TITUS
Avestan Corpus
Part No. 82
Previous part

Chapter: 9 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    gə̄uš. uruue. daruuāsp. xvarahe. bə̄. rasāt̰::
Verse: Cd    əž. hamā. gunāh.1 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Ci          əž. ą. gunāhihā. manišnī. gaβəšnī. kunišnī.
Verse: Cj             tanī. ruuąnī. gəϑī. mainiiąnī.
Verse: Ck             ōxš. aβāxš. pašə̄mą.
Verse: Cl             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f    druuāspaiiā̊. sūraiiā̊. mazdaδātaiiā̊. aṣ̌aoniiā̊.

Verse: g          xṣ̌naoϑra.7 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    druuāspąm. sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm.1 druuō.apərənāiiukąm.2
Verse: d          pouru.spaxšti.3 dūrāt̰. piϑana.4
Verse: e          xvāϑrauuana.5 darəγō.haxəδraiiana.

Paragraph: 2 
Verse: a       yuxta.aspąm.1 varətō.raϑąm.2
Verse: b       xvanat̰.caxrąm.3 fṣ̌aonīm.4 marəząm.5
Verse: c       amauuaitīm. huraoδąm. xvāsaokąm.6 baēṣ̌aziiąm.
Verse: d       druuō.stāitīm.7 druuō.varətąm.8
Verse: e          auuaŋhe.9 narąm. aṣ̌aonąm.

Paragraph: 3 
Verse: a    tąm. yazata. haoš́iiaŋhō.1 paraδātō.2
Verse: b          +upa. upa.bdi.3 haraiiā̊.4 bərəzō.5
Verse: c             srīraiiā̊.6 mazdaδātaiiā̊.7
Verse: d       satəm.8 aspanąm.
Verse: e       hazaŋrəm.9 gauuąm.10
Verse: f       baēuuarə. anumaiianąm.
Verse: g          uta. zaoϑrąm.11 frabarō:12

Paragraph: 4 
Verse: a    dazdi. mē. vaŋuhi. səuuište.
Verse: b       druuāspe.1 tat̰. āiiaptəm.
Verse: c          yat̰. bauuāni. aiβi.vaniiā̊.
Verse: d             vīspe.2 daēuua. māzaniia.3
Verse: e          +yaϑa. azəm. nōit̰. tarštō. frā.nmāne.4
Verse: f             ϑβaēṣ̌āt̰. parō. daēuuaēibiiō.
Verse: g    frā. ahmāt̰.5 parō. vīspe. daēuua.
Verse: h       anusō. taršta.6 nəmā̊ṇte.7
Verse: i       taršta.6 təmaŋhō. duuārā̊ṇte.8

Paragraph: 5 
Verse: a    daϑat̰. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.1 ϑrāϑri.2
Verse: d          zaoϑrō.barāi. arədrāi.
Verse: e          yazəmnāi. jaiδiiaṇtāi.
Verse: f             dāϑriš.3 āiiaptəm.

Paragraph: 6 
Verse: a       ahe. raiia. xvarənaŋhaca.
Verse: b    tąm.1 yazāi. surunuuata. yasna.
Verse: c    tąm.1 yazāi. huiiašta. yasna.
Verse: d       druuāspąm. sūrąm. mazdaδātąm. aṣ̌aonīm.
Verse: e          zaoϑrābiiō:
Verse: f    druuāspąm. sūrąm. mazdaδātąm. aṣ̌aonīm. yazamaide.
Verse: g       haomaiiō.2 gauua.3 barəsmana.
Verse: h       hizuuō. daŋhaŋha. mąϑraca. +vacaca. š́iiaoϑnaca.
Verse: i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 2


Paragraph: 7 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe. narąm. aṣ̌aonąm.

