TITUS
Avestan Corpus
Part No. 77
Previous part

Chapter: 4 


Paragraph: 0 
Verse: Ca    pa. nąm. i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    aβərdād. aməšāspəṇd. bə̄. rasāt̰::
Verse: Cd    əž. hamā. gunāh.1 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Ci          əž. ą. gunāhihā.1 manišnī. gaβəšnī. kunišnī.
Verse: Cj             tanī. ruuąnī. gəϑī. mainiiąnī.
Verse: Ck             ōxš. aβāxš. pašə̄mą.
Verse: Cl             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē.4 humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f    hauruuatātō. raϑβō.
Verse: g    yāiriiaiiā̊.4 huṣ̌itōiš.
Verse: h    sarəδaēibiiō. aṣ̌ahe. ratubiiō.
Verse: i          xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.5::

Paragraph: 1 
Verse: a    mraot̰. ahurō. mazdā̊. spitamāi. zaraϑuštrāi:
Verse: b    azəm. daδąm. hauruuatātō.1
Verse: c       narąm. aṣ̌aonąm.
Verse: d       auuā̊sca. rafnā̊sca.
Verse: e       baoṣ̌nā̊sca.2 xvītā̊sca.3 auuōi.4
Verse: f    fraca. yaoxmaide.5
Verse: g       yō.tē.6 jasāiti.7 aməṣ̌anąm. spəṇtanąm.
Verse: h          yaϑa. jasāiti.7 aməṣ̌anąm. spəṇtanąm.
Verse: i       vohū. manō.
Verse: j       aṣ̌əm. vahištəm.
Verse: k       xṣ̌aϑrəm. vairīm.
Verse: l       spəṇtąm. ārmaitīm.
Verse: m       hauruuatā̊sca.8 amərətatā̊sca.9

Paragraph: 2 
Verse: a    yō.1 aēṣ̌ąm.2 daēuuanąm.
Verse: b       hazaŋrāi. hazaŋrō. paitiš.3
Verse: c       baēuuarāi.4 baēuuanō.5
Verse: d       ahąxštāi.6 ahąxštaiiō.7 paitiš.8
Verse: e          nāmə̄ni.9 aməṣ̌anąm. spəṇtanąm.
Verse: f             hauruuatātō.
Verse: g          zbaiiōit̰.
Verse: h    nasūm. janat̰.
Verse: i    haṣ̌i.10 janat̰.
Verse: j    γaṣ̌i.11 janat̰.
Verse: k    saēne.12 janat̰.
Verse: l    būji.13 janat̰.

Paragraph: 3 
Verse: a    āat̰. paoirīm. framraomi.
Verse: b       narəm. aṣ̌auuanəm.1
Verse: c    imat̰. raṣ̌nuuō. razišta.2
Verse: d    imat̰. aməṣ̌aēibiiō. spəṇtaēibiiō.
Verse: e       yō. asti.3 mainiiauuanąm.4 yazatanąm. raiiō.nāmanā̊.5
Verse: f    tā̊. būjat̰.6 narəm. aṣ̌auuanəm.
Verse: g       haca. nasūm.
Verse: h       haca. haṣ̌i.7
Verse: i       haca. γaṣ̌i.8
Verse: j       haca. saēne.9
Verse: k       haca. būji.10
Verse: l       haca. haēnaiiā̊. pərəϑu.ainikaiiā̊.11
Verse: m       haca. drafṣ̌aiiā̊.12 pərəϑu.uzgərəptaiiā̊.13
Verse: n       haca. maš́iiāi. druuaitiiāi.14 sāstaiiāi.15
Verse: o       haca. ustrāi.16 vairiiāi.
Verse: p       haca. narō. sāstaiiāi.15
Verse: q       haca. yātāi.
Verse: r       haca. pairikāi.
Verse: s       haca. urusta.17:

Paragraph: 4 
Verse: a    kuϑa.1 para.2 aṣ̌aonąm.
Verse: b       paϑa.3 uruuaṣ̌aiti.3
Verse: c    kuϑa. druuatąm:4
Verse: d    āat̰. mraot̰. ahurō. mazdā̊:
Verse: e    yezi.mē.5 mąϑrəm. framrauua.
Verse: f       marā̊.vā.6
Verse: g       drəṇjaiiā̊.vā.7
Verse: h       frā.vā.8 mrauua.
Verse: i          karṣ̌āim.9 kāraiieiti.10
Verse: j    haom.11 tanūm. guzaēta:12

Paragraph: 5 
Verse: a    kąmcit̰.1
Verse: b       ϑβąmca. drujəmca.2 haiϑiiō.aiianąm. həṇtīm.3
Verse: c    *kąmcit̰.4 vā. aipiiaēnąm.5 həṇtīm.6
Verse: d    kąmcit̰.7 vā. raēϑβanąm.*8
Verse: e    kąmcit̰.9
Verse: f       ϑβąmca. drujəmca.10
Verse: g          airiiābiiō.11 pāδaēibiiō.12 janāni.13
Verse: h       ϑβąmca. drujəmca.
Verse: i          baṇdāmi.14
Verse: j       ϑβąmca. drujəmca. niγne.15
Verse: k       ϑβąmca. drujəmca. nižbarəm.16
Verse: l          aδairi.naēməmca.17

Paragraph: 6 
Verse: a    ϑri.karṣ̌əm.1 frakāraiieiti.2
Verse: b       frā.mraomi.3 narəm. aṣ̌auuanəm:
Verse: c    xṣ̌uuaš.karṣ̌əm.4 frakāraiieiti.
Verse: d       xṣ̌uuaš.5 frā.mraomi.6 narəm. aṣ̌auuanəm:
Verse: e    7nauua.karṣ̌əm. frakāraiieiti.
Verse: f       nauua. frā.mraomi.8 narəm. aṣ̌auuanəm.

