TITUS
Avestan Corpus
Part No. 72
Previous part

Chapter: 71 
Paragraph: 1  zōt̰. u. rāspī::
Verse: a    pərəsat̰. fraṣ̌aoštrō.1 aṣ̌auua. aṣ̌auuanəm. zaraϑuštrəm::
Verse: b    paiti.mrūiδi. pauruuatarə.2 zaraϑuštra::
Verse: c       kat̰. asti. raϑβąm. framərətiš.3
Verse: d          kat̰. gāϑanąm. haṇkərətiš.3

Paragraph: 2 
Verse: a    āat̰. aoxta. zaraϑuštrō::
Verse: b    1ahurəm. mazdąm. aṣ̌auuanəm. aṣ̌ahe. ratūm. yazamaide::
Verse: c    zaraϑuštrəm. aṣ̌auuanəm. aṣ̌ahe. ratūm. yazamaide::
Verse: d    zaraϑuštrahe. aṣ̌aonō. frauuaṣ̌īm. yazamaide::
Verse: e    aməṣ̌ə̄. spəṇtə̄.2 aṣ̌aonąm. yazamaide.

Paragraph: 3 
Verse: a    aṣ̌āunąm.1 vaŋuhīš.2 sūrā̊. spəṇtā̊. frauuaṣ̌aiiō. yazamaide.
Verse: b    astuuatō. manahiiāca.3 apanōtəməm.4 raϑβąm. yazamaide.
Verse: c       yaētuštəməm. yazatanąm.
Verse: d       haŋhanuštəməm. aṣ̌ahe. raϑβąm.
Verse: e       aiβinasąstəməm::5
Verse: f    jaγmūštəmąm.6 aṣ̌aonō. aṣ̌ahe. raϑβō.7 ratufritīm. yazamaide.

Paragraph: 4 
Verse: a    ahurəm. mazdąm. aṣ̌auuanəm. aṣ̌ahe. ratūm. yazamaide::
Verse: b    vīspəmca. kərəfš.1 ahurahe. mazdā̊. yazamaide::
Verse: c    vīspə̄sca. aməṣ̌ə̄. spəṇtə̄.2 yazamaide::
Verse: d    vīspaēca. aṣ̌ahe. ratauuō. yazamaide::
Verse: e    vīspąmca. daēnąm. māzdaiiasnīm. yazamaide::
Verse: f    vīspəmca.3 afsmanəm.4 yazamaide.

Paragraph: 5 
Verse: a    vīspəmca.1 mąϑrəm. spəṇtəm. yazamaide::2
Verse: b    vīspəmca. dātəm. vīdōiiūm.3 yazamaide::
Verse: c    vīspąmca. darəγąm.4 upaiianąm. yazamaide::
Verse: d    vīspaēca. aṣ̌auuanō. mainiiauuaca. yazata. gaēϑiiāca.5 yazamaide::6
Verse: e    vīspā̊sca. aṣ̌āunąm.7 vaŋuhīš.8 sūrā̊. spəṇtā̊. frauuaṣ̌aiiō. yazamaide.

Paragraph: 6 
Verse: a    vīspāca.1 dāma. mazdaδāta. aṣ̌aonīš. yazamaide.
Verse: b       yā. aṣ̌auua.dāta.2 aṣ̌auua.fraϑβaršta.3
Verse: c       aṣ̌auua.t̰kaēṣ̌a. aṣ̌auua.frāiiašta.
Verse: d       aṣ̌aoni.4 aṣ̌auuabiiō.5
Verse: e       yahmiiāca.6 aṣ̌auuabiiō::5
Verse: f    vīspaēca. paṇca. gāϑā̊. aṣ̌aonīš. yazamaide::
Verse: g    vīspəmca.7 yasnəm. frāitīmca. paititīmca. aibijarətīmca. yazamaide.

