TITUS
Avestan Corpus
Part No. 75
Previous part

Chapter: 2 
Paragraph: 0 
Verse: Ca    pa. nąm. i. yazdą::
Verse: Cb    
hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    
haft. aməšāspəṇd. bə̄. rasāt̰::
Verse: Cd    
əž. hamā. gunāh.1 patit. pašə̄mąnōm::
Verse: Ce    
əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       
vaem. kard.
Verse: Cg       
vaem. jast.
Verse: Ch       
vaem. bun. būt̰. əstət̰.
Verse: Ci          
əž. ą. gunāhihā.1 manišnī. gaβəšnī. kunišnī.
Verse: Cj             
tanī. ruuąnī. gəϑī. mainiiąnī.
Verse: Ck             
ōxš. aβāxš. pašə̄mą.
Verse: Cl             
pa. . gaβəšnī. pa. patit. hōm.::

Verse: a       
xṣ̌naoϑra. ahurahe. mazdā̊.2
Verse: b       
tarōidīti. aŋrahe. mainiiə̄uš.
Verse: c    
haiϑiiāuuarštąm.
Verse: d       
hiiat̰. vasnā. fəraṣ̌ōtəməm.:


Verse: Q1a    
fərastuiiē.4 humatōibiiascā. hūxtōibiiascā. huuarštōibiiascā.
Verse: Q1b       
mąϑβōibiiascā. vaxəδβōibiiascā. varštuuōibiiascā::
Verse: Q1c    
aibigairiiā. daiϑē. vīspā. humatācā. hūxtācā. huuarštācā::
Verse: Q1d    
paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    
fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       
fərā. manaŋhā.
Verse: Q2c       
fərā. vacaŋhā.
Verse: Q2d       
fərā. š́iiaoϑanā.
Verse: Q2e       
fərā. aŋhuiiā.
Verse: Q2f       
fərā. tanuuascīt̰. xvax́iiā̊. uštanəm.::

{= Y. 11,19}
Verse: e    
staomī. aṣ̌əm::

Verse: Q3Aa    
aṣ̌əm. vohū. vahištəm. astī::
Verse: Q3Ab    
uštā. astī. uštā. ahmāi.
Verse: Q3Ac    
hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    
aṣ̌əm. vohū. vahištəm. astī::
Verse: Q3Bb    
uštā. astī. uštā. ahmāi.
Verse: Q3Bc    
hiiat̰. aṣ̌āi. vahištāi. aṣ̌əm.::

Verse: Q3Ca    
aṣ̌əm. vohū. vahištəm. astī::
Verse: Q3Cb    
uštā. astī. uštā. ahmāi.
Verse: Q3Cc    
hiiat̰. aṣ̌āi. vahištāi. aṣ̌əm.::


{= Y. 27,12}
Verse: Q4a    
frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       
hāuuanə̄e. aṣ̌aone. aṣ̌ahe. raϑβe.
Verse: Q4c          
yasnāica. vahmāica. xṣ̌naoϑrāica. frasastaiiaēca::
Verse: Q4e       
sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          
yasnāica. vahmāica. xṣ̌naoϑrāica. frasastaiiaēca::
Verse: Q4g       
raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          
yasnāica. vahmāica. xṣ̌naoϑrāica. frasastaiiaēca.::::


Paragraph: 1 
Verse: a    
ahurahe.1 mazdā̊. raēuuatō. xvarənaŋuhatō.2
Verse: b       
aməṣ̌anąm. spəṇtanąm:
Verse: c       
vaŋhauue.3 manaŋhe.4
Verse: d       
āxštōiš.5 hąm.vaiṇtiiā̊.6
Verse: e          
tarəδātō.7 aniiāiš. dāmąn.
Verse: f       
āsnahe. xraϑβō.8 mazdaδātahe.
Verse: g       
gaoṣ̌ō.srūtahe. xraϑβō. mazdaδātahe.

