TITUS
Avestan Corpus
Part No. 67
Previous part

Chapter: 66 
zōt̰. u. rāspī::
Paragraph: 1 
Verse: Q1Aa    aṣ̌əm. vohū. (si. bār.) vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (..)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.

Verse: a    aṣ̌aiia. daδąmi. imąm. zaoϑrąm.
Verse: b       haomauuaitīm. gaomauuaitīm.
Verse: c       haδānaēpatauuaitīm.2
Verse: d       aṣ̌aiia. uzdātąm.
Verse: e          tauua. ahurāne.3 ahurahe. xṣ̌nūmaine.
Verse: f          ahurahe. mazdā̊.
Verse: g          aməṣ̌anąm. spəṇtanąm.
Verse: h          sraoṣ̌ahe. aṣ̌iiehe.4
Verse: i          āϑrō. ahurahe. mazdā̊. raϑβō. bərəzatō.
Verse: j             yō. aṣ̌ahe.

Paragraph: 2  {= Y. 7,5}
Verse: a    1aṣ̌aiia. daδąmi. 1asniiaēibiiō. aṣ̌ahe. ratubiiō::
Verse: b       hāuuanə̄e. aṣ̌aone. aṣ̌ahe. raϑβe::
Verse: c    aṣ̌aiia. daδąmi. sāuuaŋhə̄e. vīsiiāica. aṣ̌aone. aṣ̌ahe. raϑβe::
Verse: d    aṣ̌aiia. daδąmi. miϑrahe. vouru.gaoiiaotōiš.2
Verse: e          hazaŋrō.gaoṣ̌ahe. baēuuarə.caṣ̌manō.
Verse: f          aoxtō.nāmanō. yazatahe.
Verse: g       rāmanō. xvāstrahe.::

Paragraph: 3  {= Y. 7,6} zōt̰::
Verse: a    aṣ̌aiia. daδąmi. rapiϑβināi. aṣ̌aone. aṣ̌ahe. raϑβe::
Verse: b    aṣ̌aiia. daδąmi. frādat̰.fṣ̌auue. zaṇtumāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. aṣ̌ahe. vahištahe.
Verse: d       āϑrasca. ahurahe. mazdā̊.::

Paragraph: 4  {= Y. 7,7}
Verse: a    aṣ̌aiia. daδąmi. uzaiieirināi. aṣ̌aone. aṣ̌ahe. raϑβe::
Verse: b    aṣ̌aiia. daδąmi. frādat̰.vīrāi. dāx́iiumāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. bərəzatō. ahurahe. nafəδrō. apąm.
Verse: d       apasca. mazdaδātaiiā̊.::

Paragraph: 5  {= Y. 7,8}
Verse: a    aṣ̌aiia. daδąmi. aiβisrūϑrimāi. aibigaiiāi. aṣ̌aone. aṣ̌ahe. raϑβe::
Verse: b    aṣ̌aiia. daδąmi. frādat̰.vīspąm.hujiiātə̄e. zaraϑuštrōtəmāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. aṣ̌āunąm. frauuaṣ̌inąm.
Verse: d       γənąnąmca. vīrō.vąϑβanąm.
Verse: e       yāiriiaiiā̊sca. huṣ̌itōiš.
Verse: f       amaheca. hutāštahe. huraoδahe.
Verse: g       vərəϑraγnaheca. ahuraδātahe.
Verse: h       vanaiṇtiiā̊sca. uparatātō.::

Paragraph: 6  {= Y. 7,9}
Verse: a    aṣ̌aiia. daδąmi. uṣ̌ahināi. aṣ̌aone. aṣ̌ahe. raϑβe::
Verse: b    aṣ̌aiia. daδąmi. bərəjiiāi. nmāniiāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. sraoṣ̌ahe. aš́iiehe. aṣ̌iuuatō. vərəϑrājanō. frādat̰.gaēϑahe.
Verse: d       raṣ̌naoš. razištahe.
Verse: e       arštātasca. frādat̰.gaēϑaiiā̊. varədat̰.gaēϑaiiā̊.::

Paragraph: 7  {= Y. 7,10}
Verse: a    aṣ̌aiia. daδąmi. māhiiaēibiiō. aṣ̌ahe. ratubiiō::
Verse: b       aṇtarəmā̊ŋhāi. aṣ̌aone. aṣ̌ahe. raϑβe::
Verse: c    aṣ̌aiia. daδąmi. pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.::

