TITUS
Avestan Corpus
Part No. 76
Previous part

Chapter: 3 


Paragraph: 0 
Verse: Ca    pa. nąm. i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    ardabahišt. aməšāspəṇd. bə̄. rasāt̰::
Verse: Cd    əž. hamā. gunāh.1 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Ci          əž. ą. gunāhihā.1 manišnī. gaβəšnī. kunišnī.
Verse: Cj             tanī. ruuąnī. gəϑī. mainiiąnī.
Verse: Ck             ōxš. aβāxš. pašə̄mą.
Verse: Cl             pa. sə. gaβəšnī. pa. patit. hōm.::

Verse: a       xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē.4 humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f    aṣ̌ahe. vahištahe. sraēštahe.
Verse: g    airiiamanō. iš́iiehe. sūrahe. mazdaδātahe.
Verse: h    saokaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊.
Verse: i          xṣ̌naoϑra.4 yasnāica. vahmāica. xṣ̌naoϑrāica. frasastaiiaēca.

Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::

Paragraph: 1 
Verse: a    1mraot̰. ahurō. mazdā̊. spitamāi. zaraϑuštrāi:
Verse: b    āat̰. yat̰. aṣ̌a. vahišta.2 fradaiϑīṣ̌a.3
Verse: c          spitama. zaraϑuštra.
Verse: d          staotarəca.4 zaotarəca.4
Verse: e          zbātarəca.4 mąϑranaca.5
Verse: f          yaštarəca.6 āfrītarəca.4
Verse: g          aibijarətarəca.7 vaŋhāna.8 xṣ̌aēta. raocā̊.
Verse: h             xvanuuaitīšca.9 vərəzō.10
Verse: i       ahmākəm. yasnāica. vahmāica.
Verse: j          yat̰. aməṣ̌anąm. spəṇtanąm.

Paragraph: 2 
Verse: a    āat̰. aoxta. zaraϑuštrō:
Verse: b    mrūiδi.1 bā. vacō. arš.vacō.2
Verse: c          ahura. mazda:
Verse: d       yaϑa.3 tē. aŋhən.
Verse: e          yat̰.4 aṣ̌a. vahišta.5 frādāhīš.6
Verse: f             *spitama. zaraϑuštra.7
Verse: g             staotarəca.8 zaotarəca.8
Verse: h             zbātarəca.8 mąϑranaca.
Verse: i             yaštarəca.8 āfrītarəca.8
Verse: j             aibijarətarəca.*8 vaŋhāna.9 xṣ̌aēta. raocā̊.
Verse: k                xvanuuaitīšca. vərəzō.10
Verse: l          yūṣ̌mākəm. yasnāica. vahmāica.
Verse: m             yat̰. aməṣ̌anąm. spəṇtanąm.

Paragraph: 3 
Verse: a    ādim.1 framraomi.
Verse: b       aṣ̌əm. vahištəm:
Verse: c    yezi.2 framraomi.
Verse: d       aṣ̌əm. vahištəm.
Verse: e    āat̰. aniiaēṣ̌ąm.
Verse: f       yat̰.3 aməṣ̌anąm. spəṇtanąm. huuāiiaonəm.4
Verse: g          yim. pāiti.5 mazdā̊.6 humatāiš.
Verse: h          yim. pāiti. mazdā̊. hūxtāiš.
Verse: i          yim. pāiti. mazdā̊. huuarštāiš:
Verse: j          *garō.nmāne.7
Verse: k             ahurahe. huuāiiaonəm.*

Paragraph: 4 
Verse: a    garō. nmānəm. nərəiiō.1 asti. aṣ̌āuuaoiiō.2
Verse: b    naēciš. druuatąm. aiiene.3
Verse: c       paitiš.4 garō. nmānəm.
Verse: d          rauuōhu. aṣ̌āiiaonəm.5
Verse: e          ciϑrəm. ahurəm. mazdąm.