Paragraph: 2 
Verse: a    
aṣ̌ahe. vahištahe. sraēštahe.
Verse: b       
airiiamanō. iš́iiehe.1 sūrahe. mazdaδātahe.
Verse: c       
saokaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊:
Verse: d       
xṣ̌aϑrahe. vairiiehe. aiiōxṣ̌ustahe.2
Verse: e       
marəždikāi.3 ϑrāiiō.driγaouue.4

Paragraph: 3 
Verse: a    
spəṇtaiiā̊. vaŋhuiiā̊. ārmatōiš.
Verse: b       
rātaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊:
Verse: c       
hauruuatātō. raϑβō.
Verse: d       
yāiriiaiiā̊.1 huṣ̌itōiš.
Verse: e       
sarəδaēibiiō. aṣ̌ahe. ratubiiō:
Verse: f       
amərətatātō.2 raϑβō.
Verse: g       
fṣ̌aonibiia.3 vąϑβābiia.4
Verse: h       
aspanibiia.5 yaonibiia.6
Verse: i       
gaokərənahe.7 sūrahe. mazdaδātahe.

Paragraph: 4 
Verse: a    
(gāh. i. hāβan.) miϑrahe. vouru.gaoiiaotōiš.1
Verse: b       
rāmanasca. xvāstrahe:2
Verse: c    
(gāh. i. rapiϑβin.) aṣ̌ahe. vahištahe.
Verse: d       
āϑrasca. ahurahe. mazdā̊:3
Verse: e    
(gāh. i. uzīrin.) bərəzatō. ahurahe. nafəδrō. apąm.
Verse: f       
apasca. mazdaδātaiiā̊.4

Paragraph: 5 
Verse: a    
(gāh. i. aiβisrūϑrəm.) aṣ̌āunąm.1 frauuaṣ̌inąm.
Verse: b       
γənąnąmca.2 vīrō.vąϑβanąm.
Verse: c       
yāiriiaiiā̊sca.3 huṣ̌itōiš.
Verse: d       
amaheca. hutāštahe. huraoδahe.
Verse: e       
vərəϑraγnaheca.4 ahuraδātahe.
Verse: f       
vanaiṇtiiā̊sca. uparatātō:
Verse: g    
(gāh. i. ušahin.) sraoṣ̌ahe. aṣ̌iiehe. aṣ̌iuuatō.5 vərəϑrājanō. frādat̰.gaēϑahe.
Verse: h       
raṣ̌naoš. razištahe.
Verse: i       
arštātasca. frādat̰.gaēϑaiiā̊. varədat̰.gaēϑaiiā̊.6
Verse: j          
xṣ̌naoϑra.7 yasnāica. vahmāica. xṣ̌naoϑrāica. frasastaiiaēca.

Verse: Q1a    
yaϑā. ahū. vairiiō.
Verse: Q1b       
zaotā. frā. . mrūtē::
Verse: Q1c    
aϑā. ratuš. aṣ̌āt̰cīt̰. haca.
Verse: Q1d       
frā. aṣ̌auua. vīδuuā̊. mraotū.::


Paragraph: 6 
Verse: a    
ahurəm. mazdąm. raēuuaṇtəm. xvarənaŋuhaṇtəm.1 yazamaide.
Verse: b    
aməṣ̌ā. spəṇtā. huxṣ̌aϑrā. huδā̊ŋhō. yazamaide:
Verse: c    
vohu.2 manō. aməṣ̌əm. spəṇtəm. yazamaide:
Verse: d    
āxštīm. hąm.vaiṇtīm. yazamaide.
Verse: e       
tarəδātəm.3 aniiāiš. dāmąn:
Verse: f    
āsnəm. xratūm. mazdaδātəm. yazamaide:
Verse: g    
gaoṣ̌ō.srūtəm. xratūm. mazdaδātəm. yazamaide.

Paragraph: 7 
Verse: a    
aṣ̌əm. vahištəm. sraēštəm. aməṣ̌əm. spəṇtəm. yazamaide:
Verse: b    
airiiamanəm. iṣ̌īm.1 yazamaide:
Verse: c    
sūrəm. mazdaδātəm. yazamaide:
Verse: d    
saokąm. vaŋuhīm. vouru.dōiϑrąm. mazdaδātąm. aṣ̌aonīm. yazamaide:
Verse: e    
xṣ̌aϑrəm. vairīm. aməṣ̌əm. spəṇtəm. yazamaide:
Verse: f    
aiiōxṣ̌ustəm.2 yazamaide:
Verse: g    
marəždikəm.3 ϑrāiiō.driγūm.4 yazamaide.

