TITUS
Avestan Corpus
Part No. 78
Previous part

Chapter: 5 


Paragraph: 0 
Verse: Ca    pa. nąm. i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cc    arduīsūr. bąnō. bə̄. rasāt̰::
Verse: Cd    əž. hamā. gunāh.1 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Ci          əž. ą. gunāhihā.1 manišnī. gaβəšnī. kunišnī.
Verse: Cj             tanī. ruuąnī. gəϑī. mainiiąnī.
Verse: Ck             ōxš. aβāxš. pašə̄mą.
Verse: Cl             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē.4 humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f    4arəduiiā̊. āpō. anāhitaiiā̊. aṣ̌aoniiā̊.
Verse: g       5vīspanąmca. uruuaranąm. mazdaδātanąm.5
Verse: h          xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    1mraot̰. ahurō. mazdā̊. spitamāi. zaraϑuštrāi:
Verse: b       2yazaēṣ̌a. mē. hīm. spitama. zaraϑuštra.2
Verse: c          yąm. arəduuīm.3 sūrąm. anāhitąm.
Verse: d             pərəϑū.frākąm.4 baēṣ̌aziiąm.
Verse: e             vīdaēuuąm. ahurō.t̰kaēṣ̌ąm.
Verse: f             yesniiąm. aŋuhe.5 astuuaite.
Verse: g             vahmiiąm. aŋuhe.5 astuuaite.
Verse: h             āδū.frāδanąm.6 aṣ̌aonīm.
Verse: i             vąϑβō.frāδanąm. aṣ̌aonīm.
Verse: j             gaēϑō.frāδanąm. aṣ̌aonīm.
Verse: k             ṣ̌aētō.frāδanąm.7 aṣ̌aonīm.
Verse: l             daiŋ́hu.frāδanąm.8 aṣ̌aonīm.

Paragraph: 2 
Verse: a          yā. vīspanąm. arṣ̌nąm. xṣ̌udrā̊.1 yaoždaδāiti.
Verse: b          yā. vīspanąm. hāiriṣ̌inąm. ząϑāi.2 garəβąn.3 yaoždaδāiti.
Verse: c          yā. vīspā̊. hāiriṣ̌īš.4 huzāmitō.5 daδāiti.
Verse: d          yā. vīspanąm. hāiriṣ̌inąm. dāitīm. raϑβīm.6 paēma. auua.baraiti.

Paragraph: 3 
Verse: a             masitąm. dūrāt̰. frasrūtąm.
Verse: b          yā. asti. auuauuaiti. masō.
Verse: c             yaϑa. vīspā̊. imā̊. āpō.
Verse: d                yā̊. zəmā.1 paiti. frataciṇti.2
Verse: e          yā. amauuaiti. fratacaiti.
Verse: f             hukairiiāt̰. haca. barəzaŋhat̰.3
Verse: g             aoi. zraiiō. vouru.kaṣ̌əm.

Paragraph: 4 
Verse: a       yaozəṇti. vīspe. karanō.
Verse: b          zraiiāi.1 vouru.kaṣ̌aiia.2
Verse: c       ā. vīspō.3 maiδiiō. yaozaiti.
Verse: d          yat̰. hīš. aoi. fratacaiti.
Verse: e          yat̰. hīš. aoi. fražgaraiti.
Verse: f             arəduuī. sūra. anāhita:4
Verse: g                yeŋ́he. hazaŋrəm. vairiianąm.
Verse: h                hazaŋrəm. apaγžāranąm:
Verse: i       kascit̰ca. aēṣ̌ąm. vairiianąm.
Verse: j       kascit̰ca. aēṣ̌ąm. apaγžāranąm.
Verse: k          caϑβarə.satəm. aiiarə.baranąm.5
Verse: l             huuaspāi. naire. barəmnāi.

Paragraph: 5 
Verse: a       aiŋ́hā̊sca.1 mē. aēuuaŋhā̊.2 āpō.
Verse: b          apaγžārō. vī.jasāiti.3
Verse: c             vīspāiš. aoi. karṣ̌uuąn. yāiš. hapta:
Verse: d       aiŋ́hā̊sca. mē. aēuuaŋhā̊. āpō.
Verse: e          hamaϑa. auua.baraiti.
Verse: f             hąminəmca. zaiianəmca:
Verse: g       hā. mē. āpō. yaoždaδāiti.
Verse: h          hā. arṣ̌nąm. xṣ̌udrā̊.
Verse: i          hā. xṣ̌aϑrinąm.4 garəβąn.
Verse: j          hā. xṣ̌aϑrinąm.5 paēma.

Paragraph: 6 
Verse: a       yąm. azəm.
Verse: b             yō. ahurō. mazdā̊.
Verse: c          hizuuārəna.1 uzbaire.2 fradaϑāi.
Verse: d             nmānaheca. vīsaheca.3 zaṇtə̄ušca. daiŋ́hə̄ušca.4
Verse: e                pāϑrāica. harəϑrāica. aiβiiāxštrāica.
Verse: f                nipātaiiaēca. nišaŋharətaiiaēca.

Paragraph: 7 
Verse: a    āat̰. fraṣ̌ūsat̰. zaraϑuštra.
Verse: b       arəduuī. sūra. anāhita.
Verse: c          haca. daϑuṣ̌at̰. mazdā̊:
Verse: d       srīra. vā. aŋhən.1 bāzauua.2
Verse: e          auruṣ̌a.3 aspō.staoiiehīš:
Verse: f       frā. srīra. zuṣ̌a.4 sispata.5
Verse: g          auruuaiti.6 bāzu.staoiiehi.7
Verse: h             auuat̰. manaŋha. mainimna:8

Paragraph: 8 
Verse: a       1kō. mąm. stauuāt̰.2 kō. yazāite.3
Verse: b          haomauuaitibiiō. gaomauuaitibiiō.
Verse: c          zaoϑrābiiō. yaoždātābiiō. pairiaŋharštābiiō:
Verse: d       kahmāi. azəm. upaŋhacaiieni.4
Verse: e          haca.manāica.5 ana.manāica.6
Verse: f             frāraŋhāi.7 haomanaŋhāica.8

Paragraph: 9  {= Ny. 1,16}
Verse: a       ahe. raiia. xvarənaŋhaca.
Verse: b    tąm.1 yazāi. surunuuata. yasna.
Verse: c    tąm. yazāi. huiiašta. yasna.
Verse: d       arəduuīm.2 sūrąm. anāhitąm. aṣ̌aonīm.
Verse: e          zaoϑrābiiō:3
Verse: f    ana. buiiā̊. zauuanō.sāsta.4
Verse: g    ana. buiiā̊. huiiaštatara.5
Verse: h       arəduuī.6 sūre.7 anāhite.8
Verse: i    haomaiiō.9 gauua.2 barəsmana.
Verse: j       hizuuō. daŋhaŋha. mąϑraca. +vacaca. š́iiaoϑnaca.
Verse: k       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 2


Paragraph: 10  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm.1 sūrąm. anāhitąm.2
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 11 
Verse: a       *yō.1 ^paouruuō.2vāṣ̌əm.3 vazāite.4
Verse: b          ąxnā̊.5 dražaite.6 vāṣ̌ahe.
Verse: c    ahmiia.7 vāṣ̌e.8 vazəmna.
Verse: d       narəm. paitišmarəmna.
Verse: e       auuat̰. manaŋha. mainimna:
Verse: f    kō. mąm. stauuāt̰.9 kō. yazāite.
Verse: g          haomauuaitibiiō. gaomauuaitibiiō.
Verse: h          zaoϑrābiiō. yaoždātābiiō. pairiaŋharštābiiō:
Verse: i       kahmāi. azəm. upaŋhacaiieni.
Verse: j          haca.manāica. ana.manāica.
Verse: k             frāraŋhāi. haomanaŋhāica.