Paragraph: 7 
Verse: a    nāmə̄ni.1 aēṣ̌ąm. drujinąm.2
Verse: b       nasūm.kərəta.3 paiti. janaiti.4
Verse: c    jata.5 karapanō. ciϑrīm.6
Verse: d       jāmāca.7 mərətō. saoca.
Verse: e    yə̄.8 zaota. zaraϑuštrō.
Verse: f       ərəγatat̰.9 haca.10 daožauuāt̰.11
Verse: g       huuąm. anu. uštīm.12 zaoṣ̌əmca.
Verse: h          yaϑa. kaϑaca.hē.13 zaoṣ̌ō.

Paragraph: 8 
Verse: a    pasca. hū.1 frāṣ̌mō.dāitīm.
Verse: b       apāxəδra.naēməm.2 janaiti.3
Verse: c    *pasca. 4huuō. nōit̰.4 uzuxṣ̌iiamnō.*5
Verse: d       nasūm. stərəϑβata. snaiϑiṣ̌a. vīxrūmaṇtəm.
Verse: e    maire. nāṣ̌aite.6
Verse: f       mainiiauuanąm. yazatanąm.
Verse: g          xṣ̌naoϑrāica. frasastaiiaēca.7

Paragraph: 9 
Verse: a    zaraϑuštra. aētəm.1 mąϑrəm.
Verse: b       mā.2 fradaxṣ̌aiiō.3
Verse: c          aniiāt̰.4
Verse: d             piϑre.5 vā. puϑrāi.
Verse: e             brāϑre.6 vā. haδō.zātāi.
Verse: f             āϑrauuanāi.7 vā.8 ϑrāiiaone.9
Verse: g    haosraogaonō.10 hudaēnō.
Verse: h       yō. hudaēnō.11 aṣ̌auua. auruuō.12
Verse: i          vīspa.13 karəṣ̌ō.14 rāδaiieiti.15

Paragraph: 10  {= Ny. 1,16}
Verse: a       ahe.1 raiia. xvarənaŋhaca.
Verse: b    təm.1 yazāi. surunuuata. yasna.
Verse: c       aṣ̌əm. vahištəm. sraēštəm. aməṣ̌əm. spəṇtəm.
Verse: d          zaoϑrābiiō:1
Verse: e    aṣ̌əm. vahištəm. sraēštəm. aməṣ̌əm. spəṇtəm. yazamaide.
Verse: f    haomaiiō.1 gauua.2 barəsmana.
Verse: g       hizuuō. daŋhaŋha. mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::


Verse: Ca    (vāž.::)
Verse: Cb    hōrməzd.3 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Cd       ə̄duṇ. bāt̰.::


Paragraph: 11 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: a    yasnəmca.1 vahməmca. aojasca. zauuarəca. āfrīnāmi.
Verse: b       hauruuatātō. raϑβō.
Verse: c       yāiriiaiiā̊.2 huṣ̌itōiš.
Verse: d       sarəδaēibiiō. aṣ̌ahe. ratubiiō.:


{~ Ny. 1,18; Y. 72,9 / 68,11 / SrB 5}
Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.

Verse: Q2a    ahmāi. raēšca.3 xvarənasca.
Verse: Q2b       ahmāi. tanuuō. druuatātəm.
Verse: Q2c       ahmāi. tanuuō. vazduuarə.
Verse: Q2d       ahmāi. tanuuō. vərəϑrəm.
Verse: Q2e       ahmāi. īštīm. pouruš.xvāϑrąm.
Verse: Q2f       ahmāi. āsnąmcit̰. frazaṇtīm.
Verse: Q2g       ahmāi. darəγąm. darəγō.jītīm.
Verse: Q2h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: e    aϑa. jamiiāt̰. yaϑa. āfrīnāmi.:

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.

Verse: Q4Aa       hazaŋrəm.1 baēṣ̌azanąm.
Verse: Q4Ab       baēuuarə. baēṣ̌azanąm.::
Verse: Q4Ba       hazaŋrəm. baēṣ̌azanąm.
Verse: Q4Bb       baēuuarə. baēṣ̌azanąm.::
Verse: Q4Ca       hazaŋrəm. baēṣ̌azanąm.
Verse: Q4Cb       baēuuarə. baēṣ̌azanąm.::

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6a    jasa. mē. auuaŋhe.1 mazda.
Verse: Q6b    jasa. mē. auuaŋhe. mazda.
Verse: Q6c    jasa. mē. auuaŋhe. mazda.

Verse: Q7b       amahe. hutāštahe. huraoδahe.
Verse: Q7c       vərəϑraγnahe. ahuraδātahe.
Verse: Q7d       vanaiṇtiiā̊sca. uparatātō.::

Verse: Q8a       rāmanasca. xvāstrahe.
Verse: Q8b       vaiiaoš. uparō.kairiiehe.
Verse: Q8c       taraδātō. aniiāiš. dāmąn::
Verse: Q8d    aētat̰. tē. vaiiō.
Verse: Q8e       yat̰. tē. asti. spəṇtō.mainiiaom::
Verse: Q8f          ϑβāṣ̌ahe. xvaδātahe.
Verse: Q8g          zruuānahe. akaranahe.
Verse: Q8h          zruuānahe. darəγō.xvaδātahe.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.

Verse: Ca    kərba. mažd. gunāh. guzārašni. rā. kunōm. ašahī. ruuą.
Verse: Cb       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: Cc    ašō. bə̄t̰. də̄r. zī.::

Verse: Q10a    aϑa. jamiiāt̰. yaϑa. āfrīnāmi.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.



Arduī Sūr Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.