Paragraph: 8 
Verse: a    
spəṇtąm. vaŋuhīm. ārmaitīm. yazamaide:
Verse: b    
rātąm. vaŋuhīm. vouru.dōiϑrąm. mazdaδātąm. aṣ̌aonīm. yazamaide:
Verse: c    
hauruuatātəm. aməṣ̌əm. spəṇtəm. yazamaide:
Verse: d    
yāiriiąm. huṣ̌itīm. yazamaide:
Verse: e    
sarəδa. aṣ̌auuana. aṣ̌ahe. ratauuō. yazamaide:
Verse: f    
amərətatātəm.1 aməṣ̌əm. spəṇtəm. yazamaide:
Verse: g    
fṣ̌aonīm.2 vąϑβąm.2 yazamaide:
Verse: h    
aspanāca.3 yeuuīnō.4 yazamaide:
Verse: i    
gaokərənəm. sūrəm. mazdaδātəm. yazamaide.

Paragraph: 9 
Verse: a    
(gāh. i. hāβan.) miϑrəm. vouru.gaoiiaoitīm.1 yazamaide:
Verse: b       
rāma. xvāstrəm. yazamaide:
Verse: c    
(gāh. i. rapiϑβin.) aṣ̌əm. vahištəm.
Verse: d       
ātrəmca.2 ahurahe. mazdā̊. puϑrəm. yazamaide:
Verse: e    
(gāh. i. uzīrin.) bərəzaṇtəm. ahurəm.
Verse: f       
xṣ̌aϑrīm. xṣ̌aētəm.
Verse: g       
apąm. napātəm.3
Verse: h          
auruuat̰.aspəm. yazamaide:
Verse: i          
apəmca. mazdaδātąm. aṣ̌aonīm. yazamaide.

Paragraph: 10 
Verse: a    
(gāh. i. aiβisrūϑrəm.) aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide:
Verse: b       
γənā̊sca. vīrō.vąϑβā̊. yazamaide:
Verse: c       
yāiriiąmca. huṣ̌itīm. yazamaide:
Verse: d       
aməmca. hutaštəm.2 huraoδəm. yazamaide:
Verse: e       
vərəϑraγnəmca.3 ahuraδātəm. yazamaide:
Verse: f       
vanaiṇtīmca. uparatātəm.4 yazamaide:
Verse: g    
(gāh. i. ušahin.) sraoṣ̌əm. aṣ̌īm. huraoδəm.
Verse: h       
vərəϑrājanəm. frādat̰.gaēϑəm.
Verse: i          
aṣ̌auuanəm. aṣ̌ahe. ratūm. yazamaide:
Verse: j    
raṣ̌nūm. razištəm. yazamaide:
Verse: k    
arštātəmca. frādat̰.gaēϑąm. varədat̰.gaēϑąm.5 yazamaide.

Paragraph: 11 
Verse: a    
yātu.zī.1 zaraϑuštra.2 vanat̰.
Verse: b       
daēuuō. maš́iiō.
Verse: c    
.3 nmānahe.4 bāδa.5
Verse: d          
spitama. zaraϑuštra.
Verse: e    
vīspa.6 druxš. janāiti.7
Verse: f       
vīspa.6 druxš. nāṣ̌āiti.
Verse: g          
yaϑa. . .8 aētaēṣ̌ąm.9 vacąm.

Paragraph: 12 
Verse: a    
aoi.tē.1
Verse: b       
aoi. tanuuō. daδāiti.
Verse: c    
aoi.tē.
Verse: d       
aoi.2 aϑaurunəm.3 janāiti.4
Verse: e          
aϑaurunəm.3 yaϑa. raϑaēštārəm.
Verse: f    
vīspa.nō.5 asruštə̄e.6 nāṣ̌ātanąm.7 aojaŋha.8
Verse: g       
.9 hīm. daste.10 dārənəm.11
Verse: h          
yōi.12 hapta. aməṣ̌ā̊.13 spəṇta.14
Verse: i             
huxṣ̌aϑra.15 huδā̊ŋhō. hamarəϑanąmcit̰:16
Verse: j    
daēnąm. māzdaiiasnīm. aspō.kəhrpąm.17
Verse: k       
āpəm. mazdaδātąm. aṣ̌aonīm. yazamaide.

Paragraph: 13 
Verse: a    
ātarə.vitarə.maibiiā.1 vitarə.maibiiā.2
Verse: b       
vīmraot̰. zaraϑuštra.3
Verse: c    
ātarə.vitarə.maibiiascit̰.4 vitarə.maibiiascit̰.
Verse: d       
vīmraot̰. zaraϑuštra.
Verse: e    
yat̰. vaŋhə̄uš. manaŋhō.
Verse: f    
yat̰. aiϑiiejaŋhəm.5
Verse: g       
vacąm. fraspāuuarəš.6
Verse: h       
frāca.7 framərəϑβaca.8 frająϑβaca.

