TITUS
Avestan Corpus
Part No. 84
Previous part

Chapter: 11 


Paragraph: 0 
Verse: Ca    1pa. nąm.2 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    srōš. i. ašō. i. tagī. i. tan. farmąn. i. škaft.
Verse: Cd    zīn. i. zīn. aβazān. i. sālār. i. dąmą. i. hōrməzd. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a       xṣ̌naoϑra. ahurahe. mazdā̊.3
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē.4 humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.4 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f    sraoṣ̌ahe. aṣ̌iiehe. taxmahe. tanumąϑrahe. darṣ̌i.draoš.5 āhūiriiehe.

Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::



Karde 1


Paragraph: 1 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide:
Verse: c    nəmō. vohu.1
Verse: d    nəmō. vahištəm.
Verse: e          zaraϑuštra.
Verse: f       gaēϑābiiō.

Paragraph: 2 
Verse: a    tat̰. druuatō. druuatąm. auruuaϑō.1 paiti.dārəšta.2
Verse: b    tat̰. druuatō. druuatiiā̊sca.
Verse: c       aṣ̌i.3 uṣ̌i.3 karəna.4
Verse: d       gauua. duuarəϑra.5 zafarə.6
Verse: e          dərəzuuąn.7
Verse: f             pairi.uruuaēštəm.8
Verse: g    yat̰. nəmō. vohu.9
Verse: h       aδauuīm.10 at̰baēṣ̌əm.
Verse: i    naire.11 hąm.varəitiš. drujō. vārəϑma.12 dārəšta.13

Paragraph: 3 
Verse: a    sraoṣ̌ō. aṣ̌iiō. driγūm.1 ϑrātōtəmō.
Verse: b       hō. vərəϑraja.2
Verse: c       drujəm. jaγništō:3
Verse: d    nā.4 aṣ̌auua. āfri.vacastəmō.5
Verse: e       hō. vərəϑra.6 vərəϑrauuastəmō:
Verse: f    mąϑrō. spəṇtō. mainiiəuuīm.7 drujəm. nižbairištō.
Verse: g    ahunō. vairiiō. vacąm. vərəϑrająstəmō.8
Verse: h    aršuxδō. vāxš. yāhi.9 vərəϑrająstəmō.
Verse: i    daēna.10 māzdaiiasniš.11
Verse: j       vīspaēṣ̌u.12 vaŋhuṣ̌u.12
Verse: k       vīspaēṣ̌uca.13 aṣ̌ō.ciϑraēṣ̌u.12
Verse: l          haiϑiia.dātəma.14
Verse: m    aϑa. dātəm. zaraϑuštri.15

Paragraph: 4 
Verse: a    yasca. zaraϑuštra.
Verse: b          imat̰. uxδəm. vacō. frauuaocāt̰.1
Verse: c       nā.vā. nāiri.vā.
Verse: d             aṣ̌a.sara.2 manaŋha.
Verse: e             aṣ̌a.sara.2 vacaŋha.
Verse: f             aṣ̌a.sara.2 š́iiaoϑna.
Verse: g          masō.3 vā. āpō.
Verse: h          masō. vā. ϑβaēṣ̌ō.4
Verse: i          xṣ̌apō. vā. tąϑriiaiiā̊.5 aipi.duuąnaraiiā̊.6
Verse: j          apąm. vā. nāuuaiianąm.7 paiti. pərətūš.8
Verse: k          paϑąm. vā. paiti. vīcarənā̊.9
Verse: l          narąm. vā. aṣ̌aonąm.10 haṇjamanāiš.
Verse: m          druuatąm. vā. daēuuaiiasnanąm.11 haṇduuaranāiš.12

Paragraph: 5 
Verse: a          kahmi. kahmicit̰.1 vā. aipiianąm.2
Verse: b          kahmi. kahmicit̰.1 vā.3 araϑiianąm.4
Verse: c             ϑβaēṣ̌ō. biβiuuā̊.5
Verse: d    nōit̰. dim. yauua.6 aiŋ́he.7 aiiąn.
Verse: e          nōit̰. aiŋ́hā̊.8 xṣ̌apō.
Verse: f       druuā̊.9 zarətō.10
Verse: g       zaranumanō.11 zazarānō.12
Verse: h          aṣ̌ibiia. auua.spašticina.13
Verse: i             aoi.14 auua.spaṣ̌naot̰.15
Verse: j    nōit̰. gaδahe. vazō.vąϑβiiehe.16 t̰baēṣ̌ō.
Verse: k          frąšticina.17
Verse: l             frāṣ̌nuiiāt̰.18

