TITUS
Avestan Corpus
Part No. 68
Previous part

Chapter: 67 
Paragraph: 1 
Verse: a    1aṣ̌aiia. daδąmi. (zōt̰::) auuaŋhā̊.2 frauuaṣ̌aiiō.3
Verse: b          yā̊.3 paoiriia. ā̊ŋharə.
{= Y. 23,1}
Verse: c       nmānanąmca. vīsąmca. zaṇtunąmca. dax́iiunąmca::
Verse: d          yā̊. asmanəm. vīδāraiiən.
Verse: e          yā̊. āpəm. vīδāraiiən.
Verse: f          yā̊. ząm. vīδāraiiən.
Verse: g          yā̊. gąm. vīδāraiiən.

Verse: h          yā̊. barəϑriṣ̌uua.4 puϑre. vīδāraiiən.
Verse: i             paiti.vərəte.5 apara.iriϑəṇtō.6::

Paragraph: 2 
Verse: a    aṣ̌aiia. daδąmi. āfrauuaṣ̌i.1
Verse: b       ahurahe. mazdā̊.
Verse: c       aməṣ̌anąm. spəṇtanąm.
Verse: d          mat̰. vīspābiiō.2 aṣ̌aonibiiō. frauuaṣ̌ibiiō.
Verse: e             yā̊. mainiiauuanąm. yazatanąm::
Verse: f    aṣ̌aiia. daδąmi. āfrauuaṣ̌i.1
Verse: g       gaiiehe. marəϑnō.3
Verse: h       zaraϑuštrahe. spitāmahe.
Verse: i       kauuōiš. vīštāspahe.
Verse: j       isat̰.vāstrahe. zaraϑuštrahe.
Verse: k          mat̰. vīspābiiō.4 aṣ̌aonibiiō. frauuaṣ̌ibiiō.
Verse: l             yā̊. paoiriianąm. t̰kaēṣ̌anąm.

Paragraph: 3 
Verse: a    aṣ̌aiia. daδąmi. vīspaiia.1 aṣ̌auuane. frauuaṣ̌e.2
Verse: b       ke.3 asti.
Verse: c          kuuacit̰. aŋ́hā̊. zəmō. para.iristi.4
Verse: d    dahma.4 nāirike. apərənāiiūke.5 kainike. vāstriiāuuarəzi. upaṣ̌aēti.6
Verse: e       haca. ahmāt̰. nmānāt̰. iziieiṇti.7
Verse: f          yā̊. paitiṣ̌marəṇti.8
Verse: g          yā̊. aiβināsəṇti.9
Verse: h             vaŋhūš. yasnąsca. vahmąsca.

Paragraph: 4 
Verse: a    aṣ̌aiia. daδąmi. aṣ̌āunąm.1 frauuaṣ̌inąm. uγranąm. aiβiϑūranąm.
{= Y. 23,4}
Verse: b       paoiriiō.t̰kaēṣ̌anąm. frauuaṣ̌inąm.
Verse: c       nabānazdištanąm. frauuaṣ̌inąm.

Verse: d       hauuahe.2 urunō. frauuaṣ̌ə̄e::
Verse: e    aṣaiia. daδąmi. vīspaēibiiō. aṣ̌ahe. ratubiiō::
Verse: f    aṣaiia. daδąmi. vīspaēibiiō. vaŋhuδābiiō.3 yazataēibiiō.
Verse: g       mainiiaoibiiascā. gaēϑiiaēibiiascā.
Verse: h          yōi. həṇti.
Verse: i             yesniiāca.4 vahmiiāca.5
Verse: j             aṣ̌āt̰. haca. yat̰. vahištāt̰.::

Paragraph: 5 
Verse: a    1aṣ̌aiia. nō paitī.jamiiāt̰.2

Paragraph: 6  {= Y. 38,3} zōt̰. u. rāspī::
Verse: a    1apō. at̰. yazamaidē.
Verse: b       (zōt̰::) maēkaiṇtīšcā.2 hə̄buuaiṇtīšcā.3 frauuazaŋhō.4
Verse: c       ahurānīš. ahurahiiā.
Verse: d       hauuapaŋhā̊.5 hupərəϑβā̊scā.6 vā̊.7
Verse: e       huuōγžaϑā̊scā. hūšnāϑrā̊scā.8
Verse: f          ubōibiiā. ahubiiā. cagəmā.

Paragraph: 7  {= Y. 38,4}
Verse: a       ūitī.1 yā. və̄. vaŋuhīš.2 ahurō. mazdā̊. nāmą.3 dadāt̰.
Verse: b          vaŋhudā̊. hiiat̰. vā̊. dadāt̰.
Verse: c    tāiš. vā̊. yazamaidē.
Verse: d    tāiš. friiąmahī.4
Verse: e    tāiš. nəmaš́iiāmahī.
Verse: f    tāiš. iṣ̌ūidiiāmahī.

Paragraph: 8  {~ Y. 38,5}
Verse: a    apascā. vā̊.1
Verse: b       azīšcā. vā̊.
Verse: c       mātərąšcā.2 vā̊.1
Verse: d       agəniiā̊.
Verse: e       drigudāiiaŋhō.3
Verse: f       vīspō.paitīš.4 auuaocāmā.5
Verse: g       vahištā̊. sraēštā̊.
Verse: h    auuā. və̄. vaŋuhīš.
Verse: i       rātōiš. darəgō.bāzāuš.6
Verse: j       nāṣ̌ū. paitī.viiādā̊.7 paitī.sə̄ṇdā̊.7
Verse: k       mātarō. jītaiiō.8


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.