.7 anamarždikahe.8
Verse: i       paitištātə̄e. gaδō.karštahe. t̰baēṣ̌aŋhō.

Paragraph: 137 
Verse: a    āxrūrahe. haosrauuaŋhanahe.1 aṣ̌aonō. frauuaṣ̌īm. yazamaide.1
Verse: b       paitištātə̄e. haṣ̌idauuahe.2 druuatō.
Verse: c          arātōišca. gaēϑō.mərəṇciiānahe:3
Verse: d    haoš́iiaŋhahe. taxmahe. aṣ̌aonō. frauuaṣ̌īm. yazamaide.:
Verse: e       paitištātə̄e. māzainiianąm. daēuuanąm.
Verse: f          varəniianąmca. druuatąm.
Verse: g       paitištātə̄e. daēuuō.karštahe. t̰baēṣ̌aŋhō.

Paragraph: 138 
Verse: a    fraδāxštōiš. xuṇbiiehe.1 aṣ̌aonō. frauuaṣ̌īm. yazamaide:
Verse: b       paitištātə̄e. aēṣ̌mahe. xruuī.draoš.
Verse: c          aēṣ̌mō.varəδanąmca.2 druuatąm.
Verse: d       paitištātə̄e. aēṣ̌mō.karštahe. t̰baēṣ̌aŋhō.



Karde 30


Paragraph: 139 
Verse: a    huuōuiiā̊.1 aṣ̌aoniiā̊.2 frauuaṣ̌īm. yazamaide:
Verse: b    frə̄niiā̊. aṣ̌aoniiā̊. frauuaṣ̌īm. yazamaide.:
Verse: c    ϑritiiā̊.3 aṣ̌aoniiā̊. frauuaṣ̌īm. yazamaide.:
Verse: d    pourucistaiiā̊.4 aṣ̌aoniiā̊. frauuaṣ̌īm. yazamaide.:
Verse: e    hutaosaiiā̊.5 aṣ̌aoniiā̊. frauuaṣ̌īm. yazamaide.:
Verse: f    humāiiā̊.6 aṣ̌aoniiā̊. frauuaṣ̌īm. yazamaide.:
Verse: g    zairiciiā̊.7 aṣ̌aoniiā̊. frauuaṣ̌īm. yazamaide.:
Verse: h    vīspatauruṣ̌iiā̊.8 aṣ̌aoniiā̊. frauuaṣ̌īm. yazamaide.:
Verse: i    uštauuaitiiā̊. aṣ̌aoniiā̊. frauuaṣ̌īm. yazamaide.:
Verse: j    tuṣ̌nāmaitiiā̊. aṣ̌aoniiā̊. frauuaṣ̌īm. yazamaide.

Paragraph: 140 
Verse: a    frə̄niiā̊. nāiriiā̊. usinəmaŋhō.1 aṣ̌aoniiā̊. aṣ̌aonō.2 frauuaṣ̌īm. yazamaide:
Verse: b    frə̄niiā̊. nāiriiā̊. frāiiazəṇtanahe.3 aṣ̌aoniiā̊. aṣ̌aonō. frauuaṣ̌īm. yazamaide.:
Verse: c    frə̄niiā̊. nāiriiā̊. xṣ̌ōiβrāspanahe.4 aṣ̌aoniiā̊. aṣ̌aonō. frauuaṣ̌īm. yazamaide.:
Verse: d    frə̄niiā̊. nāiriiā̊. gaiiaδāstōiš. aṣ̌aoniiā̊. aṣ̌aonō. frauuaṣ̌īm. yazamaide.:
Verse: e    asabanaiiā̊.5 nāiriiā̊. pouruδāxštōiš. aṣ̌aoniiā̊. aṣ̌aonō. frauuaṣ̌īm. yazamaide.:
Verse: f    uxṣ̌əṇtiiā̊.6 nāiriiā̊. staoϑrō. vahištahe. aṣ̌ahe.7 aṣ̌aoniiā̊. aṣ̌aonō. frauuaṣ̌īm. yazamaide.

