TITUS
Avestan Corpus
Part No. 69
Previous part

Chapter: 68 
Paragraph: 1 
Verse: a    aētat̰. tē. ahurāne.1 ahurahe. aiŋ́he.2 auuaiiąm.3 ^dąnmahi.4
Verse: b       yat̰.5 ϑβā. diduuīṣ̌ma::6
Verse: c    aēṣ̌a. zaoϑra.7 paiti.jamiiāt̰.8
Verse: d       tauua. ahurāne.9 ahurahe.
Verse: e       haomauuaiti. gaomauuaiti. haδānaēpatauuaiti.

Paragraph: 2 
Verse: a    xṣ̌uuīδaēca. āzūtaiiaēca. 1māuuaiiaca. zaoϑre.2 paiti.jamiiā̊.3
Verse: b       dasuuarə.4 baēṣ̌azāica.
Verse: c       fradaiϑe.5 varədaϑāica.
Verse: d       hauuaŋhe.6 aṣ̌auuastāica.
Verse: e       haosrauuaŋhe.7 huruniiāica.
Verse: f       vərəϑraγne. frādat̰.gaēϑāica.

Paragraph: 3 
Verse: a    yazamaide. ϑβā. ahurāne.1 ahurahe.
Verse: b       vaŋhə̄uš. manaŋhō. zaoϑrābiiō.
Verse: c    yazamaide. ϑβā. ahurāne.1 ahurahe.
Verse: d       vaŋhə̄uš. uxδahe. zaoϑrābiiō.
Verse: e    yazamaide. ϑβā. ahurāne.1 ahurahe.
Verse: f       vaŋhə̄uš. š́iiaoϑnahe.2 zaoϑrābiiō.

Paragraph: 4 
Verse: a          sūkāi. manaŋhe.1
Verse: b          sūkāi. vacaŋhe.1
Verse: c          sūkāi. š́iiaoϑnahe.2
Verse: d          hauuaŋhāi.3 urune.
Verse: e          fradaϑāi. gaēϑanąm.
Verse: f          hauuaŋhāi.3 aṣ̌auuastanąm.

Paragraph: 5 
Verse: a    dāiiā̊. mē.1 ahurāne.2 ahurahe.
Verse: b       vahištəm. ahūm. aṣ̌aonąm.3 raocaŋhəm. vīspō.xvāϑrəm::
Verse: c    dāiiā̊.mē.1 ahurāne.4 ahurahe.
Verse: d       nairiiąm. āsnąm. frazaṇtīm.5
Verse: e          yā. mē.6 frāδaiiāt̰.7
Verse: f             nmānəmca. vīsəmca. zaṇtūmca. dax́iiūmca. daiŋ́husastīmca.8

Paragraph: 6 
Verse: a    ϑβąm. ahurānīm. yazamaide::
Verse: b    zraiiō.1 vouru.kaṣ̌əm. yazamaide::
Verse: c    vīspā̊sca. āpō. yazamaide.
Verse: d       yā̊.2 zəmā. armaēštā̊.3 frātat̰.caratasca.4
Verse: e          xąiiā̊.5 ϑraotō.stātasca.6
Verse: f          parṣ̌uiiā̊. vairiiā̊sca.7

Paragraph: 7 
Verse: a       ana. yasnāat̰ca.1 vahmāat̰ca.1
Verse: b       yaϑa. ā̊ŋhąm. asti. dāitiiōtəmō.2 yasnasca. vahmasca.
Verse: c          aṣ̌āt̰. haca. yat̰. vahištāt̰.
Verse: d    āpō. vaŋuhīš.3 vahištā̊. mazdaδātā̊. aṣ̌aonīš. yazamaide::
Verse: e    apąm. vaŋuhīnąm.4 yazamaide::

Paragraph: 8 
Verse: a    1xṣ̌uuīδa. āzūiti.2 yazamaide.
Verse: b       tacat̰.āpa.3 uxṣ̌iiat̰.uruuara.4
Verse: c       āzōiš.5 daēuuō.dātahe. hamōistri.6
Verse: d          auuaiŋ́hā̊.7 mūš.
Verse: e          auuaiŋ́hā̊.7 pairikaiiāi.8
Verse: f             paitištātaiiaēca. paitiscaptaiiaēca.9
Verse: g             paititarətaiiaēca.10 paitiiaogət̰.t̰baēṣ̌ahiiāica.11
Verse: h          aṣ̌əmaoγaheca. anaṣ̌aonō.
Verse: i          sāstraheca.12 pouru.mahrkahe.
Verse: j             paitištātə̄e.
Verse: k          daēuuaheca. t̰baēṣ̌aŋhō. maš́iieheca.13