{= Yt. 5,9}
Verse: Q1a       ahe. raiia.10 xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 3


Paragraph: 12  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 13 
Verse: a       yeŋ́he. caϑβārō. vaštāra.1
Verse: b          spaēta.2 vīspa.3
Verse: c          hama.gaonā̊ŋhō.4 hama.nāfaēni.5
Verse: d          bərəzaṇta. tauruuaiiaṇta.6
Verse: e             vīspanąm. t̰biṣ̌uuatąm.7 t̰baēṣ̌ā̊.
Verse: f                daēuuanąm. maš́iiānąmca.
Verse: g                yāϑβąm. pairikanąmca.
Verse: h                sāϑrąm. kaoiiąm. karafnąmca.

{= Yt. 5,9}
Verse: Q1a       ahe. raiia.8 xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 4


Paragraph: 14  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 15 
Verse: a             amauuaitīm. xṣ̌ōiϑnīm.
Verse: b             bərəzaitīm. huraoδąm.
Verse: c             yeŋ́he. auuauuat̰.1 asnāat̰ca. xṣ̌afnāat̰ca.2
Verse: d                tātā̊. āpō. auua.barəṇte.3
Verse: e                   yaϑa. vīspā̊. imā̊. āpō.
Verse: f                      yā̊. zəmā.4 paiti. frataciṇti.5
Verse: g             yā. amauuaiti. fratacaiti.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 16  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 17 
Verse: a    1tąm. yazata.
Verse: b           yō. daδuuā̊. ahurō. mazdā̊.
Verse: c       airiiene. vaējahi.2
Verse: d       vaŋhuiiā̊. dāitiiaiiā̊.
Verse: e       *haomaiiō.3 gauua. barəsmana.
Verse: f       hizuuō. daŋhaŋha.4 mąϑraca. +vacaca. š́iiaoϑnaca.
Verse: g       zaoϑrābiiasca. aršuxδaēibiiasca. vāγžibiiō.5

Paragraph: 18 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c             +vaŋuhi.1 səuuište. arəduuī.2 sūre.3 anāhite.
Verse: d          yaϑa. azəm. hācaiiene.4
Verse: e             puϑrəm. yat̰. pouruṣ̌aspahe.
Verse: f             aṣ̌auuanəm. zaraϑuštrəm.
Verse: g                anumatə̄e. daēnaiiāi.5
Verse: h                anuxtə̄e. daēnaiiāi.5
Verse: i                anu.varštə̄e.5 daēnaiiāi.5

Paragraph: 19 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī.1 sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f             jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 20  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 21 
Verse: a    1tąm. yazata.
Verse: b       haoš́iiaŋhō.2 paraδātō.
Verse: c          upa. upa.bdi.3 haraiiā̊.4
Verse: d             satəm.5 aspanąm. arṣ̌nąm.
Verse: e             hazaŋrəm.6 gauuąm.
Verse: f             baēuuarə. anumaiianąm.

Paragraph: 22 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi.mē.
Verse: c             +vaŋuhi. səuuište. arəduuī.1 sūre.2 anāhite.
Verse: d          yaϑa. azəm. upəməm. xṣ̌aϑrəm. bauuāni.3
Verse: e             vīspanąm. dax́iiunąm.
Verse: f                daēuuanąm. maš́iiānąmca.
Verse: g                yāϑβąm. pairikanąmca.
Verse: h                sāϑrąm. kaoiiąm. karafnąmca:
Verse: i          yaϑa. azəm. nijanāni.4
Verse: j             +duua. ϑriṣ̌uua. māzaniianąm.5 daēuuanąm.
Verse: k                varəniianąmca. druuatąm.

Paragraph: 23 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f             jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 7


Paragraph: 24  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 25 
Verse: a    1tąm. yazata.
Verse: b       yō. yimō. xṣ̌aētō. huuąϑβō.
Verse: c          hukairiiāt̰. paiti.2 barəzaŋhat̰.3
Verse: d             satəm.4 aspanąm. arṣ̌nąm.
Verse: e             hazaŋrəm.5 gauuąm.
Verse: f             baēuuarə. anumaiianąm.

Paragraph: 26 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          +vaŋuhi. səuuište. arəduuī.1 sūre.2 anāhite.
Verse: d       yaϑa. azəm. upəməm. xṣ̌aϑrəm. bauuāni.
Verse: e          vīspanąm. dax́iiunąm.
Verse: f             daēuuanąm. maš́iiānąmca.
Verse: g             yāϑβąm. pairikanąmca.
Verse: h             sāϑrąm. kaoiiąm. karafnąmca:
Verse: i       yaϑa. azəm. uzbarāni.3
Verse: j          haca. daēuuaēibiiō.
Verse: k             uiiē. īštišca.4 saokaca.
Verse: l             uiiē. fṣ̌aonīšca.5 vąϑβāca.6
Verse: m             uiiē. ϑrąfsca.7 frasastišca.8

Paragraph: 27 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 8


Paragraph: 28  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 29 
Verse: a    1tąm. yazata.
Verse: b       ažiš. ϑrizafā̊. dahākō.
Verse: c          baβrōiš.2 paiti. daiŋ́haouue.3
Verse: d             satəm.4 aspanąm. arṣ̌nąm.5
Verse: e             hazaŋrəm.6 gauuąm.
Verse: f             baēuuarə. anumaiianąm.

Paragraph: 30 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī.1 sūre.2 anāhite.
Verse: d       yaϑa. azəm. amaš́iią.3 kərənauuāni.4
Verse: e          vīspāiš. aoi.5 karṣ̌uuąn.
Verse: f             yāiš. hapta.

Paragraph: 31 
Verse: a    nōit̰. ahmāi. daϑat̰. tat̰.
Verse: b       auuat̰. āiiaptəm.
Verse: c          arəduuī. sūra. anāhita.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 9


Paragraph: 32  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 33 
Verse: a    1tąm. yazata.
Verse: b       vīsō. puϑrō. āϑβiiānōiš.2
Verse: c       visō.3 sūraiiā̊. ϑraētaonō.4
Verse: d          upa.5 varənəm.6 caϑru.gaoṣ̌əm.7
Verse: e             satəm.8 aspanąm. arṣ̌nąm.
Verse: f             hazaŋrəm.9 gauuąm.
Verse: g             baēuuarə. anumaiianąm.