Paragraph: 7 
Verse: a    vīspāca. staota. yesniia. yazamaide::
Verse: b    vīspaēca. vācō. mazdō.fraoxta. yazamaide.
Verse: c       yōi. həṇti. dušmatəm. jaγništa.
Verse: d       yōi. həṇti. dužūxtəm. jaγništa.
Verse: e       yōi. həṇti. dužuuarštəm.1 jaγništa.
Verse: f       yōi. həṇti. aiβi.karəta.2 dušmatahe.
Verse: g       yōi. həṇti. aiβi.karəta.2 dužūxtahe.
Verse: h       yōi. həṇti. aiβi.karəta.2 dužuuarštahe::3

Paragraph: 8 
Verse: a       yōi. aipi.kərəṇtəṇti.1 vīspəm. dušmatəm.2
Verse: b       yōi. aipi.kərəṇtəṇti.1 vīspəm. dužūxtəm.
Verse: c       yōi. aipi.kərəṇtəṇti.1 vīspəm. dužuuarštəm.
Verse: d          mąnaiiən. ahe.
Verse: e          yaϑa. ātarš. huš́əm.3 aēsməm.4
Verse: f             yaoždātəm.5 hupairīštəm.6
Verse: g             aipi.kərəṇtaiti.7 hāuuaiieiti.8 dažaiti::9
Verse: h       vīspanąmca. aētaēṣ̌ąm. vacąm.
Verse: i    aojasca. vərəϑrəmca. xvarənasca. zauuarəca. yazamaide.

Paragraph: 9 
Verse: a    vīspā̊. āpō. xā̊. paiti. ϑraotō.stātasca.1 yazamaide::
Verse: b    vīspā̊. uruuarā̊. uruϑmīšca. paiti. varṣ̌ajīšca.2 yazamaide::
Verse: c    vīspąmca. ząm. yazamaide::
Verse: d    vīspəmca. asmanəm.3 yazamaide::
Verse: e    vīspə̄sca.4 strə̄ušca.5 mā̊ŋhəmca. huuarəca.6 yazamaide::
Verse: f    vīspa. anaγra. raocā̊.7 yazamaide::
Verse: g    vīspąmca. gąm. upāpąmca. upasmąmca.8
Verse: h       fraptərəjātąmca.9 rauuascarātąmca.10 caŋraŋhācasca.11 yazamaide.

Paragraph: 10 
Verse: a    vīspe. tē.1 ahurō.2 mazdā̊. huuapō. vaŋuhīš.3 dāmąn. aṣ̌aonīš. yazamaide.
Verse: b       yāiš. dadāϑa.4 pouruca.5 vohuca.
Verse: c          yōi. tē. həṇti.
Verse: d       yasniiāca.6 vahmiiāca.7
Verse: e          aṣ̌āt̰. haca. yat̰. vahištāt̰::
Verse: f    vīspā̊sca. garaiiō.8 aṣ̌axvāϑrā̊. yazamaide::
Verse: g    vīspā̊sca. varaiiō.9 mazdaδātā̊. yazamaide::
Verse: h    vīspaēca.10 ātarō.11 yazamaide::
Verse: i    vīspaēca.10 vācō. aršuxδa.12 yazamaide.

Paragraph: 11 
Verse: a    vīspaēca. aēte.1 aṣ̌iš.hāgət̰. ārmaitiš.hāgət̰. yazamadaēca.
Verse: b       nipātaiiaēca. nišaŋharətaiiaēca.
Verse: c       harəϑrāica. aiβiiāxštrāica.2
Verse: d    hauuaŋhum.3 mē. buiiata::
Verse: e    gāϑābiiō. spəṇtābiiō. ratuxṣ̌aϑrābiiō. aṣ̌aonibiiō. zbaiiemi. yazamadaēca.
Verse: f       nipātaiiaēca. nišaŋharətaiiaēca.
Verse: g       harəϑrāica. aiβiiāxštrāica.2
Verse: h    hauuaŋhum.4 mē. buiiata::
Verse: i    māuuōiia.5 hauuāi. urune. zbaiiemi. yazamadaēca.
Verse: j       nipātaiiaēca. nišaŋharətaiiaēca.
Verse: k       harəϑrāica. aiβiiāxštrāica.