Paragraph: 9  zōt̰. u. rāspī::
Verse: a    surunuiiā̊. nō.1 yasnəm. ahurāne.2 ahurahe.
Verse: b    xṣ̌nuiiā̊. nō.3 yasnəm. ahurāne.2 ahurahe:: ..
Verse: c    zōt̰:: upa. nō.4 yasnəm. āhīṣ̌a::5
Verse: d    āca. nō.6 jamiiā̊.7 auuaŋhe.8
Verse: e       aš.yeštica.9 huiieštica.
Verse: f       hufrabərətica.10 zaoϑranąm.

Paragraph: 10 
Verse: a       yō. vō. āpō.1 vaŋuhīš.2 yazāite.3 ahurānīš. ahurahe.
Verse: b          vahištābiiō. zaoϑrābiiō.
Verse: c          sraēštābiiō. zaoϑrābiiō.
Verse: d          dahmō.pairi.aŋharštābiiō.4 zaoϑrābiiō.

Paragraph: 11 
Verse: a       1ahmāi. raēšca. xvarənasca.
Verse: b       ahmāi. tanuuō. druuatātəm.
Verse: c       ahmāi. tanuuō. vazduuarə.2
Verse: d       ahmāi. tanuuō. vərəϑrəm.
Verse: e       ahmāi. īštīm. pouruš.xvāϑrąm.3
Verse: f       ahmāi. āsnąmcit̰. frazaṇtīm.4
Verse: g       ahmāi. darəγąm.5 darəγō.jītīm.6
Verse: h       ahmāi. vahištəm. ahūm.7 aṣ̌aonąm. raocaŋhəm. vīspō.xvāϑrəm.

Paragraph: 12 
Verse: a    dāiiata. vaŋuhīš.1 āpō.2
Verse: b       māuuaiiaca. zaoϑre. yazəmnāi.
Verse: c       ahmākəmca. mazdaiiasnanąm. frāiiazəmnanąm.
Verse: d          haṣ̌ąmca. hāuuištanąmca.3
Verse: e          aēϑrapaitinąmca. aēϑriianąmca.
Verse: f          narąmca. nāirinąmca.
Verse: g          apərənāiiūkanąmca.4 kainikanąmca.
Verse: h          vāstriiāuuarəzanąmca.5

Paragraph: 13 
Verse: a          yōi. vaŋhaϑra.1 framaniieiṇte.2
Verse: b             vītarə.ązahiieheca.3 paiti.4
Verse: c             vītarə.t̰baēṣ̌ahiieheca.5 pairi.
Verse: d                haēnaiiā̊sca.6 vōiγnāuiiō.7
Verse: e                auruuaϑaēibiiasca.8 parō. t̰biṣ̌iiaṇbiiō.9
Verse: f       razištahe.10 paϑō. aēṣ̌əmca. vaēδəmca.11
Verse: g          yō.12 asti. razištō. ā. aṣ̌āt̰.13
Verse: h       vahištəmca.14 ahūm. aṣ̌aonąm.15 raocaŋhəm. vīspō.xvāϑrəm.


zōt̰. u. rāspī::

Verse: Q1Aa    yaϑā. ahū. vairiiō. (du. bār.)   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Paragraph: 14  zōt̰::
Verse: a    huṣ̌iti.1 rāmō.ṣ̌iti.2 darəγō.ṣ̌iti.2
Verse: b       ite.3 vīse. āfrīnāmi.4
Verse: c          yahmat̰.5 haca. imā̊. zaoϑrā̊::
Verse: d    huṣ̌iti.6 rāmō.ṣ̌iti.7 darəγō.ṣ̌iti.7
Verse: e       vīspaiiāi.8 vīse.9 māzdaiiasne.10 āfrīnāmi::11
Verse: f    hubərəti. ušta.bərəti. vaṇta.bərəti.
Verse: g       ātarš. āfrīnāmi::11
Verse: h    huiiešti.12 tauua. ahurāne.13 āfrīnāmi.::