Paragraph: 34 
Verse: a    āat̰. hīm. jaidiiat̰:
Verse: b       auuat̰. āiiaptəm. dazdi. mē.
Verse: c          vaŋuhi.1 səuuište. arəduuī.2 sūre.3 anāhite.
Verse: d             yat̰. bauuāni. aiβi.vaniiā̊.
Verse: e                ažīm. dahākəm.
Verse: f                   ϑrizafanəm. ϑrikamərəδəm.
Verse: g                   xṣ̌uuaš.aṣ̌īm.4 hazaŋrā.yaoxštīm.
Verse: h                   ašaojaŋhəm. daēuuīm. drujəm.
Verse: i                   aγəm. gaēϑāuuiiō. druuaṇtəm.
Verse: j                   yąm. ašaojastəmąm. drujəm.
Verse: k                      fraca. kərəṇtat̰. aŋrō. mainiiuš.
Verse: l                      aoi. yąm. astuuaitīm. gaēϑąm.
Verse: m                         mahrkāi. aṣ̌ahe. gaēϑanąm:
Verse: n             uta. hē.5 vaṇta.6 azāni.7
Verse: o                   saŋhauuāci.8 arənauuāci.9
Verse: p                +yōi.10 hən. kəhrpa. sraēšta.
Verse: q                   zazāitə̄e. gaēϑiiāi. tē.11
Verse: r                yōi.10 abdōtəme.12

Paragraph: 35 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. kāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 10


Paragraph: 36  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 37 
Verse: a    tąm. yazata.
Verse: b       naire.manā̊.1 kərəsāspō.
Verse: c          pasne.2 varōiš. piṣ̌inaŋhō.3
Verse: d             satəm.4 aspanąm. arṣ̌nąm.
Verse: e             hazaŋrəm.5 gauuąm.
Verse: f             baēuuarə. anumaiianąm.

Paragraph: 38 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī.1 sūre.2 anāhite.
Verse: d       yat̰. bauuāni. aiβi.vaniiā̊.
Verse: e          gaṇdarəβəm.3 yim. zairi.pāṣ̌nəm.
Verse: f             upa. yaozəṇta.4 karana.
Verse: g                zraiia.5 vouru.kaṣ̌aiia.6
Verse: h       ātacāni.7 sūrəm. nmānəm.
Verse: i          druuatō. yat̰. paϑanaiiā̊.
Verse: j          skarənaiiā̊. dūraēpāraiiā̊.

Paragraph: 39 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī.1 sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 11


Paragraph: 40  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 41 
Verse: a    tąm. yazata.
Verse: b       mairiiō. tūiriiō. fraŋrase.1
Verse: c          haṇkaine. paiti. aiŋ́hā̊.2 zəmō.
Verse: d             satəm.3 aspanąm. arṣ̌nąm.
Verse: e             hazaŋrəm.4 gauuąm.
Verse: f             baēuuarə. anumaiianąm.

Paragraph: 42 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre.1 anāhite.
Verse: d       yaϑa. azəm. auuat̰. xvarənō.
Verse: e          apaiiemi. yim. vazaite.2
Verse: f             +maiδim.3 zraiiaŋhō. vouru.kaṣ̌ahe.
Verse: g          yat̰. asti. airiianąm. dax́iiunąm.
Verse: h             zātanąm.4 azātanąmca.5
Verse: i          +yat̰ca. aṣ̌aonō. zaraϑuštrahe.

Paragraph: 43 
Verse: a    nōit̰. ahmāi. daϑat̰. tat̰.
Verse: b       auuat̰. āiiaptəm.
Verse: c          arəduuī.1 sūra. anāhita.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 12


Paragraph: 44  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 45 
Verse: a    tąm. yazata.
Verse: b       auruuō.1 aš.varəcō. kauua. usa.2
Verse: c          ərəzifiiāt̰.3 paiti. garōit̰.
Verse: d             satəm.4 aspanąm. arṣ̌nąm.
Verse: e             hazaŋrəm.5 gauuąm.
Verse: f             baēuuarə. anumaiianąm.

Paragraph: 46 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre.1 anāhite.
Verse: d       yaϑa. azəm. upəməm.2 xṣ̌aϑrəm. bauuāni.
Verse: e          vīspanąm. dax́iiunąm.
Verse: f             daēuuanąm. maš́iiānąmca.3
Verse: g             yāϑβąm. pairikanąmca.
Verse: h                sāϑrąm. kaoiiąm. karafnąmca.4

Paragraph: 47 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 13


Paragraph: 48  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 49 
Verse: a    1tąm. yazata.
Verse: b       arṣ̌a. airiianąm. dax́iiunąm.
Verse: c          xṣ̌aϑrāi. haṇkərəmō.2 haosrauua.3
Verse: d          pasne.4 varōiš. ^caēcastahe.5
Verse: e             jafrahe. uruuāpahe.6
Verse: f                satəm.7 aspanąm. arṣ̌nąm.
Verse: g                hazaŋrəm.8 gauuąm.
Verse: h                baēuuarə. anumaiianąm.

Paragraph: 50 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre.1 anāhite.
Verse: d       yaϑa. azəm. upəməm. xṣ̌aϑrəm. bauuāni.2
Verse: e          vīspanąm. dax́iiunąm.
Verse: f             daēuuanąm. maš́iiānąmca.3
Verse: g             yāϑβąm. pairikanąmca.
Verse: h                sāϑrąm. kaoiiąm. karafnąmca.4
Verse: i       5yat̰. vīspanąm. yuxtanąm.6
Verse: j          azəm. fratəməm. ϑaṇjaiieni.7
Verse: k             ana. xvarətąm.8 yąm. darəγąm.
Verse: l             nauua.frāϑβərəsām.9 razurəm.10
Verse: m          yō. mąm.11 mairiiō. nurəm.12 manō.
Verse: n             aspaēṣ̌u. paiti. parətata.13

Paragraph: 51 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f             jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 14


Paragraph: 52  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 53 
Verse: a    tąm. yazata.
Verse: b       taxmō. tusō.1 raϑaēštārō.
Verse: c          barṣ̌aēṣ̌u. paiti. aspanąm.
Verse: d             zāuuarə. jaiδiiaṇtō. hitaēibiiō.
Verse: e             druuatātəm. tanubiiō.
Verse: f             pouru.spaxštīm.2 t̰biṣ̌iiaṇtąm.3
Verse: g             paiti.jaitīm. dušmainiiunąm.
Verse: h             haϑrā.niuuāitīm. hamərəϑanąm.
Verse: i             auruuaϑanąm. t̰biṣ̌iiaṇtąm.4

Paragraph: 54 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre. anāhite.
Verse: d       yat̰. bauuāni. aiβi.vaniiā̊.
Verse: e          auruua. hunauuō. vaēsakaiia.1
Verse: f             upa. duuarəm.2 xṣ̌aϑrō.sukəm.3
Verse: g             apanōtəməm. kaŋhaiia.
Verse: h             bərəzaṇtaiia.4 aṣ̌auuanaiia:
Verse: i       yaϑa. azəm. nijanāni.
Verse: j          tūiriianąm. dax́iiunąm.
Verse: k             paṇcasaγnāi.5 sataγnāišca.
Verse: l             sataγnāi. hazaŋraγnāišca.
Verse: m             hazaŋraγnāi. baēuuarəγnāišca.
Verse: n             baēuuarəγnāi. ahąxštaγnāišca.