Paragraph: 5 
Verse: a    janaiti.1 vīspaēṣ̌ąm.2 *aŋrō. mainiiuš.*3
Verse: b       ahmāi. yāϑβąm. pairikanąmca.
Verse: c          airiiamanəm.4
Verse: d          mąϑranąm. mazištəm.5
Verse: e          mąϑranąm.6 vahištəm.5
Verse: f          mąϑranąm.7 sraēštəm.5
Verse: g          mąϑranąm. sraēštōtəməm.8
Verse: h          mąϑranąm. uγrəm.9
Verse: i          mąϑranąm. uγrōtəməm.10
Verse: j          mąϑranąm. dərəzrəm.11
Verse: k          mąϑranąm. dərəzrōtəməm.12
Verse: l          mąϑranąm. vārəϑraγni.13
Verse: m          mąϑranąm. vārəϑraγniiōtəməm.14
Verse: n          mąϑranąm. baēṣ̌azəm.15
Verse: o          mąϑranąm. baēṣ̌aziiōtəməm.16

Paragraph: 6 
Verse: a       mąϑranąm.
Verse: b          aṣ̌ō.baēṣ̌azō. dātō.baēṣ̌azō.
Verse: c          karətō.baēṣ̌azō.1 uruuarō.baēṣ̌azō.
Verse: d          mąϑrō.baēṣ̌azō. baēṣ̌azanąm.2 baēṣ̌aziiōtəmō.3
Verse: e          4yat̰. mąϑrəm. spəṇtəm. baēṣ̌aziiō:4
Verse: f       5yō. narš. aṣ̌aonō. haca. uruϑβąn.6 baēṣ̌aziiāt̰:7
Verse: g    aēṣ̌ō.zī.8 asti. baēṣ̌azanąm. baēṣ̌aziiōtəmō.9

Paragraph: 7 
Verse: a    yaska. apa.duuarata.1
Verse: b    mahrka. apa.duuarata.
Verse: c    daēuua. apa.duuarata.
Verse: d    paitiiāra. apa.duuarata:
Verse: e    aṣ̌əmaoγō.2 anaṣ̌auua.3 apa.duuarata.
Verse: f    maš́iiō. sāsta. apa.duuarata:

Paragraph: 8 
Verse: a    ažiciϑra. apa.duuarata.
Verse: b    vəhrkō.ciϑra. apa.duuarata.
Verse: c    bizəṇgrō.ciϑra.1 apa.duuarata.
Verse: d    tarō.mata.2 apa.duuarata.
Verse: e    pairi.mata.2 apa.duuarata.
Verse: f    tafnu.3 apa.duuarata.
Verse: g    spazga.4 apa.duuarata.
Verse: h    anāxšta.5 apa.duuarata.
Verse: i    duždōiϑra.6 apa.duuarata:

Paragraph: 9 
Verse: a    draoγō.1 vāxš. *draojišta.2 apa.duuarata:
Verse: b    jahi.3 yātumaiti.4 apa.duuarata.
Verse: c    jahi.5 kaxvarəδaine.6 apa.duuarata:
Verse: d    vātō. paouruuō.apāxtara.7 apa.duuarata.
Verse: e    vātō. paouruuō.apāxtara.7 apa.nasiiata.8
Verse: f       yasca.mē. aētaēṣ̌ąm.
Verse: g          yat̰. ažiciϑranąm.

Paragraph: 10 
Verse: a       yō.1 janat̰.2 aēṣ̌ąm. daēuuanąm.
Verse: b          hazaŋrāi. hazaŋrō. pairi.
Verse: c          baēuuarāi.3 baēuuarō.4 paiti.5
Verse: d    yaska. jaiṇti.6
Verse: e    mahrka. jaiṇti.
Verse: f    daēuua. jaiṇti.
Verse: g    paitiiāra. jaiṇti.
Verse: h    aṣ̌əmaoγō. anaṣ̌auua. jaiṇti.
Verse: i    maš́iiō. sāsta. jaiṇti:

Paragraph: 11 
Verse: a    ažiciϑra. jaiṇti.
Verse: b    vəhrkō.ciϑra. jaiṇti.
Verse: c    bizəṇgrō.ciϑra. tarō.mata.1 jaiṇti.
Verse: d    pairi.mata.1 jaiṇti.
Verse: e    tafnu.2 jaiṇti.
Verse: f    spazga.3 jaiṇti.
Verse: g    anāxšta.4 jaiṇti.
Verse: h    duždōiϑra. jaiṇti:

Paragraph: 12 
Verse: a    draoγō.1 vāxš. *draojišta.2 jainti.
Verse: b    jahi.3 yātumaiti.4 jaiṇti.
Verse: c    jahi.5 kaxvarəδaine.6 jaiṇti.
Verse: d    vātō. paouruuō.apāxtara. jaiṇti.
Verse: e    vātō. paouruuō.apāxtara.7 apa.nasiiata.
Verse: f       yasca.mē. aētaēṣ̌ąm.
Verse: g          yat̰. bizəṇgrō.ciϑranąm.