Paragraph: 14 
Verse: a    
satauuata.1 satə̄.vita.2
Verse: b    
upauuata.3 utə̄.vita.4
Verse: c    
uta. uta.5 apa.barənuta.6
Verse: d       
yaϑa. bastəm. frauuaṣ̌nąm.7
Verse: e       
daēnąm māzdaiiasnīm.
Verse: f       
nāṣ̌ātanąm.8 aojaŋha.9:

Verse: Q1a    
aṣ̌əm. vohū. vahištəm. astī::
Verse: Q1b    
uštā. astī. uštā. ahmāi.
Verse: Q1c    
hiiat̰. aṣ̌āi. vahištāi. aṣ̌əm.::

Paragraph: 11_R 
Verse: a    
yātu.zī.10 zaraϑuštra. vanat̰.
Verse: b       
daēuuō. maš́iiō.
Verse: c    
. nmānahe. bāδa.
Verse: d          
spitama. zaraϑuštra.
Verse: e    
vīspa. druxš. janāiti.
Verse: f       
vīspa. druxš. nāṣ̌āiti.
Verse: g          
yaϑa. . . aētaēṣ̌ąm. vacąm.

Paragraph: 12_R 
Verse: a    
aoi.tē.
Verse: b       
aoi. tanuuō. daδāiti.
Verse: c    
aoi.tē.
Verse: d       
aoi. aϑaurunəm. janāiti.
Verse: e          
aϑaurunəm. yaϑa. raϑaēštārəm.
Verse: f    
vīspa.nō. asruštə̄e. nāṣ̌ātanąm. aojaŋha.
Verse: g       
. hīm. daste.10 dārənəm.11
Verse: h          
yōi.12 hapta. aməṣ̌ā̊.13 spəṇta.14
Verse: i             
huxṣ̌aϑra.15 huδā̊ŋhō. hamarəϑanąmcit̰:16
Verse: j    
daēnąm. māzdaiiasnīm. aspō.kəhrpąm.17
Verse: k       
āpəm. mazdaδātąm. aṣ̌aonīm. yazamaide.

Paragraph: 13_R 
Verse: a    
ātarə.vitarə.maibiiā. vitarə.maibiiā.
Verse: b       
vīmraot̰. zaraϑuštra.
Verse: c    
ātarə.vitarə.maibiiascit̰. vitarə.maibiiascit̰.
Verse: d       
vīmraot̰. zaraϑuštra.
Verse: e    
yat̰. vaŋhə̄uš. manaŋhō.
Verse: f    
yat̰. aiϑiiejaŋhəm.
Verse: g       
vacąm. fraspāuuarəš.
Verse: h       
frāca. framərəϑβaca. frająϑβaca.

Paragraph: 14_R 
Verse: a    
satauuata. satə̄.vita.
Verse: b    
upauuata. utə̄.vita.
Verse: c    
uta. uta. apa.barənuta.
Verse: d       
yaϑa. bastəm. frauuaṣ̌nąm.
Verse: e       
daēnąm māzdaiiasnīm.
Verse: f       
nāṣ̌ātanąm. aojaŋha.:

Verse: Q1Aa    
aṣ̌əm. vohū.7 vahištəm. astī::
Verse: Q1Ab    
uštā. astī. uštā. ahmāi.
Verse: Q1Ac    
hiiat̰. aṣ̌āi. vahištāi. aṣ̌əm. (haft. bār.)::

Verse: Q1Ba    
aṣ̌əm. vohū. vahištəm. astī::
Verse: Q1Bb    
uštā. astī. uštā. ahmāi.
Verse: Q1Bc    
hiiat̰. aṣ̌āi. vahištāi. aṣ̌əm.::

Verse: Q1Ca    
aṣ̌əm. vohū. vahištəm. astī::
Verse: Q1Cb    
uštā. astī. uštā. ahmāi.
Verse: Q1Cc    
hiiat̰. aṣ̌āi. vahištāi. aṣ̌əm.::

Verse: Q1Da    
aṣ̌əm. vohū. vahištəm. astī::
Verse: Q1Db    
uštā. astī. uštā. ahmāi.
Verse: Q1Dc    
hiiat̰. aṣ̌āi. vahištāi. aṣ̌əm.::