Paragraph: 55 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 15


Paragraph: 56  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 57 
Verse: a    tąm. yazəṇta.1
Verse: b       auruua. hunauuō. vaēsakaiia.2
Verse: c          upa. duuarəm. xṣ̌aϑrō.sukəm.3
Verse: d          apanōtəməm. kaŋhaiia.
Verse: e          bərəzaṇtaiia.4 aṣ̌auuanaiia.5
Verse: f             satəm.6 aspanąm. arṣ̌nąm.
Verse: g             hazaŋrəm.7 gauuąm.
Verse: h             baēuuarə. anumaiianąm.

Paragraph: 58 
Verse: a    āat̰. hīm. jaiδiiən:1
Verse: b       auuat̰. āiiaptəm. dazdi. nō.2
Verse: c          vaŋuhi. səuuište. arəduuī. sūre. anāhite.
Verse: d       yat̰. bauuāma.3 aiβi.vaniiā̊.
Verse: e          taxməm. tusəm. raϑaēštārəm.
Verse: f       yaϑa.4 vaēm. nijanāma.5
Verse: g          airiianąm. dax́iiunąm.
Verse: h             paṇcasaγnāi. sataγnāišca.
Verse: i             sataγnāi. hazaŋraγnāišca.
Verse: j             hazaŋraγnāi. baēuuarəγnāišca.
Verse: k             baēuuarəγnāi. ahąxštaγnāišca.

Paragraph: 59 
Verse: a    nōit̰. aēibiiascit̰. daϑat̰.1 tat̰.
Verse: b       auuat̰. āiiaptəm.
Verse: c          arəduuī. sūra. anāhita.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 16


Paragraph: 60  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 61 
Verse: a    tąm. yazata.
Verse: b       pāuruuō.1 yō. vifrō.2 nauuāzō.
Verse: c          yat̰. dim. usca. uzduuąnaiiat̰.3
Verse: d             vərəϑrajā̊. taxmō. ϑraētaonō.4
Verse: e                mərəγahe.5 kəhrpa. kahrkāsahe.

Paragraph: 62 
Verse: a    hō. auuaϑa. vazata.
Verse: b       ϑri.aiiarəm. ϑri.xṣ̌aparəm.
Verse: c          paitiš.1 nmānəm. yim. xvāpaiϑīm.2
Verse: d    nōit̰. aora.3 auuōirisiiāt̰:4
Verse: e    ϑraošta.5 xṣ̌afnō. ϑritiiaiiā̊.6
Verse: f       +frāγmat̰. uṣ̌ā̊ŋhəm. 7sūraiiā̊.
Verse: g    viuuaitīm.8 upa. uṣ̌ā̊ŋhəm.7
Verse: h       upa.zbaiiat̰. arəduuīm. sūrąm. anāhitąm:

Paragraph: 63 
Verse: a    arəduuī. sūre.1 anāhite.
Verse: b       moṣ̌ū. mē. jauua. auuaŋhe.
Verse: c       nūrəm. mē. bara. upastąm:
Verse: d    hazaŋrəm. tē. azəm. zaoϑranąm.
Verse: e       haomauuaitinąm. gaomauuaitinąm.
Verse: f       yaoždātanąm. pairiaŋharštanąm.
Verse: g          barāni.2
Verse: h             aoi. āpəm. yąm. raŋhąm.
Verse: i          yezi. jum.3 frapaiiemi.4
Verse: j             aoi. ząm. ahuraδātąm.
Verse: k             aoi. nmānəm. yim. xvaēpaiϑīm.5

Paragraph: 64 
Verse: a    upa.tacat̰. arəduuī. sūra. anāhita.
Verse: b       kainīnō.1 kəhrpa. srīraiiā̊.
Verse: c       ašamaiiā̊.2 huraoδaiiā̊.
Verse: d       uskāt̰. yāstaiiā̊. ərəzuuaiϑiiō.
Verse: e       raēuuat̰. ciϑrəm. āzātaiiā̊.
Verse: f       nizəṇga.3 aoϑra. paitišmuxta.4
Verse: g       zaraniiō.uruuīxṣ̌na. bāmiia:

Paragraph: 65 
Verse: a    hā. hē. bāzauua.1 gəuruuaiiat̰.2
Verse: b       moṣ̌u. tat̰. ās. nōit̰.3 darəγəm.
Verse: c          yat̰. frāiiataiiat̰. ϑβaxṣ̌əmnō.
Verse: d                aoi. ząm. ahuraδātąm.
Verse: e                aoi. nmānəm. yim. xvaēpaiϑīm.4
Verse: f             drūm.5 auuaṇtəm. airištəm.
Verse: g                hamaϑa. yaϑa.6 paracit̰.

Paragraph: 66 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.1
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 17


Paragraph: 67  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 68 
Verse: a    tąm. yazata.
Verse: b       jāmāspō.
Verse: c          yat̰. spāδəm. pairi.auuaēnat̰.
Verse: d             dūrāt̰. aiiaṇtəm. rasmaoiiō.1
Verse: e             druuatąm.2 daēuuaiiasnanąm.
Verse: f                satəm.3 aspanąm. arṣ̌nąm.
Verse: g                hazaŋrəm.4 gauuąm.
Verse: h                baēuuarə. anumaiianąm.

Paragraph: 69 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre. anāhite.
Verse: d       +yaϑa. azəm. auuata.1 vərəϑra. hacāne.
Verse: e          yaϑa. vīspe. aniiə̄.2 aire.3

Paragraph: 70 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 18


Paragraph: 71  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 72 
Verse: a    tąm. yazəṇta.1
Verse: b       aṣ̌auuazdā̊.
Verse: c          puϑrō.2 pouruδāxštōiš.
Verse: d       aṣ̌auuazdasca. ϑritasca.3
Verse: e          sāiiuždrōiš.4 puϑra.
Verse: f             upa. bərəzaṇtəm. ahurəm.
Verse: g             xṣ̌aϑrīm. xṣ̌aētəm.
Verse: h             apąm. napātəm. auruuat̰.aspəm.
Verse: i                satəm.5 aspanąm. arṣ̌nąm.
Verse: j                hazaŋrəm.6 gauuąm.
Verse: k                baēuuarə. anumaiianąm.