Paragraph: 15 
Verse: a    rāma. xvāstrəm.1 aiŋ́hā̊.2 daiŋ́hə̄uš.3 āfrīnāmi::
Verse: b    dasuuarə. baēṣ̌aza.4 āfrīnāmi.
Verse: c       yūṣ̌mākəm. dahmanąm. narąm. aṣ̌aonąm::
Verse: d    vīspe.5 āfrīnāmi. kə.6 asti. vohu.7 aṣ̌auua.
Verse: e          aṇtarə.8 ząm. asmanəmca.
Verse: f       hazaŋrəm.9 baēṣ̌azanąm.
Verse: g       baēuuarə. baēṣ̌azanąm.::

Paragraph: 16  {= Y. 52,5}
Verse: Q1a    1vasasca. tū. ahura. mazda. uštāca. xṣ̌aēṣ̌a. hauuanąm. dāmanąm::
Verse: Q1b       vasō. āpō.
Verse: Q1c       vasō. uruuarā̊.
Verse: Q1d       vasō. vīspa. vohū. aṣ̌acīϑra.
Verse: Q1e    xṣ̌aiiamnəm. aṣ̌auuanəm. dāiiata.
Verse: Q1f       axṣ̌aiiamnəm. druuaṇtəm.::

Paragraph: 17  {= Y. 52,6}
Verse: Q1a    vasō.xṣ̌aϑrō. hiiāt̰. aṣ̌auua::
Verse: Q1b    auuasō.xṣ̌aϑrō. hiiāt̰. druuā̊.
Verse: Q1c       gatō. hamistō. nižbərətō.
Verse: Q1d          *haca. spəṇtahe. mainiiə̄uš. dāmabiiō.
Verse: Q1e       varatō. auuasō.xṣ̌aϑrō.::

Paragraph: 18  {= Y. 52,7}
Verse: Q1a    haxṣ̌aiia. azəmcit̰. yō. zaraϑuštrō.
Verse: Q1b       fratəmą. nmānanąmca. vīsąmca. zaṇtunąmca. dax́iiunąmca.
Verse: Q1c       aiŋ́hā̊. daēnaiiā̊. anumataiiaēca. anuxtaiiaēca. anuuarštaiiaēca.
Verse: Q1d          yā. āhūiriš. zaraϑuštriš.::

Paragraph: 19  {~ Y. 52,8} rāspī::
Verse: Q1a    rauuasca. xvāϑrəmca. āfrīnāmi. vīspaiiā̊. aṣ̌aonō. stōiš::
Verse: Q1b    ązasca. dužāϑrəmca. āfrīnāmi. vīspaiiā̊. druuatō. stōiš.
Verse: Q1c    aϑa.1 jamiiāt̰.
Verse: Q1d       yaϑa.2 āfrīnāmi.

Paragraph: 20  {~ Y. 35,2} zōt̰::
Verse: a    1humatanąm. hūxtanąm. huuarštanąm.
Verse: b    iiadacā. aniiadacā.
Verse: c    vərəziiamnanąmcā.2 vāuuərəzananąmcā.3
Verse: d    mahī. aibī.jarətārō.4 naēnaēstārō.5
Verse: e    yaϑanā.6 vohunąm. mahī. (du. bār.)::
Verse: R1a    humatanąm. hūxtanąm. huuarštanąm.
Verse: R1b    iiadacā. aniiadacā.
Verse: R1c    vərəziiamnanąmcā. vāuuərəzananąmcā.
Verse: R1d    mahī. aibī.jarətārō. naēnaēstārō.
Verse: R1e    yaϑanā. vohunąm. mahī.::

