TITUS
Avestan Corpus
Part No. 89
Previous part

Chapter: 16 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cd    dīn. i. vahə̄. i. mazdaiiasną. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       razištaiiā̊. cistaiiā̊.4
Verse: g          mazdaδātaiiā̊. aṣ̌aoniiā̊.5
Verse: h             xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    razištąm. cistąm. mazdaδātąm. aṣ̌aonīm. yazamaide.1
Verse: b       hupaϑmainiiąm.2 huaiβitacinąm.3
Verse: c       nimarəzištąm.4 barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm.5 moṣ̌u.kairiiąm.
Verse: g       huuāiiaonąm. huuāiiaozdąm.6
Verse: h          yąm. vaŋuhīm.7 daēnąm. māzdaiiasnīm.

Paragraph: 2 
Verse: a          yąm. yazata. zaraϑuštrō:
Verse: b    usə.hišta.1 haca. gātuuō.2
Verse: c    fraṣ̌ūsa.3 haca. dəmānāt̰.4
Verse: d       razište. ciste. mazdaδāte.5 aṣ̌aoni:6
Verse: e    yezi. ahi.7 pauruua.naēmāt̰.8
Verse: f       āat̰. mąm. auui.9 nmānaiia.10
Verse: g    yezi. paskāt̰.
Verse: h       āat̰. mąm. auui. apaiia.

Paragraph: 3 
Verse: a    aϑanā.1 āxšta. buiiąn.2
Verse: b       yaϑanā.3 buiiāt̰. huuāiiaonā̊ŋhō. paṇtānō. xvāpaϑana.4
Verse: c          garaiiō.5 xvātacina.
Verse: d          razura.6 hupərəϑβe.7 āfš. nāuiia.8
Verse: e             ahmāi. saokāi. frasastāi.
Verse: f             frauuākāi. uta. framānāi.9

Paragraph: 4 
Verse: a       ahe. raiia. xvarənaŋhaca.
Verse: b    tąm.1 yazāi. surunuuata. yasna.
Verse: c    2tąm. yazāi. huiiašta. yasna.3
Verse: d       razištąm. cistąm. mazdaδātąm. aṣ̌aonīm.
Verse: e          zaoϑrābiiō:
Verse: f    razištąm. cistąm. mazdaδātąm. aṣ̌aonīm. yazamaide.
Verse: g       haomaiiō. gauua.4 barəsmana.
Verse: h       hizuuō. daŋhaŋha. mąϑraca. +vacaca. š́iiaoϑnaca.
Verse: i       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 1


Paragraph: 5 
Verse: a    razištąm. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 6 
Verse: a          yąm. yazata.1 zaraϑuštrō.
Verse: b             humatahe. paiti. manaŋhō.
Verse: c             hūxtahe. paiti. vacaŋhō.
Verse: d             huuarštahe. paiti. š́iiaoϑnahe.
Verse: e             auuaheca. paiti. yąnahe:2

Paragraph: 7 
Verse: a    yat̰. hē. daϑat̰.
Verse: b       razišta. cista.1 mazdaδāta.2 aṣ̌aoni.3
Verse: c          pāδauue. zāuuarə.
Verse: d          gaoṣ̌aēβe.4 sraoma.5
Verse: e          bāzuβe.6 aojō. tanuuō. vīspaiiā̊.
Verse: f             druuatātəm. tanuuō. vīspaiiā̊.
Verse: g             vazduuarə. aomca. sūkəm.7
Verse: h                yim. baraiti. karō. masiiō.8 upāpō.
Verse: i                   yō.9 raŋhaiiā̊.10 dūraēpāraiiā̊.11
Verse: j                      jafraiiā̊.12 hazaŋrō.vīraiiā̊.13
Verse: k                varəsō.stauuaŋhəm.14 āpō. uruuaēsəm.15 māraiieiti.16:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 2


Paragraph: 8 
Verse: a    razištąm. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 9 
Verse: a          yąm. yazata. zaraϑuštrō.
Verse: b             humatahe. paiti. manaŋhō.1
Verse: c             hūxtahe. paiti. vacaŋhō.
Verse: d             huuarštahe. paiti. š́iiaoϑnahe.
Verse: e             auuaheca. paiti. yąnahe:

Paragraph: 10 
Verse: a    yat̰. hē. daϑat̰.
Verse: b       razišta. cista. mazdaδāta. aṣ̌aoni.
Verse: c          pāδauue. zāuuarə.
Verse: d          gaoṣ̌aēβe. sraoma.
Verse: e          bāzuβe. aojō. tanuuō. vīspaiiā̊.
Verse: f             druuatātəm. tanuuō. vīspaiiā̊.
Verse: g             vazduuarə. aomca. sūkəm.2
Verse: h                yim. baraiti. aspō. arṣ̌a.3
Verse: i                   yō. tąϑriiascit̰.4 haca. xṣ̌afnō.
Verse: j                      vārəṇtiiā̊. snaēžiṇtiiā̊.5
Verse: k                      srasciṇtiiā̊.6 fiiaŋhuuaitiiā̊.7
Verse: l                yō. naomiiācit̰.8 haca. xṣ̌aϑriiāt̰.9
Verse: m                   aspaēm. varəsəm. zəmāt̰. auuaoiriϑəṇtəm.10 vaēnaiti.
Verse: n                   katārō. aγrauuō. vā. bunauuō. vā.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 4


Paragraph: 11 
Verse: a    razištam. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 12 
Verse: a          yąm. yazata. zaraϑuštrō.
Verse: b             humatahe. paiti. manaŋhō.1
Verse: c             hūxtahe. paiti. vacaŋhō.
Verse: d             huuarštahe. paiti. š́iiaoϑnahe.
Verse: e             auuaheca. paiti. yąnahe:

Paragraph: 13 
Verse: a    yat̰. hē. daϑat̰.
Verse: b       razišta. cista. mazdaδāta. aṣ̌aoni.
Verse: c          pāδauue. zāuuarə.
Verse: d          gaoṣ̌aēβe. sraoma.
Verse: e          bāzuβe. aojō. tanuuō. vīspaiiā̊.
Verse: f             druuatātəm. tanuuō. vīspaiiā̊.
Verse: g             vazduuarə. aomca. sūkəm.2
Verse: h                yim. baraiti. kahrkāsō. zarənumainiiuš.3
Verse: i                   yō. naomiiācit̰.4 haca. daŋ́haot̰.
Verse: j                      mušti.masaŋhəm. xrūm.5 aiβi.vaēnaiti.
Verse: k                   auuauuat̰cit̰.6
Verse: l                yaϑa. sūkaiiā̊.7 brāzaiiā̊.8 brāzəm.8
Verse: m                   auuauuat̰cit̰.9
Verse: n                yaϑa. sūkaiiā̊. naēzəm.10:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 14 
Verse: a    razištąm. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 15 
Verse: a          yąm. yazata. huuōuui.1 aṣ̌aoni. vīϑuṣ̌i.2
Verse: b             vohu. baγəm.3 isəmna.4
Verse: c                aṣ̌auuanəm. zaraϑuštrəm.
Verse: d                   anumatə̄e. daēnaiiāi.5
Verse: e                   anuxtə̄e. daēnaiiāi.
Verse: f                   anuuarštə̄e. daēnaiiāi.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 16 
Verse: a    razištąm. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 17 
Verse: a          yąm. yazata. āϑrauua. dūraēfrakātō.1
Verse: b             marəmnəm.2 isəmnō.3 daēnaiiāi.4
Verse: c             aməm.5 isəmnō.3 tanuiie.

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 7


Paragraph: 18 
Verse: a    razištąm. cistąm.1 mazdaδātąm. aṣ̌aonīm. yazamaide.
Verse: b       hupaϑmainiiąm. huaiβitacinąm.
Verse: c       nimarəzištąm. barat̰.zaoϑrąm.
Verse: d    aṣ̌aonīm.
Verse: e       hunarauuaitīm. frasrūtąm.
Verse: f       āsu.kairiiąm. moṣ̌u.kairiiąm.
Verse: g       huuāiiaonąm. huuāiiaozdąm.
Verse: h          yąm. vaŋuhīm. daēnąm. māzdaiiasnīm:

Paragraph: 19 
Verse: a          yąm. yazata. sāsta.1 daŋ́hə̄uš. daŋhupaitiš.
Verse: b             āxšti.2 isəmnō.3 daŋ́hauue.
Verse: c             aməm.4 isəmnō. tanuiie.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Paragraph: 20 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       razištaiiā̊. cistaiiā̊. mazdaδātaiiā̊. aṣ̌aoniiā̊.4:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.5 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Ard Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.