Paragraph: 73 
Verse: a    āat̰. hīm. jaiδiiən:1
Verse: b       auuat̰. āiiaptəm. dazdi. nō.2
Verse: c          vaŋuhi. səuuište. arəduuī. sūre. anāhite.
Verse: d       yat̰. bauuāma.3 aiβi.vaniiā̊.
Verse: e          dānauuō.4 tūra. viiāxana.5
Verse: f          karəmca.6 asabanəm.7
Verse: g          varəmca. asabanəm.7
Verse: h          taṇcištəmca.8 dūraēkaētəm.9
Verse: i             ahmi.10 gaēϑe.11 pəṣ̌anāhu.12

Paragraph: 74 
Verse: a    daϑat̰. aēibiiascit̰.1 tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 19


Paragraph: 75  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 76 
Verse: a    tąm. yazata.
Verse: b       vistauruš.1 yō.2 naotairiiąnō.
Verse: c          upa. āpəm. yąm. vītaŋuhaitīm.
Verse: d             ərəžuxδāt̰. paiti. vacaŋhat̰.
Verse: e             uiti. vacə̄biš.3 aojanō:

Paragraph: 77 
Verse: a    tā. bā. aṣ̌a. tā. aršuxδa.
Verse: b          arəduuī. sūre. anāhite.
Verse: c       +yat̰. mē. auuauuat̰.1 daēuuaiiasnanąm. nijatəm.
Verse: d          +yaϑa. sārəm.2 varsanąm.3 barāmi:4
Verse: e    āat̰. mē. tūm.
Verse: f          arəduuī. sūre.5 anāhite.
Verse: g       huškəm.6 pəṣ̌um.7 raēcaiia.
Verse: h          tarō. vaŋuhīm. vītaŋuhaitīm.

Paragraph: 78 
Verse: a    upa.tacat̰.1 arəduuī. sūra. anāhita.
Verse: b       kaininō.2 kəhrpa. srīraiiā̊.
Verse: c       ašamaiiā̊. huraoδaiiā̊.
Verse: d       uskāt̰. yāstaiiā̊. ərəzuuaiϑiiō.
Verse: e       raēuuat̰.3 ciϑrəm. āzātaiiā̊.
Verse: f       zaraniia.4 aoϑra. paitišmuxta.5
Verse: g       yā. vīspō.pīsa.6 bāmiia.
Verse: h    arəmaēštā̊.7 aniiā̊. āpō. kərənaot̰.
Verse: i       fraṣ̌a. aniiā̊. fratacat̰.8
Verse: j       huškəm. pəṣ̌um.9 raēcaiiat̰.
Verse: k          tarō. vaŋuhīm. vītaŋuhaitīm.

Paragraph: 79 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 20


Paragraph: 80  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 81 
Verse: a    tąm. yazata.
Verse: b       yōištō.1 yō.2 friiananąm.3
Verse: c          paiti. pə̄duuaēpə̄.4 raŋhaiiā̊.
Verse: d             satəm.5 aspanąm. arṣ̌nąm.
Verse: e             hazaŋrəm.6 gauuąm.
Verse: f             baēuuarə. anumaiianąm.

Paragraph: 82 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre.1 anāhite.
Verse: d       yat̰. bauuāni. aiβi.vaniiā̊.
Verse: e             axtīm.2 duždəm. təmaŋhuṇtəm.3
Verse: f          uta. hē. fraṣ̌na.4 paiti.mrauuāne.5
Verse: g             nauuaca. nauuaitīmca. xruždranąm.6 t̰baēṣ̌ō.parštanąm.7
Verse: h                yat̰. mąm. pərəsat̰.
Verse: i                   axtiiō.8 duždā̊. təmaŋuhā̊.9

Paragraph: 83 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 21


Paragraph: 84  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 85 
Verse: a          yahmiia.1 ahurō. mazdā̊.
Verse: b             huuapō.2 niuuaēδaiiat̰.3
Verse: c    āiδi.4 paiti. auua.jasa.
Verse: d       arəduuī. sūre.5 anāhite.
Verse: e          haca. auuat̰biiō. stərəbiiō.6
Verse: f          aoi. ząm. ahuraδātąm:
Verse: g    ϑβąm. yazā̊ṇte.7 auruuā̊ŋhō.
Verse: h       ahurā̊ŋhō. daiŋ́hu.pataiiō.8
Verse: i       puϑrā̊ŋhō. daiŋ́hu.paitinąm.8

Paragraph: 86 
Verse: a    ϑβąm. naracit̰. yōi. taxma.
Verse: b       jaiδiiā̊ṇte.1 āsu.aspīm.
Verse: c          xvarənaŋhasca. uparatātō:
Verse: d    ϑβąm. āϑrauuanō. marəmnō.2
Verse: e       āϑrauuanō. ϑrāiiaonō.3
Verse: f          mastīm.4 jaiδiiā̊ṇte. spānəmca.
Verse: g          vərəϑraγnəmca. ahuraδātəm.
Verse: h          vanaiṇtīmca. uparatātəm.

Paragraph: 87 
Verse: a    ϑβąm. kaininō.1 vaδre.2 yaona.
Verse: b       xṣ̌aϑra.3 huuāpā̊. jaiδiiā̊ṇte.4
Verse: c          taxməmca. nmānō.paitīm:
Verse: d    ϑβąm. carāitiš. zizanāitiš.5
Verse: e       jaiδiiā̊ṇte. huzāmīm:
Verse: f    tūm. tā. aēibiiō. xṣ̌aiiamna.
Verse: g       nisirinauuāhi. arəduuī. sūre. anāhite.

Paragraph: 88 
Verse: a    āat̰. fraṣ̌usat̰.1 zaraϑuštra.
Verse: b       arəduuī. sūra.2 anāhita.3
Verse: c          haca. auuat̰biiō. stərəbiiō.4
Verse: d          aoi. ząm. ahuraδātąm:
Verse: e    āat̰. aoxta. arəduuī. sūra. anāhita:

Paragraph: 89 
Verse: a    ərəzuuō. aṣ̌āum.1 spitama.
Verse: b    ϑβąm. daϑat̰. ahurō. mazdā̊.
Verse: c       *ratuš.2 astuuaiϑiiō. gaēϑaiiā̊.
Verse: d    mąm. daϑat̰. ahurō. mazdā̊.
Verse: e       *nipātāra.3 vīspaiiā̊. aṣ̌aonō. stōiš:
Verse: f    mana. raiia. xvarənaŋha.4
Verse: g       pasuuasca. staorāca.
Verse: h          upairi. ząm. vīcarəṇta.5
Verse: i       maš́iiāca. bizəṇgra:
Verse: j    azəm. bōit̰.6 tūm. tā.
Verse: k       nipaiiemi. vīspa.7 vohū.
Verse: l          mazdaδāta. aṣ̌aciϑra.
Verse: m             mąnaiiən. ahe.
Verse: n                yaϑa. pasūm. pasu.vastrəm.8