Paragraph: 13 
Verse: a       yō.1 janat̰.2 aēṣ̌ąm. daēuuanąm.
Verse: b          hazaŋrāi. hazaŋrō. pairi.3
Verse: c          baēuuarāi.4 baēuuarō. pairi.5
Verse: d    paouruua.naēmāt̰.6 patat̰.7 diiaoš.8
Verse: e       daēuuanąm. draojištō.
Verse: f       aŋrō.9 mainiiuš. pouru.mahrkō.

Paragraph: 14 
Verse: a    adauuata.1 aŋrō. mainiiuš. pouru.mahrkō.:2
Verse: b       āuuōiia.mē. bāuuōiia.3
Verse: c    aṣ̌a. vahišta.4
Verse: d       yaskanąm. yaskōtəməm.5 janāt̰.
Verse: e       yaskanąm. yaskōtəməm. t̰baēṣ̌aiiāt̰:6
Verse: f       mahrkanąm. mahrkōtəməm. janāt̰.
Verse: g       mahrkanąm. mahrkōtəməm. t̰baēšaiiāt̰:
Verse: h       daēuuanąm. daēuuōtəməm. janāt̰.
Verse: i       daēuuanąm. daēuuōtəməm. t̰baēšaiiāt̰:
Verse: j       paitiiāranąm. paitiiārōtəməm. janāt̰.
Verse: k       paitiiāranąm. paitiiārōtəməm. t̰baēšaiiāt̰:
Verse: l       aṣ̌əmaogō. anaṣ̌auua. janāt̰.
Verse: m       aṣ̌əmaogō. anaṣ̌auua. t̰baēšaiiāt̰:
Verse: n       maš́iiō.sāsta.sāstōtəməm.7 janāt̰.
Verse: o       maš́iiō.sāsta.sāstōtəməm.7 t̰baēšaiiāt̰.:

Paragraph: 15 
Verse: a       ažiciϑra.ažiciϑrōtəməm. janāt̰.
Verse: b       ažiciϑra.ažiciϑrōtəməm. t̰baēṣ̌aiiāt̰.
Verse: c       vəhrkō.ciϑra.vəhrkō.ciϑrōtəməm. janāt̰.
Verse: d       vəhrkō.ciϑra.vəhrkō.ciϑrōtəməm. t̰baēṣ̌aiiāt̰.
Verse: e       bizəṇgrō.ciϑra.bizəṇgrō.ciϑrōtəməm. janāt̰.
Verse: f       bizəṇgrō.ciϑra.bizəṇgrō.ciϑrōtəməm. t̰baēṣ̌aiiāt̰.
Verse: g       tarō.mata.1 janāt̰.
Verse: h       tarō.mata.1 t̰baēṣ̌aiiāt̰.
Verse: i       pairi.mata.2 janāt̰.
Verse: j       pairi.mata.2 t̰baēṣ̌aiiāt̰.
Verse: k       tafnu.tafnōtəməm.3 janāt̰.
Verse: l       tafnu.tafnōtəməm. t̰baēṣ̌aiiāt̰.
Verse: m       spazga.spazgōtəməm. janāt̰.
Verse: n       spazga.spazgōtəməm. t̰baēṣ̌aiiāt̰.
Verse: o       anāxšta.anāxštōtəməm. janāt̰.
Verse: p       anāxšta.anāxštōtəməm. tbaēṣ̌aiiāt̰.
Verse: q       duždōiϑra.duždōiϑrōtəməm. janāt̰.
Verse: r       duždōiϑra.duždōiϑrōtəməm. t̰baēṣ̌aiiāt̰.