Paragraph: 21 
Verse: a    vaŋuhīm.1 iδāt̰. ādąm.2
Verse: b       vaŋuhīm.3 aṣ̌īm.4
Verse: c          āca. nica. mrūmaide.
{= Y. 38,2-5}
Verse: Q1a    īžā̊. yaoštaiiō.6 fəraštaiiō. ārmataiiō.
Verse: Q1b       vaŋuhīm. ābīš. aṣ̌īm.
Verse: Q1c       vaŋuhīm. īṣ̌əm.
Verse: Q1d       vaŋuhīm. āzūitīm.
Verse: Q1e       vaŋuhīm. frasastīm.
Verse: Q1f       vaŋuhīm. +parəṇdīm. yazamaidē.
Verse: Q2a    āpō. at̰. yazamaidē.
Verse: Q2b       maēkaiṇtīšcā. +hə̄buuaṇtīšcā.
Verse: Q2c       frauuazaŋhō. ahurānīš. ahurahiiā.
Verse: Q2d       +hauuapaŋhā. hupərəϑβā̊scā. vā̊.
Verse: Q2e       huuōγžaϑā̊scā. hūšnāϑrā̊scā.
Verse: Q2f          ubōibiiā. ahubiiā. cagəmā.
Verse: Q3a       ūitī.7 yā. və̄.8 vaŋuhīš.9
Verse: Q3b          ahurō. mazdā̊. +nāmąm. dadāt̰.
Verse: Q3c             vaŋhudā̊. hiiat̰. vā̊. dadāt̰.
Verse: Q3d    tāiš. vā̊. yazamaidē. tāiš. friiąmahī.
Verse: Q3e    tāiš. nəmax́iiāmahī.
Verse: Q3f    tāiš. iṣ̌ūidiiāmahī.
Verse: Q4a    apascā. vā̊.
Verse: Q4b       azīšcā. vā̊.
Verse: Q4c       mātərąšcā. vā̊.
Verse: Q4d       agəniiā̊.
Verse: Q4e       drigudāiiaŋhō. vīspō.paitīš. +āuuaocāmā.
Verse: Q4f       vahištā̊. sraēštā̊.
Verse: Q4g    auuā. və̄. vaŋuhīš. rātōiš.
Verse: Q4h       darəgō.bāzāuš. nāṣ̌ū.
Verse: Q4i       +paitī. +viiādā̊. paitī.sə̄ṇdā̊.
Verse: Q4j       mātarō. jītaiiō. (si. bār.):

Paragraph: 21_R1 
Verse: a    vaŋuhīm. iδāt̰. ādąm.
Verse: b       vaŋuhīm. aṣ̌īm.
Verse: c          āca. nica. mrūmaide.
{= Y. 38,2-5}
Verse: Q1a    īžā̊. yaoštaiiō. fəraštaiiō. ārmataiiō.
Verse: Q1b       vaŋuhīm. ābīš. aṣ̌īm.
Verse: Q1c       vaŋuhīm. īṣ̌əm.
Verse: Q1d       vaŋuhīm. āzūitīm.
Verse: Q1e       vaŋuhīm. frasastīm.
Verse: Q1f       vaŋuhīm. +parəṇdīm. yazamaidē.
Verse: Q2a    āpō. at̰. yazamaidē.
Verse: Q2b       maēkaiṇtīšcā. +hə̄buuaṇtīšcā.
Verse: Q2c       frauuazaŋhō. ahurānīš. ahurahiiā.
Verse: Q2d       +hauuapaŋhā. hupərəϑβā̊scā. vā̊.
Verse: Q2e       huuōγžaϑā̊scā. hūšnāϑrā̊scā.
Verse: Q2f          ubōibiiā. ahubiiā. cagəmā.
Verse: Q3a       ūitī. yā. və̄. vaŋuhīš.
Verse: Q3b          ahurō. mazdā̊. +nāmąm. dadāt̰.
Verse: Q3c             vaŋhudā̊. hiiat̰. vā̊. dadāt̰.
Verse: Q3d    tāiš. vā̊. yazamaidē. tāiš. friiąmahī.
Verse: Q3e    tāiš. nəmax́iiāmahī.
Verse: Q3f    tāiš. iṣ̌ūidiiāmahī.
Verse: Q4a    apascā. vā̊.
Verse: Q4b       azīšcā. vā̊.
Verse: Q4c       mātərąšcā. vā̊.
Verse: Q4d       agəniiā̊.
Verse: Q4e       drigudāiiaŋhō. vīspō.paitīš. +āuuaocāmā.
Verse: Q4f       vahištā̊. sraēštā̊.
Verse: Q4g    auuā. və̄. vaŋuhīš. rātōiš.
Verse: Q4h       darəgō.bāzāuš. nāṣ̌ū.
Verse: Q4i       +paitī. +viiādā̊. paitī.sə̄ṇdā̊.
Verse: Q4j       mātarō. jītaiiō.:

Paragraph: 21_R2 
Verse: a    vaŋuhīm. iδāt̰. ādąm.
Verse: b       vaŋuhīm. aṣ̌īm.
Verse: c          āca. nica. mrūmaide.
{= Y. 38,2-5}
Verse: Q1a    īžā̊. yaoštaiiō. fəraštaiiō. ārmataiiō.
Verse: Q1b       vaŋuhīm. ābīš. aṣ̌īm.
Verse: Q1c       vaŋuhīm. īṣ̌əm.
Verse: Q1d       vaŋuhīm. āzūitīm.
Verse: Q1e       vaŋuhīm. frasastīm.
Verse: Q1f       vaŋuhīm. +parəṇdīm. yazamaidē.
Verse: Q2a    āpō. at̰. yazamaidē.
Verse: Q2b       maēkaiṇtīšcā. +hə̄buuaṇtīšcā.
Verse: Q2c       frauuazaŋhō. ahurānīš. ahurahiiā.
Verse: Q2d       +hauuapaŋhā. hupərəϑβā̊scā. vā̊.
Verse: Q2e       huuōγžaϑā̊scā. hūšnāϑrā̊scā.
Verse: Q2f          ubōibiiā. ahubiiā. cagəmā.
Verse: Q3a       ūitī. yā. və̄. vaŋuhīš.
Verse: Q3b          ahurō. mazdā̊. +nāmąm. dadāt̰.
Verse: Q3c             vaŋhudā̊. hiiat̰. vā̊. dadāt̰.
Verse: Q3d    tāiš. vā̊. yazamaidē. tāiš. friiąmahī.
Verse: Q3e    tāiš. nəmax́iiāmahī.
Verse: Q3f    tāiš. iṣ̌ūidiiāmahī.
Verse: Q4a    apascā. vā̊.
Verse: Q4b       azīšcā. vā̊.
Verse: Q4c       mātərąšcā. vā̊.
Verse: Q4d       agəniiā̊.
Verse: Q4e       drigudāiiaŋhō. vīspō.paitīš. +āuuaocāmā.
Verse: Q4f       vahištā̊. sraēštā̊.
Verse: Q4g    auuā. və̄. vaŋuhīš. rātōiš.
Verse: Q4h       darəgō.bāzāuš. nāṣ̌ū.
Verse: Q4i       +paitī. +viiādā̊. paitī.sə̄ṇdā̊.
Verse: Q4j       mātarō. jītaiiō.:

Paragraph: 21 
Verse: a    jaiδiiamnā̊.10 nō. yūžəm. dasta.
Verse: b       xṣ̌aiiamnā̊. raēšca.11 xvarənasca.
Verse: c    āpō. dasta. nō. təm.12 yānəm.
Verse: d       yō. yūṣ̌mat̰. parō. frauuistō.13

Paragraph: 22  zōt̰. u. rāspī::
Verse: a    1nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. miϑrāi. vouru.gaoiiaoitə̄e.
Verse: d    nəmō. huuarəxṣ̌aētāi. auruuat̰.aspāi.
Verse: e    nəmō. ābiiō. dōiϑrābiiō.
Verse: f       yā̊.2 ahurahe. mazdā̊.
Verse: g    nəmō. gə̄uš.
Verse: h    nəmō. gaiiehe.
Verse: i    nəmō. zaraϑuštrahe. spitāmahe. aṣ̌aonō. frauuaṣ̌ə̄e.
Verse: j    nəməm.3 vīspaiiā̊. aṣ̌aonō. stōiš.
Verse: k       haiϑiiāica. bauuąiϑiiāica. būš́iiąiϑiiāica.4


Paragraph: 23  {~ Y. 33,10}
Verse: Q1Aa    1vohū. uxṣ̌iiā.2 manaŋhā.   xṣ̌aϑrā. aṣ̌ācā.3 uštā. tanūm::4 (si. bār.)