Paragraph: 141 
Verse: a    kaniiā̊.1 vaδūtō.2 aṣ̌aoniiā̊.3 aṣ̌aonō. frauuaṣ̌īm. yazamaide:
Verse: b    kaniiā̊. jaγrūδō.2 aṣ̌aoniiā̊. aṣ̌aonō. frauuaṣ̌īm. yazamaide.:
Verse: c    kaniiā̊. fraŋhāδō. aṣ̌aoniiā̊. aṣ̌aonō. frauuaṣ̌īm. yazamaide.:
Verse: d    kaniiā̊. urūδaiiaṇtō.4 aṣ̌aoniiā̊. aṣ̌aonō. frauuaṣ̌īm. yazamaide.:
Verse: e    kaniiā̊. paēsaŋhanuua. aṣ̌aoniiā̊. aṣ̌aonō. frauuaṣ̌īm. yazamaide.:
Verse: f    huuarəδiiā̊.5 aṣ̌aoniiā̊.6 frauuaṣ̌īm. yazamaide.:
Verse: g    huciϑraiiā̊. aṣ̌aoniiā̊.6 frauuaṣ̌īm. yazamaide.:
Verse: h    kanukaiiā̊. aṣ̌aoniiā̊.6 frauuaṣ̌īm. yazamaide.:
Verse: i    kaniiā̊. srūtat̰.fəδriiō.7 aṣ̌aoniiā̊.6 frauuaṣ̌īm. yazamaide.

Paragraph: 142 
Verse: a    kaniiā̊. vaŋhu.fəδriiā̊.1 aṣ̌aoniiā̊. frauuaṣ̌īm. yazamaide:
Verse: b    kaniiā̊. ərədat̰.fəδriiā̊.1 aṣ̌aoniiā̊. frauuaṣ̌īm. yazamaide.:
Verse: c       yā. vīspa.tauruuairica.2 nąma:
Verse: d    auuaϑa. vīspa.tauruuairi.3
Verse: e       yaϑa. hā. təm.4 zīzanāt̰.
Verse: f          yō. vīspe.5 tauruuaiiāt̰.
Verse: g             daēuuāat̰ca. t̰baēṣ̌ā̊. maš́iiāat̰ca.
Verse: h       paitištātə̄e. jahe.karštahe.6 t̰baēṣ̌aŋhō.



Karde 31


Paragraph: 143 
Verse: a    airiianąm. dax́iiunąm. narąm. aṣ̌aonąm. frauuaṣ̌aiiō.1 yazamaide.
Verse: b    airiianąm. dax́iiunąm. nāirinąm. aṣ̌aoninąm. frauuaṣ̌aiiō. yazamaide:
Verse: c    2tūiriianąm. dax́iiunąm. narąm. aṣ̌aonąm. frauuaṣ̌aiiō. yazamaide.2
Verse: d    tūiriianąm. dax́iiunąm. nāirinąm. aṣ̌aoninąm. frauuaṣ̌aiiō. yazamaide:
Verse: e    sairimanąm.3 dax́iiunąm. narąm. aṣ̌aonąm. frauuaṣ̌aiiō. yazamaide.
Verse: f    sairimanąm.3 dax́iiunąm. nāirinąm. aṣ̌aoninąm. frauuaṣ̌aiiō. yazamaide.

Paragraph: 144 
Verse: a    sāininąm.1 dax́iiunąm. narąm. aṣ̌aonąm. frauuaṣ̌aiiō. yazamaide.
Verse: b    sāininąm.1 dax́iiunąm. nāirinąm. aṣ̌aoninąm. frauuaṣ̌aiiō. yazamaide:
Verse: c    dāhīnąm.2 dax́iiunąm. narąm. aṣ̌aonąm. frauuaṣ̌aiiō. yazamaide.
Verse: d    dāhīnąm.2 dax́iiunąm. nāirinąm. aṣ̌aoninąm. frauuaṣ̌aiiō. yazamaide.

Paragraph: 145 
Verse: a    1vīspanąm. dax́iiunąm. narąm. aṣ̌aonąm. frauuaṣ̌aiiō. yazamaide.1
Verse: b    vīspanąm. dax́iiunąm. nāirinąm. aṣ̌aoninąm. frauuaṣ̌aiiō. yazamaide:
Verse: c    vīspā̊. aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide:
Verse: d       yā̊. haca. gaiiāt̰. marəϑnat̰.2
Verse: e          ā.saoš́iiaṇtāt̰. vərəϑraγnat̰.

Paragraph: 146 
Verse: a    +upa. tū. nō.1 iδa. yā̊.2 aṣ̌aonąm.
Verse: b       moṣ̌u. isiṇtu.3 frauuaṣ̌aiiō:
Verse: c    tā̊. nō. jasaṇtu.4 auuaŋhe:5
Verse: d    tā̊. nō. ązahucit̰.6 hatō.
Verse: e       ϑrāiieṇte. aiβi.dərəštāiš.7 auuə̄biš.8
Verse: f          aomna.9 ahura. mazda.
Verse: g          sraoṣ̌aca. aṣ̌iia. sūra.
Verse: h          mąϑraca. spəṇta. vīduṣ̌a.10
Verse: i             yō. vīdaēuuō. vīdaēuuahe.
Verse: j                aštō.11 mazdā̊. ahurahe.
Verse: k                yim. zaraϑuštrō. frə̄rənaot̰.
Verse: l                   huuāuuaṇtəm.12 aŋhuue.13 astuuaite.