Paragraph: 12 
Verse: a    hauruuatātəm. aṣ̌auuanəm. aṣ̌ahe. ratūm. yazamaide::
Verse: b    amərətatātəm.1 aṣ̌auuanəm. aṣ̌ahe. ratūm. yazamaide::
Verse: c    āhūirīm.2 fraṣ̌nəm.3 aṣ̌auuanəm. aṣ̌ahe. ratūm. yazamaide::
Verse: d    āhūirīm. t̰kaēṣ̌əm. aṣ̌auuanəm. aṣ̌ahe. ratūm. yazamaide::
Verse: e    yasnəm. sūrəm. haptaŋhāitīm.4 aṣ̌auuanəm. aṣ̌ahe. ratūm. yazamaide.

Paragraph: 13 
Verse: a    huuō. aṣ̌auua. zaraϑuštrō.
Verse: b       uruuaϑəm.1 ϑrātārəm. isōit̰.
Verse: c    aṣ̌auuanəm. tē. aṣ̌aonat̰.
Verse: d       āfiieiδiiāi.2 mraomi.3
Verse: e    uruuaϑəm. uruuaϑāt̰.
Verse: f       tat̰. zī. vaŋhō::4
Verse: g    huuō.5 zī. druuā̊.6
Verse: h       yə̄. druuāite.7 vahištō.
Verse: i    huuō. aṣ̌auua.8
Verse: j       yahmāi. aṣ̌auua.8 friiō.

Paragraph: 14 
Verse: a    aēte. zī.1 vācō. vahišta.2
Verse: b       ahurō. mazdā̊. frāmraot̰. zaraϑuštrāi::
Verse: c    aēte. zī.3 zaraϑuštra.
Verse: d       ustəme.4 uruuaēse. gaiiehe. framrūiδi.5

Paragraph: 15 
Verse: a    yeiδi. zī.1 zaraϑuštra. aēte.2 vācō.
Verse: b       ustəme. uruuaēse. gaiiehe. framrauuāi.3
Verse: c    pairi. tē.4 tanauua.5
Verse: d       azəm. yō. ahurō. mazdā̊.6
Verse: e       uruuānəm. haca. acištāt̰. aŋhaot̰.
Verse: f       auuauuaitiia. bązasca.
Verse: g       fraϑasca. pairi.tanuiia.7
Verse: h          yaϑa. īm. zā̊::6
Verse: i    astica. īm. zā̊.
Verse: j       auuaiti. bązō.
Verse: k       yauuaiti. fraϑascit̰.8

Paragraph: 16 
Verse: a       yaϑa. vaṣ̌i.1 aṣ̌āum.
Verse: b    iδa.2 aŋhō. aṣ̌auua. frapāraiiā̊ŋhe.3
Verse: c       uruuānəm. tarō. cinuuatō. pərətūm. vahištahe. aŋhə̄uš. aṣ̌auua. jasō.
Verse: d       uštauuaitīm. gāϑąm. srāuuaiiō.
Verse: e       uštatātəm. nimraomnō::


{= Y. 43,1}
zōt̰. u. rāspī::
Verse: Q1a    4uštā. ahmāi.   yahmāi. uštā. kahmāicīt̰.
Verse: Q1b    vasə̄.xṣ̌aiiąs.   mazdā̊. dāiiāt̰. ahurō.
Verse: Q1c    utaiiūitī.   təuuīṣ̌īm. gat̰.tōi. vasəmī.
Verse: Q1d    aṣ̌əm. dərədiiāi.   tat̰. mōi. dā̊. ārmaitē.
Verse: Q1e    rāiiō. aṣ̌īš.   vaŋhə̄uš. gaēm. manaŋhō.::