Verse: Q1Ea    
aṣ̌əm. vohū. vahištəm. astī::
Verse: Q1Eb    
uštā. astī. uštā. ahmāi.
Verse: Q1Ec    
hiiat̰. aṣ̌āi. vahištāi. aṣ̌əm.::

Verse: Q1Fa    
aṣ̌əm. vohū. vahištəm. astī::
Verse: Q1Fb    
uštā. astī. uštā. ahmāi.
Verse: Q1Fc    
hiiat̰. aṣ̌āi. vahištāi. aṣ̌əm.::

Verse: Q1Ga    
aṣ̌əm. vohū. vahištəm. astī::
Verse: Q1Gb    
uštā. astī. uštā. ahmāi.
Verse: Q1Gc    
hiiat̰. aṣ̌āi. vahištāi. aṣ̌əm.::

Paragraph: 15 
{~ Ny. 1,16}
Verse: Ca    
(vāž.::)
Verse: Cb    
hōrməzd. i. aβazūnī. mardum.
Verse: Cc       
mardum. sardagą. ham. . yašt. i. vahą.
Verse: Cd       
vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Cd       
ə̄duṇ. bāt̰.::


Verse: Q1Aa    
yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    
vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    
xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    
yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    
vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    
xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: Q2a    
yasnəmca.2 vahməmca. aojasca. zauuarəca. āfrīnāmi.

Paragraph: 15_R1 
Verse: a    
ahurahe. mazdā̊. raēuuatō. xvarənaŋuhatō.
Verse: b       
aməṣ̌anąm. spəṇtanąm:
Verse: c       
vaŋhauue. manaŋhe.
Verse: d       
āxštōiš. hąm.vaiṇtiiā̊.
Verse: e          
tarəδātō. aniiāiš. dāmąn.
Verse: f       
āsnahe. xraϑβō. mazdaδātahe.
Verse: g       
gaoṣ̌ō.srūtahe. xraϑβō. mazdaδātahe.

Paragraph: 15_R2 
Verse: a    
aṣ̌ahe. vahištahe. sraēštahe.
Verse: b       
airiiamanō. iš́iiehe. sūrahe. mazdaδātahe.
Verse: c       
saokaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊:
Verse: d       
xṣ̌aϑrahe. vairiiehe. aiiōxṣ̌ustahe.
Verse: e       
marəždikāi. ϑrāiiō.driγaouue.

Paragraph: 15_R3 
Verse: a    
spəṇtaiiā̊. vaŋhuiiā̊. ārmatōiš.
Verse: b       
rātaiiā̊. vaŋhuiiā̊. vouru.dōiϑraiiā̊. mazdaδātaiiā̊. aṣ̌aoniiā̊:
Verse: c       
hauruuatātō. raϑβō.
Verse: d       
yāiriiaiiā̊. huṣ̌itōiš.
Verse: e       
sarəδaēibiiō. aṣ̌ahe. ratubiiō:
Verse: f       
amərətatātō. raϑβō.
Verse: g       
fṣ̌aonibiia. vąϑβābiia.
Verse: h       
aspanibiia. yaonibiia.
Verse: i       
gaokərənahe. sūrahe. mazdaδātahe.

Paragraph: 15_R4 
Verse: a    
(gāh. i. hāβan.) miϑrahe. vouru.gaoiiaotōiš.
Verse: b       
rāmanasca. xvāstrahe:
Verse: c    
(gāh. i. rapiϑβin.) aṣ̌ahe. vahištahe.
Verse: d       
āϑrasca. ahurahe. mazdā̊:
Verse: e    
(gāh. i. uzīrin.) bərəzatō. ahurahe. nafəδrō. apąm.
Verse: f       
apasca. mazdaδātaiiā̊.

Paragraph: 15_R5 
Verse: a    
(gāh. i. aiβisrūϑrəm.) aṣ̌āunąm. frauuaṣ̌inąm.
Verse: b       
γənąnąmca. vīrō.vąϑβanąm.
Verse: c       
yāiriiaiiā̊sca. huṣ̌itōiš.
Verse: d       
amaheca. hutāštahe. huraoδahe.
Verse: e       
vərəϑraγnaheca. ahuraδātahe.
Verse: f       
vanaiṇtiiā̊sca. uparatātō:
Verse: g    
(gāh. i. ušahin.) sraoṣ̌ahe. aṣ̌iiehe. aṣ̌iuuatō. vərəϑrājanō. frādat̰.gaēϑahe.
Verse: h       
raṣ̌naoš. razištahe.
Verse: i       
arštātasca. frādat̰.gaēϑaiiā̊. varədat̰.gaēϑaiiā̊.