Verse: Q1Ba    vohū. uxṣ̌iiā. manaŋhā.   xṣ̌aϑrā. aṣ̌ācā. uštā. tanūm::

Verse: Q1Ca    vohū. uxṣ̌iiā. manaŋhā.   xṣ̌aϑrā. aṣ̌ācā. uštā. tanūm::


{~ Y. 36,6}
Verse: Q2Aa    5imā. raocā̊.
Verse: Q2Ab       barəzištəm. barəzimanąm.6 (si. bār.)::

Verse: Q2Ba    imā. raocā̊.
Verse: Q2Bb       barəzištəm. barəzimanąm.

Verse: Q2Ca    imā. raocā̊.
Verse: Q2Cb       barəzištəm. barəzimanąm.


{~ Y. 43,6}
Verse: Q3Aa    7yahmī. spəṇtā.   ϑβā. mainiiū. uruuaēsē. jasō. (si. bār.)::

Verse: Q3Ba    yahmī. spəṇtā.   ϑβā. mainiiū. uruuaēsē. jasō.

Verse: Q3Ca    yahmī. spəṇtā.   ϑβā. mainiiū. uruuaēsē. jasō.


Verse: Q4Aa    aṣ̌əm. vohū. vahištəm. astī::
Verse: Q4Ab    uštā. astī. uštā. ahmāi.
Verse: Q4Ac    hiiat̰.8 aṣ̌āi. vahištāi. aṣ̌əm.:: (si. bār.)

Verse: Q4Ba    aṣ̌əm. vohū. vahištəm. astī::
Verse: Q4Bb    uštā. astī. uštā. ahmāi.
Verse: Q4Bc    hiiat̰. aṣ̌āi. vahištāi. aṣ̌əm.::

Verse: Q4Ca    aṣ̌əm. vohū. vahištəm. astī::
Verse: Q4Cb    uštā. astī. uštā. ahmāi.
Verse: Q4Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q5a    9frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō::
Verse: Q5b       hāuuanə̄e. aṣ̌aone. aṣ̌ahe. raϑβe.
Verse: Q5c          yasnāica. vahmāica. xṣ̌naoϑrāica. frasastaiiaēca::
Verse: Q5d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q5e          yasnāica. vahmāica. xṣ̌naoϑrāica. frasastaiiaēca::
Verse: Q5f       raϑβąm. aiiaranąmca. asniianąmca.
Verse: Q5g          māhiianąmca. yāiriianąmca. sarəδanąmca.
Verse: Q5h             yasnāica. vahmāica. xṣ̌naoϑrāica. (rāspī::) frasastaiiaēca.::

{= Y. 3,25}
Verse: Q6a    zōt̰:: yaϑā. ahū. vairiiō. zaotā.
Verse: Q6b       frā.mē. mrūtē::
Verse: Q6c    rāspī:: yaϑā. ahū. vairiiō.
Verse: Q6d       yō. zaotā. frā.mē. mrūtē::
Verse: Q6e    zōt̰:: aϑā. ratuš. aṣ̌āt̰cīt̰. haca.
Verse: Q6f       frā. aṣ̌auua. vīδuuā̊. mraotū.::::


Paragraph: 24  {~ Y. 47,0-6} zōt̰. u. rāspī::
Verse: Q0a    1nəmō. və̄. gāϑā̊. aṣ̌aonīš::

Verse: Q1Aa    spəṇtā. mainiiū.   vahištācā. manaŋhā.
Verse: Q1Ab    hacā. aṣ̌āt̰.   š́iiaoϑanācā. vacaŋhācā.
Verse: Q1Ac    ahmāi. dąn.   hauruuātā. amərətātā.
Verse: Q1Ad    mazdā̊. xṣ̌aϑrā.   ārmaitī. ahurō. (du. bār.)

Verse: Q1Ba    spəṇtā. mainiiū.   vahištācā. manaŋhā.
Verse: Q1Bb    hacā. aṣ̌āt̰.   š́iiaoϑanācā. vacaŋhācā.
Verse: Q1Bc    ahmāi. dąn.   hauruuātā. amərətātā.
Verse: Q1Bd    mazdā̊. xṣ̌aϑrā.   ārmaitī. ahurō.

zōt̰::

Verse: Q2a    ahiiā. maniiə̄uš.2   spə̄ništahiiā. vahištəm.
Verse: Q2b    hizuuā.3 uxδāiš.   vaŋhə̄uš. ə̄əānū. manaŋhō.
Verse: Q2c    ārmatōiš.   zastōibiiā. š́iiaoϑanā. vərəziiat̰.
Verse: Q2d    ōiiā. cistī:   huuō. patā. aṣ̌ahiiā. mazdā̊.:: (..)