Paragraph: 8 
Verse: a    1tąm. yazata.
Verse: b       yō. yimō. xṣ̌aētō. huuąϑβō.
Verse: c          hukairiiāt̰. haca. barəzaŋhat̰.2
Verse: d             satəm.3 aspanąm.
Verse: e             hazaŋrəm.4 gauuąm.
Verse: f             baēuuarə. anumaiianąm.
Verse: g                uta. zaoϑrąm.5 frabarō:

Paragraph: 9 
Verse: a    dazdi. mē. vaŋuhi.1 səuuište.
Verse: b       druuāspe.2 tat̰. āiiaptəm.
Verse: c          yaϑa. azəm. fṣ̌aoni.3 vąϑβa.4 auua.barāni.5
Verse: d             auui.6 mazdā̊. dāmabiiō.
Verse: e          yaϑa.7 azəm. amərəxtīm.8 auua.barāni.9
Verse: f             auui.10 mazdā̊. dāmabiiō:

Paragraph: 10 
Verse: a       uta. azəm. apa.barāni.1
Verse: b          uua.2 ṣ̌uδəmca.3 tarṣ̌nəmca.
Verse: c             haca. mazdā̊. dāmabiiō.
Verse: d       uta. azəm. apa.barāni.1
Verse: e          uua.4 zaouruuąmca.5 mərəϑiiūmca.6
Verse: f             haca. mazdā̊. dāmabiiō.
Verse: g       uta. azəm. apa.barāni.7
Verse: h          +uua.8 garəməmca.9 vātəm. aotəmca.
Verse: i             haca. mazdā̊. dāmabiiō.
Verse: j                hazaŋrəm. aiβi.gāmanąm.

Paragraph: 11 
Verse: a    daϑat̰. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 3


Paragraph: 12 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe.2 narąm. aṣ̌aonąm.

Paragraph: 13 
Verse: a    1tąm. yazata.
Verse: b       vīsō. puϑrō. āϑβiiānōiš.
Verse: c       vīsō. sūraiiā̊. ϑraētaonō.
Verse: d          upa. varənəm. caϑru.gaoṣ̌əm.
Verse: e             satəm.2 aspanąm.
Verse: f             hazaŋrəm.3 gauuąm.4
Verse: g             baēuuarə. anumaiianąm.
Verse: h                uta. zaoϑrąm. frabarō:5

Paragraph: 14 
Verse: a    dazdi. mē. vaŋuhi. səuuište.
Verse: b       druuāspe.1 tat̰. āiiaptəm.
Verse: c          yat̰. bauuāni. aiβi.vaniiā̊.
Verse: d             ažīm. dahākəm.2
Verse: e             ϑrizafanəm.3 ϑrikamərəδəm.
Verse: f                   xṣ̌uuaš.aṣ̌īm. hazaŋrā.yaoxštīm.
Verse: g                   ašaojaŋhəm. daēuuīm. drujəm.
Verse: h                   aγəm. gaēϑāuuiiō. druuaṇtəm.
Verse: i                   yąm. ašaojastəmąm. drujəm.
Verse: j                      fraca. kərəṇtat̰. aŋrō. mainiiuš.
Verse: k                      aoi. yąm. astuuaitīm. gaēϑąm.
Verse: l                      mahrkāi. aṣ̌ahe. gaēϑanąm:
Verse: m          uta. hē.4 vaṇta.5 azāni.6
Verse: n                saŋhauuāci.7 arənauuāci.8
Verse: o             yōi.9 hən.10 kəhrpa. sraēšta.
Verse: p                zazātə̄e.11 gaēϑiiāi. tē.12
Verse: q                   yōi. abdōtəme.13

Paragraph: 15 
Verse: a    daϑat̰. ahmāi. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 4


Paragraph: 16 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe.2 narąm. aṣ̌aonąm.

Paragraph: 17 
Verse: a    tąm. yazata.
Verse: b       haomō. frāṣ̌miš.1 baēṣ̌aziiō.
Verse: c          srīrō. xṣ̌aϑriiō.2 zairi.dōiϑrō.
Verse: d             barəzište. paiti. barəzahi.3
Verse: e             haraiϑiiō.4 paiti. barəzaiiā̊:
Verse: f    āat̰. hīm. jaiδiiat̰. auuat̰. āiiaptəm:

Paragraph: 18 
Verse: a    dazdi. mē. vaŋuhi.1 səuuište.
Verse: b       druuāspe.2 tat̰. āiiaptəm.
Verse: c          yaϑa. azəm. baṇdaiieni.
Verse: d             mairīm. tūirīm. fraŋrasiiānəm.3
Verse: e          4uta. bastəm. vāδaiieni.4
Verse: f          +uta. bastəm. upanaiieni.
Verse: g             bastəm. kauuōiš. haosrauuaŋhahe.5
Verse: h    janāt̰. təm.6 kauua. haosrauua.7
Verse: i          pasne.8 varōiš. ^caēcastahe.9
Verse: j             jafrahe. uruiiāpahe.10
Verse: k       puϑrō. kaēna.11 siiāuuarṣ̌ānāi.12
Verse: l          zūrō.jatahe.13 narahe.14
Verse: m          aγraēraϑaheca.15 narauuahe.16

Paragraph: 19 
Verse: a    daϑat̰. ahmāi. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 20 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe.2 narąm. aṣ̌aonąm.

Paragraph: 21 
Verse: a    1tąm. yazata.
Verse: b       arṣ̌a. airiianąm. dax́iiunąm.2
Verse: c       xṣ̌aϑrāi.3 haṇkərəmō.4 haosrauua.5
Verse: d             pasne.6 varōiš. ^caēcastahe.7
Verse: e                jafrahe. uruuiiāpahe.8
Verse: f          satəm.9 aspanąm.
Verse: g          hazaŋrəm.10 gauuąm.11
Verse: h          baēuuarə. anumaiianąm.
Verse: i             uta. zaoϑrąm. frabarō:12

Paragraph: 22 
Verse: a    dazdi. mē. vaŋuhi.1 səuuište.
Verse: b       druuāspe.2 tat̰. āiiaptəm.
Verse: c          yaϑa. 3azəm. nijanāni.
Verse: d             mairīm. tūirīm. fraŋrasiiānəm.3
Verse: e                   pasne.4 varōiš. ^caēcastahe.5
Verse: f                      jafrahe. uruuiiāpahe.6
Verse: g          puϑrō. kaēna.7 siiāuuarṣ̌ānāi.8
Verse: h             zūrō.jatahe.9 narahe.
Verse: i             aγraēraϑaheca.10 narauuahe.11

Paragraph: 23 
Verse: a    daϑat̰. ahmāi. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 24 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe.2 narąm. aṣ̌aonąm.

Paragraph: 25 
Verse: a    1tąm. yazata.
Verse: b       yō. aṣ̌auua. zaraϑuštrō.
Verse: c          airiiene. vaējahi.2
Verse: d          vaŋhuiiā̊. dāitiiaiiā̊.3
Verse: e             haomaiiō.4 gauua. barəsmana.
Verse: f          hizuuō. daŋhaŋha. mąϑraca. +vacaca. š́iiaoϑnaca.
Verse: g          zaoϑrābiiasca. aršuxδaēibiiasca. vāγžibiiō:5
Verse: h    āat̰. hīm. jaiδiiat̰. auuat̰. āiiaptəm:

Paragraph: 26 
Verse: a    dazdi. mē. vaŋuhi.1 səuuište.
Verse: b       druuāspe.2 tat̰. āiiaptəm.
Verse: c          yaϑa. azəm. hācaiiene.3
Verse: d             vaŋuhīm. āzātąm.4 hutaosąm.5
Verse: e                anumatə̄e. daēnaiiāi.6
Verse: f                anūxtə̄e.7 daēnaiiāi.
Verse: g                anu.varštə̄e.8 daēnaiiāi.
Verse: h          yā. mē. daēnąm. māzdaiiasnīm.
Verse: i             zrasca.9 dāt̰.10 apica.11 aotāt̰.12
Verse: j          yā. mē.13 varəzānāi.14
Verse: k             vaŋuhīm. dāt̰. frasastīm.

Paragraph: 27 
Verse: a    daϑat̰. ahmāi. ahmāi. tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 7


Paragraph: 28 
Verse: a    druuāspąm.1 sūrąm. mazdaδātąm. aṣ̌aonīm. yazamaide.
Verse: b       druuō.pasuuąm. druuō.staorąm.
Verse: c       druuō.uruuaϑąm. druuō.apərənāiiukąm.
Verse: d          pouru.spaxšti. dūrāt̰. piϑana.
Verse: e          xvāϑrauuana. darəγō.haxəδraiiana.

