TITUS
Avestan Corpus
Part No. 73
Previous part

Chapter: 72 
Paragraph: 1  {= Y. 61,1} zōt̰::
Verse: a    ahunəmca. vairīm. fraēš́iiāmahī.1
Verse: b       aṇtarəca. ząm.
Verse: c       aṇtarəca. asmanəm.
Verse: d    aṣ̌əmca. vahištəm. fraēš́iiāmahī.
Verse: e       aṇtarəca. ząm.
Verse: f       aṇtarəca. asmanəm.
Verse: g    yeŋ́hē.hātąmca. hufrāiiaštąm. fraēš́iiāmahī.
Verse: h       aṇtarəca. ząm.
Verse: i       aṇtarəca. asmanəm.
Verse: j    dahmaheca. narš. aṣ̌aonō. dahmąmca.2 vaŋuhīm. āfritīm. fraēš́iiāmahī.
Verse: k       aṇtarəca. ząm.
Verse: l       aṇtarəca. asmanəm::

Paragraph: 2  {= Y. 61,2}
Verse: a       hamistaiiaēca. nižbərətaiiaēca.
Verse: b          aṇgrahe.1 maniiə̄uš.2
Verse: c          mat̰.dāmanō. duždāmanō. pouru.mahrkahe.
Verse: d       hamistaiiaēca. nižbərətaiiaēca.
Verse: e          kaxvarəδanąmca. kaxvarəiδinąmca.3
Verse: f       hamistaiiaēca. nižbərətaiiaēca.
Verse: g          kaxvarəδaheca. kaxvarəiδiiā̊sca.

Paragraph: 3  {= Y. 61,3}
Verse: a       hamistaiiaēca. nižbərətaiiaēca.
Verse: b          kaiiaδanąmca. kaiieiδinąmca.1
Verse: c       hamistaiiaēca. nižbərətaiiaēca.
Verse: d          kaiiaδaheca. kāiδiiā̊sca.2
Verse: e       hamistaiiaēca. nižbərətaiiaēca.
Verse: f          tāiiunąmca.3 hazasnąmca.
Verse: g       hamistaiiaēca. nižbərətaiiaēca.
Verse: h          zaṇdąmca.4 yātumatąmca.5
Verse: i       hamistaiiaēca. nižbərətaiiaēca.
Verse: j          miϑrō.ziiąmca. miϑrō.drujəmca.6

Paragraph: 4  {= Y. 61,4}
Verse: a       hamistaiiaēca. nižbərətaiiaēca.
Verse: b          aṣ̌auuaγnąmca.1 aṣ̌auua.t̰baēṣ̌ąmca.
Verse: c       hamistaiiaēca. nižbərətaiiaēca.
Verse: d          aṣ̌əmaoγaheca. anaṣ̌aonō.
Verse: e          sāstraheca. pouru.mahrkahe.
Verse: f       hamistaiiaēca. nižbərətaiiaēca.
Verse: g          kahe. kahiiācīt̰.2 druuatąm.
Verse: h          araϑβiiō.manaŋhąm. araϑβiiō.vacaŋhąm. araϑβiiō.š́iiaoϑənanąm.3
Verse: i             spitama. zaraϑuštra.

Paragraph: 5  {= Y. 61,5}
Verse: a    kaϑa. drujəm.   nīš. ahmat̰. ā. nīš.nāṣ̌āma::
Verse: b    nīš.nāṣ̌āma.1 saoš́iiaṇtō. drujəm::
Verse: c    kaϑa. nīš.nāṣ̌āma.   yaϑa. hīm. janāma.
Verse: d       xṣ̌aiiamnō. axṣ̌aiiamanąm.
Verse: e          vīspāiš. haca. karṣ̌uuąn. yāiš. hapta.
Verse: f             hamistə̄e. nižbərətə̄e. vīspaiiā̊. druuatō. stōiš::
Verse: g    stauuas. aṣ̌ā. yə̄. hudā̊. yōi. həṇtī.::


Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā. (du. bār.)
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::::::::


Paragraph: 6 
Verse: a    1yasnəmca. vahməmca. aojasca. zauuarəca. āfrīnāmi::
{~ Y. 22,23}
Verse: Q1b    2ahurahe. mazdā̊. raēuuatō. xvarənaŋuhatō.
Verse: Q1c       aməṣ̌anąm. spəṇtanąm.
Verse: Q1d       miϑrahe. vouru.gaoiiaotōiš.
Verse: Q1e       rāmanasca. xvāstrahe::