Paragraph: 6 
Verse: a    imat̰ca. zaraϑuštra.
Verse: b       imat̰.1 uxδəm. vacō. framruiiā̊.2
Verse: c    yat̰. ājasāt̰.
Verse: d       kərətasca.3 gaδōtušca.4 daēuuīšca.5 haṇdramana:6
Verse: e    āat̰.7 druuatąm. daēuuaiiasnanąm.
Verse: f       yātušca.8 yātumatąm.
Verse: g       pairikā̊sca. pairikauuatąm.9
Verse: h          t̰baēṣ̌ō. fratərəsąn.10 fraduuarąn:11
Verse: i    niiā̊ṇcō.12 daēuuō.13
Verse: j    niiā̊ṇcō.14 daēuuaiiāzō.15
Verse: k       zafarə.16 auua.gəuruuaiiąn.17
Verse: l    iϑa.18 rārəš́iiaṇtō.19

Paragraph: 7 
Verse: a       yaϑaca. pasuš.hauruuā̊ŋhō.
Verse: b    aētat̰. sraoṣ̌əm. aṣ̌īm. pairi.barāmaide.1
Verse: c       yim.2 aṣ̌auuanəm. vərəϑrājanəm.
Verse: d    aētat̰. sraoṣ̌əm. aṣ̌īm. frā.yazamaide.
Verse: e       yim. aṣ̌auuanəm. vərəϑrājanəm.
Verse: f          humatāišca. hūxtāišca. huuarštāišca.

Paragraph: 8 
Verse: a    1ahe. raiia. xvarənaŋhaca.
Verse: b       aiŋ́hā̊.2 ama. vərəϑraγnaca.
Verse: c       ahe. yasna. yazatanąm.
Verse: d    təm. yazāi. surunuuata. yasna.
Verse: e       sraoṣ̌əm. aṣ̌īm.
Verse: f          zaoϑrābiiō.
Verse: g       aṣ̌īmca. vaŋuhīm. bərəzaitīm.
Verse: h       nairīmca.3 saŋhəm. huraoδəm:
Verse: i    āca.nō. jamiiāt̰. auuaŋhe.
Verse: j       vərəϑrajā̊. sraoṣ̌ō. aṣ̌iiō.

Paragraph: 9 
Verse: a    sraoṣ̌əm. aṣ̌īm. yazamaide:
Verse: b    ratūm. bərəzaṇtəm. yazamaide.
Verse: c       yim. ahurəm. mazdąm.
Verse: d       yō. aṣ̌ahe. apanōtəmō.
Verse: e       yō. aṣ̌ahe. jaγmūštəmō:
Verse: f    vīspa.1 srauuā̊. zaraϑuštri.2 yazamaide:
Verse: g    vīspaca. huuaršta. š́iiaoϑna. yazamaide.
Verse: h       varštaca. varəš́iiamnaca.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Karde 2


Paragraph: 10  {= Y. 57,15}
Verse: a    1sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide:
Verse: c       yō. vananō. kaiiaδahe.
Verse: d       yō. vananō. kāiδiiehe.
Verse: e       yō. jaṇta. daēuuaiiā̊. drujō.
Verse: f       aš.aojaŋhō. ahūm.mərəṇcō.
Verse: g       yō. harəta. aiβiiāxštaca.
Verse: h          vīspaiiā̊. frauuōiš. gaēϑaiiā̊.

Paragraph: 11  {= Y. 57,16}
Verse: a       †yō. anauuaŋhabdəmnō. zaēnaŋha.
Verse: b          nipāiti. mazdā̊. dāmąn.
Verse: c       yō. anauuaŋhabdəmnō. zaēnaŋha.
Verse: d          nišhauruuaiti. mazdā̊. dāmąn.
Verse: e       yō. vīspəm. ahūm. astuuaṇtəm.
Verse: f          ərəδβa. snaiϑiṣ̌a. nipāiti.
Verse: g             pasca. hū. frāṣ̌mō.dāitīm.