Paragraph: 90 
Verse: a    paiti. dim.1 pərəsat̰. zaraϑuštrō.
Verse: b       arəduuīm. sūrąm. anāhitąm:
Verse: c          arəduuī. sūre. anāhite.
Verse: d    kana. ϑβąm. yasna. yazāne.
Verse: e    kana. yasna. frāiiazāne.
Verse: f       yasə. tauua.2 mazdā̊. kərənaot̰.3 tacarə:4
Verse: g          aṇtarə. arəϑəm.5 upairi. huuarəxṣ̌aētəm.
Verse: h       yasə. ϑβā.6 nōit̰. aiβi.družā̊ṇte.7
Verse: i          ažišca. arəϑnāišca. vaβžakāišca.8
Verse: j          varənuuāišca.9 varənauua.vīṣ̌āišca.10

Paragraph: 91 
Verse: a    āat̰. aoxta. arəduuī. sūra. anāhita:
Verse: b       ərəzuuō. aṣ̌āum. spitama.
Verse: c    ana. mąm. yasna. yazaēṣ̌a.
Verse: d    ana. yasna. frāiiazaēṣ̌a.
Verse: e       haca. hū.1 vaxṣ̌āt̰.
Verse: f        ā.hū. frāṣ̌mō.dātōit̰:
Verse: g    ā. tū. mē.2 aētaiiā̊.3 zaoϑraiiā̊. fraŋharōiš.4
Verse: h       āϑrauuanō. parštō.vacaŋhō.
Verse: i       paiti.parštō.srauuaŋhō. mązdrō.
Verse: j       haδa.hunarō.5 tanu.mąϑrō.

Paragraph: 92 
Verse: a    mā. mē. aētaiiā̊. zaoϑraiiā̊.
Verse: b       fraŋharəṇtu.1 harətō.
Verse: c          mataftō.2 madruštō. masaciš.
Verse: d          makasuuīš.3 mastrī.4
Verse: e          madahmō. asrāuuaiiat̰.gāϑō.
Verse: f          mapaēsō.5 yō. vītərətō.tanuš.6

Paragraph: 93 
Verse: a    nōit̰. auuā̊.1 zaoϑrā̊. paiti.vīse.
Verse: b       yā̊. māuuōiia. fraŋuharəṇti.2
Verse: c          aṇdā̊sca. karənā̊sca.3 druuā̊sca.4
Verse: d          mūrā̊sca. arā̊sca. raŋhā̊sca.
Verse: e          auua.5 daxšta.6 daxštauuaṇta.
Verse: f             yā. nōit̰. pouru.jira.7 fradaxšta.8
Verse: g                vīspanąm. anu. mąϑrəm:8
Verse: h    mā. mē. aētaiiā̊scit̰. zaoϑraiiā̊. fraŋharəṇtu.
Verse: i       frakauuō. mā. apakauuō.
Verse: j       mā. druuā̊. vīmītō.daṇtānō.9

Paragraph: 94 
Verse: a    paiti. dim. pərəsat̰. zaraϑuštrō.
Verse: b       arəduuīm. sūrąm. anāhitąm:
Verse: c          arəduuī. sūre. anāhite.
Verse: d    kəm. iδa. tē. zaoϑrā̊. bauuaiṇti.
Verse: e       yasə. tauua.1 frabarəṇte.2
Verse: f          druuaṇtō. daēuuaiiasnā̊ŋhō.
Verse: g             pasca. hū. frāṣ̌mō.dāitīm.

Paragraph: 95 
Verse: a    āat̰. aoxta. arəduuī. sūra. anāhita:
Verse: b          ərəzuuō. aṣ̌āum. spitama. zaraϑuštra.
Verse: c    niuuaiiaka.1 nipaṣ̌naka.2
Verse: d    apa.skaraka.3 apa.xraosaka.3
Verse: e       imā̊.4 paiti.vīsəṇte.5 yā̊.
Verse: f          māuuōiia. pasca. vazəṇti.6
Verse: g             xṣ̌uuaš.satāiš. hazaŋrəmca.
Verse: h          yā.7 nōit̰. +paiti.8 vīsəṇti.9
Verse: i             daēuuanąm.10 paiti.8 yasna.

Paragraph: 96 
Verse: a    yazāi. hukairīm. barəzō.1
Verse: b       vīspō.vahməm. zaranaēnəm.2
Verse: c          +yahmat̰.3 mē. haca. frazgaδaite.4
Verse: d             arəduuī. sūra. anāhita.
Verse: e    hazaŋrāi. barəṣ̌na. vīranąm.
Verse: f       masō.5 xṣ̌aiiete.6 xvarənaŋhō.
Verse: g          yaϑa. vīspā̊. imā̊.7 āpō.
Verse: h             yā̊. zəmā. paiti. frataciṇti.
Verse: i          yā. amauuaiti. fratacaiti.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 22


Paragraph: 97  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 98 
Verse: a       yim.1 aiβitō. mazdaiiasna.
Verse: b          hištəṇta.2 barəsmō.zasta:
Verse: c    tąm. yazəṇta.3 huuōuuā̊ŋhō.
Verse: d    tąm. yazəṇta.4 naotairiiā̊ŋhō:5
Verse: e       īštīm. jaiδiiaṇta.6 huuōuuō.
Verse: f          āsu.aspīm. naotaire:7
Verse: g    moṣ̌u. pascaēta. huuōuuō.
Verse: h          īštīm. baon. səuuišta.
Verse: i    moṣ̌u. pascaēta. naotaire.
Verse: j       vīštāspō. ā̊ŋhąm. dax́iiunąm.
Verse: k          āsu.aspōtəmō. bauuat̰.8

Paragraph: 99 
Verse: a    daϑat̰. aēibiiascit̰. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 23


Paragraph: 100  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 101 
Verse: a       yeŋ́he. hazaŋrəm. vairiianąm.1
Verse: b             hazaŋrəm. apaγžāranąm:
Verse: c    kascit̰ca. aēṣ̌ąm. vairiianąm.
Verse: d    kascit̰ca. aēṣ̌ąm. apaγžāranąm.
Verse: e       caϑβarə.satəm. aiiarə.baranąm.5
Verse: f          huuaspāi. naire. barəmnāi.
Verse: g    kaŋ́he. kaŋ́he.2 apaγžāire.
Verse: h       nmānəm. hištaite. huδātəm.
Verse: i          satō.raocanəm. bāmīm.
Verse: j          hazaŋrō.stunəm.3 hukərətəm.
Verse: k          baēuuarə.fraskəmbəm.4 sūrəm.