Paragraph: 7  {= Y. 22,24}
Verse: Q1a       huuarəxṣ̌aētahe. aməṣ̌ahe. raēuuahe. auruuat̰.aspahe::
Verse: Q1b       vaiiaoš. uparō.kairiiehe. taraδātō. aniiāiš. dāmąn::
Verse: Q1d    *aētat̰. tē. vaiiō. yat̰. tē. asti. spəṇtō.mainiiaom::*
Verse: Q1e       razištaiiā̊. cistaiiā̊. mazdaδātaiiā̊. aṣ̌aoniiā̊.
Verse: Q1g       daēnaiiā̊. vaŋhuiiā̊. māzdaiiasnōiš::
{= Y. 22,25}
Verse: Q2a       mąϑrahe. spəṇtahe. aṣ̌aonō. vərəziiaŋuhahe.
Verse: Q2b       dātahe. vīdaēuuahe.
Verse: Q2f       dātahe. zaraϑuštrōiš.
Verse: Q2c       darəγaiiā̊. upaiianaiiā̊.
Verse: Q2d       daēnaiiā̊. vaŋhuiiā̊. māzdaiiasnōiš.
Verse: Q2e       zarazdātōiš. mąϑrahe. spəṇtahe.
Verse: Q2f       *uṣ̌i.darəϑrəm. daēnaiiā̊. māzdaiiasnōiš.
Verse: Q2g       vaēδīm. mąϑrahe. spəṇtahe::*
Verse: Q2h       āsnahe. xraϑβō. mazdaδātahe. gaoṣ̌ō.srūtahe.
Verse: Q2i       xraϑβō. mazdaδātahe::
{= Y. 22,26}
Verse: Q3a       āϑrō. ahurahe. mazdā̊. *puϑra.
Verse: Q3c    tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::
Verse: Q3c       garōiš. uṣ̌i.darənahe. mazdaδātahe. aṣ̌axvāϑrahe::
{~ Y. 22,27}
Verse: Q4a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: Q4b       aṣ̌āunąm. frauuaṣ̌inąm. uγranąm. aiβiϑūranąm.
Verse: Q4d       paoiriiō.t̰kaēṣ̌anąm. frauuaṣ̌inąm.
Verse: Q4e       nabānazdištanąm. frauuaṣ̌inąm::

Paragraph: 8 
Verse: a    yasnəmca. vahməmca. aojasca. zauuarəca. āfrīnāmi::
Verse: b    tauua. ātarš. puϑra. ahurahe. mazdā̊.::

Verse: Q1Aa    aṣ̌əm. vohū. (si. bār.) vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

zōt̰. u. rāspī::

Verse: Q2Aa    yaϑā. ahū. vairiiō. (du. bār.)   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3a    1yasnəmca. vahməmca. aojasca. zauuarəca. āfrīnāmi::

{~ Y. 22,23}

Verse: Q4b    2ahurahe. mazdā̊. raēuuatō. xvarənaŋuhatō.
Verse: Q4c       aməṣ̌anąm. spəṇtanąm.
Verse: Q4d       miϑrahe. vouru.gaoiiaotōiš.
Verse: Q4e       rāmanasca. xvāstrahe::
{= Y. 22,24}
Verse: Q5a       huuarəxṣ̌aētahe. aməṣ̌ahe. raēuuahe. auruuat̰.aspahe::
Verse: Q5b       vaiiaoš. uparō.kairiiehe. taraδātō. aniiāiš. dāmąn::
Verse: Q5d    *aētat̰. tē. vaiiō. yat̰. tē. asti. spəṇtō.mainiiaom::*
Verse: Q5e       razištaiiā̊. cistaiiā̊. mazdaδātaiiā̊. aṣ̌aoniiā̊.
Verse: Q5g       daēnaiiā̊. vaŋhuiiā̊. māzdaiiasnōiš::
{= Y. 22,25}
Verse: Q6a       mąϑrahe. spəṇtahe. aṣ̌aonō. vərəziiaŋuhahe.
Verse: Q6b       dātahe. vīdaēuuahe.
Verse: Q6f       dātahe. zaraϑuštrōiš.
Verse: Q6c       darəγaiiā̊. upaiianaiiā̊.
Verse: Q6d       daēnaiiā̊. vaŋhuiiā̊. māzdaiiasnōiš.
Verse: Q6e       zarazdātōiš. mąϑrahe. spəṇtahe.
Verse: Q6f       *uṣ̌i.darəϑrəm. daēnaiiā̊. māzdaiiasnōiš.
Verse: Q6g       vaēδīm. mąϑrahe. spəṇtahe::*
Verse: Q6h       āsnahe. xraϑβō. mazdaδātahe. gaoṣ̌ō.srūtahe.
Verse: Q6i       xraϑβō. mazdaδātahe::
{= Y. 22,26}
Verse: Q7a       āϑrō. ahurahe. mazdā̊. *puϑra.
Verse: Q7c    tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::
Verse: Q7c       garōiš. uṣ̌i.darənahe. mazdaδātahe. aṣ̌axvāϑrahe::
{~ Y. 22,27}
Verse: Q8a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: Q8b       aṣ̌āunąm. frauuaṣ̌inąm. uγranąm. aiβiϑūranąm.
Verse: Q8d       paoiriiō.t̰kaēṣ̌anąm. frauuaṣ̌inąm.
Verse: Q8e       nabānazdištanąm. frauuaṣ̌inąm::