Paragraph: 12  {= Y. 57,17}
Verse: a       yō. nōit̰. pascaēta. hušxvafa.
Verse: b          yat̰. mainiiū. dāmąn. daiδītəm.
Verse: c             yasca. spəṇtō. mainiiuš.
Verse: d             yasca. aŋrō.
Verse: e          hiṣ̌ārō. aṣ̌ahe. gaēϑā̊.
Verse: f          yō. vīspāiš. aiiąnca. xṣ̌afnasca. yūiδiieiti.
Verse: g             māzaniiaēibiiō. haδa. daēuuaēibiiō.

Paragraph: 13  {= Y. 57,18}
Verse: a    hō. nōit̰. tarštō. frānāmāite.
Verse: b       ϑβaēṣ̌āt̰. parō. daēuuaēibiiō.
Verse: c    frā. ahmāt̰. parō. vīspe. daēuua.
Verse: d       anusō. taršta. nəmaṇte.
Verse: e       taršta. təmaŋhō. duuarəṇti.::

Verse: Q1a    ahe. raiia. xvarənaŋhaca.
Verse: Q1b       aiŋ́hā̊. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm.
Verse: Q1f          zaoϑrābiiō.
Verse: Q1g       aṣ̌īmca. vaŋuhīm. bərəzaitīm.
Verse: Q1h       nairīmca. saŋhəm. huraoδəm:
Verse: Q1i    āca.nō. jamiiāt̰. auuaŋhe.
Verse: Q1j       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide:
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō:
Verse: Q2f    vīspa. srauuā̊. zaraϑuštri. yazamaide:
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::



Karde 3


Paragraph: 14 
Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::

Verse: a    sraoṣ̌əm. aṣ̌īm.1 huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide:

Verse: c    yō. āxštišca.2 uruuaitišca.3
Verse: d       drujō. spasiiō.4 spə̄ništahe:
Verse: e    auuāin.5 aməṣ̌ā̊.6 spəṇtā̊.
Verse: f       aoi.7 haptō.karṣ̌uuairīm. ząm.
Verse: g       yō. daēnō.disō.8 daēnaiiāi:9
Verse: h    ahmāi. daēnąm. daēsaiiat̰.10
Verse: i       ahurō. mazdā̊. aṣ̌auua.:

Verse: Q1a    ahe. raiia. xvarənaŋhaca.
Verse: Q1b       aiŋ́hā̊. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm.
Verse: Q1f          zaoϑrābiiō.
Verse: Q1g       aṣ̌īmca. vaŋuhīm. bərəzaitīm.
Verse: Q1h       nairīmca. saŋhəm. huraoδəm:
Verse: Q1i    āca.nō. jamiiāt̰. auuaŋhe.
Verse: Q1j       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide:
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō:
Verse: Q2f    vīspa. srauuā̊. zaraϑuštri. yazamaide:
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::



Karde 4


Paragraph: 15 
Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::

Verse: a    sraoṣ̌əm. aṣ̌īm.1 huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide:

Verse: c    yim. daϑat̰. ahurō. mazdā̊. aṣ̌auua.
Verse: d       aēṣ̌mahe. xruuī.draoš. hamaēstārəm:
Verse: e    āxštīm.2 hąm.vaiṇtīm. yazamaide.
Verse: f       parətasca.3 mruuaiiā̊sca.4 hamaēstāra.5

Paragraph: 16 
Verse: a       haxaiia.1 sraoṣ̌ahe. aṣ̌iiehe.
Verse: b       haxaiia. raṣ̌naoš. razištahe.
Verse: c       haxaiia. miϑrahe. vouru.gaoiiaoitōiš.
Verse: d       haxaiia. vātahe. aṣ̌aonō.
Verse: e       haxaiia. daēnaiiā̊. vaŋhuiiā̊. māzdaiiasnōiš.
Verse: f       haxaiia. arštātō. frādat̰.gaēϑaiiā̊. varədat̰.gaēϑaiiā̊. sauuō.gaēϑaiiā̊.
Verse: g       haxaiia. aṣ̌ōiš. vaŋhuiiā̊.
Verse: h       haxaiia. cistōiš. vaŋhuiiā̊.
Verse: i       haxaiia. razištaiiā̊. cistaiiā̊:

Paragraph: 17 
Verse: a       haxaiia. vīspaēṣ̌ąm. yazatanąm.
Verse: b       haxaiia. mąϑrahe. spəṇtahe.
Verse: c       haxaiia. dātahe. vīdaēuuahe.
Verse: d       haxaiia. darəγaiiā̊. upaiianaiiā̊.
Verse: e       haxaiia. aməṣ̌anąm. spəṇtanąm.
Verse: f       haxaiia. ahmākəm. saoš́iiaṇtąm.
Verse: g          yat̰. bipaitištanąm. aṣ̌aonąm.
Verse: h       haxaiia. vīspaiiā̊. aṣ̌aonō. stōiš.:

Verse: Q1a    ahe. raiia. xvarənaŋhaca.
Verse: Q1b       aiŋ́hā̊. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm.
Verse: Q1f          zaoϑrābiiō.
Verse: Q1g       aṣ̌īmca. vaŋuhīm. bərəzaitīm.
Verse: Q1h       nairīmca. saŋhəm. huraoδəm:
Verse: Q1i    āca.nō. jamiiāt̰. auuaŋhe.
Verse: Q1j       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide:
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō:
Verse: Q2f    vīspa. srauuā̊. zaraϑuštri. yazamaide:
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::



Karde 5


Paragraph: 18 
Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::

Verse: a    sraoṣ̌əm. aṣ̌īm.1 huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide:

Verse: c       paoirīmca.2 upəməmca.3
Verse: d       maδəməmca. fratəməmca.4
Verse: e          paoiriiāca.5 yasna.6
Verse: f          upamaca.7 maδəmaca.8 fratəmaca.9

Paragraph: 19 
Verse: a    vīspā̊.1 sraoṣ̌ahe. aṣ̌iiehe.
Verse: b       taxmahe. tanumąϑrahe.
Verse: c       taxmahe.2 hąm.varəitiuuatō.
Verse: d          bāzuš.aojaŋhō. raϑaēštā̊.
Verse: e          kamərəδō.janō. daēuuanąm.
Verse: f          vanatō. vanaitīš. vanaitiuuatō. aṣ̌aonō.
Verse: g          vanatō. vanaitīš. vanaiṇtīmca. uparatātəm. yazamaide.
Verse: h             yąmca. sraoṣ̌ahe. aṣ̌iiehe.
Verse: i             yąmca. arštōiš. yazamaide.01

Verse: j       yazatahe.

Paragraph: 20 
Verse: a    1vīspa. nmāna. sraoṣ̌ō.pāta.2 yazamaide.
Verse: b       yeŋ́hāδa.3 sraoṣ̌ō.
Verse: c          aṣ̌iiō. friiō.4 friϑō.5
Verse: d             paiti.zaṇtō.
Verse: e       nāca. aṣ̌auua.
Verse: f          frāiiō.humatō. frāiiō.hūxtō. frāiiō.huuarštō.

Paragraph: 21 
Verse: a    kəhrpəm. sraoṣ̌ahe. aṣ̌iiehe. yazamaide:
Verse: b    kəhrpəm. raṣ̌naoš. razištahe. yazamaide:
Verse: c    kəhrpəm. miϑrahe. vouru.gaoiiaoitōiš. yazamaide:
Verse: d    kəhrpəm. vātahe. aṣ̌aonō. yazamaide.
Verse: e    kəhrpəm. daēnaiiā̊. vaŋhuiiā̊. māzdaiiasnōiš. yazamaide:
Verse: f    kəhrpəm. arštātō. frādat̰.gaēϑaiiā̊. varədat̰.gaēϑaiiā̊. sauuō.gaēϑaiiā̊.1 yazamaide:
Verse: g    kəhrpəm. aṣ̌ōiš. vaŋhuiiā̊. yazamaide:
Verse: h    kəhrpəm. cistōiš. vaŋhuiiā̊. yazamaide:
Verse: i    kəhrpəm. razištaiiā̊. cistaiiā̊. yazamaide.