Verse: f       yuxta.aspąm. varətō.raϑąm.
Verse: g       xvanat̰.caϑrąm. fṣ̌aonīm. marəząm.
Verse: h       amauuaitīm. huraoδąm. xvāsaokąm. baēṣ̌aziiąm.
Verse: i       druuō.stāitīm. druuō.varətąm.
Verse: j          auuaŋhe.2 narąm. aṣ̌aonąm.

Paragraph: 29 
Verse: a    1tąm. yazata. bərəzaiδiš. kauua. vīštāspō.
Verse: b       pasne.2 āpō. dāitiiaiiā̊.3
Verse: c          satəm.4 aspanąm.
Verse: d          hazaŋrəm. gauuąm.
Verse: e          baēuuarə. anumaiianąm.
Verse: f             uta. zaoϑrąm. frabarō:

Paragraph: 30 
Verse: a    dazdi. mē. vaŋuhi. səuuište.
Verse: b       druuāspe.1 tat̰.2 āiiaptəm.
Verse: c          yaϑa. azāni.3 pəṣ̌ana.4
Verse: d             ašta.5 auruuaṇtō.6 vīspa.ϑauruuō.7
Verse: e             aštōiš.8 puϑrō. vīspa.ϑauruuō.7
Verse: f             uruui.xaoδō. uruui.vərəϑrō.
Verse: g                stuuī.manaoϑriš.9
Verse: h             yeŋ́he. hapta. sata. uštranąm.
Verse: i                jainiiāuuarat̰.10 pasca. xvīδahe:11
Verse: j          yaϑa. azāni. pəṣ̌ana.12
Verse: k             mairiiehe. x́iiaonahe.13
Verse: l                arəjat̰.aspahe:
Verse: m          yaϑa. azāni. pəṣ̌ana.12
Verse: n             darṣ̌inikahe.14 daēuuaiiasnahe.

Paragraph: 31 
Verse: a          uta. azəm. nijanāni.
Verse: b             tąϑriiauuaṇtəm.1 duždaēnəm.2
Verse: c          uta. azəm. nijanāni.
Verse: d             spinjauruš́əm.3 daēuuaiiasnəm:
Verse: e          uta. azəm. fraouruuaēsaiieni.4
Verse: f             humaiia.5 varəδakanąmca.6
Verse: g                *x́iiaoniia. haca.7 daiŋ́hāuuō:8
Verse: h          uta. azəm. nijanāni.
Verse: i             x́iiaonīnąm.9 dax́iiunąm.
Verse: j                paṇcasaγnāi. sataγnāišca.
Verse: k                sataγnāi. hazaŋraγnāišca.
Verse: l                hazaŋraγnāī. baēuuarəγnāišca.
Verse: m                baēuuarəγnāi. ahąxštaγnāišca.

Paragraph: 32 
Verse: a    daϑat̰. ahmāi. 1tat̰.
Verse: b          auuat̰. āiiaptəm.
Verse: c       druuāspa. sūra. mazdaδāta. aṣ̌aoni.
Verse: d          ϑrāϑri. zaoϑrō.barāi. arədrāi.
Verse: e             yazəmnāi. jaiδiiaṇtāi.
Verse: f                dāϑriš. āiiaptəm.:

Verse: Q1a       ahe. raiia.2 xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       druuāspąm. sūrąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1f    druuāspąm. sūrąm. mazdaδātąm. aṣ̌aonīm. yazamaide.
Verse: Q1g       haomaiiō. gauua. barəsmana.
Verse: Q1h       hizuuō. daŋhaŋha. mąϑraca. +vacaca. š́iiaoϑnaca.
Verse: Q1i       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.


Paragraph: 33 
Verse: C1a    (vāž.::)
Verse: C1b    hōrməzd. i. aβazūnī. mardum.
Verse: C1c       mardum. sardagą. ham. bā. yašt. i. vahą.
Verse: C1d       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: C1e       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca.1 vahməmca. aojasca. zauuarəca. āfrīnāmi.
Verse: b       2druuāspaiiā̊. sūraiiā̊. mazdaδātaiiā̊. aṣ̌aoniiā̊.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.3 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Mihir Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.