{~ Ny. 1,18; Y. 72,9 / 68,11 / SrB 5}
Verse: Q1a    
aṣ̌əm. vohū. vahištəm. astī::
Verse: Q1b    
uštā. astī. uštā. ahmāi.
Verse: Q1c    
hiiat̰. aṣ̌āi. vahištāi. aṣ̌əm.

Verse: Q2a    
ahmāi. raēšca.4 xvarənasca.
Verse: Q2b       
ahmāi. tanuuō. druuatātəm.
Verse: Q2c       
ahmāi. tanuuō. vazduuarə.
Verse: Q2d       
ahmāi. tanuuō. vərəϑrəm.
Verse: Q2e       
ahmāi. īštīm. pouruš.xvāϑrąm.
Verse: Q2f       
ahmāi. āsnąmcit̰. frazaṇtīm.
Verse: Q2g       
ahmāi. darəγąm. darəγō.jītīm.
Verse: Q2h       
ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: j    
aϑa. jamiiāt̰. yaϑa. āfrīnāmi.:

Verse: Q3a    
aṣ̌əm. vohū. vahištəm. astī::
Verse: Q3b    
uštā. astī. uštā. ahmāi.
Verse: Q3c    
hiiat̰. aṣ̌āi. vahištāi. aṣ̌əm.

Verse: Q4Aa       
hazaŋrəm.1 baēṣ̌azanąm.
Verse: Q4Ab       
baēuuarə. baēṣ̌azanąm.::
Verse: Q4Ba       
hazaŋrəm. baēṣ̌azanąm.
Verse: Q4Bb       
baēuuarə. baēṣ̌azanąm.::
Verse: Q4Ca       
hazaŋrəm. baēṣ̌azanąm.
Verse: Q4Cb       
baēuuarə. baēṣ̌azanąm.::

Verse: Q5a    
aṣ̌əm. vohū. vahištəm. astī::
Verse: Q5b    
uštā. astī. uštā. ahmāi.
Verse: Q5c    
hiiat̰. aṣ̌āi. vahištāi. aṣ̌əm.

Verse: Q6a    
jasa. . auuaŋhe.1 mazda.
Verse: Q6b    
jasa. . auuaŋhe. mazda.
Verse: Q6c    
jasa. . auuaŋhe. mazda.

Verse: Q7b       
amahe. hutāštahe. huraoδahe.
Verse: Q7c       
vərəϑraγnahe. ahuraδātahe.
Verse: Q7d       
vanaiṇtiiā̊sca. uparatātō.::

Verse: Q8a       
rāmanasca. xvāstrahe.
Verse: Q8b       
vaiiaoš. uparō.kairiiehe.
Verse: Q8c       
taraδātō. aniiāiš. dāmąn::
Verse: Q8d    
aētat̰. . vaiiō.
Verse: Q8e       
yat̰. . asti. spəṇtō.mainiiaom::
Verse: Q8f          
ϑβāṣ̌ahe. xvaδātahe.
Verse: Q8g          
zruuānahe. akaranahe.
Verse: Q8h          
zruuānahe. darəγō.xvaδātahe.:

Verse: Q9a    
aṣ̌əm. vohū. vahištəm. astī::
Verse: Q9b    
uštā. astī. uštā. ahmāi.
Verse: Q9c    
hiiat̰. aṣ̌āi. vahištāi. aṣ̌əm.

Verse: Ca    
kərba. mažd. gunāh. guzārašni. . kunōm. ašahī. ruuą.
Verse: Cb       
dušārm. . ham. kərbaī. i. hamā. vahą. i. haft. buṇdahihā. bə̄. rasāt̰::
Verse: Cc    
ašō. bə̄t̰. də̄r. .::

Verse: Q10a    
aϑa. jamiiāt̰. yaϑa. āfrīnāmi.:

Verse: Q11a    
aṣ̌əm. vohū. vahištəm. astī::
Verse: Q11b    
uštā. astī. uštā. ahmāi.
Verse: Q11c    
hiiat̰. aṣ̌āi. vahištāi. aṣ̌əm.




Ardabahišt Yašt
Next part



This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.