Paragraph: 16 
Verse: a       draoγō.1vāxš.draojištō. janāt̰.
Verse: b       draoγō.1vāxš.draojištō.2 t̰baēṣ̌aiiāt̰.
Verse: c       jahi.3 yātumaiti.4 janāt̰.
Verse: d       jahi.3 yātumaiti.4 t̰baēṣ̌aiiāt̰.
Verse: e       jahi.5 kaxvarəδaine.6 janāt̰.
Verse: f       jahi. kaxvarəδaine. t̰baēṣ̌aiiāt̰.
Verse: g       vātō. paouruuō.apāxtara. janāt̰.
Verse: h       vātō. paouruuō.apāxtara. t̰baēṣ̌aiiāt̰.7

Paragraph: 17 
Verse: a    apanasiiāt̰. druxš.
Verse: b    nasiiāt̰. druxš.
Verse: c    duuārāt̰.1 druxš. vīnasiiāt̰.
Verse: d    apāxəδre.2 apa.nasiiehe.3
Verse: e    mā. mərəṇjainīš.4 gaēϑā̊. astuuaitīš.5 aṣ̌ahe.6

Paragraph: 18  {= Ny. 1,16}
Verse: a       ahe. raiia. xvarənaŋhaca.
Verse: b    təm. yazāi. surunuuata. yasna.
Verse: c       aṣ̌əm. vahištəm. sraēštəm. aməṣ̌əm. spəṇtəm.
Verse: d          zaoϑrābiiō:1
Verse: e    aṣ̌əm. vahištəm. sraēštəm. aməṣ̌əm. spəṇtəm. yazamaide.
Verse: f    haomaiiō.2 gauua.3 barəsmana.
Verse: g       hizuuō. daŋhaŋha. mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::


Verse: Ca    (vāž.::)
Verse: Cb    hōrməzd. i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Cd       ə̄duṇ. bāt̰.::


Paragraph: 19 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: a    yasnəmca.1 vahməmca. aojasca. zauuarəca. āfrīnāmi.
Verse: b       aṣ̌ahe. vahištahe. sraēštahe.2
Verse: c       airiiamanō. iš́iiehe. sūrahe. mazdaδātahe.
Verse: d       saokaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊.

{~ Ny. 1,18; Y. 72,9 / 68,11 / SrB 5}
Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.

Verse: Q2a    ahmāi. raēšca.3 xvarənasca.
Verse: Q2b       ahmāi. tanuuō. druuatātəm.
Verse: Q2c       ahmāi. tanuuō. vazduuarə.
Verse: Q2d       ahmāi. tanuuō. vərəϑrəm.
Verse: Q2e       ahmāi. īštīm. pouruš.xvāϑrąm.
Verse: Q2f       ahmāi. āsnąmcit̰. frazaṇtīm.
Verse: Q2g       ahmāi. darəγąm. darəγō.jītīm.
Verse: Q2h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: e    aϑa. jamiiāt̰. yaϑa. āfrīnāmi.:

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.

Verse: Q4Aa       hazaŋrəm.1 baēṣ̌azanąm.
Verse: Q4Ab       baēuuarə. baēṣ̌azanąm.::
Verse: Q4Ba       hazaŋrəm. baēṣ̌azanąm.
Verse: Q4Bb       baēuuarə. baēṣ̌azanąm.::
Verse: Q4Ca       hazaŋrəm. baēṣ̌azanąm.
Verse: Q4Cb       baēuuarə. baēṣ̌azanąm.::

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6a    jasa. mē. auuaŋhe.1 mazda.
Verse: Q6b    jasa. mē. auuaŋhe. mazda.
Verse: Q6c    jasa. mē. auuaŋhe. mazda.

Verse: Q7b       amahe. hutāštahe. huraoδahe.
Verse: Q7c       vərəϑraγnahe. ahuraδātahe.
Verse: Q7d       vanaiṇtiiā̊sca. uparatātō.::

Verse: Q8a       rāmanasca. xvāstrahe.
Verse: Q8b       vaiiaoš. uparō.kairiiehe.
Verse: Q8c       taraδātō. aniiāiš. dāmąn::
Verse: Q8d    aētat̰. tē. vaiiō.
Verse: Q8e       yat̰. tē. asti. spəṇtō.mainiiaom::
Verse: Q8f          ϑβāṣ̌ahe. xvaδātahe.
Verse: Q8g          zruuānahe. akaranahe.
Verse: Q8h          zruuānahe. darəγō.xvaδātahe.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.

Verse: Ca    kərba. mažd. gunāh. guzārašni. rā. kunōm. ašahī. ruuą.
Verse: Cb       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: Cc    ašō. bə̄t̰. də̄r. zī.::

Verse: Q10a    aϑa. jamiiāt̰. yaϑa. āfrīnāmi.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.




Aßərdād Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.