TITUS
Avestan Corpus
Part No. 71
Previous part

Chapter: 70 
Paragraph: 1  zōt̰::
Verse: a    tą.1 yazāi.
Verse: b    təm. pairi.jasāi. vaṇtā.2
Verse: c       yą.3 aməṣ̌ə̄. spəṇtə̄.4 huxṣ̌aϑrə̄.5 huδā̊ŋhō. aēṣ̌a. aibi.gərəṇte::6
Verse: d    təm. baγəm.
Verse: e    təm. ratūm. yazamaide.
Verse: f       yim. ahurəm. mazdąm. daδuuā̊ŋhəm. rapaṇtəm.7
Verse: g          tarṣ̌uuā̊ŋhəm. vīspa. vohu::8
Verse: h    təm. ratūm. yazamaide.
Verse: i       yim. zaraϑuštrəm. spitāməm.

Paragraph: 2 
Verse: a    tā. nō.1 dāta.
Verse: b    tā. ərəzuuāna.
Verse: c       frauuaocāma. fraca. vaocāma.2
Verse: d          yā. ahurahe. mazdā̊.
Verse: e          yā. vaŋhə̄uš. manaŋhō.3
Verse: f          yā. aṣ̌ahe. vahištahe.
Verse: g          yā. xṣ̌aϑrahe. vairiiehe.
Verse: h          yā. spəṇtaiiā̊. ārmatōiš.
Verse: i          yā. hauruuatā̊.4 amərətātā̊.
Verse: j          yā. gə̄uš. taṣ̌ne. gə̄uš. urune.
Verse: k          yā. āϑre. ahurahe. mazdā̊.

Paragraph: 3 
Verse: a          yā. sraoṣ̌ahe. aṣ̌iiehe.
Verse: b          yā. raṣ̌naoš. razištahe.
Verse: c          yā. miϑrahe. vouru.gaoiiaotōiš.
Verse: d          yā. vātahe. aṣ̌aonō.
Verse: e          yā. daēnaiiā̊. vaŋhuiiā̊. māzdaiiasnōiš.
Verse: f          yā. dahmaiiā̊. vaŋhuiiā̊. āfritōiš.
Verse: g          yā. dahmaiiā̊. vaŋhuiiā̊. anādruxtōiš.
Verse: h          yā. dahmaiiā̊. vaŋhuiiā̊.1 anauuauruxtōiš.2

Paragraph: 4 
Verse: a       yaϑa. īža.1 vācim.2 nāṣ̌īma.
Verse: b          yaϑa. vā. saoš́iiaṇtō. dax́iiunąm. suiiamna. vācim.3 barəṇtū::4
Verse: c    buiiama. saoš́iiaṇtō.
Verse: d    buiiama. vərəϑrājanō.5
Verse: e    buiiama.6 ahurahe. mazdā̊. friia.7 vāzišta.8 astaiiō.
Verse: f       yōi.9 narō. aṣ̌auuanō.10
Verse: g          humatāiš. mainimna.
Verse: h          hūxtāiš. mruuatō.
Verse: i          huuarštāiš.11 vərəziiaṇtō.12


Paragraph: 5  {~ Y. 44,1e}
Verse: Q1a    1yaϑā. nə̄. ā.2   vohū. jimat̰.3 manaŋhā::

Verse: a    ā.4 vohū. uruuāṣ̌at̰.5 āgəmat̰.6 tā::
{~ Y. 44,8e}
Verse: Q2    7kā. mə̄. uruuā.   vohū. uruuāṣ̌at̰.8 āgəmat̰.9 tā.


Paragraph: 6 
Verse: a    apąm. vaŋuhīnąm.1 yazamaide.
Verse: b       frāitīmca. paititīmca. aibijarətīmca.
Verse: c    bərəzaṇtəm. ahurəm. xṣ̌aϑrīm.2 xṣ̌aētəm. apąm. napātəm. auruuat̰.aspəm. yazamaide::
Verse: d       vīspaiiā̊. aṣ̌aonō. stōiš.
Verse: e          yasnāica. vahmāica. xṣ̌naoϑrāica. frasastaiiaēca.
Verse: f    sraoṣ̌ō. astu.3

Paragraph: 7  {= Y. 57,4}
Verse: a    1sraoṣ̌əm. aṣ̌īm. yazamaide::
Verse: b    ratūm. bərəzaṇtəm. yazamaide.
Verse: c       yim. ahurəm. mazdąm.
Verse: d          yō. aṣ̌ahe. apanōtəmō.2
Verse: e          yō. aṣ̌ahe. jaγmūštəmō::
Verse: f    vīspa.3 srauuā̊. zaraϑuštri.4 yazamaide::
Verse: g    vīspaca. huuaršta. š́iiaoϑna.5 yazamaide.
Verse: h       varštaca. varəš́iiamnaca.6


Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.