Paragraph: 17 
Verse: a    varəzəmca.1 haomanaŋhəmca.2 yazamaide.
Verse: b    haomanaŋhəmca.2 varəzəmca.1 yazamaide::
Verse: c       paitištātə̄e. təmaŋhąm.
Verse: d       paitištātə̄e. xṣ̌aiiasca. amaiiauuaiiā̊sca::3 (si. bār.)
Verse: R1a    varəzəmca. haomanaŋhəmca. yazamaide.
Verse: R1b    haomanaŋhəmca. varəzəmca. yazamaide::
Verse: R1c       paitištātə̄e. təmaŋhąm.
Verse: R1d       paitištātə̄e. xṣ̌aiiasca. amaiiauuaiiā̊sca::
Verse: R2a    varəzəmca. haomanaŋhəmca. yazamaide.
Verse: R2b    haomanaŋhəmca. varəzəmca. yazamaide::
Verse: R2c       paitištātə̄e. təmaŋhąm.
Verse: R2d       paitištātə̄e. xṣ̌aiiasca. amaiiauuaiiā̊sca::
Verse: e    zōt̰:: dasuuarəca.4 baēṣ̌azəmca. yazamaide::
Verse: f    fradaϑəmca. varədaϑəmca.5 yazamaide::
Verse: g       paitištātə̄e. axtinąmca.6 astarəmanąmca.7::

Paragraph: 18 
Verse: a    vāca. haṇkərəϑa.1 yazamaide::
Verse: b    gāϑanąm.2 auuāurusta.3 yazamaide::
Verse: c    gāϑā̊. spəṇtā̊. ratuxṣ̌aϑrā̊. aṣ̌aonīš. yazamaide::
Verse: d    staota. yesniia.4 yazamaide.
Verse: e       yā. dātā. aŋhə̄uš. paouriiehiiā::5
Verse: f    hauruuąm. haṇdāitīm. staotanąm. yesniianąm. yazamaide::
Verse: g    haom. uruuānəm. yazamaide::
Verse: h    hauuąm.6 frauuaṣ̌īm. yazamaide.

Paragraph: 19 
Verse: a    1dahmąm. vaŋuhīm.2 āfritīm. yazamaide::
Verse: b    dahməmca. narəm. aṣ̌auuanəm. yazamaide::
Verse: c    uγrəm. taxməm. dāmōiš. upamanəm. yazatəm. yazamaide.

Paragraph: 20 
Verse: a    imā̊. apasca. zəmasca. uruuarā̊sca. yazamaide::
Verse: b    imā̊. asā̊sca. ṣ̌ōiϑrā̊sca.
Verse: c       gaoiiaoitīšca. maēϑaniiā̊sca.1 auuō.xvarənā̊sca. yazamaide::
Verse: d    iməmca. ṣ̌ōiϑrahe.2 paitīm. yazamaide.
Verse: e       yim. ahurəm. mazdąm.

Paragraph: 21 
Verse: a    ratauuō. vīspe. mazišta. yazamaide.
Verse: b       aiiara. asniia. māhiia. yāiriia. sarəδa.

Paragraph: 22 
Verse: a    aṣ̌āunąm.1 vaŋuhīš.2 sūrā̊. spəṇtā̊. frauuaṣ̌aiiō.
Verse: b       staomi. zbaiiemi. ufiiemi::
Verse: c    yazamaide.3
Verse: d       nmāniiā̊. vīsiiā̊. zaṇtumā̊. dāx́iiumā̊.4 zaraϑuštrōtəmā̊.

Paragraph: 23 
Verse: a    ātrəm.1 ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide::
Verse: b       haδa.zaoϑrəm. haδa.aiβiiā̊ŋhanəm.2
Verse: c    imat̰. barəsma. aṣ̌aiia. frastarətəm. aṣ̌auuanəm. aṣ̌ahe. ratūm. yazamaide::
Verse: d    apąm. naptārəm. yazamaide::
Verse: e    nairīm.3 saŋhəm. yazamaide::
Verse: f    taxməm. dāmōiš. upamanəm. yazatəm. yazamaide::
Verse: g    iristanąm. uruuąnō. yazamaide::
Verse: h       yā̊. aṣ̌aonąm. frauuaṣ̌aiiō.