Verse: Q3a    ahiiā. maniiə̄uš.   tuuə̄m. ahī. tā. spəṇtō.
Verse: Q3b    yə̄. ahmāi. gąm.   rāniiō.skərətīm. hə̄m.taṣ̌at̰.
Verse: Q3c    at̰. hōi. vāstrāi.   rāmā.dā̊. ārmaitīm.
Verse: Q3d    hiiat̰. hə̄m. vohū.   mazdā. hə̄mə.fraštā. manaŋhā.

Verse: Q4a    ahmāt̰. maniiə̄uš.   rārəš́iieiṇtī. drəguuaṇtō.
Verse: Q4b    mazdā. spəṇtāt̰.   nōit̰. iϑā. aṣ̌āunō.
Verse: Q4c    kasə̄ušcīt̰. nā.   aṣ̌āunē. kāϑē. aŋhat̰.
Verse: Q4d    isuuācīt̰. hąs.   paraoš. akō. drəguuāitē.

Verse: Q5a    tācā. spəṇtā.   mainiiū. mazdā. ahurā.
Verse: Q5b    aṣ̌āunē. cōiš.   yā. zī. cīcā. vahištā.
Verse: Q5c    hanarə̄. ϑβahmāt̰.   zaoṣ̌āt̰. drəguuā̊. baxṣ̌aitī.
Verse: Q5d    ahiiā. š́iiaoϑanāiš.   akāt̰. āš́iiąs. manaŋhō.

Verse: Q6a    tā. dā̊. spəṇtā.   mainiiū. mazdā. ahurā.
Verse: Q6b    āϑrā. vaŋhāu.   vīdāitīm. rānōibiiā.
Verse: Q6c    ārmatōiš.   dəbązaŋhā. aṣ̌ax́iiācā.
Verse: Q6d    hā. zī. pourūš.   iṣ̌əṇtō. vāurāitē.

zōt̰. u. rāspī::

Verse: Q7Aa    spəṇtā. mainiiū. (du. bār.)   vahištācā. manaŋhā.
Verse: Q7Ab    hacā. aṣ̌āt̰.   š́iiaoϑanācā. vacaŋhācā.
Verse: Q7Ac    ahmāi. dąn.   hauruuātā. amərətātā.
Verse: Q7Ad    mazdā̊. xṣ̌aϑrā.   ārmaitī. ahurō.

Verse: Q7Ba    spəṇtā. mainiiū.   vahištācā. manaŋhā.
Verse: Q7Bb    hacā. aṣ̌āt̰.   š́iiaoϑanācā. vacaŋhācā.
Verse: Q7Bc    ahmāi. dąn.   hauruuātā. amərətātā.
Verse: Q7Bd    mazdā̊. xṣ̌aϑrā.   ārmaitī. ahurō.


Verse: Q8Aa    aṣ̌əm. vohū. (si. bār.) vahištəm. astī::
Verse: Q8Ab    uštā. astī. uštā. ahmāi.
Verse: Q8Ac    hiiat̰. aṣ̌āi. vahištāi. aṣ̌əm.::

Verse: Q8Ba    aṣ̌əm. vohū. vahištəm. astī::
Verse: Q8Bb    uštā. astī. uštā. ahmāi.
Verse: Q8Bc    hiiat̰. aṣ̌āi. vahištāi. aṣ̌əm.

Verse: Q8Ca    aṣ̌əm. vohū. vahištəm. astī::
Verse: Q8Cb    uštā. astī. uštā. ahmāi.
Verse: Q8Cc    hiiat̰. aṣ̌āi. vahištāi. aṣ̌əm.::

Verse: Q9a    spəṇtā.mainiiūm.5 hāitīm.6 paitiiāpąm.7 yazamaide.::


Verse: Q10a    8yeŋ́hē. hātąm.   āat̰. yesnē. paitī. vaŋhō.
Verse: Q10b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q10c    tąscā. tā̊scā. yazamaide.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.