Paragraph: 102 
Verse: a    kəm.1 kəmcit̰. aipi. nmāne.2
Verse: b       gātu.3 saite.4 xvaēui.starətəm.5
Verse: c       hubaoiδīm. barəziš. hauuaṇtəm:6
Verse: d          ātacaiti.7 zaraϑuštra.
Verse: e             arəduuī.8 sūra. anāhita.
Verse: f    9hazaŋrāi. barəṣ̌na. vīranąm.10
Verse: g       masō. xṣ̌aiiete. xvarənaŋhō.
Verse: h          yaϑa. vīspā̊. imā̊. āpō.
Verse: i             yā̊. zəmā. paiti. frataciṇti.
Verse: j          yā. amauuaiti. fratacaiti.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 24


Paragraph: 103  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 104 
Verse: a    1tąm. yazata.
Verse: b       yō. aṣ̌auua. zaraϑuštrō.
Verse: c          airiiene. vaējahi.2
Verse: d          vaŋhuiiā̊. dāitiiaiiā̊.
Verse: e          *haomaiiō.3 gauua.4 barəsmana.
Verse: f          hizuuō. daŋhaŋha. mąϑraca. +vacaca. š́iiaoϑnaca.
Verse: g          zaoϑrābiiasca. aršuxδaēibiiasca. vāγžibiiō.5

Paragraph: 105 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre.1 anāhite:
Verse: d       yaϑa. azəm. hācaiiene.2
Verse: e          puϑrəm. yat̰. auruuat̰.aspahe.
Verse: f          taxməm. kauuaēm. vīštāspəm.
Verse: g             anumatə̄e. daēnaiiāi.3
Verse: h             anuxtə̄e. daēnaiiāi.3
Verse: i             anu.varštə̄e.4 daēnaiiāi.3

Paragraph: 106 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 25


Paragraph: 107  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 108 
Verse: a    tąm. yazata.
Verse: b       bərəzaiδiš.1 kauua. vīštāspō.2
Verse: c          pasne.3 āpəm. frazdānaom.4
Verse: d             satəm.5 aspanąm. arṣ̌nąm.
Verse: e             hazaŋrəm. gauuąm.
Verse: f             baēuuarə. anumaiianąm.

Paragraph: 109 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre. anāhite:
Verse: d       yat̰. bauuāni. aiβi.vaniiā̊.
Verse: e          tąϑriiauuaṇtəm.1 duždaēnəm.
Verse: f          pəṣ̌anəmca.2 daēuuaiiasnəm.3
Verse: g          druuaṇtəmca. arəjat̰.aspəm.4
Verse: h             ahmi.5 gaēϑe.6 pəṣ̌anāhu.

Paragraph: 110 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 26


Paragraph: 111  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 112 
Verse: a    tąm. yazata.
Verse: b       aspāiiaoδō.1 zairi.vairiš.2
Verse: c          pasne.3 āpō. dāitiiaiiā̊.4
Verse: d             satəm.5 aspanąm. arṣ̌nąm.
Verse: e             hazaŋrəm. gauuąm.
Verse: f             baēuuarə. anumaiianąm.

Paragraph: 113 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre. anāhite.
Verse: d       yat̰. bauuāni. aiβi.vaniiā̊.
Verse: e          pəṣ̌ōciṇghəm.1 aštō.kānəm.
Verse: f          humaiiakəm.2 daēuuaiiasnəm.3
Verse: g          druuaṇtəmca. arəjat̰.aspəm.4
Verse: h             ahmi.5 gaēϑe. pəṣ̌anāhu.

Paragraph: 114 
Verse: a    daϑat̰. ahmāi. tat̰.
Verse: b       auuat̰. āiiaptəm.
Verse: c          arəduuī. sūra. anāhita.
Verse: d             haδa.zaoϑrō.barāi.
Verse: e             arədrāi. yazəmnāi.
Verse: f                jaiδiiaṇtāi. dāϑriš. āiiaptəm.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 27


Paragraph: 115  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 116 
Verse: a    tąm. yazata.
Verse: b       vaṇdarəmainiš.1 arəjat̰.aspō.
Verse: c          upa. zraiiō. vouru.kaṣ̌əm.
Verse: d             satəm.2 aspanąm. arṣ̌nąm.
Verse: e             hazaŋrəm. gauuąm.
Verse: f             baēuuarə. anumaiianąm.

Paragraph: 117 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          vaŋuhi. səuuište. arəduuī. sūre. anāhite.
Verse: d       yat̰. bauuāni. aiβi.vaniiā̊.
Verse: e          taxməm. kauuaēm. vīštāspəm.
Verse: f          *aspāiiaoδō.1 zairi.vairiš:*
Verse: g       yaϑa. azəm. nijanāni.
Verse: h          airiianąm. dax́iiunąm.
Verse: i          paṇcasaγnāi.2 sataγnāišca.
Verse: j             sataγnāi. hazaŋraγnāišca.
Verse: k             hazaŋraγnāi. baēuuarəγnāišca.
Verse: l             baēuuarəγnāi. ahąxštaγnāišca.

Paragraph: 118 
Verse: a    nōit̰. ahmāi. daϑat̰. tat̰.
Verse: b       auuat̰. āiiaptəm.
Verse: c          arəduuī. sūra. anāhita.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 28


Paragraph: 119  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 120 
Verse: a          yeŋ́he. caϑβārō. arṣ̌āna.1
Verse: b             hąm.tāṣ̌at̰. ahurō. mazdā̊.
Verse: c                +vātəmca. vārəmca. maēγəmca. fiiaŋhumca.
Verse: d    +mūšti.2 zī. mē.3 hīm.
Verse: e          spitama. zaraϑuštra.
Verse: f       vārəṇtaēca. snaēžiṇtaēca.4
Verse: g       srasciṇtaēca.5 ^fiiaŋhuṇtaēca:
Verse: h          yeŋ́he. auuauuat̰.6 haēnanąm.
Verse: i             nauua.satāiš. hazaŋrəmca.

Paragraph: 121 
Verse: a    yazāi. hukairīm. barəzō.
Verse: b       vīspō.vahməm. zaranaēnəm.
Verse: c          yahmāt̰.1 mē.2 haca. frazgaδaite.
Verse: d             arəduuī. sūra. anāhita.
Verse: e    hazaŋrāi. barəṣ̌na. vīranąm.
Verse: f       masō.3 xṣ̌aiiete. xvarənaŋhō.
Verse: g          yaϑa. vīspā̊. imā̊. āpō.
Verse: h             yā̊. zəmā. paiti. frataciṇti.4
Verse: i          yā. amauuaiti. fratacaiti.:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 29


Paragraph: 122  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 123 
Verse: a    zaranaēnəm. paiti.dānəm.
Verse: b       vaŋuhi.1 hištaite.2 *dražimnō.3
Verse: c          arəduuī. sūra. anāhita.
Verse: d             zaoϑre.4 vācim.5 paitišmarəmna.
Verse: e             auuat̰. manaŋha. mainimna:

Paragraph: 124 
Verse: a    kō. mąm. stauuāt̰.1 kō. yazāite.
Verse: b       haomauuaitibiiō. gaomauuaitibiiō. zaoϑrābiiō.
Verse: c       yaoždātābiiō. pairiiaŋhārštābiiō:2
Verse: d    kahmāi. azəm. upaŋhacaiieni.3
Verse: e       haca.manāica.4 ana.manāica.5
Verse: f           frāraŋhāi. humanaŋhāica.6

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 30


Paragraph: 125  {= Yt. 5,1}
Verse: a    yazaēṣ̌a. mē. hīm. spitama. zaraϑuštra.
Verse: b       yąm. arəduuīm. sūrąm. anāhitąm.
Verse: c          pərəϑū.frākąm. baēṣ̌aziiąm.
Verse: d          vīdaēuuąm. ahurō.t̰kaēṣ̌ąm.
Verse: e          yesniiąm. aŋuhe. astuuaite.
Verse: f          vahmiiąm. aŋuhe. astuuaite.
Verse: g          āδū.frāδanąm. aṣ̌aonīm.
Verse: h          vąϑβō.frāδanąm. aṣ̌aonīm.
Verse: i          gaēϑō.frāδanąm. aṣ̌aonīm.
Verse: j          ṣ̌aētō.frāδanąm. aṣ̌aonīm.
Verse: k          daiŋ́hu.frāδanąm. aṣ̌aonīm.