Paragraph: 8  {= Y. 7,11}
Verse: a    aṣ̌aiia. daδąmi. yāiriiēibiiō. aṣ̌ahe. ratubiiō::
Verse: b       maiδiiōizarəmaiiāi. aṣ̌aone. aṣ̌ahe. raϑβe::
Verse: c    aṣ̌aiia. daδąmi. maiδiiōiṣ̌əmāi. aṣ̌aone. aṣ̌ahe. raϑβe::
Verse: d    aṣ̌aiia. daδąmi. paitišhahiiāi. aṣ̌aone. aṣ̌ahe. raϑβe::
Verse: e    aṣ̌aiia. daδąmi. aiiāϑrimāi. fraouruuaēštrimāi. varṣ̌niharštāica. aṣ̌aone. aṣ̌ahe. raϑβe::
Verse: f    aṣ̌aiia. daδąmi. maiδiiāiriiāi. aṣ̌aone. aṣ̌ahe. raϑβe::
Verse: g    aṣ̌aiia. daδąmi. hamaspaϑmaēdaiiāi. aṣ̌aone. aṣ̌ahe. raϑβe::
Verse: h    aṣ̌aiia. daδąmi. sarəδaēibiiō. aṣ̌ahe. ratubiiō.::

Paragraph: 9  {= Y. 7,12}
Verse: a    aṣ̌aiia. daδąmi. vīspaēibiiō. aēibiiō. ratubiiō.
Verse: b       yōi. həṇti. aṣ̌ahe. ratauuō. ϑraiiasca. ϑrisąsca. nazdišta. pairišhāuuanaiiō.
Verse: c       yōi. həṇti. aṣ̌ahe. yat̰. vahištahe. mazdō.frasāsta. zaraϑuštrō.fraoxta.::

Paragraph: 10  {= Y. 7,13}
Verse: a    aṣ̌aiia. daδąmi. ahuraēibiia. miϑraēibiia. bərəzaṇbiia. aiϑiiajaŋhaēibiia. aṣ̌auuanaēibiia.
Verse: b       stārąmca. spəṇtō.mainiiauuanąm. dāmanąm.
Verse: c       tištriieheca. stārō. raēuuatō. xvarənaŋuhatō.
Verse: d       mā̊ŋhaheca. gaociϑrahe.
Verse: e       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: f       miϑrahe. dax́iiunąm. daiŋ́hupatōiš::
Verse: g    aṣ̌aiia. daδąmi.
Verse: h       (rōz.) ahurahe. mazdā̊. raēuuatō. xvarənaŋuhatō::
Verse: i    aṣ̌aiia. daδąmi.
Verse: j       (māh.) aṣ̌āunąm. frauuaṣ̌inąm.::

Paragraph: 11  {= Y. 7,14}
Verse: a    aṣ̌aiia. daδąmi. tauua. āϑrō. ahurahe. mazdā̊. puϑra.
Verse: b       mat̰. vīspaēibiiō. ātərəbiiō::
Verse: c    aṣ̌aiia. daδąmi. aiβiiō. vaŋuhibiiō.
Verse: d       vīspanąmca. apąm. mazdaδātanąm.
Verse: e       vīspanąmca. uruuaranąm. mazdaδātanąm.

Paragraph: 12  {= Y. 7,15}
Verse: a    aṣ̌aiia. daδąmi. mąϑrahe. spəṇtahe. aṣ̌aonō. vərəziiaŋuhahe.
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.
Verse: e       daēnaiiā̊. vaŋhuiiā̊. māzdaiiasnōiš.::

Paragraph: 13  {= Y. 7,16}
Verse: a    aṣ̌aiia. daδąmi. garōiš. uṣ̌idarənahe. mazdaδātahe. aṣ̌axvāϑrahe.
Verse: b       vīspaēṣ̌ąmca. gairinąm. aṣ̌axvāϑranąm. pouru.xvāϑranąm. mazdaδātanąm.
Verse: c       kāuuaiieheca. xvarənaŋhō. mazdaδātahe.
Verse: d       axvarətaheca. xvarənaŋhō. mazdaδātahe::
Verse: e    aṣ̌aiia. daδąmi. aṣ̌ōiš. vaŋhuiiā̊.
Verse: f       cistōiš. vaŋhuiiā̊.
Verse: g       ərəϑə̄. vaŋhuiiā̊.
Verse: h       rasąstātō. vaŋhuiiā̊.
Verse: i       xvarənaŋhō. sauuaŋhō. mazdaδātahe.::

Paragraph: 14  {= Y. 7,17}
Verse: a    aṣ̌aiia. daδąmi. dahmaiiā̊. vaŋhuiiā̊. āfritōiš.
Verse: b       dahmaheca. narš. aṣ̌aonō.
Verse: c       uγraheca. taxmahe. dāmōiš. upamanahe. yazatahe.::