Paragraph: 24 
Verse: a    1ratūm. bərəzaṇtəm. yazamaide::
Verse: b       yim. ahurəm. mazdąm.
Verse: c          yō. aṣ̌ahe. apanōtəmō.2
Verse: d          yō. aṣ̌ahe. jaγmūštəmō::
Verse: e    vīspa.3 srauuā̊. zaraϑuštri.4 yazamaide::
Verse: f    vīspaca. huuaršta. š́iiaoϑna.5 yazamaide.
Verse: g       varštaca. varəš́iiamnaca.6::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::

zōt̰. u. rāspī::

Verse: Q2Aa    yaϑā. ahū. vairiiō. (du. bār.)   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Paragraph: 25  {= Y. 35,4a-c} zōt̰::
Verse: Q1a       1gauue. aδ-āiš.2 tāiš. š́iiaoϑanāiš.3
Verse: Q1b          yāiš. vahištāiš.
Verse: Q1c    fraēš́iiāmahī::4


{= Y. 46,6c}
Verse: Q2a    5at̰. ax́iiāi.6 aṣ̌ā. mazdā̊.7 uruuarā̊. vaxṣ̌at̰.8


Paragraph: 26  {= Y. 52,5}
Verse: a    1vasasca. tū. ahura. mazda. uštāca. xṣ̌aēṣ̌a. hauuanąm. dāmanąm::
Verse: b       vasō. āpō.
Verse: c       vasō. uruuarā̊.
Verse: d       vasō. vīspa. vohū. aṣ̌acīϑra.
Verse: e    xṣ̌aiiamnəm. aṣ̌auuanəm. dāiiata.
Verse: f       axṣ̌aiiamnəm. druuaṇtəm.::

Paragraph: 27  {= Y. 52,6}
Verse: a    vasō.xṣ̌aϑrō. hiiāt̰. aṣ̌auua::
Verse: b    auuasō.xṣ̌aϑrō. hiiāt̰. druuā̊.
Verse: c       gatō. hamistō. nižbərətō.
Verse: d          *haca. spəṇtahe. mainiiə̄uš. dāmabiiō.
Verse: e       varatō. auuasō.xṣ̌aϑrō.::

Paragraph: 28  {= Y. 52,7}
Verse: a    haxṣ̌aiia. azəmcit̰. yō. zaraϑuštrō.
Verse: b       fratəmą. nmānanąmca. vīsąmca. zaṇtunąmca. dax́iiunąmca.
Verse: c       aiŋ́hā̊. daēnaiiā̊. anumataiiaēca. anuxtaiiaēca. anuuarštaiiaēca. (..)
Verse: d          (zōt̰. u. rāspī::) yā. āhūiriš. zaraϑuštriš.::

Paragraph: 29  {= Y. 60,11}
Verse: a    1yaϑa. nō. ā̊ŋhąm.2 š́iiātō.3
Verse: b       manā̊.4 vahištō.5 uruuąnō.
Verse: c       xvāϑrauuaitīš.6 tanuuō. həṇti.7
Verse: d    vahištō. aŋhuš.8 ākā̊scōit̰.9
Verse: e       āhūire.10 mazda. jasəṇtąm.::

Paragraph: 30  {= Y. 60,12}
Verse: a    aṣ̌a. vahišta.
Verse: b    aṣ̌a. sraēšta.
Verse: c       darəsāma. ϑβā.
Verse: d       pairi. ϑβā. jamiiama.1
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Paragraph: 30_R1 
Verse: a    aṣ̌a. vahišta.
Verse: b    aṣ̌a. sraēšta.
Verse: c       darəsāma. ϑβā.
Verse: d       pairi. ϑβā. jamiiama.1
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Paragraph: 30_R2 
Verse: a    aṣ̌a. vahišta.
Verse: b    aṣ̌a. sraēšta.
Verse: c       darəsāma. ϑβā.
Verse: d       pairi. ϑβā. jamiiama.1
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::


Paragraph: 31 
Verse: Q1Aa    yaϑā. ahū. vairiiō. (čihār. bār.)   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Aa    aṣ̌əm. vohū. (si. bār.) vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (..)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.

Verse: a    ahunəm.1 vairīm. yazamaide::
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide.::

Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.