Paragraph: 147 
Verse: a    aora. vaŋuhīš. upa.ṣ̌aēta.
Verse: b       yā̊. āpō. yā̊sca. uruuarā̊.
Verse: c       yā̊sca. aṣ̌āunąm. frauuaṣ̌aiiō:
Verse: d    iδa.1 friϑā̊.2 paiti.zaṇtā̊.
Verse: e       buiiata. ahmiia. nmāne:
Verse: f    iδa. āϑrauuanō. dax́iiunąm.
Verse: g       maniieṇte.3 vaŋhə̄uš. aṣ̌ahe:
Verse: h    uzgəuruuaiieiṇte.4 zastə̄.
Verse: i       ahmākəm. auuaŋ́he.5 sūrā̊.
Verse: j       yūṣ̌mākəm. yasnahe.6 səuuištā̊.

Paragraph: 148 
Verse: a    vīspanąmca. ā̊ŋhąm. aṣ̌aonąm. aṣ̌aoninąmca. iδa. yazamaide. frauuaṣ̌īm.
Verse: b       yaēṣ̌ąm. yaṣ̌əϑβat̰ca.1 uruuąnō.
Verse: c          zaoiiā̊sca. frauuaṣ̌aiiō:2
Verse: d    vīspanąmca. ā̊ŋhąm. aṣ̌aonąm. aṣ̌aoninąmca. iδa. yazamaide. frauuaṣ̌īm.
Verse: e       yaēṣ̌ąm.3 nō.4 ahurō. mazdā̊. aṣ̌auua.
Verse: f          yesne. paiti. vaŋhō. vaēδa:5
Verse: g    vīspanąmca. aēṣ̌ąm. zaraϑuštrəm.
Verse: h       paoirīm. vahištəm. āhūirīm.6
Verse: i          sūsrūma.7 t̰kaēṣ̌əm.

Paragraph: 149 
Verse: a    1paoiriianąm. t̰kaēṣ̌anąm.
Verse: b    paoiriianąm. sāsnō.gūṣ̌ąm.2
Verse: c       iδa. aṣ̌aonąm. aṣ̌aoninąmca.
Verse: d          ahūmca. daēnąmca. baoδasca.
Verse: e             uruuānəmca. frauuaṣ̌īmca. yazamaide.
Verse: f       yōi. aṣ̌āi. vaonarə:
Verse: g    nabānazdištanąm.
Verse: h       iδa. aṣ̌aonąm. aṣ̌aoninąmca.
Verse: i          ahūmca. daēnąmca. baoδasca.
Verse: j             uruuānəmca. frauuaṣ̌īmca. yazamaide.
Verse: k       yōi. aṣ̌āi. vaonarə.

Paragraph: 150 
Verse: a    paoiriiąn.1 t̰kaēṣ̌ə̄.2 yazamaide.
Verse: b       nmānanąmca. vīsąmca.
Verse: c       zaṇtunąmca. dax́iiunąmca.
Verse: d          yōi. ā̊ŋharə:
Verse: e    paoiriiąn.3 t̰kaēṣ̌ə̄. yazamaide.
Verse: f       nmānanąmca. vīsąmca.
Verse: g       zaṇtunąmca. dax́iiunąmca.
Verse: h          yōi. bābuuarə:
Verse: i    paoiriiąn.3 t̰kaēṣ̌ə̄. yazamaide.
Verse: j       nmānanąmca. vīsąmca.
Verse: k       zaṇtunąmca. dax́iiunąmca.
Verse: l          yōi. həṇti.

Paragraph: 151 
Verse: a    paoiriiąn.1 t̰kaēṣ̌ə̄. yazamaide.
Verse: b       nmānanąmca. vīsąmca.
Verse: c       zaṇtunąmca. dax́iiunąmca.
Verse: d          nmānaŋhānō. vīṣ̌ānō.2
Verse: e          zaṇtuṣ̌ānō. daiŋ́huṣ̌ānō.
Verse: f          aṣ̌ō.aŋhānō.3 mąϑrō.aŋhānō.4
Verse: g          uruuō.aŋhānō.5
Verse: h          vīspāiš. vaŋhūš.6 vaŋhuṣ̌ānō.