Paragraph: 22 
Verse: a    kəhrpəm. vīspaēṣ̌ąm. yazatanąm. yazamaide:
Verse: b    kəhrpəm. mąϑrahe. spəṇtahe. yazamaide:
Verse: c    kəhrpəm. dātahe. vīdaēuuahe. yazamaide:
Verse: d    kəhrpəm. darəγaiiā̊. upaiianaiiā̊.1 yazamaide:
Verse: e    kəhrpəm. aməṣ̌anąm. spəṇtanąm. yazamaide:
Verse: f    kəhrpəm. ahmākəm. saoš́iiaṇtąm.
Verse: g       yat̰. bipaitištanąm. aṣ̌aonąm. yazamaide:
Verse: h    kəhrpəm. vīspaiiā̊. aṣ̌aonō. stōiš. yazamaide.:

Verse: Q1a    ahe. raiia. xvarənaŋhaca.
Verse: Q1b       aiŋ́hā̊. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm.
Verse: Q1f          zaoϑrābiiō.
Verse: Q1g       aṣ̌īmca. vaŋuhīm. bərəzaitīm.
Verse: Q1h       nairīmca. saŋhəm. huraoδəm:
Verse: Q1i    āca.nō. jamiiāt̰. auuaŋhe.
Verse: Q1j       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide:
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō:
Verse: Q2f    vīspa. srauuā̊. zaraϑuštri. yazamaide:
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.:


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::


Paragraph: 23 
Verse: Ca    (vāž.::)
Verse: Cb    srōš. i. ašō.1 i. tagī. i. tan. farmąn. i. škaft.
Verse: Cc    zīn. i. zīn. aβazān. i. sālār. i. dąmą. i. hōrməzd. bə̄. rasāt̰::
Verse: Cd       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.2 vahməmca. aojasca. zauuarəca. āfrīnāmi.
Verse: b    sraoṣ̌ahe. aṣ̌iiehe. taxmahe. tanumąϑrahe. darṣ̌i.draoš. āhūiriiehe.:

Verse: Q2Aa    aṣ̌əm. vohū.3 vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.

Verse: Q2a    ahmāi. raēšca.3 xvarənasca.
Verse: Q2b       ahmāi. tanuuō. druuatātəm.
Verse: Q2c       ahmāi. tanuuō. vazduuarə.
Verse: Q2d       ahmāi. tanuuō. vərəϑrəm.
Verse: Q2e       ahmāi. īštīm. pouruš.xvāϑrąm.
Verse: Q2f       ahmāi. āsnąmcit̰. frazaṇtīm.
Verse: Q2g       ahmāi. darəγąm. darəγō.jītīm.
Verse: Q2h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: c    aϑa. jamiiāt̰. yaϑa. āfrīnāmi.:

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.

Verse: Q4Aa       hazaŋrəm.1 baēṣ̌azanąm.
Verse: Q4Ab       baēuuarə. baēṣ̌azanąm.::
Verse: Q4Ba       hazaŋrəm. baēṣ̌azanąm.
Verse: Q4Bb       baēuuarə. baēṣ̌azanąm.::
Verse: Q4Ca       hazaŋrəm. baēṣ̌azanąm.
Verse: Q4Cb       baēuuarə. baēṣ̌azanąm.::

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6a    jasa. mē. auuaŋhe.1 mazda.
Verse: Q6b    jasa. mē. auuaŋhe. mazda.
Verse: Q6c    jasa. mē. auuaŋhe. mazda.

Verse: Q7b       amahe. hutāštahe. huraoδahe.
Verse: Q7c       vərəϑraγnahe. ahuraδātahe.
Verse: Q7d       vanaiṇtiiā̊sca. uparatātō.::

Verse: Q8a       rāmanasca. xvāstrahe.
Verse: Q8b       vaiiaoš. uparō.kairiiehe.
Verse: Q8c       taraδātō. aniiāiš. dāmąn::
Verse: Q8d    aētat̰. tē. vaiiō.
Verse: Q8e       yat̰. tē. asti. spəṇtō.mainiiaom::
Verse: Q8f          ϑβāṣ̌ahe. xvaδātahe.
Verse: Q8g          zruuānahe. akaranahe.
Verse: Q8h          zruuānahe. darəγō.xvaδātahe.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.

Verse: Ca    kərba. mažd. gunāh. guzārašni. rā. kunōm. ašahī. ruuą.
Verse: Cb       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: Cc    ašō. bə̄t̰. də̄r. zī.::

Verse: Q10a    aϑa. jamiiāt̰. yaϑa. āfrīnāmi.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.




Rašn Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.