Paragraph: 15  {= Y. 7,18}
Verse: a    aṣ̌aiia. daδąmi. ā̊ŋhąm. asaŋhąmca. ṣ̌ōiϑranąmca. gaoiiaoitinąmca. maēϑananąmca. auuō.xvarənanąmca.
Verse: b       apąmca. zəmąmca. uruuaranąmca.
Verse: c       aiŋ́hā̊sca. zəmō.
Verse: d       auuaiŋ́heca. aṣ̌nō.
Verse: e       vātaheca. aṣ̌aonō.
Verse: f       strąm. mā̊ŋhō. hūrō. anaγranąm. raocaŋhąm. xvaδātanąm.
Verse: g       vīspanąmca. spəṇtahe. mainiiə̄uš. dāmanąm.
Verse: h          aṣ̌aonąm. aṣ̌aoninąmca.
Verse: i       aṣ̌ahe. raϑβąm.::

Paragraph: 16  {= Y. 7,19}
Verse: a    aṣ̌aiia. daδąmi. raϑβō. bərəzatō. yō. aṣ̌ahe::
Verse: b       raϑβąm. aiiaranąmca. asniianąmca.
Verse: c       māhiianąmca. yāiriianąmca. sarəδanąmca.
Verse: d          yōi. həṇti. aṣ̌ahe. ratauuō::
Verse: e       hāuuanōiš. raϑβō.::

Paragraph: 17 
Verse: a    aṣ̌aiia. daδąmi. (zōt̰. u. rāspī::) imąm. zaoϑrąm.
Verse: b       haomauuaitīm. gaomauuaitīm.
Verse: c       haδānaēpatauuaitīm.
Verse: d       aṣ̌aiia. uzdātąm.
Verse: e          tauua. ahurāne.1 ahurahe.
{= Y. 22,23}
Verse: f       2xṣ̌nūmaine. ahurahe. mazdā̊. raēuuatō. xvarənaŋuhatō.3
Verse: g          aməṣ̌anam. spəṇtanąm.
Verse: h          miϑrahe. vouru.gaoiiaotōiš.
Verse: i          rāmanasca. xvāstrahe::

Paragraph: 18  {= Y. 22,24-26}
Verse: Q1a       huuarəxṣ̌aētahe. aməṣ̌ahe. raēuuahe. auruuat̰.aspahe::
Verse: Q1b       vaiiaoš. uparō.kairiiehe. taraδātō. aniiāiš. dāmąn::
Verse: Q1c    *aētat̰. tē. vaiiō. yat̰. tē. asti. spəṇtō.mainiiaom::*
Verse: Q1d       razištaiiā̊. cistaiiā̊. mazdaδātaiiā̊. aṣ̌aoniiā̊.
Verse: Q1e       daēnaiiā̊. vaŋhuiiā̊. māzdaiiasnōiš::

Verse: Q2f       mąϑrahe. spəṇtahe. aṣ̌aonō. vərəziiaŋuhahe.
Verse: Q2g       dātahe. vīdaēuuahe.
Verse: Q2h       dātahe. zaraϑuštrōiš.
Verse: Q2i       darəγaiiā̊. upaiianaiiā̊.
Verse: Q2j       daēnaiiā̊. vaŋhuiiā̊. māzdaiiasnōiš.
Verse: Q2k       zarazdātōiš. mąϑrahe. spəṇtahe.
Verse: Q2l       *uṣ̌i.darəϑrəm. daēnaiiā̊. māzdaiiasnōiš.
Verse: Q2m       vaēδīm. mąϑrahe. spəṇtahe::*
Verse: Q2n       āsnahe. xraϑβō. mazdaδātahe. gaoṣ̌ō.srūtahe.
Verse: Q2o       xraϑβō. mazdaδātahe::

Verse: Q3p       āϑrō. ahurahe. mazdā̊. *puϑra.
Verse: Q3q    tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::
Verse: Q3r       garōiš. uṣ̌i.darənahe. mazdaδātahe. aṣ̌axvāϑrahe::

Paragraph: 19  {= Y. 22,27}
Verse: Q1a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: Q1b       aṣ̌āunąm. frauuaṣ̌inąm. uγranąm. aiβiϑūranąm.
Verse: Q1c       paoiriiō.t̰kaēṣ̌anąm. frauuaṣ̌inąm.
Verse: Q1d       nabānazdištanąm. frauuaṣ̌inąm::
Verse: Q1e       aoxtō.nāmanō. yazatahe.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.