Paragraph: 152 
Verse: a    zaraϑuštrəm.
Verse: b          vīspahe. aŋhə̄uš. astuuatō.
Verse: c       ahūmca. ratūmca.
Verse: d       paoirīmca. t̰kaēṣ̌əm. yazamaide.
Verse: e          hātąm. huδāstəməm.
Verse: f          hātąm. huxṣ̌aϑrōtəməm.
Verse: g          hātąm. raēuuastəməm.
Verse: h          hātąm. xvarənaŋuhastəməm.
Verse: i          hātąm. yesniiōtəməm.
Verse: j          hātąm. vahmiiōtəməm.
Verse: k          hātąm. xṣ̌naoϑβōtəməm.
Verse: l          hātąm. frasastōtəməm.
Verse: m          yō. nā.1 ištasca.
Verse: n             yesniiasca. vahmiiasca. vaoce.2
Verse: o                yaϑna.3 kahmāicit̰. hātąm.
Verse: p                   aṣ̌āt̰. haca. yat̰. vahištāt̰.

Paragraph: 153 
Verse: a    imąmca.1 ząm. yazamaide.
Verse: b    aomca. asmanəm. yazamaide:
Verse: c    tāca.2 vohū.3 yazamaide.
Verse: d       yā. aṇtarəstā.4
Verse: e          yesniiāca.5 vahmiiāca.5
Verse: f             frāiiaštuua.6 naire. aṣ̌aone.

Paragraph: 154 
Verse: a    daitikanąmca.1 aiδiiunąm.2 yat̰.3 urunō. yazamaide:
Verse: b    aṣ̌aonąm. āat̰. urunō. yazamaide.
Verse: c       kuδō.zātanąmcit̰.4 narąmca. nāirinąmca.
Verse: d          yaēṣ̌ąm. vahehīš. daēnā̊.
Verse: e             vanaṇtī.5 vā.
Verse: f             vəŋhən.6 vā.
Verse: g             vaonarə. vā.

Paragraph: 155 
Verse: a    vanəṇtąm.1 vaŋhəṇtąm.2 vaonāṣ̌ąm.3
Verse: b    daēnō.sācąm.4 iδa. aṣ̌aonąm.5 aṣ̌aoninąmca.
Verse: c       ahūmca. daēnąmca. baoδasca.
Verse: d       uruuānəmca. frauuaṣ̌īmca. yazamaide.
Verse: e          yōi. aṣ̌āi. vaonarə.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::


Verse: Ca    6(vāž.::)
Verse: Cb    hōrməzd.1 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ec    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Fa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Fb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Fc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Ga    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Gb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Gc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q2Ha    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Hb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Hc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Paragraph: 156 
Verse: a       1aṣ̌āunąm. frauuaṣ̌inąm.
Verse: b          uγranąm. aiβiϑūranąm.
Verse: c          2uγranąm. vārəϑraγninąm.2
Verse: d       paoiriiō.t̰kaēṣ̌anąm. frauuaṣ̌inąm.
Verse: e       nabānazdištanąm. frauuaṣ̌inąm.
Verse: f    frauuaṣ̌aiiō.
Verse: g       xṣ̌nūtā̊.3 aiiaṇtu.4 ahmiia. nmāne.
Verse: h       xṣ̌nūtā̊.3 vīcarəṇtu.5 ahmiia. nmāne.

Paragraph: 157 
Verse: a       xṣ̌nūtā̊. āfrīnəṇtu.1 ahmiia. nmāne.
Verse: b          vaŋuhīm. aṣ̌īm. xvāparąm:
Verse: c       xṣ̌nūtā̊. pāraiiaṇtu. haca. ahmāt̰. nmānāt̰.
Verse: d          staomāca. rāzarəca.2 barəṇtu.
Verse: e             daϑuṣ̌ō. ahurāi.3 mazdāi.
Verse: f             aməṣ̌anąmca.4 spəṇtanąm.
Verse: g    mācim.5 gərəzānā̊.6 pāraiiaṇtu. haca. ahmāt̰. nmānāt̰.
Verse: h       ahmākəmca. mazdaiiasnanąm.

Paragraph: 158 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       aṣ̌aonąm. frauuaṣ̌inąm.
Verse: c          uγranąm. aiβiϑūranąm.
Verse: d       paoiriiō.t̰kaēṣ̌anąm. frauuaṣ̌inąm.
Verse: e       nabānazdištanąm. frauuaṣ̌inąm.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.5 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Bahirām Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.