TITUS
Avestan Corpus
Part No. 65
Previous part

Chapter: 64 
Paragraph: 1  {= Y. 46,3b} zōt̰::
Verse: a    
1aŋhə̄uš. darəϑrāi.   frō. aṣ̌ahiiā. frārəṇtē.

Paragraph: 2 
{= Y. 50,6}
Verse: a    
1yə̄. mąϑrā.   vācəm.2 mazdā.3 baraitī.
Verse: b    
uruuaϑō. aṣ̌ā.   nəmaŋhā. zaraϑuštrō.
Verse: c    
dātā. xratə̄uš.4   hizuuō. raiϑīm.5 stōi.
Verse: d    
mahiiā. rāzə̄ṇg.   vohū. sāhīt̰. manaŋhā.

Paragraph: 3 
{= Y. 50,7}
Verse: a    
at̰. və̄. yaojā.   zəuuīštiiə̄ṇg.1 auruuatō.2
Verse: b    
jaiiāiš.3 pərəϑūš.4   vahmahiiā. yūṣ̌mākahiiā.
Verse: c    
mazdā. aṣ̌ā.   ugrə̄ṇg. vohū. manaŋhā.
Verse: d    
yāiš. azāϑā.5   mahmāi. x́iiātā. auuaŋhē.6

Paragraph: 4 
{= Y. 50,8} zōt̰. u. rāspī::
Verse: a    
mat̰. ̊. padāiš. (..)   . frasrūtā. īžaiiā̊.
Verse: b    
pairijasāi.1   mazdā. ustānazastō.
Verse: c    
at̰. ̊. aṣ̌ā.   arədrax́iiācā. nəmaŋhā.
Verse: d    
at̰. ̊. vaŋhə̄uš.   manaŋhō. hunarətātā.

Paragraph: 5 
{= Y. 50,9}
Verse: a    
tāiš. ̊. yasnāiš.   paitī.1 stauuas. aiienī.2
Verse: b    
mazdā. aṣ̌ā.   vaŋhə̄uš. š́iiaoϑanāiš. manaŋhō.
Verse: c    
yadā. aṣ̌ōiš.   max́iiā̊. vasə̄. xṣ̌aiiā.3
Verse: d    
at̰. hudānāuš.4   iṣ̌aiiąs.5 gərəzdā. x́iiə̄m.

Paragraph: 6 
{= Y. 50,10}
Verse: a    
at̰. . varəṣ̌ā.   yācā. pairī. āiš. š́iiaoϑanā.1
Verse: b    
yācā. vohū.   caṣ̌mąn.2 arəjat̰.3 manaŋhā.
Verse: c    
raocā̊. xvə̄ṇg.   asnąm. uxṣ̌ā. aēuruš.4
Verse: d    
xṣ̌mākāi. aṣ̌ā.   vahmāi. mazdā. ahurā.

Paragraph: 7 
{= Y. 50,11}
Verse: a    
at̰. və̄. staotā.   aojāi. mazdā. aŋhācā.1
Verse: b    
yauuat̰. aṣ̌ā.2   tauuācā. isāicā.
Verse: c    
dātā. aŋhə̄uš.   arədat̰. vohū. manaŋhā.
Verse: d    
haiϑiiāuuarəštąm.3   hiiat̰. vasnā. fəraṣ̌ōtəməm.4::::



Next part



This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.