Paragraph: 126 
Verse: a    yā. hištaite.1 frauuaēδəmna.2
Verse: b       arəduuī. sūra. anāhita.
Verse: c          kaininō.3 kəhrpa. srīraiiā̊.
Verse: d          ašamaiiā̊. huraoδaiiā̊.
Verse: e          uskāt̰. yāstaiiā̊. ərəzuuaiϑiiō.
Verse: f          raēuuat̰. ciϑrəm. āzātaiiā̊.
Verse: g          frazuṣ̌əm.4 aδkəm.5 vaŋhānəm.
Verse: h          pouru.paxštəm.6 zaranaēnəm.7

Paragraph: 127 
Verse: a    +bāδa.1 yaϑa.mąm.2 barəsmō.zasta.
Verse: b       frā.gaoṣ̌āuuara.3 sīspəmna.4
Verse: c       caϑru.karana. zaranaēni:
Verse: d          minum.5 barat̰. huuāzāta.
Verse: e                arəduuī. sūra. anāhita.
Verse: f             upa. tąm.6 srīrąm. manaoϑrim:7
Verse: g    hā. hē.8 maiδim.9 niiāzata.10
Verse: h       yaϑaca. hukərəpta. fštāna.11
Verse: i       yaϑaca. aŋhən. niuuāzāna.12

Paragraph: 128 
Verse: a    upairi. pusąm. baṇdaiiata.1
Verse: b          arəduuī. sūra. anāhita.
Verse: c       satō.straŋhąm.2 zaranaēnīm.3
Verse: d       ašta.kaoždąm. raϑa.kairiiąm.
Verse: e       drafṣ̌akauuaitīm.4 srīrąm.
Verse: f       anu.pōiϑβaitīm. hukərətąm.5

Paragraph: 129 
Verse: a    baβraini.1 vastrā̊. vaŋhata.2
Verse: b          arəduuī. sūra. anāhita.
Verse: c       ϑrisatanąm. baβranąm.3
Verse: d       caturə.zīzanatąm.4
Verse: e             yat̰. asti. baβriš.5 sraēšta.
Verse: f             yaϑa. yat̰. asti.6 gaonōtəma.7
Verse: g                [baβriš. bauuaiti.8 upāpō.]
Verse: h    yaϑa.kərətəm. ϑβarštāi.9 zrūne.
Verse: i       carəmā̊. vaēnaṇtō.10 brāzəṇta.11
Verse: j          frə̄na. ərəzatəm. zaranim.12

Paragraph: 130 
Verse: a    āat̰. vaŋuhi.1 iδa. səuuište.
Verse: b          arəduuī. sūre. anāhite.
Verse: c       auuat̰. āiiaptəm. yāsāmi.2
Verse: d       yaϑa. azəm. huuāfritō.
Verse: e          masa.3 xṣ̌aϑra. niuuānāni.4
Verse: f             aš.pacina.5 stūi.baxəδra.6
Verse: g             fraoϑat̰.aspa. canat̰.caxra.7
Verse: h             xṣ̌uuaēβaiiat̰.aštra. aš.baouruua.
Verse: i             niδātō.pitu.8 hubaoiδi.9
Verse: j       +upa.10 stərəmaēṣ̌u.11 vārəma.12 daiδe.
Verse: k          parənaŋhuṇtəm. vīspąm.13 hujiiāitīm.
Verse: l       iriϑəṇtəm.14 xṣ̌aϑrəm. zazāiti.

Paragraph: 131 
Verse: a    āat̰. vaŋuhī.1 iδa.
Verse: b          arəduuī. sūre.2 anāhite.
Verse: c       duua. auruuaṇta. yāsāmi.
Verse: d          +yimca. bipaitištānəm. auruuaṇtəm.3
Verse: e          yimca. caϑβarə.paitištānəm.
Verse: f       +aom. bipaitištānəm. aruuantəm.
Verse: g          yō. aŋhat̰. āsuš. uzgastō.4
Verse: h          +hufraouruuaēsō. vāṣ̌ā̊.5 pəṣ̌anaēṣ̌uca.
Verse: i       aom. caϑβarə.paitištānəm.
Verse: j          yō. haēnaiiā̊. pərəϑu.ainikaiiā̊.
Verse: k             uua.6 uruuaēsaiiat̰.7 karana.8
Verse: l             hōiiūmca. daṣ̌inəmca.
Verse: m             daṣ̌inəmca. hōiiūmca.

Paragraph: 132 
Verse: a    aēta. yasna. aēta. vahma.
Verse: b       aēta. paiti. auua.jasa.
Verse: c             arəduuī. sūre.1 anāhite.
Verse: d          haca. auuat̰biiō.2 stərəbiiō.3
Verse: e          aoi. ząm. ahuraδātąm.
Verse: f          aoi. zaotārəm.4 yazəmnəm.
Verse: g          aoi. pərənąm. vīγžāraiieiṇtīm.5
Verse: h          auuaŋhe.6 zaoϑrō.barāi.
Verse: i             arədrāi. yazəmnāi.
Verse: j                jaiδiiaṇtāi. dāϑriš. āiiaptəm:
Verse: k       yaϑa. tē. vīspe. auruuaṇta.7
Verse: l          zazuuā̊ŋha.8 paiti.jasąn.
Verse: m       yaϑa. kauuōiš. vīštāspahe.9:

{= Yt. 5,9}
Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       arəduuīm. sūrąm. anāhitąm. aṣ̌aonīm.
Verse: Q1e          zaoϑrābiiō:
Verse: Q1f    ana. buiiā̊. zauuanō.sāsta.
Verse: Q1g    ana. buiiā̊. huiiaštatara.
Verse: Q1h       arəduuī. sūre. anāhite.
Verse: Q1i    haomaiiō. gauua. barəsmana.
Verse: Q1j       hizuuō. daŋhaŋha. mąϑraca. +vacaca. š́iiaoϑnaca.
Verse: Q1k       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.


Paragraph: 133 
Verse: C1a    (vāž.::)
Verse: C1b    hōrməzd.1 i. aβazūnī. mardum.
Verse: C1c       mardum. sardagą. ham. bā. yašt. i. vahą.
Verse: C1d       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: C1e       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca.2 vahməmca. aojasca. zauuarəca. āfrīnāmi.
Verse: b       apąm. vaŋuhīnąm. mazdaδātanąm.3
Verse: c       arəduiiā̊. āpō. anāhitaiiā̊. aṣ̌aoniiā̊.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.4 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe.1 mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd.4 gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.



Xuršēd Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.