zōt̰::

Verse: Q9a    yasnəmca. vahməmca. aojasca. zauuarəca. āfrīnāmi::
Verse: Q9b    tauua. ātarš. puϑra. ahurahe. mazdā̊.::

zōt̰. u. rāspī::

Verse: Q10a    aṣ̌əm. vohū. vahištəm. astī::
Verse: Q10b    uštā. astī. uštā. ahmāi.
Verse: Q10c    hiiat̰. aṣ̌āi. vahištāi. aṣ̌əm.::

Paragraph: 9  {~ Y. 68,11}
Verse: Q1a       ahmāi. raēšca. xvarənasca.
Verse: Q1b       ahmāi. tanuuō. druuatātəm.
Verse: Q1c       ahmāi. tanuuō. vazduuarə.
Verse: Q1d       ahmāi. tanuuō. vərəϑrəm.
Verse: Q1e       ahmāi. īštīm. pouruš.xvāϑrąm.
Verse: Q1f       ahmāi. āsnąmcit̰. frazaṇtīm.
Verse: Q1g       ahmāi. darəγąm. darəγō.jītīm.
Verse: Q1h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm.::

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

Verse: Q3Aa       2hazaŋrəm. baēṣ̌azanąm.
Verse: Q3Ab       baēuuarə. baēṣ̌azanąm. (si. bār.)::

Verse: Q3Ba       hazaŋrəm. baēṣ̌azanąm.
Verse: Q3Bb       baēuuarə. baēṣ̌azanąm.::

Verse: Q3Ca       hazaŋrəm. baēṣ̌azanąm.
Verse: Q3Cb       baēuuarə. baēṣ̌azanąm.::

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

Verse: a    jasa. mē. auuaŋhe.3 mazda. (si. bār.)
Verse: R1a    jasa. mē. auuaŋhe. mazda.
Verse: R2a    jasa. mē. auuaŋhe. mazda.

Verse: b       4amahe. hutāštahe. huraoδahe.
Verse: c       vərəϑraγnahe. ahuraδātahe.
Verse: d       vanaiṇtiiā̊sca. uparatātō.::

Paragraph: 10 
Verse: a       rāmanasca. xvāstrahe.
Verse: b       vaiiaoš. uparō.kairiiehe.
Verse: c       taraδātō. aniiāiš. dāmąn::
Verse: d    aētat̰. tē. vaiiō.
Verse: e       yat̰. tē. asti. spəṇtō.mainiiaom::
Verse: f          ϑβāṣ̌ahe. xvaδātahe.
Verse: g          zruuānahe. akaranahe.
Verse: h          zruuānahe. darəγō.xvaδātahe.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::


::::::::::


Paragraph: 11 
Verse: a    1aēuuō. paṇtā̊. yō. aṣ̌ahe.
Verse: b    vīspe. aniiaēṣ̌ąm. apaṇtąm.2
Verse: c       aŋrahe. mainiiə̄uš.3 nasištąm.4
Verse: d       daēnąm.daēuuaiiasanąm.
Verse: e       parājītīm. maš́iiānąm.5 frākərəitīm.::


:: :: ::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.